燒烤堂

尖沙咀 暢飲歡聚首選串燒專門店🍻燒烤堂📍尖沙咀厚福街12號藍馬商業大廈5樓➰好歌推介「也許會有一天，世界真的有終點，也要和你舉起回憶釀的甜，和你再乾一杯。」#乾杯 #五月天➰近排公司啱啱接左一單比較複雜嘅Project，成個星期都係追趕進度，難得今日可以準時收工，即刻約朋友出嚟吐下苦水，排難解憂一下。.朋友就話想食串燒飲下酒，我理所當然就推介左燒烤堂，依間都係我飯堂之選之一，串燒出品高質價錢公道而且可以同朋友開懷暢飲，甚至有時紅館睇Show之前想食餐豐富晚餐都非常推薦。.餐廳位於厚福街，距離尖沙咀站約5分鐘路程，平日夜晚都人潮滿坐，試過Walk in係完全無位，所以好建議打留話預訂咗先，餐廳裝修以木系居酒屋格調為主，室內燈光偏暗頗有情調，仲有戶外有蓋露台座位，環境會更熱鬧。➰飲品 𖥕Sapporo Premium Draft Beer 💲48(Buy one get one free!) ⭐️4.2/5⭐️餐廳飲品選擇款式都多，酒類選項有清酒，HighBall等，亦有無酒精飲品提供。但當中最高性價比就不得不推介Sapporo生啤，長期推廣買一送一優惠，生啤入口冰爽順喉，非常滿足，想暢飲嘅朋友不容錯過。🍻➰Menu菜式款式五花八門，種類繁多，而且餐廳好有心思地為每款都配搭唔同風味燒制，如日/西/川式燒烤方式等，以下重點推介本人認為必點及高度推薦菜式。✥前菜味淋魚乾(日) 💲48/份 ⭐️4.1/5⭐️率先出場就係日式嘅味淋魚乾，微焦帶甜有咬口，仲配有沙律醬，係一邊飲酒一邊傾計食野一流嘅小食。😋.桂花蜜糖本地冷蕃茄(西) 💲28/份 ⭐️4.1/5⭐️蕃茄已經預先切片，西餐處理方法浸泡係桂花蜜糖汁入面，入口甜中帶酸，仲有食到梅子粉調味，係好開胃嘅前菜。𖥕串燒厚切鹽燒牛舌腩(日) 💲48/串 ⭐️4.2/5⭐️牛舌中最珍貴同最好味嘅部分，肥美軟腍，加上厚切有彈性而且軟嫩多汁，入口豐富嘅油花回蕩，好滋味，牛舌控不容錯過。😋.汁燒橫隔里肌(日) 💲28/串 ⭐️4.1/5⭐️牛味濃郁，脂肪含量少，入口淡淡肉已經偏軟腍，好滋味。.鹽燒赤雞頸肉(日) 💲22/串 ⭐️4.1/5⭐️雞頸肉亦比較少見，同平時食嘅雞腿肉串燒分別幾大，爽韌有咬口，係一種新嘅體驗，推薦一試。❀必食推介鹽燒原塊雞皮(堂) 💲22/串 ⭐️4.3/5⭐️燒烤堂嘅自家製作推薦，係我第一次被依間串燒店吸引嘅重點，亦都係每次必點之作，香港少有餐廳將雞皮可以燒至極薄極脆，撻開每塊有手掌大細，有住薯片脆口一咬即碎嘅口感，入口散發淡淡雞油香氣，配搭鹽燒調味，送酒一流必點推介。😋.豚肉節瓜波板糖(附月見)(堂) 💲38/份 ⭐️4.3/5⭐️外形似足波板糖，其實係將豚肉同節瓜一層層疊加再捲起而成，非常有心思。每一啖都食到豚肉滋味同爽脆嘅節瓜，再撈埋鮮艷嘅月見蛋汁，平衝返串燒嘅油膩感，配搭層次豐富，整體十分推薦。😋.提燈(日) 💲38/串 ⭐️4/5⭐️今次特別想試埋提燈，一隻雞只有一串咁話，橙黃色嘅圓粒係未孵化嘅蛋，而連住嘅就係雞嘅卵巢，因為好似拎住燈籠咁而得名，入口就似烚蛋蛋黃嘅質感，偏向粉稔，同時食到好香濃嘅蛋味，而下面卵巢就似雞頸肉咁比較乾爽，整體嚟講口味唔係我杯茶，但鐘意試新野嘅朋友可以一戰。.鹹蛋黃煎墨魚餅(堂) 💲68/份 ⭐️4.3/5⭐️邪惡嘅鹹蛋黃配上香口墨魚餅，兩樣食材融合得相得益彰，份量有一大隻手掌，備有刀叉可以自行切件，墨魚餅入口惹味咸香，爽滑彈牙，中間仲有墨魚粒增加口感，惹味之選，必點推薦。😶‍🌫️✥海鮮蒜蓉燒廣島蠔2隻(日) 💲44/份 ⭐️4/5⭐️廣島蠔鮮甜飽滿，性價比高，配上香蔥同大量蒜蓉一齊入口非常滋味。.黃花魚一夜干(日) 💲98/條 ⭐️4.2/5⭐️餐廳雖然以串燒為主打，但亦有提供燒魚，而且亦非常高質，黃花魚原條上枱，兩個人食份量啱啱好，魚肉質感爽嫩乾身，原汁原味入口已經食到咸鮮味，想再豐富D亦可以點上泰式酸汁或日式鰹魚豉油，更加惹味。😶‍🌫️𖥕甜品日本芝士年糕(日) 💲38/份 ⭐️4.1/5⭐️年糕燒至微焦，外脆內嫩內餡芝士棉密，煙韌香滑，滿足。.黑糖燒菠蘿(冷&港) 💲20/串 ⭐️4.1/5⭐️最後當然要食返D凍野冰涼下，揀咗黑糖燒菠蘿串，燒菠蘿掛滿左冰凍嘅冰糖糖漿，造成表面冰脆，菠蘿本身味道已經香甜多汁，兩者融合口感更加吸引，亦都推薦。➰總結餐廳以串燒作主打，提供大眾化價錢而又高質嘅串燒出品，選擇款式眾多，又有心思地設計唔同燒法迎合客人口味，更加有自家主打串燒既吸引又有特色，加上啤酒優惠可以比大家開懷暢飲，非常推薦比三五知己或者情侶一齊黎開餐。➿➿➿…查看更多

燒烤界幾出名！有多間分店！第一次食尖沙咀分店，有分室外同室內位置，氣氛幾Chill !✅焦糖青蘋果鴨肝多士青蘋果X鴨肝完全唔知可以咁夾！一直以為鴨肝會好腥，點知一啲都唔腥，加埋青蘋果解利，口感同味道都好特別，必食推介！✅厚切鹽燒牛舌腩厚切爽口既牛舌腩夠哂滋味！✅汁燒免治雞肉丸骨棒啖啖雞肉！不過雞軟骨不多，可以更爽口！✅燒茄子串燒必嗌，入味好食！✅鹽燒原塊雞皮以為會好油，原來一啲都唔油，反而口感好脆味道又幾入味！✅蜜糖燒菠蘿 用新鮮菠蘿整，好甜！✅日本芝士年糕加練奶，小朋友口味，但好好食！…查看更多

燒烤堂係食串燒飲啤酒嘅居酒屋，sapporo生啤$48買一送一，再食下串燒，享受人生。星期五晚7:30已經差唔多滿座，記得要book位。我哋6:00 walk-in，限時90分鐘。焦糖鰻魚芝士玉子燒 $28配搭有趣，鰻魚份量少，芝士微乎其微，玉子燒蛋香而濕潤。焦糖燒到焦脆，同玉子燒幾夾，但連鰻魚食有啲怪。清燒黃金螺 $385粒黃金螺，熱辣辣，但略鹹，鮮但唔甜。厚切鹽燒牛舌腩 $48牛舌厚切燒一定好食，舌腩軟腍多油，入口即溶！推！中切鹽燒牛舌芯 $28牛舌芯比較爽口，有啲似雞腎，單用鹽調味已經好味。明太子雞腿肉 $28明太子鹹鹹地，超級惹味，份量好多，可惜雞腿肉燒得有少少乾。汁燒免治雞肉軟骨棒 (付月見) $38雞肉比例多骨，肉質軟腍，唔夠爽軟骨少。點蛋黃醬油，超級saucy🫣汁燒免治雞肉軟骨釀冬菇 $28配搭有趣但唔夾😂冬菇味道淡，加埋雞肉軟骨又淡味，味道唔夾，口感都少怪。汁燒煙韌年糕卷 $26年糕煙韌，包住紫菜，醬汁係鹹鹹哋，食肉食得多食年糕可以換口味。*孜然豚肉韭菜花卷 $24外層豚肉燒到焦香焦脆，包住韭菜花，口感特別，可惜有啲韌。*孜然燒蒜茸茄子 $36海量蒜茸，孜然惹味，茄子好腍，可以一條一條咁夾出嚟，但過分油膩，食到成口都係油。惹味爽口雞腎 $28雞腎爽口，調味唔重手，食完唔夠過癮。…查看更多

晚市堂食恢復後，窩夫相約舊同事吃飯，選了尖沙咀的燒烤堂。雖然燒烤堂不只提供日式燒烤，它的入口裝修偏日式。訂座時已預留了兩款海鮮(蟶子和元貝)，坐下來再看餐牌落單。雖然餐牌上部分食品重覆出現在不同分類，但食物選擇都算不少。蟶子(每隻$48)選了蒜蓉燒的煮法，炸蒜份量足，味道剛剛好，不會蓋過蟶子的鮮味，蟶子新鮮大大隻，令窩夫對燒烤堂的第一印象相當不錯。焦糖青蘋果鵝肝多士($78)是十大必食推介之一，青蘋果的酸中和了鵝肝的油膩感，配上香脆多士，口感豐富。厚切鹽燒牛舌腩(每串$48)爽口彈牙，愛吃牛舌的朋友必點。鹽燒原塊雞皮(每串$22)大大塊薄薄的，燒得香脆，口感有點像薯片，值得一試 。元貝(每隻$48)選了用芝士燒，芝士份量超多，做到拉絲芝士的效果，芝士控應該很滿足，不過味道稍嫌過鹹。吃串燒不能不點的孜然燒蒜蓉茄子($36)，似乎很難會失手。蒜蓉燒廣島蠔($44)一份有兩隻，脹卜卜的，蠔汁豐富，鮮味十足。鹹蛋黃煎墨魚餅($68)的墨魚餅應該是自家製的，真材實料，有很多墨魚粒，煎得很香口，墨魚餅上加了鹹蛋黃醬，令味道更有層次。第二輪落單，先來海苔黑豚肉鵪鶉蛋(每串$28)，上桌時只看到一大堆海苔。牛油果豚肉卷(每串$28)是另一款十大必食推介之一，平日較少吃熱的牛油果，味道不特别濃。牛油芝士焗雜菇($42)好像沒芝士燒元貝那麼鹹。壓軸的是蜜糖燒菠蘿(每串$18)，香甜多汁，為豐富的串燒晚餐劃上完美句號。…查看更多