之前經過見到呢間川菜小店，店面唔算大，但平日夜晚都唔少客人，加上見到有個二人套餐都幾豐富，就好奇一試。點完餐發現唔少人都揀雞煲或者烤魚，全部都非常香，搞到下次好想返嚟再試試。自選二人套餐 (配兩個白飯 兩杯熱飲) $388 🥒涼拌青瓜去到夏天咁熱，叫返個涼拌做前菜會開胃好多。青瓜係切粒上，比起切片更加易食到種爽脆感。麻辣調味都唔錯，夠晒香，又惹味，食食吓就食晒。🍗口水雞雞肉嫩滑唔會韌，雞皮有光澤同夠爽彈有雞油香。淋上口水汁令到雞肉仲有麻辣香，仲有加咗芝麻花生，送飯一流。🐟嫩滑酸菜魚味道係比較酸個隻，可能食得辣嘅人叫中辣會好適合。有一段時間聞到炒酸菜嘅香氣，可見成個酸菜魚都真係由零整起，雖然要等一等，但唔係整定咗個湯底整熱就上，呢點好抵讚。食得出酸菜係自己醃，味道好天然。魚片就用咗鯇魚，熟度剛剛好，食落真係好滑，都冇骨。🍹龍鳳檸樂同鹹檸七味道正常，重點在於份量，真係大杯到由野食未到，飲到食完嘢都仲有添～如果食雞煲之後再打邊爐，真係一杯就足夠！我哋今次碟碟餸都係辣嘢，有時飲嚟解吓辣真係正！一路食都發現店員同食客關係都幾好，難怪平日夜晚都咁多人去食，店員都真係幾照顧客人需要，見有人準備自拍，都會問聲洗唔洗幫手。…查看更多
