龍點心 (Eastcore)

平時都係去中式酒樓飲茶多，今次路過觀塘eastcore商場見到呢間專食點心嘅專門店就入去試吓飲夜茶，餐廳都闊落光猛而且裝修都幾特別幾色彩繽紛，門口仲有自家設計嘅公仔擺設，幾得意又搶眼，而且都適合同朋友慢慢坐低飲茶閒聊餐單都幾多元化，除咗傳統常見嘅蝦餃燒賣之外，仲有多款創新精美嘅點心同燉湯，用QR code落單，茶錢十蚊位，價錢都同一般酒樓相近，全部即叫即整熱辣辣，仲要味道有水準，份量非常足料！不過我同臭屁熊今次就冇嗌到啲咩特別嘅menu，主要食番傳統嘅點心，下次有機會再去試吓其他!_➤臘腸潤腸蒸雞飯🫖$58相當有水準嘅一個蒸飯，飯硬度同雙腸肥瘦適中，滑雞件冇骨得泥大大件份量又多，臘味嘅油脂同雞油索哂個飯裏面，撈埋甜豉油一齊食，好正好惹味！➤厚切叉燒腸粉🫖$42三條腸粉，全部預先一分為二，方便食，腸粉皮厚度適中，食落軟滑煙韌，而且個名完全冇呃人，真係包住大大舊厚切叉燒係入面！➤荀尖蝦餃皇🫖$40蝦肉足料大隻，夠爽口彈牙，有蝦味，仲有少少肉汁，皮薄但唔會一夾就爛，好味!➤懷舊燒賣🫖$38大大粒，面頭鋪上蟹籽點綴，口感實淨，豬肉蝦肉飽滿，唔乾身，味道正路➤笑口叉燒包🫖$32一籠三個，都算正常大細，包皮軟熟，餡料份量足，叉燒半肥瘦，啱啱好➤馬拉小籠包🫖$42啡色皮嘅小籠包，皮薄掛汁，食落去有浸好似肉骨茶嘅味，幾特別，不過食嘅時候要小心啲，因為都幾易穿，啲湯汁流晒出嚟➤一口鹹水角🫖$36四粒鹹水角，用竹籖串成兩串，圓轆轆，好似地瓜球，一橙一綠，賣相吸引，但個皮冇特別調味，外層微脆內層黏糯，入面有肉碎，味道同普通鹹水角冇乜分別，唔會太油膩_🍽味道指數:★★★★★📷環境指數:★★★★☆🛎服務指數:★★★☆☆💰抵食指數:★★★★☆😋推薦指數:★★★★★📍龍點心觀塘觀塘道398-402號Eastcore1樓4號舖…查看更多

餐廳裝潢以港式懷舊風為主題，加上五光十色的霓虹燈，更顯點心店的熱鬧。點心的款式及種類新穎有創意，亦以QR code落單，十分方便。🔸一龍大滿足 🔹筍尖蝦餃皇 🦐餃皮有黏彈的筋性，餃餡蝦肉爽口帶香，混入爽脆清新的筍尖，爽滑彈牙🔹酸菜魚鳯眼餃 🐟入面有嫩滑既酸菜魚肉及惹味酸菜，仲有少許花椒調味，微辣又開胃🔹松露野菌晶瑩餃 🍄黑松露味香濃突岀，內有粒粒野菌，豐富得嚟亦好有咬口🔹蟹粉菠菜香蝦餃 🦀綠色菠菜餃皮包著鮮蝦及蟹粉，上面放滿三文魚籽，賣相吸睛亦很有口感 🔹鹹蛋黃墨魚燒賣 🦑一咬落口，香濃鹹蛋黃汁在口裏大爆發，配上鮮香彈牙的墨魚，很有特色🔹豌豆桃子 😋内裏的豌豆餡料亦十足，外形像一個迷你壽桃包，賣相吸引🔸厚切叉燒腸粉 皮薄的腸粉，透出每件內裡放有大大塊厚切叉燒，叉燒肉質軟嫩多汁，點上醬油，鹹香味十足🔸鳳尾蝦多士 蝦多士外表金黃，由原隻大蝦🍤配搭上薄脆多士一齊炸，炸得幾鬆脆可口，亦唔會太油膩。加上千島醬分外美味🤤🔸懷舊燒賣 燒賣一籠四粒，餡料飽滿😍豬肉醉加入香菇及脆卜卜蟹籽，味道口感控制得宜🔸黑金流沙包 熱辣辣的奶黃餡頗流心，咬下去微甜的奶黃，加上香濃的鹹蛋黃，食到停唔到口😚🔸紅豆沙奶蓋 超濃郁扎實的紅豆沙，甜度適中，加上香滑的牛奶，🥛為這頓飯畫上一個完美的句號…查看更多

觀塘創意點心▫️龍燒賣🍅🦞🐮🐷番茄海鮮燒賣，味道酸酸甜甜，好似番茄湯龍蝦汁墨魚燒賣，加左墨魚口感更加彈牙麻辣牛肉燒賣，口感似牛肉球，但麻辣味唔夠傳統燒賣，啖啖肉嘅豬肉燒賣 ▫️龍餃子🐟🦀🍄🦐酸菜魚鳳眼餃，餡料帶有花椒，味道微辣蟹粉菠菜香蝦餃，菠菜蝦蓉上鋪滿蟹籽，夠鮮味筍尖蝦餃皇，好足料，鮮甜彈牙松露野菌晶瑩餃，好濃郁嘅松露香▫️脆脆富貴紅米腸粉腸粉夠哂滑，包係入面嘅春卷好脆蝦肉彈牙，味道好夾好推薦⭐ ▫️厚切叉燒腸粉叉燒夠厚，口感煙韌 ▫️一口鹹水果柑桔造型好可愛餡料係茄子同豬肉，好似食緊魚香茄子味道驚喜…查看更多

同事見到個籠好靚嘅點心就好想試吓但好可惜疫情嘅關係只能叫外賣 (用其他app叫)🥲無得堂食點心放題 唯有食住外賣點心放題先⭐️懷舊燒賣正常發揮 皮唔厚 好多蝦籽 好食⭐️龍蝦汁墨魚燒賣普通 堂食應該好食啲～⭐️筍尖蝦餃皇正常發揮 皮唔厚 蝦爽 好食⭐️蟹粉波菜香蝦餃蟹子凍咗少腥 個皮要立起 所以厚咗些少但堂食應該好食啲～⭐️鳳爪拼金錢肚正常發揮 夠入味 外賣都做得好好食⭐️脆脆富貴紅米腸粉雖然都係炸野 但我覺得皮唔算厚 入面炸野仲脆包著入面隻蝦都仲係爽口彈牙 好食😋⭐️厚切叉燒腸粉厚切個感覺又唔差 皮唔算厚 食肉獸表示好高興但可惜有我哋好唔鍾意食嘅芫荽🤨⭐️大澳蝦醬鮮魷卷食唔到有蝦醬味 炸野真係堂食先好叫⭐️芥末蝦球哇 呢個係咁多樣最好食嘅 芥未醬做得剛剛好👍🏻⭐️一口豆腐炸野真係堂食先好叫 外賣真係不可一不可再但有大量南瓜籽 都叫做無咁傷心⭐️鳳爪排骨飯個飯量好足 見到眼都突埋 鳳爪同排骨都好食！…查看更多