丼吉日式吉列豬排專門店 (新城市廣場一期)

這是我第二次光顧, 對上一次應該是2021年5月, 食物選擇有更新, 價格亦有上調, 幅度合理與否, 見仁見智。(2021年5月食評: https://www.openrice.com/zh/hongkong/review/%E8%84%86%E5%8D%9C%E5%8D%9C%E5%90%89%E5%88%97%E8%B1%AC%E6%89%92-e4016018)餐廳座位寬敞舒適, 店員服務殷勤, 主動介紹枱面醬汁與食材的配搭, 值得一讚。趁未上菜, 先把芝麻略微磨碎, 但不用磨至全碎, 然後加入豬扒汁待用。在磨碎芝麻期間, 芝麻香氣樸鼻, 加入稠密的豬扒汁, 酸甜香口。午市定食 $189 + 10%1) 芝麻2) 麵豉湯3) 酸菜4) 白飯5) 吉列大蝦, 生蠔, 豬扒6) 西瓜杯麵豉湯味濃, 有極少量海帶, 豆腐和硯。酸菜酸爽開胃, 白飯有點黏口, 沾上芝麻豬扒汁同吃, 是另一番滋味。椰菜清甜爽口, 加紫菜汁或柚子汁同吃, 酸味味, 解膩之餘更添層次。另一讚位是, 椰菜無限添加, 店員會主動詢問是否需要添加。3款吉列食物均炸得酥脆, 入口不油膩, 多吃不免感覺飽滯。大蝦手掌般長, 肉質結實, 口感不俗。生蠔大隻creamy, 蠔味重。豬扒約手掌般大, 事前已1開4, 肉質軟腍不柴, 很很很飽腹。以一杯清香的茶和清甜爽口的西瓜作結, 整體用餐經驗不錯。…查看更多

第二次吃呢間上次吃完覺得唔錯，即場買了現場卷，好似係買$千四送200蚊現金卷(無記錯好似係）上次朋友眼望望隔離枱隻吉列大蝦😂，今日終於如願試到，雖然無人哋個隻甘大隻🙈但真係超級無敵勁好吃超級驚喜～仲有今日個吉豬比上次炸得還要完美好吃💯個人覺得佢哋個吉列豬柳好吃過豬扒！自選前菜呢就揀咗個吉列薯蓉、蕃茄仲有八爪魚秋葵，3樣都唔錯！本身自己就勁中意吃薯蓉！大愛啊😛生蠔就夠曬冰凍新鮮，但就無乜生蠔本身嘅鮮味🤔刺身盛合就無之前好吃了:(吞拿魚和三文魚都不如之前肥美大件了，帶子唔夠新鮮仲幾腥吓八爪魚尚算爽口彈牙，甜蝦非常之新鮮！清甜又好味油甘魚厚切三大塊，滿滿魚油香…查看更多

幾年前，友人話呢間吉列豬扒餐廳既食物水準好高，令佢非常回味，但一直未有同佢試。由於今年無得去旅行，加上上年係日本食過一間非常美味既吉列豬扒飯，所以決定去試下呢間連鎖餐廳，睇下係咪真係好似D食評講既咁好味。LUNCH時間人流唔多，被安排坐卡位。座位寬敞，地方整潔，加上日系裝潢，令人身心舒暢:)。點左一個LUNCH SET，吉列豬扒定食 $148職員首先比個研磨缽我磨芝麻，邊磨邊聞到芝麻香，令我對呢個吉列豬扒更期待!!套餐仲包一碗麵豉湯、漬物同飯後生果，當中飯同椰菜絲都可以任添，所以一定食得飽。湯中有一隻蜆，但其實作用不大，唔會因為佢而有海鮮味，所以個人覺得味道同一般麵豉湯分別不大。至於我期待已久既吉列豬，賣相吸引，大塊又厚身，但個人覺得味道實在一般。豬扒好瘦，肉味偏淡，肉質較實，完全唔鬆化，亦無乜肉汁，唯一優點係炸得夠乾身，唔會好油膩，炸衣唔會太厚亦夠脆。椰菜絲刨得好幼細，無乜草青味，配柚子汁或紫菜汁都非常開胃解膩，我同友人都refill左幾次。友人點左炸大蝦丼定食 $188三隻大蝦連蝦頭垂直放係丼飯上，非常吸睛!! 大蝦既size比想象中大隻，蝦頭亦炸到好脆，蝦頭比蝦身更有蝦味!! 炸粉同吉列豬扒一樣唔會好厚、夠乾身、脆口，蝦肉爽口彈牙，但略嫌蝦味偏淡，如沾上他他醬，會喧賓奪主，蓋過蝦味。整體用餐體驗，環境同職員服務都唔錯，職員有禮貎，而且好留意客人，主動幫客人添加椰菜絲/飯、主動收盤等。至於食物方面，可能我本身對佢期望過高，所以會拎佢同日本餐廳比較，結果有點失望，唯一吸引我既就只有呢度既白飯，彈牙、飽滿、有飯香。…查看更多

香港的緊張日子, 假日都盡量唔出街, 揀選平日出黎食飯輕鬆下~新城市廣場雖然係高危地方, 不過樓上食市就好安全~再次黎到丼吉日式吉列豬排專門店, 好掛住又脆口又不會油膩的炸物!2個人可以選擇二人餐, 乜都有D唔駛諗~ 今次揀左二人吉列大蝦.生蠔定食!ORDER完, 店員會提供芝麻俾你自己磨, 一邊磨, 芝麻香氣滿溢, 之後可以加入豬扒醬汁用黎沾食物~套餐已包括了前菜脆炸軟殼蟹, 有2隻勁大隻軟殼蟹, 炸得十分乾身及鬆脆, 完全無油膩感!另外主菜係拼盤, 有一件吉列豬扒, 2件吉列豬柳, 2隻吉列大蝦, 2件吉列生蠔吉列豬扒肉味濃, 有一隻手掌甘大塊, 炸物十分鬆脆, 內裡炸得有點乾身, 不過肉質幾林, 完全無根, 食到最後有肥膏的部位更加香口!吉列豬柳細細件, 肉質實淨, 有多點肉汁~吉列大蝦一樣有手掌甘長身, 勁大隻! 肉質較爽口, 粉醬不厚又鬆脆, 可以連蝦尾都食埋!吉列生蠔勁多汁, 好鮮味~套餐仲包埋漬物, 味噌湯 , 水果及 飲品, 飲品連果汁啤酒都可以揀選, 味噌湯 - 內有大量昆布及豆腐, 一隻蜆~西瓜汁~Sapporo七寶札幌啤酒另外仲有其他散叫的小食~吉列薯蓉 - 估唔到勁好味, 內有粒粒薯仔粒, 有咬口, 而且調味十分好, 勁好味!大部份店員都親切有禮, 呢到仲有小朋友餐具提供, 唔怪得甘多大家大細黎食飯~…查看更多