吉列牛忌廉烏冬專門店 (百樂中心) (已結業)

。O小姐。滋滋吉列牛vs忌廉烏冬。日常。朋友特登走堂，為咗嘅係要一齊傾偈食個飯😳再搵又搵，梗係搵一間未食過而又好多好評嘅餐廳啦。最後就去咗銅鑼灣百樂中心呢一間食吉列牛嘅餐廳。侍應喺我哋嚟嘅時候已經同我哋講話個冰機壞咗，只有熱嘢飲，嚇死寶寶，以為真係只可以飲熱水，原來仲有汽水！！我哋睇咗好耐，最後決定叫一個套餐二，吉列牛定食再加咖喱忌廉烏冬配雞肉，另外仲叫咗個蛋捲以及芝士單骨雞翼。先講個吉列牛先，呢一個套餐佢入面有好多配料，估唔到醬料方面仲有松露😬吉列牛係要自己擺上板度燒嘅，即係話你鍾意食熟啲又得，鍾意食生的又得再配埋啲汁，好味喎，配埋啲菜、豆腐、Wasabi、湯仲有個飯，加埋都唔係太油膩。味道都唔錯，佢個皮係脆嘅，燒起上嚟嘅時候要小心有啲油會彈到自己個身上面啊。另外一個主食係忌廉咖喱烏冬，完全估唔到呢一碗白雪雪嘅烏冬原來又唔係甜個喎，佢配埋烏冬配埋好多好多雞肉，估唔到又夾喎！同埋個cream係好smooth既，望落去好頂癮，打卡一流🤣蛋捲方面就正常發揮，但係一定要讚嘅就係芝士單骨雞翼！每一隻雞翼都充滿芝士，對於芝士控嚟講，簡直係好似專門而設咁！！配埋冰凍嘅忌廉（下次等佢個冰櫃好返嘅時候再試吓凍飲），一路傾偈一路食嘢，食食吓就食到佢哋打烊了。💁🏻‍♀️整體嚟講嘢食係值得推介嘅，要打卡嘅話忌廉烏冬一定要點，鍾意食牛嘅話呢，吉列牛都要食，我覺得係可以嗌佢個套餐嘅，夾埋都係二百幾蚊，唔夠嘅話仲可以嗌啲小食，我見佢仲有蟹蓋飯、南瓜餅等等。重點係服務唔錯，見我哋傾偈傾咁耐都冇催我哋走，今次咁樣嘅服務態度已經好難得👍🏻要支持一下。…查看更多

好耐之前都食過依間店既其他分店，但係好耐冇食，印象中都好食，所以今次再試下😝吉列牛定食😋依間貴啲店舖都主打係將半熟吉列牛上菜之後，由客人再因應自己中意既生熟程度放落熱石爐再煎熟佢。今次我叫呢個其實吉列外皮都做得唔錯，冇散開。但係肉方面嘅嘢有啲筋同埋好多塊未切得開，呢個係美中不足。但係食落去味道都係有好香嘅牛味👍🏻咖喱忌廉烏冬之前，我記得呢個烏冬都真係幾好食同埋印象最深刻，忌廉味好香。但係今次呢一餐有少少失望，就係味道嗰方面有啲缺乏咖喱味同埋太多水，亦都唔夠忌廉嘅香味。秘製蛋捲👍🏻反而呢個蛋捲，我覺得都真係幾出色，芝士拉絲，熱辣辣，配埋個醬汁係夾既👍🏻…查看更多

今日放假嚟老銅搵晏晝食嚟咗呢間好多年介紹嘅吉列牛忌廉烏冬專門店雖然食嘅嘢好日系 但其實係韓國餐廳嚟🇰🇷本豬同朋友最想試吉列牛同烏冬🐮🍜所以就直叫咗個$256嘅套餐包哂兩樣✌🏻✧ 吉列牛定食未起菜之前侍應哥哥會幫手起定火再加上周圍都好香燒牛味(≧∀≦)ゞ期待感🆙🆙🆙主角牛一上本豬就急不及待擺上熱石燒嚟試因為啲牛好pink💓而且切得好多塊望落好滿足🐄燒落嗰重jaja聲正到(●´ω｀●)咬落好腍 亦都有啲部位比較多筋韌少少吉列嘅麵包糠亦好脆兩種口感加埋一脆一軟好夾的～套餐除咗有牛仲有胡麻醬沙律菜🥗、蕃茄🍅同胡麻醬豆腐🤍可以中和到牛扒嘅肥膩～醬汁有黑松露醬牛油、wasabi味嘅沙律醬、酸酸地嘅酸油同埋wasabi有各種選擇啱哂同朋友share👯‍♀️✧ 咖哩忌廉雞肉烏冬唔知大家有冇食過佐敦肉肉烏冬？比起上嚟呢個雖然冇薯蓉🥔但個忌廉就打得light好多不過要注意快啲影相📸因為啲bubbles會慢慢溶🫧個烏冬食落好腍🍜而且個咖喱味唔係求其落醬而係同個烏冬一齊煮🥘所以一夾起就睇到好啡 食落好入味🤎另外仲有雞肉🐥、菇🍄、西蘭花做配菜🥦✧ 紫薯Latte（跟餐+$25)當日本身想試抹茶Latte但賣哂🍵意外試到呢個紫薯Latte紫薯fans應該會好開心💜奶嘅比例亦偏多🥛✧ Rose Garden（跟餐+$18）呢杯本豬同朋友都覺得好有驚喜❗️飲落係好重玫瑰花香味甜甜地嘅梳打🥤Toppings放咗幾粒花乾影相更靚🌹🩷粉粉地同紫薯Latte 都好滿足到少女心🦄📸…查看更多

餐廳大有名堂，用特許經營方式將韓國著名吉列牛專門店Kobekyu品牌帶嚟香港，今次試咗吉列牛定食套餐，配雞肉咖哩忌廉烏冬，叫埋小食鹹蛋黃薯條。鹹蛋薯條將粗身波浪薯條炸至非常香脆，仲有好多鹹蛋黃碎，非常邪惡。吉列牛定食用左脂肪適中既美國牛裡脊肉，吉列牛加左炸粉、調味炸至大約三成熟上枱，另外店家會另外提供小火爐燒熱既石板，客人可以根據自己鍾意嘅生熟度加熱吉列牛。吉列牛外皮非常酥脆，肉質軟嫩，仲可以點wasabi 和豉油或蒜味沙律醬一齊食。雞肉咖哩忌廉烏冬一上枱已經見到忌廉好似白色嘅雲，忌廉加入左少量薯仔蓉，非有蓬鬆感，麵質用咗彈牙嘅讚歧烏冬，配料洋葱、牛肉，西蘭花用埋咖喱炒香，將忌廉同埋咖喱撈埋一齊食，口味創新之餘非常好味。…查看更多

去時代廣場果邊，好似淨係識係food court 搵食😅，今次行去後街百樂中心，果度原來好多食店😯，真係大鄉理🙈。見到有個忌廉烏冬😳，好得意，咁就試下啦😆。(套餐2)吉列牛定食 $256🧆吉列牛定食吉列唔係平時食開好厚好鬆果啲，佢個炸漿有調味，牛有牛味。吉列牛嚟到要自己再係爐仔度煎一煎。自己決定生熟度，啱晒同人share，鐘意生啲又得，鐘意全熟都得😆。🍜咖哩忌廉烏冬--雞肉好期待忌廉烏冬，外型好滑溜，白雪雪，原來咖哩係下面。日式咖喱本身唔辣，配上忌廉比想像中夾，淡淡嘅咖哩伴烏冬，無平時食咖哩果種濃烈感，反而清淡易入口，唔覺意湯都飲晒😋。🍹套餐有飲品可樂，忌廉🥚小食叫左秘製蛋卷 $68芝士控必叫，好味😋。蛋皮薄身，入面包住厚厚嘅芝士，即食時唔覺有拉絲，蛋香加埋溶芝士係絕配，涼左食有拉絲~😍。如果蛋再厚啲，我諗會更好食🤤。💚題外話：有位著西裝嘅哥哥仔送餐，而且上菜好有高級餐廳感，有禮又友善，同另一位員工衣著好大對比🤣🤭。📍吉列牛忌廉烏冬專門店 (百樂中心)銅鑼灣耀華街3號百樂中心22樓…查看更多

呢間銅鑼灣吉列牛喺公司附近，同事說想吃就一起去了，質素竟然有驚喜。吉列牛套餐有沙律、麻醬冷豆腐、麵豉湯、飯素飯同埋一份吉列牛，再配一罐汽水。吉列牛上枱時只係炸熟表面，內裏可以算是全生的。鐵板夠晒熱，煎到最後一塊都好有火，我就鐘意食熟啲，煎到2邊金黃，煎之前見到塊牛都偏向瘦肉多過油脂，以為會韌，點知食落有驚喜，肉質軟嫩，有肉汁，有牛味，連醬汁都不用沾，好好送飯。煎下煎下，都有成11塊，食到好飽，非常滿足，同事果然沒有介紹錯😋…查看更多

餐廳：吉列牛忌廉烏冬專門店地點：銅鑼灣耀華街菜式：韓國野（吉列牛忌廉烏冬）餐牌：午餐，主食，Combo，釜飯，涮涮鍋，小食同飲品。落單用QR code。基本上落完即刻就有得食啦。招牌吉列牛定食包吉列牛定食同咖哩忌廉烏冬等等，價錢$256另加一。吉列牛定食吉列牛擺得靚靚，一共有兩大塊切成15細件，方便自己再加熱。吉列牛既吉列外皮炸得香脆，牛肉入面大概三成熟，然後可以自己喺枱上爐仔燒到自己鍾意嘅熟度先入口。我先試試唔洗燒先，食落都外脆內嫩，好易咬開，好好味，加埋蒜蓉mayo一齊食，口感更滑溜，正。燒熟d先食都得呀。除左蒜蓉mayo，都有甜酸燒肉汁同日式芥末比你自己揀可以降溫。個餐蔬菜有胡麻醬梛菜絲沙律，車厘茄同豆腐，可以清清味蕾。跟餐熱辣辣白飯一大碗，上面撒滿飯素，包你飽肚。仲有一碗熱辣辣味噌湯，入面有唔少昆布。咖哩忌廉烏冬吉列牛有唔少地方有得食，不過咖哩忌廉烏冬就真係唔多覺其他地方有。大碗烏冬上面滿佈白色忌廉同少少蔥花。餐牌寫明小辣，但係我覺得基本上完全唔辣，咖哩加忌廉好滑又唔太膩。烏冬係粗身而有少少嚼勁同勁滑，好好味。其他配料有唔少牛肉粒。另外仲有少少西蘭花，洋蔥片同菇類。雞軟骨餃子$48 另加一 雞軟骨餃子一客四隻，面頭撒上白芝麻粒。絕對係熱辣辣上枱，脆皮入面有粒粒雞軟骨又係脆脆地，口感好過癮。另配餃子醋可降溫。餐飲可加錢升級其他飲品。Passion Punch 跟餐加$18 另加一Passion Punch用玻璃杯裝住，熱情果味唔錯，面頭仲有一塊熱情果乾，特別在下底有好多熱情果籽咬，氣量適中唔過甜，好飲。紫薯Latte跟餐加$25 另加一 紫薯Latte更大杯，下面係紫薯奶加冰，上面加左一大pat忌廉同少量紫薯粉，紫薯味剛好，唔會太甜。飲完好飽。招牌食物果然保持一貫質素！…查看更多

幾年前呢間韓國吉列牛忌廉烏冬專門店黎開香港分店時已經好想試，但一直搵唔到機會，終於今日約到鐘意食韓國料理既朋友一齊黎食lunch 😉黎到緊係要試餐廳招牌菜，即刻用手機QR code 落單 - 吉列牛定食($148)同咖哩忌廉牛肉烏東($88),再加個雞軟骨餃子($48/ 4 pcs)，食物未上枱已好期待😍首先黎左吉列牛定食，成個定食presentation 好好，仲包左前菜，麵豉湯，凍豆腐，好豐富👏🏻吉列牛係自己擺上鐵板燒，所以可以跟據自己喜好控制牛既生熟程度，燒熱左牛個油膩感大減，讚👍🏻跟住試個忌廉咖哩烏冬，入面有好多牛粒同蔬菜，本身好驚忌廉會好膩，但原來佢忌廉質感好輕，撈埋啲咖喱味道係意想不到的夾😊小食雞軟骨餃子煎得香脆乾身，配上跟餐的醋汁，食到停唔到口😋最尾叫了兩個飲品，朋友叫的紫薯Latte 好夢幻，佢話唔會好甜，啱哂香港人口味，而我想(扮)健康，就叫了Coke plus, 自我感覺良好啲，嘻嘻❤️💕…查看更多

相識幾十年的同學聚會，一班「老人家」想試試新口味，上Open Rice搜尋，發現這間開了幾年仍人氣不減，而且好評不絕，來自韓國，主打石燒吉列牛和咖喱忌廉烏冬的專門店，所以貪新鮮決定去試試，還特地在訂枱時以八五折預先付款訂了一個十分豐富的四人餐（詳見附圖）。我們五個的其中一個因交通要遲15分鐘，但到達餐廳才知道原來每席由入座計限時用膳75分鐘，結果四個人在門口電梯前的狹小悶熱的空間等待，幸好同學很快趕到，入去就坐時發覺原來餐廳只有三兩枱食客，大家心裡狐疑為何不可彈性處理，讓客人先舒適坐下等到齊人上菜計時分別也不大吧？由於預訂了套餐，飲品和食物源源不絕的全部上枱，侍應更先放下和點著了用來燒吉列牛的石燒爐和用來熱著咖喱牛筋腩鍋的爐子，瞬間鋪滿了一整桌子，為了騰空一點位來吃飯，我們得儘快把吉列牛和芝士焗大花菇下面那塊半生未熟的牛里脊放到面前的那個熱爐燒熟（幸好那個小爐面勉強可以容納五塊牛肉），移走那個熱爐又解決掉兩盆生肉，才可以好好坐下來享受餘下的美食，可惜已經不能太講究分別小食、湯、沙律、主食和烏冬等菜式，大家只有隨意去吃順手或面前那碟，當大家一面吃一面興高采烈地互道近況，談談八卦時，侍應十分儘責地出現，並告知我們已過時15分鐘，大家唯有匆匆飲掉手上飲品。離開時望了一眼，發現餐廳仍有空座，門口也沒有等位的人，又一次狐疑為何不能彈性處理呢！可能年紀大了，未能適應時下的這套做法，就算有折扣優惠，如果事前通知有限時，得以吃快餐形式去解決掉一頓豐盛的大餐，美食當前，但吃得有壓力，聚會又未能盡歡，我們真的寧可到平日熟識的「老地方」呢！…查看更多

可以食吉列牛嘅地方唔多，呢間嚟自韓國嘅吉列牛餐廳，開咗好幾年一直都keep住咁有人氣，明顯店名嘅吉列牛同忌廉烏冬係招牌菜，嚟到當然必試！🥢吉列牛套餐 ($256)► 吉列牛定食吉列牛生熟程度可以自己控制😍放上石燒爐燒幾下已香氣十足～牛肉油脂分佈平均、肉質嫩滑，外層好酥脆；調味配搭有芥末沙律醬、柚子燒汁同芥辣，為肉味帶來更豐富層次🥰另外跟一碗灑了飯素嘅白飯、胡麻豆腐、胡麻車厘茄及味噌湯，呢個定食相當豐富！► 咖喱忌廉烏冬 配牛肉咖喱同忌廉呢個組合估唔到咁夾！白雪雪嘅忌廉好香滑，撈勻嚟食仲可以中和咖喱嘅辣度；烏冬煙韌彈牙，每條都掛滿微辣帶甜嘅濃郁醬汁，入口creamy真係食唔停口😍配料可選牛肉或雞肉，仲有西蘭花、蘑菇同洋蔥，牛肉亦都好軟嫩，呢個烏冬好滋味呀😆🥟雞軟骨餃子 ($48)餃子外皮薄脆，豬肉餡料豐富，口感鮮嫩🥰咬落去食到餡料夾住雞軟骨，爽口有層次，沾醋食更添風味～🍹Passion Punch (+$18)口感清新，帶有熱帶水果嘅甜味同香氣🥰呢杯有氣飲品好適合夏日飲，配搭吉列牛唔錯，解膩之選👍🏻🍵綠茶Latte (+$25)Latte大大杯，濃濃嘅奶香加上綠茶味道甜甜的，綠茶味不太濃，反而忌廉份量幾多，所以奶味比例上偏濃郁～總結：上菜速度好有效率，可以自己動手燒牛嘅過程都係一種享受～…查看更多

呢間一直都係人氣店，特登襯啱啱開始營業就去食，我哋嗌咗個combo set。吉列牛定食 $148吉列牛份量算多，而佢嘅highlight係可以自己燒！本身上菜嘅時候都已經有around 4-5成熟，自己再燒一燒就更加好食！而且配菜都算多，夠飽肚 咖喱忌廉烏冬 $78呢款烏冬一定係必食招牌菜！忌廉撈埋烏冬好夾，每啖都好細滑好creamy，而且好重咖喱味，佢可以揀牛肉或者雞肉，肉嘅份量豆算多，一碗嚟講當lunch好夠飽！…查看更多

ookmark咗好耐又未去試吉列牛忌廉烏冬位於銅鑼灣時代附近既百樂中心，成幢都有好多野食。scan QRcode 落單，眼見每張枱面已經準備好熱石，食物到左同時店員會將個火放入個爐。吉列牛定食 $148定食會有兩款前菜  胡麻豆腐 胡麻車厘茄 伴碟有胡麻醬梛菜絲沙律仲有麵豉湯同飯素飯，另配有燒汁同芥末醬。生熟程度可自己調節，燒熟一面先好反轉另一面，如果唔係表面嘅麵包糠會好易跌哂，鍾意燒幾耐都得，入口好腍好香 好重牛味咖哩忌廉烏冬(牛肉)成碗白雪雪咁上黎 好似忌廉蛋糕咁靚忌廉打得好滑好輕盈 攪匀之後 咖哩顏色淡左 好滑又唔膩，味道超好，完全唔辣而咖哩完全唔辣 岩哂食唔到辣既朋友仔雞軟骨餃子$48一客有四隻，面頭撒上白芝麻粒。塊皮超脆，入面咬到一粒粒雞軟骨脆脆地，口感好正。餡都有菜肉，夠料。點埋餃子醋仲正！韓國柚子蜜 $8韓國蜂蜜紅棗茶 $8…查看更多

🐮吉列牛定食 $148一份切成10塊吉列牛先炸到大約三成熟 上枱時牛肉係凍嘅 店員會俾個爐你燒到自己想要嘅熟度炸皮薄而且都唔會油膩膩只要控制好時間手法就可以做到外脆內嫩嘅效果最鍾意食啲頭尾因為有三邊炸皮同埋切成三角形牛肉切到一定嘅厚度 有嚼口得嚟唔韌 都食到濃牛味同埋牛油香醬汁都誠意滿滿 濃稠同醬汁都有有芥末醬 蒜蓉蛋黃醬 酸甜燒肉汁可以先試原味在點醬 食到唔同嘅感覺定食除咗牛之外仲有碗前菜 白飯 麵豉湯前菜有芝麻醬豆腐同埋芝麻醬番茄仔滑捋捋嘅百福豆腐配芝麻醬原來都幾夾！白飯都無hea你 上面撒滿飯素鹹鹹香香就咁食都唔會齋而且份量好足 疊咗個小山丘出嚟🌹Rose Garden $38係帶玫瑰味嘅梳打水 玫瑰味唔會太假太化學 亦唔會過甜凍冰冰帶氣特別清涼 配搭吉列牛又可以消滯…查看更多

👦🏻👧🏻嚟到銅鑼灣要試吓bookmark咗好耐既餐廳，出名食吉列牛同忌廉鳥冬，一於嗌晒嚟試吓🤩！平日晚上坐滿人，好彩walk-in唔洗等。吉列牛定食牛肉切成薄片，外皮炸得香脆，內裏非常柔軟，將牛肉片擺係爐仔到燒到喜愛既熟度，👧🏻鐘意燒到七成熟，非常嫩滑！定食包咗一份胡麻醬豆腐、胡麻醬車厘茄、味噌湯同加咗飯素既日本白飯，食完好飽肚。咖哩忌廉鳥冬咖哩忌廉鳥冬帶有濃郁的咖哩味，忌廉打到滑身，撈落烏冬一齊食，整體味道豐富，帶有淡淡的甜味，入面有好多嫩滑雞肉粒同洋蔥，食到停唔到口🤭。雞軟骨餃子餃子皮香脆，包住雞肉同粒粒雞軟骨，有脆口既口感，沾埋餃子醋食，酸酸地有助解膩，好食🥟。紫薯Latte成杯粉紫色，有一層灑咗紫薯粉既忌廉係面，感覺好夢幻，味道唔會太甜。綠茶Latte綠茶Latte配上灑滿綠茶粉既忌廉，綠茶味唔苦，牛奶味突出。📍 吉列牛忌廉烏冬專門店 (百樂中心) (銅鑼灣)銅鑼灣耀華街3號百樂中心22樓…查看更多

韓國過江龍🐉｜忌廉咖喱烏冬🍜 ｜🐮人氣石燒吉列牛專門店🌸吉列牛忌廉烏冬專門店 (百樂中心)今次終於嚟到豬女想食好耐廳廳，一訪韓國過江龍，吉列牛專門店啦！大家可以自行調配牛既熟度，邊食邊玩🤗唔驚天氣凍食物涼曬，好貼心既餐廳🥰餐廳唔算大，二人枱略厭有啲細，不過佢通風算唔錯，唔會有油煙味😆而且餐廳設計充滿地道韓國風，好似去咗韓國餐館咁🤣一入到去已經坐滿一大半人客，好熱鬧，客人陸陸續續都接近滿座，大家最好訂定枱，咁就唔駛擔心無位啦🤗🌸我地叫咗一個套餐2 — $256（包兩個主食，兩杯飲品）✨吉列牛定食🐮一上枱，吉列牛肉質較生，顏色較鮮紅粉嫩，客人可按自己喜歡既熟度去烹調，牛既肉質好靚，食落口肉質好嫩，牛味香濃，加上酥脆既外皮🤤好高質！更有多種醬料，推薦大家配上蒜蓉mayo，味道層次更上一層，為吉列牛帶上清新既感覺🤗另外，餐點更附上沙律菜、前菜及麵豉湯😋不過個人而言，覺得份量有啲小，大家可以嗌埋小食🤗食多幾款~必點✨✨✨✨✨咖喱忌廉雞肉烏冬一上枱賣相好吸引，一大碗濃稠既白色忌廉好特別‼️忌廉下隱藏住日式咖喱雞肉烏冬，一夾上來，陣陣咖喱香撲鼻而來，咖喱甜甜的，而烏冬好有咬口，不易斷開，忌廉好細滑，奶味好香濃😍份量好多好滿足‼️仲有滿滿嘅雞肉添🤗必點✨✨✨✨ ✨雞軟骨餃子 $48雞軟骨餃子外皮超脆，雞軟骨好香，增加咬口，食落好有趣😋配上餃子醋，味道更昇華🤩好推薦大家 必點✨✨✨✨✨紫薯Latte + $25淡淡紫薯味，加上香濃忌廉及牛奶，綿密嘅口感，配上陣陣奶味，鍾意紫薯既朋友可以試吓🤗必點✨✨✨✨Passion Fruit 🍹+$18食完濃味既野，好推薦大家飲哩杯有氣果汁🍹有氣梳打水，配上熱情果果汁酸酸甜甜，好清新！一解油膩感🤩仲好開胃😝必點✨✨✨✨✨食物✨✨✨✨環境✨✨✨✨衛生✨✨✨✨價錢✨✨✨✨🏠吉列牛忌廉烏冬專門店 (百樂中心) (銅鑼灣)銅鑼灣耀華街3號百樂中心22樓…查看更多