龍門一番 上海·紫砂燉湯 (已結業)

回頭多次 因為喜歡佢地嘅menu超多選擇💕禁晚市堂食Tea Time都當晚餐咁食一坐底店員就會拎盤茶包比客人揀茶😌每次我都莫名興奮而且十五十六茗茶 $9/位確實不怎麼迷你的 迷你胡椒餅 $38但就不是台灣那款這個是包皮 台灣的那款是酥皮餡料還可以啦😌那天真係好想食螞蟻🐜上樹 $78非常的正常發揮驚艷的 古法燒烤羊腩 $168其實本身就對佢冇咩幻想但一吃又 😳 估唔到皮咁脆羊味剛好 只係略嫌唔夠熱同埋因為腩嘅關係 （我兩個人食）超級的飽(˶‾᷄ ⁻̫ ‾᷅˵)

第一次食係喺荃灣中染大廠，新店進駐屯門，以後想食上海菜又多個就腳點啦！最欣賞佢可以一人揀一款茶，唔洗就住人數開茶，仲有我最愛嘅人蔘烏龍小茶壺一次沖一杯，維持茶温又能確保茶味濃郁。胎菊清香解膩，人蔘烏龍濃郁回甘，各有特色。茄子料理通常都用大量油去煮，呢道涼拌茄子以水煮加簡單醬油調味，口感稔軟而不失爽嫩。宮保雞丁亦係其中一道香口嘅上海名物，以腰果、雞粒爆香，作為解饞小菜最適合不過加上大量辣油拌炒，增添左些微香辣，入口更惹味，美中不足係入口偏油膩。呢兩日天氣涼左，決定點一道羊腩暖身。燒羊腩表面燒得薄身香脆，同腩肉脂肉分明嘅油嫩口感形成強烈對比。蘸上芥末、薄荷醬、叉燒醬各有風味，芥末辛辣香口，薄荷醬清香甘甜，叉燒醬鹹香十足。同樣起到提味作用，又平衡返肉類嘅油膩感銀絲卷中規中矩，新鮮軟熟，外層偏硬，內裡嘅銀絲唔夠條條分明，略嫌失色。