新城潮州飯店

星期日放假唔洗湊仔，緊係約朋友食飯聚吓啦😊大家都諗住近近地就選擇九龍城食飯，星期六晚食完泰國菜，咁星期日晚就【打冷】真係唔好睇少我地兩個女人仔，都點左好多野食，總共有7樣，又係食7咁食😂狗菜豬紅～呢個太多油，豬紅多過狗菜😌老水鵝片～人間美味！其他地方食鵝片通常都係用花生墊底，呢度用菜😍鹽焗烏頭～係魚我都鐘意食😍不過我就唔鐘意點果個咸醬，再唔係點魚露/辣椒油🌶️都好味道脆口蠔餅～其實現時好多蠔餅都已經唔係用香煎，係大火炸！因為夠快嘛！不過蠔餅都多蠔，而且香口，但一定要趁熱食😋蒜蓉芥蘭～唔多油，唔太咸👍而且份量夠晒多！幸好女人都係鐘意食菜，慢慢食都食得晒既糖醋麵～呢個值得推薦😍因為真係好好食！不過我明明講左要雙面黃，到上枱時都只係單面黃，可能廚房太忙啦！仲有呀！個麵餅整到成個心型咁，真係吹漲🤣反沙芋～呢個潮州特色小食，我唔嗜甜點都覺得幾好食，可惜當晚實在太飽了！呢個反沙芋食左一兩舊，就將佢打包歸家⋯⋯以前舊同事係潮州人，佢耐不耐都會整反沙芋比我食，但佢就唔係一舊舊，而係一片片咁，我反而覺得咁樣更加好食，薄薄地又易入口兩個人由7:30pm食到12:30，食足5個鐘，真係好犀利，同埋坐街邊有樣好，可以坐響到食煙😎當晚隔離枱仲請我地飲左枝大啤🤗…查看更多

記得第一次來這間潮州飯店是男朋友帶蝴蝶結姐姐來食的一味反沙芋教我一直沒齒難忘 要再來幫襯也 鬆脆的白脆糖包裹著軟綿綿的芋頭 非常好食印象中不知不覺就食了多少粒呢 另一味蝦乾炒韭菜花又是非常推介金香的蝦乾伴著幼嫩的韭菜花 爽脆、清甜又可口 這次再點了一客蒜香骨 炸至金黃的蒜粒，鋪滿炸香的排骨上 甘香惹味，而且，排骨入口 一點也不韌配白飯就最佳了 姐已把這間餐廳列入心水之選 為了這個反沙芋，我會一而再，再而三的幫襯…查看更多

有親戚係加拿大返左黎，所以又有飯局，大家話去酒樓食得太多食到厭哂，想去打冷食潮州菜，所以又黎到九龍城。上次去過南記覺得幾好食，今次又試下佢隔離呢間新城，因為見openrice都幾多好評下，同其他都不相伯仲。大概 7:30 黎到，見佢都已經有唔少客人坐低左，我地一行六人，佢就將我地安排左係佢隔離另一間店子裡。這裡的食物不算貴，和附近的店子亦是差不多，我們六個人總共叫了九樣食物，還有白飯/潮州粥，再加埋啤酒，所以食完個個都捧住個肚走。這裡食物的速度不算特別快，有些菜我們還等了頗久呢，但大致也是可接受的。環境沒有特別問題，當然不可要求十分乾淨或舒服，但整體也是可接受既。先講我最愛食既川椒雞，我食親潮州菜都必叫既食物，這個算係是晚等得比較耐既菜式。份量不大，不過炒得幾香，雞肉夠肥美而且很滑。但個人覺得佢炒得唔夠入味，雞肉雖滑但食落淡左少少，而且醬汁亦唔夠多，平時將D椒葉點埋D醬汁一齊食好正，但佢無咩醬汁所以唔可以咁做.... 唔難食但唔算特別出色。之後就有咸菜門鱔，門鱔很多骨呢，食既時候要小心一D。咸菜超多，但門鱔就得幾塊，不過食落去好在一D都唔腥，幾香魚味，加埋D咸菜好惹味，算是不錯的。另外還有韮菜豬紅，這個就是沒有什麼特別，豬紅多韮菜少，味道不算很濃只吃到點點辣的味道，所以一般啦。另外叫了大眼雞，這個相反較差，看來是大眼雞不太新鮮。肉不多，顏色亦不漂亮，感覺有點灰灰暗暗的，加上吃下去沒有任何味道，點點魚的味道也吃不到而且亦不夠凍... 所以這個NO GOOD! 蠔烙個人覺得是最好的菜式之一，最起碼大家也吃得津津有味。用鴨蛋煎所以很香，而且煎得非常香脆，很可口。它是薄薄的，不會像其他店子吃到一大堆粉漿似的。加上蠔仔夠新鮮又多汁，再點少少魚露要來送飯最好~ 我們亦叫了鹵水墨魚併鵝片，這個亦算不錯，墨魚夠鮮味，而且亦很爽口。另外鵝片很好吃，因為很濃鵝味，每一片再加上少少肥膏，肉質很淋，再加上底下的豆腐可以中和一下肉的味道，要來送飯亦是非常好。豉椒鵝腸這個炒得非常香和惹味，豆豉洋蔥青椒辣椒等等全部齊全，鵝腸一點也不肥，吃下去非常爽口。最晚來的竟然是相對簡單的蝦醬炒通菜，但這個最晚來的絕對是非常好吃!!! 通菜爽口不用說，蝦醬非常香，而且是非常入味，每條菜也吃到蝦醬的香味，一點也不會覺得肥膩，所以這個最晚來的眨眼便被掃清光。最後叫了個反沙芋做甜品，這次是我第一次吃，因為平日太少人不敢叫來吃，今晚難得多人點就叫來試試看。店員一早說要等一段時間，不過真的等得頗久呢。我們坐在出面見到師傅係入面努力炒炒炒，就知非常花功夫啦。黎到既時候就知一定非常好吃，開初以為會很漏，但吃下去又不覺得，表面一層硬硬的砂糖包著，雖然甜但又覺得可以接受。芋頭不算很粉，亦有很濃芋頭味，不覺不覺又吃了兩件，吃得出是用心之作，好吃。六個人掃光所有食物，原本想去食清心丸，但由於大人們說太飽吃不下，我們便唯有作罷了。結帳$480，叫左 9 樣食物，還有啤酒飯粥，這個價錢當然一點也不貴，九龍城真是一個吃潮州打冷的好地方。=)…查看更多

十.一國慶,對我而言,同平時沒有分別,仍要繼續上班.那些節日慶典之氣氛同我無關.任由維港年年煙花年年放,我們就在九龍城當"潮人".上一次來就潮州粥當早餐,今次就同幾個朋友,即慶來到衙前塱道的"新城"開檯食飯.沒有花巧菜式,隨意點幾味,竟然在味覺上有點驚喜.胡椒豬肚湯夠味,豬肚有點過稔,沒有一點爽脆的質感.由上次去樂口福,大衛說過最好有骨落地之後,就要個鹵水鵝肉,同年紀漸長有沒有關係?說回其鵝肉,鹵得入味,質感軟熟嫩滑.而鹵水夠香甜,不是陳年之級數,也不錯.煎蠔烙用鴨蛋,味道自然香濃過雞蛋好多,如果店方一早講明用雞蛋的話,就不要了.鴨蛋煎得香口,蠔仔粒粒肥美飽滿,咬下鮮味連同汁一併而出,感覺美妙.糯米釀大腸又是做得不錯,先用微波爐焗一焗,再用油炸.外表香口亦帶點煙齦,裏面的糯米質感豐富.水瓜烙亦是出色,水瓜的香甜一早融入蛋漿,而附加的蝦仁,同樣地爽甜.炒一碟魚麵吧.有火喉,魚麵每條粗糙,這是應有的質地,如果太過平滑,就有點假了.味道同樣充滿魚鮮,美中不足是,沒有辣醬給我狂加.甜品為反沙芋,是這店其中一道招牌,小試一件,芋件香脆,內裏軟稔.甜嗎?當然甜,如果不甜,就不是甜品.價錢便宜,食物有水準,在龍城吃平價潮菜,新城是其中一個選擇.下一次,係咪去創發?…查看更多