阿爸鮮食

幫襯過阿爸鮮食好多次，今次見佢轉左新MENU，又要再支持下。😂台灣熟成牛肉麵每次食湯麵前一定要飲湯先，總覺得麵湯係顯示一間鋪既實力。湯頭有濃厚既牛骨湯味仲有香甜既蔬菜味，減低牛肉湯有時會有既肥膩感。牛肉都有幾舊 ，仲有食牛至愛既牛筋😻每一樣都好厚，但最勁既係厚得黎都做到軟腍口感，證明燉煮既時間十分足夠而且入味。👍🏻而麵條既質感係比較Q彈，麵粉味十足。養生雞絲湯面朋友因為唔食牛，就試左呢個湯面～養生湯睇落好深色，但藥材味唔會太濃，仲帶有清甜。😆雞絲好嫩滑，朋友都表示麵條好好食，好少食到咁軟滑彈牙。阿爸鮮食仍然保持水準，所有野都係心機誠意之作，而且主打健康養生，岩哂我呢啲要減肥既人😂…查看更多

「阿爸」在上環都有一段時間，最近大翻新，推出全新餐牌，主打台灣麵和滷肉飯。.今日先試了招牌牛肉麵和拌麵，不錯啊，套餐連飲品，簡單經濟，真是上班一族的福音。.🏅台灣熟成牛肉麵（$58）🏅秘製雞絲拌麵（$58）🏅養生茶葉蛋 2隻（$15）🏅養生杞子麥茶（$5）🏅台灣鮮草爽（$5）.台灣牛肉麵湯底濃郁清甜，有淡淡的藥材味，絕不輸於貴價的名店。牛肉和牛筋份量多，而且相當軟腍，還有大大塊白、紅蘿蔔，加上彈牙的手工麵，好味道又吃得飽，非常滿足。.秘製雞絲拌麵竟然用黑醬油而不是麻辣、酸辣，好感動！因我已對香港現正氾濫的四川口味感到生厭。用醬油拌麵，清爽鹹香，好吃到放不下筷子。雞絲是雞脾肉而不是雞胸，再一次感動！雞髀肉份量又是超多，而且是滷過的，所以較深色。雞肉、木耳、麵條，單純美味。. 茶葉蛋入味，麥茶附上整個茶包，飲完可自行添水。這是一間有誠意的外賣店，下次再來食滷肉飯。…查看更多

Lunch先得個一粒鐘頭食野，要善用時間，必要先知道乜野可以唔洗等太耐，但又有好野食？呢間專做台灣麵既外賣店，絕對係打工仔快靚正既首選！📌午 市 套 餐 -▪ 台 灣 熟 成 牛 肉 麵 餐 - $63▫ 黎呢到一定要試個招牌「台灣熟成牛肉麵」，湯底絕非市面食開既，佢係加左d藥材，所以頭淡湯飲落非常濃厚，而牛肉經過熟成處理，肉質份外腍滑，而且牛味更加突出；麵條煙韌有咬口，彈性十足，額外加左8蚊粒「養生茶葉蛋」，好有蛋香之餘仲帶淡淡既茶香，好食；套餐包埋野飲，我就揀左罐「台灣仙草爽」，清一清熱氣，個人都精神d呀！…查看更多