一風堂 (新港中心)

一直食開豚王覺得好滿意，但食得多始終會悶，想試下其他出名的拉麵。今日終於有機會，落雨，早放工就係最好時機。唔夠7點去到，自動拎飛，等左大約15分鐘就叫可以入去，坐低環境都唔錯，見到師傅在玻璃窗入面煮麵，幾得意。開始翻開餐牌睇食乜，最後叫左白丸同赤丸，再加多個叉燒角包，呢個夾餅一點都唔平，但見咁多人介紹即管試下。好，好，好快，唔洗10分鐘食物就黎齊。首先當然係一試湯底，普通，好普通，同豚王簡直冇得比，似出面街買的包裝拉麵，自己返屋企煮的味道，濃又唔濃的豬骨湯底，好普通。份量又少，兩啖都搞掂，女仔黎講都好少，完全唔飽。豚王都唔係貴好多，但食完係滿足又飽，都係乖乖地食返豚王吧啦最驚喜係個叉燒角包，睇個包都已經ok細，入面塊叉燒先經典，細到呢，飲茶個d叉燒包個包重比呢個軟，一樣無味，完全唔值得叫，有被騙的感覺。埋單$200唔洗，叫做試左，再食，sorry，做唔出。…Read More

一風堂,一間比我認為永遠要排到七彩既拉面店~早前我朋友跟我講好想去食呢間拉麵店~當時因為我地大家都係尖沙咀既關係所以就由我去拎位先啦~~我好鐘意呢個設計,就係可以自行拎飛最好就係佢可以自行入你既電話,系統就會自動打比你通知你準備入去架啦當日我地坐既地方就係廚房前面既吧木台位置~其實對於食野地方,我不嬲都麻麻地鐘意坐吧木台~但係有得睇下廚師煮野~加上呢間要等咁耐,一次半次算啦其實係尖沙咀一風堂分店,吧木台下面會有個位置可以比你擺袋架不過小妹亦試過只係掛住拎袋唔記得拎電腦-口-所以大家坐吧木台個陣,記得拎哂d 野先走呀!!今次我地兩個揀左兩款拉麵試下~分別就係【白丸元味拉麵】，【赤丸新味拉麵】【白丸元味拉麵】以豬骨湯底做主角加以木耳,芽菜同蔥做配料加以兩塊义燒做主食~今次我揀左硬身,因為我打算影相既關係xd所以當我影完相之後,麵質都開始變軟啦~另外朋友V 小姐叫了赤丸新味拉麵,湯底仍然以豬骨湯底做主角,加以黑蒜油和紅噹噹的辣醬雖然日本既辣醬其實都唔算好辣,不過大家好似我好怕辣既~就可以照叫赤丸但係走辣XDD(另外拉麵中會有D 油份架,其實係豬油黎既~其實可以令整碗麵香D 架)仲有大家都話一定要試既半熟蛋~其實我係橫崗拉麵店都食過但係對於我呢D太麻麻蛋黃既人,始終唔太吸引~因為個次食係凍冰冰呀>.<但係今次我地叫左一粒各自食左半粒加入湯中食原來係另一種風味呢~~連我都想Encore 多一隻呢xd另外我地兩個仲可以叫到D 小食黎食XD呢個係明太子餃子雞翼,冇記錯係$36/2隻其實味道都係唔錯,但係價錢上真係貴左D 既另外仲叫左一風堂义燒角包,呢個小包包都係的式之作~但係都要$28/2件架~不過強烈建議要一到左即刻食~唔係就會唔好味架啦~~小包既餡就係生菜+义燒+沙津醬如果有興趣既朋友可以去試下啦^^…Read More

終於可以去拜會一下呢間高食評既拉麵店, 但失望而回.....如要等一小時換來此質素, 跟本不值得.....麵質一般, 湯味道濃烈, 喜歡濃味的不錯選擇這個冇特別炸物一堆, 不吃也罷 唯一推介.....讚辣辣地, 冇乜特別…Read More

都知道呢間拉麵店係午飯同晚飯時間會大排長龍, 故特登留肚, 下午三點半黎到, 長驅直進, 哈哈唔講咁多, 快D試拉麵~叫左白丸元味同加蛋, 佢隻蛋直接放係麵度, 係咪要同佢講分開上先有得用木碗裝住ge呢?即係撈起隻蛋先, 費事熟過頭豬骨湯味香四溢, 試一啖, 好濃但不怕太鹹但係我副心機俾隻蛋吸引住, 都係食左佢先那種感動非筆墨能形容, 而家諗起都流口水~~細麵幼滑, 都係彈牙有口感, 不過食到一半開始變軟了~叉燒有兩塊定三塊, 夠淋, 不過有點"鞋"飲埋d湯清底, 如果碗底有一風堂的圖案就好了~~包軟, 夾埋叉燒同生菜仲有沙律醬, 酸酸地幾惹味~食完碗麵飽到上心口, 差d連晚飯都唔使食~!侍應服務唔錯, 會幫你加水, 但係正如下面的各位仁兄所講, 有點吵…Read More

第一次來一風堂,裝修同其它拉面店有少少不同,為了展示它的实力將几十只日本不同拉面店送的碗貼在墙上,返來正題,今次係吃赤丸,這里的叉燒是四方的,有濃濃的猪骨湯,只可惜太多味精和一層厚厚的油浮在上面,好好味,但不那么健康,煎餃子,皮就溥,瘦瘦地,薯仔沙律都几好味,叉燒角包好似台灣卤肉店的刈包和日本叉燒組合…Read More

久仰大名的博多一風堂，之前數次於晚餐時段排隊，都要等數百個位而放棄。上個月到日本博多旅遊，親身試了當地的博多一風堂，一試難忘。回到香港很想再試這間拉麵店，亦想比較一下，日本菜來到香港後，其質素是否一如以往被嚴重「打折」。昨天友人六時已排隊取票，已經要等一百個位....之後七時半再回來，仍要等十數個位...終於到八時可以吃了！店面裝潢不錯，餐桌用木做，跟日本的一樣！來到一風堂，當然要點招牌的白丸元味拉麵加半熟玉子！白丸元味是豬骨湯底加香濃蒜油，味道香而濃郁！最重要是豬骨湯底肯定是真材實料熬製而非用濃縮湯底。至於麵條，例牌是九州那種幼麵條，爽口又彈牙，口感很好，只是麵條份量好像比日本的一風堂少。叉燒，只有兩片，日本的則有四片，不過日本的叉燒是小片，香港的是大片。肉質OK，沒有特別的驚喜，但不會覺得很肥膩。還有半熟玉子，即溏心蛋，普通啦，蛋黃看上來偏熟。最後我把整碗拉麵連湯吃掉！我們還點了叉燒角包，這個很特別！但感覺像上海菜？另外還點了炸雞（風神雷神），很大件，但似乎用了很多油來炸，吃完應該會頗熱氣！總括來說，新港中心的一風堂，其拉麵質素跟日本的一風堂有八九成相似，其實已經很不錯了，唯一的問題:1. 等候時間太久，今次等了差不多兩小時2. 價錢偏貴，日本的赤丸新味和白丸元味，不含半熟玉子分別為800 yen及700 yen，香港的則賣68元，不過麵條份量較少，再加上兩地的物價指數相比，所以香港一風堂真的賣得貴。…Read More

昨天與男友人5:45分已到達, 沒有人龍, 很順利地直入. 職員很熱烈地歡迎我們 (但我覺得好嘈, 太大聲了)我們吃了"白丸拉麵". "赤丸拉麵". 餃子, 溏心蛋. 叉燒角包. (真係好大食呀)赤丸真的很濃味, 但白丸都唔弱, 兩碗都有好多油浮面! 好食程度係一般, 未至於一吃難忘! 也不會因為呢個質素而去等兩個鐘.... 值80分餃子有5舊, 溏心蛋 都係普通到再普通, 沒有驚喜, 係一般應有質素. 叉燒角包. 好有新意, 幾好味, 但就細件咗D喇. 服務質素係: 90分, 職員態度友善親切都幾貴. 未必會試第二次7點離開時見門口有十數人等緊…Read More

今日一早同屋企人飲完茶就搭車出新港...專登黎試呢度既拉麵一去到要等70張飛, 等左45分鐘.服務態度幾好, 上菜速度5分鐘左右白丸($68): 濃味豬骨湯底. 仲見到一舊舊白色細細粒既肥膏. 入口感覺真係有D肥膩... 但味道就幾好, 叉燒唔知係咪咁啱呢...好瘦, 有D"鞋"赤丸($68): 都係豬骨湯底, 有少少辣, 仲有蒜油味. 個人覺得味道好食過白丸.糖心蛋2隻($10x2) : 好好味~叉燒角包($28): 有沙律醬, 生菜, 肥肥地既叉燒, 熱熱地幾好味但男友話都係覺得豚王好食D. 不過坐得無咁舒服囉…Read More

睇到開門時間係11:30, 以前自己12:00前黎到已經好早啦原來太遲啦, 門口已經堆滿了人等左1個半小時 (^^) 終於入坐了ORDER了白丸元味拉麵+溫泉蛋, 拉麵沙津, 叉燒角包白丸元味拉麵+溫泉蛋: 湯底GOOD, 面軟硬適中拉麵沙津: 冇咩特別, 但天時暑熱實為透心涼既選擇叉燒角包: 一放上枱時賣相實在麻麻, 散開左, 食落口都OK, 唔太肥整體黎講食物&服務質素係OK的, 待應們都很勤快加水只係等位時間實在唔短, 入到去都有1邊既位置係吉左的而且下次會同多D人去, 可以試多D食物 ^,^…Read More

自從今年七月初來自九州福岡的"博多一風堂"在新港中心開設旗艦店以來,人氣持續高企,挾著源自日本的拉麵風,捲起了一片熱潮,而排隊的人潮亦一直有增沒減,蘋果茶沒嚐過日本的"一風堂",真的想要試試這25年歷史的秘方豬骨湯底是什麼味道,來到兩個月後的今天,才終於"的起心肝"豁出去,打算今天擠兩至三個小時出來排個"你死我活",為的就是一碗正宗的豬骨拉麵。星期日的下午五時多,來到"一風堂"門前,兩個人拿了號碼是97,叫到的是57,心目中早預料到要等的,40張飛,差不多吧,早前有食客還要比我等得久呢,懷著期待的心情,蘋果茶當然趁機逛街Shopping去。十五分鐘左右我們又回去看看進度如何,竟然已經到了67號,我們也不想走得太遠,等著等著,正當蘋果茶拿著Menu想想等一下要點什麼的時候,竟然遇見了朋友,也許他等得太久,竟然拿出了剛剛叫過了的66號飛送給我們,嘩~~就是這樣,我們終於可以進去了啦~真是"得來全不費功夫"!!!LUCKY~坐下來店員先給我們兩杯冰水,兩個人點了一風堂辣肉味噌拉麵($78),白丸元味拉麵($68),叉燒角包($28),風神雷神脆炸雞-甜味($38),另外兩碗拉麵也要求加上半熟玉子(各+$10)不消一會兩碗拉麵就上桌了,熱騰騰帶著濃濃的香氣,我的辣肉味噌在湯底上加上了辣肉燥,惹味濃郁,拌勻在帶著油層的豬骨湯之中,味濃卻不辣,喝一口湯,濃厚甘香的味道在舌頭上徘徊。因為麵條選了硬的,口感較爽帶點彈牙韌性,吃下去感覺就是配搭恰如其分,湯和麵,各有各的美味範疇,卻不能缺少了一方。再試一口男友的白丸元味,湯底更為醇厚,豬骨味的豐潤口感更為純正,難怪成為招牌推介。整碗拉麵之中,唯一美中不足的就是兩片瘦叉燒,沒錯是入口軟淋入味,卻比不上上一次在達磨吃到的,入口會融化肥潤馥郁的半肥瘦叉燒,縱使後來的半熟蛋蛋黃呈金黃流心狀,蛋味濃合格有餘,也挽回不了蘋果茶心目中的一點點失望。拉麵沒錯是好吃,但沒有驚為天人沒有美味得要再三回味的那種魔力,是傳媒吹捧還是期望太過?!招牌的拉麵,值不值得等上2,3百張桌花上最少兩小時等候呢?!至於小食叉燒角包,中式饅頭的包包夾著一層生菜,兩片半肥瘦帶醬汁的叉燒,這次挽回分數了,微酸帶甜的醬汁,夾著入口即溶的叉燒和軟綿綿熱熱的角包,一人一半兩三口已消滅掉。風神雷神脆炸雞是最後才送來的,放了一陣子仍然熱辣辣,吃得出是即叫即炸,選了甜味的炸雞,皮脆得很,表面塗上淡淡的蜜糖,入口先是少少甜,炸雞肉亦帶著肉汁,好吃但頗為油膩,但為什麼叫作風神雷神脆炸雞呢?厲害的名字卻其實沒有太大的驚喜啊......就是炸雞麻。總括來說"博多一風堂"就是把日本福岡正宗的豬骨拉麵帶來給我們了,但是不是好吃得甘心情願等上幾小時,就由各食家自行判斷了~…Read More

星期日5點半去攞飛, 果時都飽飽地, 都知道是等好耐了, 所以去左附近行住等, 行左一個鐘頭多d返去竟然啱啱好就入到去食得, 果時都已經好肚餓了, 入到去真係個個都講歡迎光臨(當然是日文)連入面煮麵果d都係, 真的和日本相似!落單時店員都好用心解釋兩者有什麼分別, 又問我們要普通或硬的麵, 值得一讚! 簡單d講係一個辣一個不辣吧~ d拉麵不同其他店的拉麵, 這店比較幼身的, 軟硬度適中, 正! 而湯也是十分濃味的, 叉燒都好正, 好腍身, 又有少少肥膏, 不消一會已經食晒成碗麵了, 連湯都飲了一大半添! 叉燒包就食得多了, 日式的叉燒包就真係第一次試, 各有各特色, 呢個包好鬆軟, 入面夾住沙律菜同叉燒, 加上蛋沙律醬, 真係好好味啊!有甜或辣選擇, 我們選了甜的, 整頓飯中這個比較失色, 好之處是雞炸得好脆, 但唔覺甜呀, 而且這個沒有太大驚喜同特色! 全部比晒5分呀, 因為真是勾起在日本吃麵時的回憶呢…Read More

在大約一星期前，六點cwb放工，六點半趕到那飛，竟然要等100個number。明知自己和老婆都是不耐煩的人，所以決定下次先。等到今次，碰正兩個一起放假，5：40到了新港中心拿了個57號飛，叫到25好，覺得可以等下！好啦，入去時，有很好的reception！在店中的聽到帶客哥哥問好，都一起問好坐下發覺餐牌不是太多東西。兩個白丸元味+兩個溫泉蛋加個叉燒角包先來的是叉燒角包叉燒幾好食，但是其實會有一兩口是只食到饅頭包在深想其實只是叉燒兩薄片+饅頭然後就是白丸元味味道是好的但是，不是好到天上有地下無，而且食完好口渴(that means 味精)面的分量又少，男仔會唔太夠食蛋就真係唔錯其實都好味ge，但係搞搞下，加埋一，就要多過$200，有d唔抵見到好多食家都等好耐好耐如果我地等得再耐d可能會比個哭臉…Read More

從日本吹到來的拉麵店一風堂短短開業數星期，氣勢已相當迫人，好評如潮，是日便相約友人一同前來試過究竟。傍晚6時多到來，店子門口已人頭湧湧，派飛的便去到二百有多之後，但號碼仍只是停留在四十之頭，個多小時候回來更派至五百餘數並且截票，其後剛到的人客亦只好失望而回。苦等多時終於輪到我們了，麵店選用紅黑二色作其主格調，牆邊掛滿了不同樣式的拉麵碗。頂上更擺了紅白湯匙與拉麵碗，整間店子雖坐滿人客，但亦一點局促感也沒有，坐得挺自在的。店員亦見相當忙碌，與正休閒品麵的客人來過對比。白丸：麵店主打3款不同口味的拉麵，白丸便是其中一款，有別另外兩款拉麵，白丸走著清新路線。湯底用上清澈而不油膩的豬骨湯，湯裡能嚐出個濃郁的豬骨味。湯面灑滿了蔥花及一堆爽口的黑木耳。選用的拉麵為幼身，吃下質感為硬身且彈牙，整碗麵吃下亦見得拉麵因長時間浸湯而變得過腍。可能基於配合白丸的清新，叉燒用上瘦肉中帶點略肥的，以減去其油膩感，但叉燒之所以讓人又愛又恨當然是其肥美的滋味，故這幾片叉燒確有點失色。赤丸：若喜歡味濃的大可選擇赤丸，同樣濃郁的豬骨湯底裡加添了香濃蒜油和店方秘製味噌來調出其香濃且味辣的風味。除此之外，赤丸更外加上紅味噌。而赤丸用上的叉燒便是肥美的版本，不論油脂質感或其香味更勝白丸的，這樣叉燒才讓人有吃不停口的快感。辣味味噌：倘若你問可否有比赤丸更重口味的，當然要數到這款辣味味噌口味了。香濃豬骨湯頭再淋上赤紅色的辣油，來個鮮色奪人營造其辛辣形象。湯裡頭所滲出那香辣且甚富層次感，這辣味相信仍能一治你心中那股辣癮吧！而辣味味噌放的叉燒比赤丸來得更肥美，單看那透白的肥肉，這塊叉燒的口感亦非得閒之輩，好味亦需付出點代價餃子：鐵板盛著5件的煎香餃子上灑滿了葱花和薑粒。吃著相對地香味可口，而且內裡的餡料亦保留了些肉汁。雖是餃子小巧，一口整個吃下亦沒過多油膩感。但其味道表現並非有其獨特之處，在外亦可找到此級數的餃子，故個人比較推介叉燒角包。叉燒角包：這款為紐約及香港店獨有的包，暫姑勿論其味道如何，只起碼日本吃不到！！一大塊角包夾著肥瘦相間的叉燒及一片生菜，正是叉燒的那肥肉脂肪帶出了肥美的質感，這不是那些全瘦叉燒所能取代的味道。包子質軟味甜，配合那片生菜正好平衡整個包的油膩感並且徒添了些爽脆口感。而當中那些調配醬汁更能起著增加吃慾之效，一口接著一口地把它消化掉。吃著這個角包不禁令我懷當初在廣州實習生活時，每天早上都來個一口饅頭一啖豆漿的寫意生活。沖繩冬甩伴雲呢拿雪糕：說真的，之前尚未接觸個此道甜品，加上店員亦加以推介，故蠻期待。甜品送上時，幾塊已切開了的炸冬甩及一球雲呢嗱雪糕。冬甩炸得金黃色的，可惜吃下口卻來得比較硬身了，可取的是其濃郁的香味。而那球雲呢拿雪糕就選自普通，沒有太大驚喜。雙球雪葩：兩球分別為檸檬味與芒果結合熱情果的口味，雪葩的沙冰質感不算豐富，個人比較喜歡檸檬味以貪其味道較清新，酸酸甜甜的。在香港，那裡食店"鋒芒乍現"，那裡便人龍編成，排隊與用膳的時間更成反比，電話預約更需早上個多月。到底是否得花上一大段時間來換取，亦留待各人分析。…Read More

首次寫食評，請多多指教男朋友早前嚐過日本當地的一風堂，印象深刻，亦見香港開張不久的一風堂在openrice好評如潮，一於試試5:30pm到了新港中心，心想，時間尚早，於是打算六時多再回來，怎料．．．．．．我們拿到的ticket前還有百多個號碼，一等就等了兩小時！先讚一讚，叫號碼的職員態度很好，很有耐性終於入到店內，每位員工都表示親切和歡迎，令我的不耐煩漸減環境亦算寬敞舒適，樓底也夠高，富有空間感，加上簡單而有特色的裝飾作點綴落單後五至十分鐘就開餐！效率算高首先點了叉燒角包，果然沒令我失望，鬆軟的麵包夾住叉燒，配上醬汁（我想是芝麻汁），十分美味！而叉燒略為肥膩，幸好麵包厚度適中，中和一下拉麵當然是不少得，先來了一個白丸元味　幼直拉麵跟我平時吃的有點差別，但別有一番風味，挺有口感不可不提必定是豬骨湯底，那濃郁的豬骨香味並不能在一般拉麵尋找得到！濃度適中，香而清，忍不住多喝幾口！亦毫無口渴感覺，特別難忘，超級推介！味噌豆腐沙律，味道平平，不太特別，反而我個人很喜歡那芝麻花生醬汁，配上豆腐簡直一流溏心蛋也可算是不得不試，真的很溏心！拿起來蛋還是軟軟的，佩服佩服然後來了一個赤丸新味，這個可算是美中不足因為湯味太濃，有點’俗’，也算不上很特別的湯底，而拉麵和肉大致上跟白丸元味一樣最後的招牌鐵板煎餃子（５隻）勝在小巧而夠風味，落醬油時濃煙冒起哈哈雖算不上很特別，但不油膩，挺抵食雖然這次我們沒點飲料，但在menu上也有不同款式的飲品，酒果汁等等，十分齊全我認為今次在一風堂的晚餐一切都非常不錯，不論價錢服務或是食物本身，只是等待時間太長所以如果大家有興趣，不防預早到一風堂領號碼（６時前）希望你們也吃得開心滿意！…Read More

知道一風堂要在香港開我很期待, 因為之前在台灣買過一風堂出品的泡麵雖然只是泡麵, 但我已經覺得好好吃昨天就跟朋友來一嚐一風堂的拉麵白丸元味朋友要的拉麵, 喝了一口湯頭, 比起其他拉麵店的豬骨湯頭要清淡但不失湯頭的鮮甜, 我很喜歡他們這種湯頭我知道大廚是特地為香港人調過濃度, 我就是喜歡這種不太油之餘不失鮮的拉麵湯底 赤丸新味比起白丸新味, 赤丸新味多了赤味噌, 油蔥蒜碎還有特製的黑醬油麵條的硬度對我來說很剛好, 有咬勁, 吃到最後也沒有浸到軟身, 也沒有吃到鹼水味叉燒肉對我來說肥瘦適中, 肉質軟腍, 豬肉油香味道很特出湯頭多加了赤味噌增加了一點的辣度, 油蔥蒜碎超香的, 我很喜歡這個味道黑醬油也為這麵添了點鹹香, 不是死鹹的那種醬油味, 這個赤丸新味著實很好吃不得不提的是他們的蛋, 他們的溏心蛋非常好吃!一咬下去蛋白很滑, 裡面的蛋黃黏黏的, 溏心程度剛好光這樣吃蛋就已經帶了湯頭味道, 把蛋浸在湯一會更能吸收湯的鮮甜來這裡必點他們的蛋, 真的好棒好好吃叉燒角包如果到這裡要選一樣小吃, 我會建議點這個這個角包一上桌的時候我立刻想起了台灣的刈包, 都是用白色的甜麵包裡面的叉燒肉帶軟, 也有烤出來的香氣醬汁吃起來蠻像mcd的將軍漢堡味道, 還有些菜片, 一整個很好吃一風堂餃子這個煎餃子比較特別的地方是在餃子上面舖上了蔥跟薑泥皮蠻薄的也煎得很香口不油, 裡面的餡保留了肉汁, 味道也有餃子餡的鮮甜味道屬於高水準的日式煎餃子, 但其實跟其他外面吃到的的沒有太大的特別個人之處所以跟叉燒角包比起來的話, 要挑一樣來吃的我會選擇前者風神炸雞這裡的炸雞有分甜味跟辣味, 辣味叫雷神, 而我選擇吃甜味的還以為他們的炸雞是一小塊一小塊的, 但一上桌的時候是兩大塊炸雞片這裡的炸雞就沒有很特別跟好吃, 皮吃起來比較硬雞肉是有滑嫩但沒有什麼雞肉味道, 醬汁也下得比較少味噌布甸看到菜單有這個甜點好特別, 就點來試試整個布甸其實像creme brulee, 都有一層焦糖在上面把蛋跟焦糖一起吃其實味道跟一般的creme brulee沒什麼差但光吃蛋層的話, 可以嘗到有淡淡的味噌香, 吃到最底發現味噌沈了不少在底部吃起來也比較香, 味噌也比較突出, 原來味噌加在甜點上也蠻合的當天下午很多人, 店員也很主動為我們介紹, 加水, 服務很不錯一風堂的拉麵很地道蠻出色的, 繼豚王後我心目中排第二的九州風拉麵下次有機會也想試試看其他種類的拉麵…Read More