山頭火 (已結業)

山頭火一個人的晚飯, 走了去太古吉之島的這間拉麵店, 由於黎過幾次,所以預左要等位, 反正門口有準備俾等位客人的椅, 而且店員又會預先出黎為客人點菜, 所以多等一下無所謂.今日點左個叉燒拉麵加旦厚切叉燒有口感又唔會”鞋”口, 不俗, 半肥瘦令人食落口感覺無咁寡.其他配菜就不過不失, 勝在拉麵煮得夠”林”, O岩我口味. 至於湯底入口好濃好杰, 食既時候感覺良好, 但回程時口很乾….要飲2大杯清水先

我今日约左朋友去伊道食野，之前有個朋友話伊道Ｄ野食唔錯，所以就去試下。個豬頸肉好好味、雖然係鹽味、但唔會好鹹、肉質仲好鬆軟。我地叫左個叉燒拉麵、叉燒都幾好味好香、拉麵質地彈牙都幾好味、而湯底比較咸左Ｄ。蟹子沙律全部材料都好新鮮、個汁酸酸地好開胃食落非常爽口好正。串燒雞軟骨好好味，帶點香脆，再配上檸檬汁绝對食唔停口，好少地方會整得好食。依道就非常好！

同珍珍去吉之島買完嘢，睇吓手錶已是下午两點，有啲肚餓，見到火頭山條人龍無咗，於是入去坐低，两人叫咗一份叉燒肉飯定食（我們食量較細），有一碗叉燒拉麵上面有兩件大叉燒（畧肥）但好味，伴幾條筍條及木耳，買相不錯，湯底很甜，麵也爽滑。 另有一碗叉燒肉絲飯，加上葱花，味道也不錯。還有半邊蛋。招呼及環境普通。共銀 $ 75。