匠心 (已結業)

匠心開左一段時間都未嚟過食，今次好有興致嚟飲個夜茶🤩點心關注組間中都見到有人介紹呢間，主推自家手工點心同餡料，仲有唔少傳統點心，回憶嘅味道返晒嚟~✨古法千層糕 - 熱門推介之一，勁大尊，係細個喺茶樓會見到嘅款式，裡面夾左椰絲同蛋黃碎，甜甜地幾好味😋✨臘味糯米包 - 比想像中大粒，裡面都幾足料，幾多臘腸粒，令個味好香😜✨椰子燉烏雞湯 - 一上枱已經聞到勁香勁鮮甜，乳白色嘅湯好入味，入面仲有瘦肉、烏雞、椰子，飲得出係真材實料👍✨家鄉煎薄罉 - 上枱時已經幫我地切好左幾塊咁，好方便，食落幾脆口，又唔會太油✨點心拼盤 - 有好多特別嘅配搭，例如有眉豆茶果，合桃糕，都係比較少見嘅糕點，另外仲有叉燒包、菜苗餃、蝦餃同燒賣，十分之豐富，樣樣都大大粒好抵食！✨藥方綿花雞 - 佢落左紅棗同杞子一齊蒸，夠晒養生，雞肉幾嫩滑，綿花用左魚肚，用料唔錯🤩…查看更多

食第一次嘅時候冇影相，但係好食到記得佢 今次係第二次食，發現加咗少少價但係都覺得佢係值嘅 好食嘅程度排名分先後古法千層糕 $36 / 4件必叫點心！係呢間點心店嘅主角同一般見到嘅千層糕唔同 佢係有椰絲、鹹蛋黃 食落口感起沙，好特別鮮蝦菜苗餃 $18 / 2隻一咬好多汁，真材實料入面大大隻蝦，又新鮮叫完一籠再叫蟹子燒賣王 $18 / 2隻雖然得兩粒，但係好大粒豬肉肉質彈牙食落有豬肉香味陳皮牛肉球 $26 / 3隻又係好大粒，超級巨型牛肉質感有彈性豉汁蒸白蟮 $38 白鱔都幾新鮮，食得出係有彈性嘅正常發揮匠心蝦餃王 $18 / 2隻有啲失望，皮好厚下次可以唔使叫臘味糯米包 $32 / 3隻就係用糯米飯整嘅包個人唔太鍾意，可以skip環境：座位比較迫，繁忙時間要等位-味道：10/10性價比：8/10回頭率：5/5 -時段及等候時間：星期三 晚 ～15分鐘…查看更多

今日黎到黃埔週圍行下,想飲茶食點心,於是去呢間點心店飲茶,下午約兩點半去唔係好多客人,好快有位座,店舖細小但環境舒適 呢間點心店茶芥只係$5同埋唔使加一,加上離黃埔站好近,食飽仲可以去紅磡海濱長廊散步添今日點左5様點心食,整體食物質素都幾好等約15分鐘就有點心上枱,全部滾熱辣,食物又飽肚匠心蝦餃王（2隻）$18蝦餃外皮有金箔,外形通透,蝦肉餡足蝦汁同蝦肉份量多又鮮,必食鮮蝦菜苗餃（2隻）$18菜苗餃相當大隻,皮又唔厚,蝦同菜餡料多,味道相當好麻辣牛柏葉 $28牛柏葉味道幾好又唔韌,加上麻辣汁辣度啱啱好仲有豆卜吸汁,唔錯臘味糯米包（3隻）$32個皮超薄,餡料有好多糯米,加上仲有臘腸,蝦米同蔥粒,口感豐富,不過食2隻己飽飽地,好少酒樓有呢個點心食到,所以呢個糯米包必點古法千層糕 $36好傳統經典點心,冇乜酒樓會食到,餡料豐富有鹹蛋黃,奶皇,椰絲同花生,味道有層次,呢個梗係要食啦食左咁多美味點心,當然要行行海濱長廊消滯啦,下次再黎會試下其他點心…查看更多