紅磡雞蛋仔

紅磡知名老店, 聽過好多次終於有機會試, 之前都有報導講過伯伯搵接班人做, 呢家接班人負責製造, 伯伯就落單同收錢:)朱古力雞蛋仔 - 用上吉X利嘅朱古力粉, 新鮮即造自然會外脆內軟, 夠熱朱古力味更香濃 原味格仔餅 - 超大方係咁加花生醬、煉奶、砂糖, 夾埋果個爆哂餡, 加埋蛋香無得彈原味抺茶雞蛋仔 - 呢個唔係即整, 伯伯見我地一行幾人平賣畀我地, 雖說少咗香脆, 但原味蛋味香濃,  抺茶足料唔係得顏色, 有抺茶嘅回甘…查看更多

難得假期雨勢唔大，一於出去搵餐好野食。一心想食車仔麵，但條龍實在太長，唯有去街頭搵D野食醫肚頂住先。一間舊式既雞蛋仔，鋪位細細，但係價錢親民，老細亦好好禮貌好好人。兩個人叫左三份野：蛋白肉鬆鹹班戟，原味雞蛋仔，原味格仔餅。作為價錢親民既街坊鋪，味道一D都唔失禮。蛋白肉鬆鹹班戟：蛋白味幾香，肉鬆味道夾得好好，份量亦相當豐富原味格仔餅：格仔餅焗得相當香脆，花生醬同砂糖有d唔夠，夾溶左既醬流到落低，食到尾果幾啖反而最好味。原味雞蛋仔：三樣之中相對較失色，響現今咁多出色雞蛋仔既世代，佢比較唔夠口感，又做唔到外脆內軟既感覺，只能話勝在價錢親民。總括黎講，以依個價錢嚟講好公道，而且選擇亦多，不過今次第一次幫襯，所主要揀左原味既食物，可以一試再試。…查看更多

買左個沙律芒果班戟同埋原味格仔餅，第一次食芒果班戟加沙律醬，以為食落會好怪，但原來都好夾，芒果可能吾當造所以食落有d酸，但加埋沙律醬中和左酸味，而家芒果量都算多。原味格仔餅既蛋味香濃，而且醬同糖既比例好好，吾會食到好甜或者漏晒出黎，值得一試再試😋😋…查看更多

紅磡雞蛋仔-食出滿滿人情味原來紅磡雞蛋仔不經不覺已經係紅磡屹立40多年，自從搬離開咗，真係好少機會再黎食，難得係附近做野，即刻買返兩底黎回味下。🐻沙律淨芒班戟 $18班戟即叫即整，伯伯首先係班戟皮上搽上一層沙律醬，再加上超級多既冰凍芒果粒，拎上手仲係熱，入口煙韌，芒果又香甜，每次都忍唔住企定定食完先走。🐻原味格仔餅$14牛油、煉奶同花生醬唔少得，仲有出面賣少見少會落既砂糖。傳統既口感，傳統既味道。…查看更多

今朝趕唔切屋企食早餐就出街，餓住肚，途經附近，一件原味格仔餅，醫肚岩岩好唔經唔覺，幫趁左紅磡雞蛋仔已經超過十年，最常買原味雞蛋仔，事關次次都食飽飯行過，飽飽地，但又為食，雞蛋仔兩份食，一人一粒，好易K.O. ，聞落蛋味香，食一啖有咬口煙韌，外脆內軟......食完after taste唔會口乾或口苦或對手油淋淋。對雞蛋仔味道一直都好執著，食過幾次媽咪雞蛋仔，味道有點過濃，可能本人不重口味, 覺得有點over了，牛油下太多，有點膩，食完有d囗乾，此外坊間那些溝了不知名香精的食完口苦或留有怪味，聞落有雞蛋臭腥味，熱辣辣出爐還可以，放涼了不堪入目，沒有太大好感。紅磡雞蛋仔俾人感覺係各方面都做得好balance，就算放涼左，仍然係一底令人期待的雞蛋仔有點點離題～今日的主角係原味格仔餅,終於有機會再重逢你啦 - 格仔餅，餓住肚食先最好味，今日食嘅呢底係微暖，睇住喺餅上加牛油、花生醬、砂糖，好期待，一路行一路食！正！微微蛋香，同雞蛋仔一樣每啖都煙煙韌韌，食完好滿足！係一個享受! 感到店主嘅誠意與心思!除此之外，我都好鍾意奶油班㦸、芒果班㦸......基本上每一樣都用心製作，好足料紅磡雞蛋仔一定要繼續經營，你帶俾我地街坊唔止係美食，仲有大家的集體回憶！吳師傅又風趣幽默，好記得近期有一次買格仔餅，佢見我地兩位，佢將件格仔餅一份為二，分兩份入袋，等我地容易d食，呢份細心同人情味好正…查看更多

[ 香港．食誌 03/2016 ] 紅磡雞蛋仔 (Tea-time) (紅磡)近日終於傳出一個壞消息，小店敵不過加租，將會結業了。我自己覺得這家小店是全港最好吃的雞蛋仔，都是要結業。這次跟豬油包買了一份「朱古力原味鴛鴦雞蛋仔」HK$16 和一份「原味格仔餅」HK$13其實住了在那邊一段時間，每次都見到它大排長龍，原來，真的有夠好吃!!!所以今次見到剛開店，所以就立即去買來吃啦!!「朱古力原味鴛鴦雞蛋仔」就是想一口氣試了兩個味道，等了十分鐘，因為都有很多買，店中只有2台雞蛋仔器，和2-3台窩夫機，還有1台是煎厚班戟。每次看到老闆娘都不「孤寒」，所以其實不要以為這個價格是會吃到空殼東西。帶得大家去「食好西」，當然就要介紹好野比大家的啦!!!「朱古力原味鴛鴦雞蛋仔」幾句句子形容 - 很厚肉，很香口，脆脆的。而我個人就認為朱古力味那邊比原味更出色! 很好吃，而不是過甜太假的朱古力味的那個感覺。「原味格仔餅」牛油，花生醬和煉奶份量就是剛剛好，每一口都咬到有汁醬的。香港特色，又少一個地方了。大家要快點去再吃，去記住這個「香港小食 - 雞蛋仔 & 格仔餅」…查看更多