丼丼屋 (青衣城1)

今日兩母子冇嘢做，就去咗青衣城玩。玩完見有啲肚餓，就開始搵嘢食，見到丼丼屋有好多人排隊，就貪得意排下。點知排咗唔使5分鐘就入得，不過要坐單邊枱，是但啦冇所謂啦肚餓乜都得😌😌十勝帶廣名物豚丼（並盛）有4塊燒豬肉，肉質比較乾，可能煎耐左。不過醬汁搭救，而且飯係珍珠米，整體不過不失。鹽燒鯖魚魚皮燒得香脆可口，魚肉鮮嫩多汁，值得一讚！👍🏻個蘿蔔汁可以點可以唔點都得，因為本身條靖魚都夠哂鮮味。$38 黎講真係抵呀！今次最特別嘅係叫咗杯「兒童啤酒」飲。事緣係我發雞盲睇唔到叫一個飯可送果茶，我以為冇嘢飲，個仔口渴所以就叫左不杯嚟試吓，點知錯有錯着，枝「啤酒」真係好得意🥰，其實佢係有氣既梳打果汁🍹，完全冇酒精成份，但倒出嚟啲顏色真係勁似啤酒，連啲泡都似到十足，個樣真係呃得下人，當然飲落去就係果汁味啦😆😆間唔中飲吓都唔錯☺️…查看更多

到青衣城行街 肚餓就食返個丼丼屋 夜晚時段 都係等左兩三張枱就有得入啦 今次對住個廚房既單邊位坐《十勝帶廣名物豚丼》可選並盛（正常）/特盛（加大）煎香的豚肉 淋上醬汁 味道濃郁 送飯一流《炙燒海鮮丼》有蝦刺身 有蟹籽 有炙燒三文魚 有炙燒帆立貝 $88有4種海鮮 仲要厚切 仲要新鮮 份量滿足 不錯《Koey’s Pink Sunset》總共可以斟到4杯 足夠同友人分享😃每杯都有兩粒大大的荔枝肉 仲有梅 除左令甜甜的梳打帶點酸味 更醒胃外 仲可以作點綴 配合返Pink 必飲😋加埋服務費 都係$235.4/2位 抵食的一餐…查看更多

青衣城假日的晚上無論吃什麼餐廳都要等位，最快這間餐廳有位，就唔諗坐下來。餐廳坐位舒適開揚，餐牌選擇雖然不算太多，但也是足夠。炙燒海鮮丼(內裏有炙燒大蝦、炙燒帆立貝、炙燒三文魚和飛魚籽)及三文魚油甘魚丼，相信與同是美心集團的元氣是採用同一供應商，所以內裏的魚生也是一貫元氣的味道，也尚算新鮮。相信丼丼屋的Wasabi是原條磨出來的，所以比一般用粉混出來的wasabi好食。唯一要挑剔就是豉油，豉油比一般日本豉油鹹。汁燒牛扒丼，牛扒軟綿綿，又滑又有牛味，非常推介。十勝帶廣名物豚丼，燒過的豚肉香濃，但豚肉比較粗嚡。…查看更多

以前喺地牢個層，未試過，依家搬左上二樓，見到menu好似好吸引，今次入去試試。坐位唔算太闊，坐得一般。每個位都可以自助任加水蕃茄豆腐沙律 $25⭐️⭐️⭐️⭐️蕃茄新鮮，豆腐滑滑，醬汁偏酸，都幾開胃既。十勝帶廣名物豚丼-特盛 $108 ⭐️⭐️⭐️見到大大廣告勁想試呢個，有並盛(R)$88同特盛(L)$108，一問之下原來飯既份量一樣，只係特盛會多2塊豚肉。珍珠米唔錯，豚肉好香，可惜比較鞋。如果喜歡食豚丼，一風堂既豚丼細細個d肉嫩仲可以加蒜蓉好味好多。福井蟹丼定食 $198（期間限定）⭐️⭐️⭐️⭐️蟹膏係成個定食既重點，撈完飯已經唔大蟹膏味，如果多d就好啦！蟹肉就應該係雪藏蟹柳，蟹味無乜。隔離有兩枱食吉列豬扒滑蛋好似幾香，同埋有人食燒澳洲和牛定食都好勁咁，隔離飯香，下次試個2個睇下會唔會有唔同評分。…查看更多