金雞去骨海南雞專門店

週末天氣不錯，跟朋友到萬宜水庫郊遊。起步前，朋友提議先在西貢食中午飯，並帶我們來到這家海南雞專門店！到店的時間尚早，11點半都未夠，店內並無其他食客，不用等位就能入座。睇完餐牌一輪，見食品來來去去都是雞﹑元蹄及肉餅，就直接叫份四人餐啊！金雞四人餐 ($298) 包括招牌去骨海南雞一隻 (麻辣加$10)﹑滷水西貢狀元蹄或香煎手剁咸魚蓉肉餅﹑滷水汁時菜﹑老火湯﹑飯及飲品！三餸一湯已經夠食！！老火湯，本以為是中湯，原來是南瓜湯！南瓜蓉絲絲幼滑，雖不是滿滿的南瓜蓉，但味道香甜，幾好飲！！油飯，味道好香，不會太油膩，飯粒尚算分明～當中還加入炸蒜，增添香口的程度！！招牌去骨海南雞，因有朋友不能吃辣而沒選麻辣。黃油雞皮的賣相不錯，雞型亦砌得靚仔！！先不蘸任何醬料來吃，都已好夠味！！皮爽脆而肉嫩滑，啖啖肉又帶雞味，好食反而醬料並不特別出色，辣醬﹑豉油及蔥油的味道都普普通通！全隻雞的好處是，大家可揀選自己愛吃的部位滷水西貢狀元蹄，元蹄大大隻，被滷水醬汁滿滿的包封著～～元蹄滷得好入味，不會太鹹之餘還隱隱帶滷水汁的香甜！煮得軟稔易咬，稔滑得接近入口即化的狀態，充滿骨膠原感！！正！！油菜及飲品是正常貨色～～～整體來說，食物的味道都幾好！！食物上桌速度好快。只是座位有點狹迫，幸好時間早而店內沒人～～到我們12nn離座時，就開始有一兩枱客了！…查看更多

又到食lunch嘅時間啦，今次有少少想食東南亞嘅嘢食，就黎左呢一間專食海南雞飯嘅小店。舖頭位於一個小巷入邊，唔算話好隱蔽，但店舖個空間比較細，位置唔算有好多！而我見到佢哋嘅lunch set個價錢都幾相宜，所以就入咗嚟試吓。而佢哋嘅lunch set都會附送一碗南瓜湯。首先講一講南瓜湯嘅味道，好少會由餐廳提供南瓜湯，見佢本身以為佢哋隻南瓜都會煮到散晒，但飲落去又唔覺得係，而且好濃郁嘅南瓜味道同埋好清甜，非常之好飲。而另外佢哋嘅主菜就係海南雞飯，當中佢哋都會附送返海南雞飯嗰三款醬汁。個份量來講，飯同埋個雞嘅份量都適中，依家雞食落去都好滑，再點埋呢醬汁真係正！已最令我驚喜就係佢哋個油飯，入邊有好多炸蒜，令到成個就返食落去都好香口，當中我諗冇乜邊幾間可以做到。…查看更多

成日都聽人講呢間海南雞好出名，所以今日禁岩嚟到西貢就試下佢。間舖頭好細，得5，6張枱倒。今日好彩係平日少人啲如果唔係一定有排排先食到。我地兩個人想食多少少嘢，所以叫左個金雞二人餐。首先嚟咗個南瓜湯，好重南瓜味同好溶，好真材實料好好飲。-西貢滷水狀元蹄滷水汁好入味，令到成隻豬手都好有滷水味。另外隻豬手好滑，唔會乾柴柴，脂肪同肉嘅比例都啱啱好。真係食唔停口。-無骨海南雞半隻到主角出場啦，一攞出嚟就見到隻雞好嫩滑。但你就唔好expect 佢會好有雞味😂 啲雞做到嫩滑已經好好😋另外嗰啲醬油都做得好好味。-雞油飯一聞落去就已經好香雞油味，呢個雞油飯都煮得好有心機，唔單止落雞油煮仲有加咗啲炸蒜同八角，等個雞油飯更加有層次。👍🏻176蚊食到咁多好味嘅嘢，真係好抵。唔怪得知，咁多人會過嚟排隊。下次會再嚟食👍🏻…查看更多

大概兩年前我嚟過呢度食海南雞飯，果次一食驚為天人，所以今次我對佢有比較高嘅期望。有外面睇你淨係見到一個大大嘅招牌，裏面環境比較細，只係有幾張枱，但係勝在啲餐黎得快人又食得快，所以人流都OK。我見今次入去老闆娘都唔喺度，有兩個後生仔喺廚房裏面煮，可能因為開咗分店老闆娘會向另外果兩間分店度做 ？我真係唔太清楚。坐低左嗰位泰國婆婆好快來take order，服務態度好好而且見我哋多嘢攞多咗張凳俾我哋擺袋添。話咁快間海南雞飯嗰個南瓜湯就嚟啦！同兩年幾前飲一樣咁好味，清熱下火冬天或者夏天飲都一樣咁好。不過湯好似比以前少左d。海南雞飯好快就到啦，個樣擺得冇以前咁靚，個飯散左少少不過可能午飯時間比較多人，所以冇辦法做得咁靚。海南雞飯食落冇咗以前果種驚喜，個飯嘅雞味都出嚟，啲雞都OK。去咗皮嘅雞肉冇乜雞嘅鮮味，但係有雞皮雞肉就好味啲。比起兩年前食好似差左少少因為個雞冇以前果種爽口同埋雞鮮味。可能我美化左以前嘅經歷但係今次食落個海南雞飯有啲平平無奇，但係飲嗰啲汁就好好味。特別喜歡佢有少少辣嘅醬汁，應該就係嗰個泰式醬汁啦。…查看更多

黃昏時，剛好女朋友來到西貢，便和她在食街遊逛一下，順便試食海南雞飯，點了金雞二人餐(HKD 176)。上菜速度: 15分鐘上菜速度快，大約下單後15分鐘便來齊食物。食物還是要熱食為佳。招牌去骨海南雞飯: 雞嫩滑、飯不夠油香去骨海南雞有半隻，雞肉嫩滑多汁、不過飯則不夠油香，也不夠熱，使到整個菜色失色不少。醬汁以辣椒醬為佳，黑醬油和薑蓉甚為普通。咸魚蓉肉餅: 咸香鬆脆，值得一試肉餅外脆內軟，煎得不俗，餐廳將其切件，方便人吃，值得一讚。菜: 較為軟身，味道普通南瓜湯:香甜可口，沒加味精最後176蚊埋單，總體而言，味道尚可，只是油飯和菜不夠突出。如果想平平地試食海南雞飯，這間絕對可以一試。…查看更多

今日同屋企人出完去西貢郊遊之後，出返市區，個天已經開始黑，喺返屋企之前，諗住喺市中心食個晚飯，先至返屋企。我哋轉左入呢一條食街，見到有好多間餐廳，又突然間好想食海南雞飯，行到去街嘅差唔多盡頭嘅位置，見到呢間以海南雞作為招牌嘅餐廳，滿心期望地試一試佢有幾好食。餐廳內嘅枱數量唔多，大概有五至六張枱左右，當晚，店內嘅位置全部坐滿，係店外亦都開咗幾張枱，招呼多出嚟嘅客人。店員大概有三個左右，似係家庭式嘅店，但要同時應付大約20個客人，個人覺得安排有啲差，因為佢哋完全無派飛比等位嘅客人，我哋叫完嘢食，亦都冇一張單俾我哋，完全冇記認，叫咗嘢食之後，等咗大概10幾20分鐘先至有一碟飯到。睇返嘢食先，我哋太頸渴，所以未影就飲咗半碗湯，呢個係南瓜湯，有啲驚喜嘅，因為南瓜肉都幾多，好足料下，味道亦都幾清甜！黎到海南雞專門店，當然要試一試個海南雞啦！相信叫得海南雞專門店，味道同質素都唔會差得去邊，但正正就係抱住呢個期望，第一眼睇佢個賣相，就覺得普通到不得了，本人都食過好幾間海南雞飯，呢間算係最差。調味亦都麻麻地，突出唔到雞嘅鮮味。真係唔好意思，味道差得我一定要比劣評，我哋冇加＄10轉脾，可能因為咁，有大約三分之二嘅雞，都係雞胸，鞋到不得了，最大問題係，唔知點解會去埋啲雞皮雞油飯係整得唔錯，但冇左最重要嘅海南雞去配，飯整得再好食都係冇用！成餐飯比較好食嘅反而係呢個，香煎手剁鹹魚蓉肉餅飯，佢外皮煎得幾香脆，外皮既感覺好似將啲鹹魚鋪喺面咁樣，幾特別！食咗半碟左右，開始頸渴，因為越食越咸，所以兩個人食會啱啱好。其中一個跟餐叫咗嘢飲，叫咗凍華田，諗住咁普通嘅嘢一定無死啦，點知一飲落去，味道極淡，好似溝左好多水咁樣，失望！鍾意食海南雞既你，相信仲有好多間其他嘅可以好好選擇，而且坐得仲舒服好多。…查看更多

難得西貢搵到咪錶位，半身冇諗住食野，但既然係咁，就落車覓食！穿過横街窄巷，終於到呢間好細，但門口貼滿晒訪問嘅餐廳。從來都唔多信呢啲訪問嘅我，今日又真係好想食海南雞飯，OK就試吓！南瓜湯見到一絲絲南瓜肉嘅湯！清甜滋潤又足料，熱辣辣暖到入心去骨海南雞髀飯 ($59)雞肉肥瘦均勻，冇乜肥膏，又砌得整齊，非常嫩滑而且有雞味，唔係嗰啲雪到乜味都冇晒嗰啲雞；亮麗嘅油飯粒粒分明唔會過鹹過膩或過濕，軟硬適中，有超濃嘅油香，最特別嘅係有葱及乾葱，食食吓仲有一粒八角，比起平時食開嗰啲油飯，呢個明顯有心思及香口得多！雖然環境麻麻，而且都幾迫吓，但真係好好味，食完之後有好溫暖嘅感覺！雞未必係全港最好，但個飯就肯定係我最鍾意食嘅！2017之前竟然食到咁好味嘅海南雞飯，真係太滿足了！…查看更多

終於到10月啦!! 豐富既節目開始啦!! 10月1號就帶埋屈小姐同賴生既同事們去西貢麥理浩夫人渡假村宿營! 好好彩，個天賜我地好天氣!約左大家1230係西貢等，入camp之前，梗係要食個lunch先啦! 屈小姐就一早做定research, 帶左我地去食海南雞!金雞海南雞，聽聞係西貢都幾出名下嫁!我地一行5個人就去探下路啦。佢係條巷仔入面，如果你坐唔到入舖，就要係巷仔坐檯食。其實條巷仔唔算太乾淨呢…! 好彩我地早去，坐到入舖。冷氣ok, 不過座位就窄d d店員見我地拎住1袋2袋都好細心比左張凳我地放野，又介紹埋4人餐點食會比較抵!由於賴生同屈小姐去之前食左個豐富早餐，所以我地5個人叫左個4人餐share! (盛惠$288)個4人餐有1) 南瓜湯x4 (4.5星)- 好濃南瓜味，見到個湯一絲絲南瓜肉- 唔錯既中(?)湯2) 油飯x4 (3星)- 普普通通，不過不失3) 1碟油菜 (3星)- 份量同你係粉麵舖食既一樣，但係佢話for 4人份的，唔多夠食…4) 原隻元蹄(冇揀) / 魚香煎肉餅 (5星):)- 店員話食元蹄抵d, 因為原價要$118/隻但我地有人唔食元蹄，所以無揀- 魚香煎肉餅煎得好脆，充滿魚香味!! 唔錯，而且唔太油:5) 原隻去骨海南雞 (配麻辣汁加12蚊) (4星)- 雞肉都好滑- 點佢比你既醬汁 (豉油，薑蓉&辣醬) 都ok- 不過就細隻左d6) 熱飲x4題外話，（親身體驗，非廣告）如果唔睇地點，元朗既【孖x海南雞】，果度啲雞大隻1.5倍，麻辣醬唔駛加錢，菜真係For 4人份量，而且小菜可以揀3款! 性價比同味道/環境都會好啲! （不過西貢始終係遊客區麻:))#HappyWeekendFinallyStarts…查看更多

淨係西貢巷仔已經有3間賣海南鷄飯的食店，只有巷頭巷尾兩間比較好食，去參觀完朋友裝修中之新餐廳酒吧，當然要食返碟海南鷄飯，今次又再食巷尾的金鷄，點了無骨海南鷄套餐，配油飯及包一碗南瓜湯，一分鐘未夠就上枱，賣相有八十分，鷄肉尚算滑嫰，油飯有乾蒜在內，令到飯粒更入味，雖無之前那麼好食，但已經算很不錯的，南瓜湯夠火喉夠入味，不過$48太貴了！…查看更多