博多一幸舍 (已結業)

KAKA個人好中意食日本野, 拉麵亦是最愛之一~  所以每次去日本一定會盡量試多間本地拉麵~ 真係好多間都好好味~ 不過暫時最中意還是"無敵家"的~ 真係講起都想食呀~今次試呢間係銅鑼灣登龍街的博多一幸舍, 見到出面排住隊~ 又唔係太多人~就同男朋友試下呢間啦~ 我唔太食辣, 叫左博多濃厚豚骨拉麵~ 而男朋友就叫左明太子海鮮辣拉麵~ 還叫了一碟炸雞~ 濃厚豚骨拉麵個湯底ok, 但麵質不夠彈牙~ 口感不是太好~ 席間還聽到其他食客說這個麵得70分~ $68$78反而這個炸雞做得不錯~ 非常香脆~$28…查看更多

講到飲食，其實香港人都幾幸福，唔單只晌香港搵到唔同國家、唔同地區嘅美食，仲有唔少外國知名嘅餐到香港開業，好似晌日本博多地區非常有名氣嘅三大博多拉麵：一風堂、一蘭、一幸舍，都相繼晌度開店，唔使越洋跑到博多老遠，也能夠一嚐佢哋嘅手勢 ，唔好話對拉麵迷，就算對一般食客，都喺個好消息啦。一風堂早前試過，一蘭太多人最怕排隊，有10年歷史嘅一幸舍都要試吓啦 。鮮紅色嘅門面，幾搶眼，一室木枱木櫈，牆身紅白配襯，令人感覺幾醒目。此外，一側牆上掛有木刻嘅菜牌，另一側就掛有博多一幸舍在世界各地進註嘅大地圖，數一數，原來以亞洲計都已經有超過20間 。點菜紙有中文及日文版，字大清楚。上截喺點拉麵，一共有5款味道，分別喺：博多濃厚豚骨拉麵、博多新清豚骨拉麵、黑拉麵、紅拉麵及神炎辛辣豚骨拉麵，湯底、麵嘅軟硬度都可按個人喜好而選擇，此外，一啲拉麵配料如：叉燒、溏心蛋、溫泉蛋、木耳絲、筍乾……等等，都可以額外加錢多要；至於點菜紙下截，仲有小食、飯類、飲品供應。 博多一口餃子 $30 :) 一客餃子有5隻，煎得個底幾甘香，又唔太油，咬落挺脆口，菜肉餡料幾鮮甜，不過，肉汁唔多，啲餃皮夠薄，但感覺偏腍。配上帶微酸嘅餃子專用醬油，仍然都覺得唔錯。 博多炸雞塊 $30 :) :) 一客3件嘅炸雞塊，都幾大件，據店員介紹佢哋嘅炸雞塊以雞脾肉做，仲專燈以雞皮包住嚟炸，所以，雞塊外層十分酥脆甘香，內裡雞肉又幾滑吓，沾丁點淮鹽，更鹹香惹味 :) 。 博多新清豚骨拉麵 $68 :) :) 博多一幸舍出名自有其道理，個豚骨湯自家熬製就當然喺基本，之前睇過雜誌介紹，話佢哋個湯頭會反覆熬煮，令個湯有豐富骨膠原，黏度亦相對高，所以，要細嚐一下先。依碗新清豚骨拉麵，個湯濃而不濁，一啲都唔油膩，但又有濃郁豚骨香，幾有種豬骨湯嘅「清新感」 。配料有叉燒、筍乾、青蔥，額外加隻溏心蛋，叉燒較為細片，溏心蛋喺原隻，稍後再講，而麵條朋友要軟嘅，佢話軟得嚟又幾咬勁，伴住啲湯食，味道唔錯 :) 。 黑拉麵 $78 :) :) 即喺黑芝麻炸蒜油味，濃味嘢啱我，碗麵送到嚟，個湯確喺幾烏卒卒，好彩無跳隻黑蟋蟀出嚟啫。個湯頭好香炸蒜味，反之黑芝麻味就似乎弱啲 :( ，而且，唔算好油，又唔太黏口，小弟覺得都唔錯喎；配料有叉燒、青蔥，多加芽菜、溏心蛋及溫泉蛋。叉燒據講用咗豬肩肉，既少肥，又鬆化 :) ；多蔥多芽菜，食落更爽口；溏心蛋做得「一流」，一咬即流，蛋黃凝香好食，蛋白部份亦喺做到啱啱好，正；而溫泉蛋一樣有水準，蛋汁滑溜，賣相、質感俱佳 。至於麵條要咗硬，當然唔喺硬心煮唔熟嗰隻啦，咬落更柔韌。「一幸舍」有令人幸福嘅意思，舍即喺家，比喻希望一家人幸福，一家公司裡嘅員工幸福，都祝願晌依個掙扎嘅年代，人人都可以幸福滿瀉 ！…查看更多

蘿拔仔雖然週六都要回公司加班，但早上我倆都要把握時間出去揾好野食！蘿拔仔推介蘿拔妹食呢間近期人氣超高既博多一幸舍！週六十二點來到居然唔使排隊，而且店內還剩好幾個位置，令蘿拔妹覺得這裡的拉麵真的會好味嗎 ;0一如以往，蘿拔妹總喜歡叫最普通的拉麵選擇 – 博多豬骨濃厚拉麵，要超硬麵再加上溏心蛋！拉麵大概五分鐘就來到，碗好像比其他拉麵店小呢！先試一口湯，唔！點解會甘好味！濃濃既豬骨味不特止，唔會過鹹，齒頰留香！另外仲係蘿拔妹最中意既幼麵，超硬麵水準非常高，口感十足，不黏牙又掛湯，麵底都好夠大。略嫌叉燒分量比較少，蘿拔妹叫的這款拉麵只有薄薄一塊瘦叉燒，雖然嫩滑但要加錢先有三塊！桌上的拉麵醬油說是以多種海鮮調配，但蘿拔妹覺得過鹹了，只加上一個刻度都蓋過豬骨湯的香味 :(蘿拔妹最期待既溏心蛋反而有點失色，蛋黃超大，但太實心了，糖心度不足，唯蛋黃香也能搭夠吧。蘿拔妹係第一次食拉麵飲左甘多湯！好肥但暫時係我係香港食過最滿意既一碗拉麵 食完唔夠兩分鐘拉麵面已經結左一層皮!!!!!!!!!!!!!!!!!!!另外蘿拔仔叫黎share既炸雞都非常好味！外皮超脆，裡面juicy嫩滑，點少少鹽更加香！交比蘿拔仔講下佢叫既拉麵先蘿拔仔一向都對黑蒜情有獨鐘, 鐘意佢既香味同微咸既味道, 而呢一碗黑拉面就成功地俘虜左蘿拔仔喇! 個湯底黑嘛嘛夠晒香濃, 又唔會冚晒啲豬骨味非常之唔錯呀! 對蘿拔仔黎講拉面要普通既硬度就剛剛好, 食到尾個陣都未係好淋, 掛湯程度都唔錯! 配料方面都係叉燒, 不過呢, 比起蘿拔妹個碗就闊卓啲, 有三塊, 不過太瘦喇, 蘿拔仔都係鐘意塊叉燒有小小肥同埋厚度, 咁口感同味道都會更加香嫩呢! 另外, 呢碗面有大量既芽菜托起晒個面底, 應該係比較大碗的XD 芽菜都頗為清爽, 亦都可以增加面既口感, 無咁單調:)香港地, 呢到已經贏過唔少同樣聲稱係過江龍既拉面鋪喇!…查看更多

每次吃拉麵，我喜歡的就是那種沾有日本文化的氣息，我會覺得自己就是在上那個多年前的電視節目，<是日本人鄭嘉輝>，還在懷念那些年聽TRF，追love generation 的日子。雖然現在拉麵的文化已經遍地開花，完全溶入了香港的飲食文化中，但不知為何，每次吃拉麵總有點那種異鄉文化的神髓。 之前的Ramen champion ，那個小小的area卻滿佈了五六個不同派系的拉麵，更令我以為就身處日本的地下街，或者是那個乾淨無比的街頭，曾經一天和朋友試吃了三間，貪吃得抱著滿足的肚皮離開。之前在佐敦的恆豐拉麵戰誰勝誰負，終沒有定案，只不過如果你喜歡拉麵，你可以一星期七晚大概也可以吃不同的派系拉麵和不同的味道和款式。之前在這裡出現過但最後突然告別了Ramen champion 的就是這一間現在自己單飛挑機的博多一幸舍。當然，突然失蹤的原因很多小人之心會想是因為敵不過對手而做敗犬，但結果剛剛相反，就如hebe在S.H.E中單飛演出後卻越戰越勇，這間就是有實力，而且舊鋪沒有適當的位置去發揮他們的所長而離開，就在這登龍街豚王的對面舊舞心的鋪頭來向銅鑼灣這個大拉麵戰場下一張戰書。入到店裡，那日式風格和從前舞心的格局有點類似，舒適，不用唱吳雨霏的逼得太緊。開放式的廚房加上精美的佈置，的確對比從前在恆豐的拉麵戰場有更多發揮空間。今次的試食，店方的確誠意十足，竟然有其創辦人吉村幸助先生坐陣，的確令我感到驚喜十足，而且今次由上到下的工作人員都和你有十足的互動，你完全感受到他們對拉麵的熱情。聽店方人員說，這裡的menu盡量與日本造到一模一樣，五種不同的拉麵，其實都來自其一濃一淡的湯底。這裡的湯底是由兩個日本人註場，確定湯的標準是跟足原味，並不像外間一些拉麵店的湯底是用雪藏好的湯底製成品。為了吃到最真的原味，我選了博多濃厚豚骨拉麵($68)。首先，價錢真的好驚喜，坊間很少有這個價錢的拉麵，當對面的豚王是差不多一百蚊一碗的時候，我絕對相信這裡有動搖豚王的能力，加上其質素也今非昔比，不過題外話也不說太多罷，說回拉麵，與正宗的日本鋪一樣，湯底的味道，油量，軟硬度，香料都可以選擇。首先飲一口湯，選了鹹一點的都不是十分濃，加一點拉麵醬油就剛好，原來是他們害怕我們口味較淡之故，所以原湯頭特別淡了一點，不過的確簡單用水和健康的歐洲豬骨煲出的湯頭的確是動人無比，其店方建議的超硬麵非常好，吸盡湯的精華與味道。蔡卓妍說，吃博多拉麵，最愛吃蔥花，這裡的蔥花切得精美，散落於拉麵間，和湯頭拉麵組成鐵三角的幽香。拉麵裡的叉燒很薄，不是那梅花腩的厚和肥，更吃得出叉燒的味道。流心蛋當然也是上乘之作，咬下去其流心就是全世界的幸福滿瀉，滑滑蛋白加上濃郁的流心，是不得了的一個配菜，加添了拉麵的靈魂。另外枱上有不少配料，任君口味發揮，當中最特別為辛辣高菜，嚐辣者必試，其辣和野味令麵的個性更顯突出。博多一口餃子$30,，這個是另一驚喜之作，即叫即整，一來到桌面其“的的骰骰”外表已叫人覺得可愛，一口餃子不太大隻，真的一口就可以吃到。不過要小心，因為即整關係熱到不行，但表皮很薄，底超脆，餃子加上秘制辣油，吃完更加高呼不得了，可以說是全晚最驚喜之作。博多炒飯$35，第一口吃，的確是驚為天人，不過好像越吃越鹹。飯有點豬骨味，原來是用了豬骨的湯來炒飯加上，蛋花，洋蔥，叉燒，雞蛋等來炒，簡單一味已是最佳回憶。如果你喜歡重口味，你定必喜歡。雖然有點鹹，但其炒飯炒得乾身，每粒細緻分明，也是值得推薦。博多炸雞塊$30，上場又是熱辣辣的，炸得剛好，雞皮薄而且非常多汁，薄薄的雞味令我吃得健康一點。而且雞肉嫩滑，味道一流，配合其自家辣粉，就如那些台灣地道惹味小吃。當然這件雞的質量較好，沒有那些平常有的千年油味道，吃落也較為感覺清新一點。博多薯仔沙律($25)也是我的另一favourite,沙律裡加上蔥花，明太子和黑椒，感覺不像平常的fresh，反而就加上了一種野性，和平常的沙律清甜素顏有很大分別，那種神秘多變而野味感覺強烈的風格令我印象十分深刻。吃完這麼的東西，很滿足，計下數，一碗拉麵加一個小吃也是對面一碗拉麵的價錢，我有點害怕其鋪的租金之高令其要被迫加價而我們又要捱貴東西。店方希望和日本睇齊，是故連價錢也和香港一般的拉麵鋪有距離，但我相信憑著其出色的食物，我完全不用擔心。離開是為了回來，之前離開拉麵戰場的原因更令其方向更正確，因為有了經驗，必定做得更好。hebe 單飛後越戰越強，歌曲多元化而搶耳，第三隻碟的一首單曲你就不要想起我，令人神傷。我想，Ramen champion ，博多一幸舍也可以對你唱這首歌 ，一個小小的鋪位，放不了決心單飛和容納不下這麼多美食去盡顯天下的本事，你就不要想起他罷。有勢力的，定必會振翅高飛的。 …查看更多

我不是一個拉麵迷，又不是嚐過太多拉麵店，喜歡的是豚骨拉麵或鹽味拉麵，由於鹽味拉麵在港並不流行，所以只鍾情於某幾間。最近，於日本博多拉麵店中有名的博多一幸舍由Ramen Champion撤出後，再次捲土重來，於銅鑼灣登龍街開業，對面正正就是香港人氣拉麵店豚王，位置不理找到。來到門口，紅噹噹的非常搶眼，而且帶著濃厚的風味。因今次是試食會，所以我們一行十多人像包場般霸佔了店內大約二十多個座位。店內兩旁分別是餐牌及麵店的歷史，更有小提示介紹枱上各瓶調味料的名字及用途，讓客人隨意加減味道。另外，點餐單鮮豔有趣，而且食物種類及價錢一目了然。今天是由麵店創辦人吉村先生由日本到來親自炮製，所以心感興奮。他亦毫不保留地展示了廚房重地的狀況，由煲湯、熬湯、煮麵至擺盤皆盡現眼前。當中他亦以首創的拋麵技術將多餘水份篩走，保持麵的質地。是日第一碗要嚐的是店中招牌博多濃厚豚骨拉麵，因店方想我們先嚐一嚐味道鹽分淡一點的味道，所以我亦點了淡一點。這時我十分好奇地問，濃厚味道淡一點與新清味道咸一點的分別時，店員說到因濃厚豚骨拉麵的湯底是經二十多小時熬製，而新清豚骨拉麵的湯底則是一半熬製時間，味道的濃厚度有著極大的差距。她亦指出港人喜歡鹽分淡一點的，所以希望我們先嚐淡一點，因枱上的拉麵醬油是由日本 “YAMATAKA” 提供的手工醬油與20多種天然海鮮調味料秘製而成，加入太約一格就會等同原味的鹽分咸度。這碗是味道鹽分淡一點，油量普通，軟硬度是硬的麵底，及加入青蔥的組合，而且拉麵配料會附上木耳絲及叉燒。輕嚐一口湯底，湯是香濃順滑，但始終欠了點咸味，加入拉麵醬油後，不但令香濃度提升不少，更帶出了豚骨的鮮甜味道來，好喝了不少。博多拉麵多用幼白麵，浸了一會，麵的硬度亦合我心意，帶點嚼勁叉燒是薄切的款式，做得紮實不鬆散，肉味夠濃，亦夠軟腍滑溜，而且價錢只是$68，感覺相當滿意。其實配料方面，溫泉蛋及糖心蛋的生熟程度不錯，但略嫌蛋味較淡，後者的流心程度真的不俗，喜歡流心的朋友可以一試，畢竟香港人大多都是無蛋不歡的。除了兩款原味豚骨湯底外，還有三款口味，分別是黑拉麵、紅拉麵及神炎辛辣豚骨拉麵。在座多位都只選了黑拉麵或紅拉麵，無緣神炎拉麵的面貌。先嚐一口黑拉麵的湯底，是由黑芝麻及炸蒜油組成，芝麻味十分香濃，但炸蒜油的味道明題不及黑芝麻味濃，多一點會更好。紅拉麵則是明太子海鮮味，我會喜歡這個多一點，帶上少許明太子的辛辣味，吃來更為香濃。拉麵之外，亦有多款小食供應。博多薯仔沙律加入了雞蛋後，軟滑的薯蓉多了一份蛋香及嚼感，而且明太子則令味道層次提升了，簡單而剛好的味道。博多炸雞塊不油不膩，表面乾身香脆，肉質仍然鮮嫩，調味得剛好，如感味道不足，可蘸上味粉，但感覺較為乾燥。後來細問之下，原來亦可要求店方奉上沙律醬。博多一口餃子是我喜歡的Size，個小細小，煎得香脆，餡料都算飽滿，值得一試。博多炒飯於我而言有點矛盾，因中國人對炒飯的要求非常高，講求飯粒分明又要乾身，但這兒的並不乾身，在炒製的過程中更會加入豚骨湯，所以飯粒較為源潤，亦因此而吸入了豚骨湯的鮮味，吃來更為香口。是次嚐到的拉麵及小食水準皆是不俗，當中尤其喜歡炸雞塊及一口餃子的小食，我的拉麵名單上又可加多一間了。另外，於13/1-18/1會是試業階段，每天只會限售200碗。麵店將會於19/1隆重開業，首三日享用博多濃厚或清淡豚骨拉麵更可獲半價。…查看更多

未開張已經有機會可以試到博多一幸舍的菜式，真係好開心。店舖係登龍街，夠晒就腳，好方便。店內環境乾淨，夠光猛, 坐得幾舒服。呢間日本拉麵店2004年係日本開業，到依家已經有十年歷史。店內亦有兩位由日本過來的師傅主理食物!佢地一碗湯為用一斤豬骨熬製，所以湯底夠晒濃，夠晒骨膠原, 飲落粘口! 我揀左黑拉麵, 略嫌蒜味唔夠香濃, 但枱上備有香蒜可以自己加上! 义燒係選用豚肩位, 所以唔會太肥膩, 薄薄一片, 食落好腍! 糖心蛋有小小過熟, 可能因為我浸得太耐! 拉麵是幼身的, 軟硬適中! 但可能冷氣太大關係, 碗麵好快就凍晒, 所以要快啲食! 雞塊炸得好脆好香, 雞肉依然嫩滑多汁, 雖然係炸, 但食落一啲都唔油膩!一口餃子, 一口一個, 食落好方便! 餃子外皮煎得好香脆, 內裡餡料有菜同肉, 肉鮮多汁!炒飯, 飯炒得夠乾身, 飯香十足! 但味道偏鹹, 如果無咁鹹就prefect!薯仔沙律, 加有明太子, 鮮甜好味! 薯仔好腍,食落唔會有硬身一粒粒, 有啲蛋粒, 蛋味好香 !這間店好有心, 用餐後主廚都親身跟我們了解食物是否岩口味, 有沒有可以改進的地方!!…查看更多