今次介紹既係不嬲有唔小文青cafe、甜品店既西環區，入面一間日式甜品店。店主曾係美國擔任西、日餐廚師，係17年12月同太太一齊係西營盤開左呢間甜品店「松屋」。店舖主打抹茶、梳乎厘等，除左食得之外仲賣相都一流。-🥧⃣ 北海道牛奶原味梳乎厘💰58（👅: 8.5/10）梳乎厘份量大，啱啱焗起所以溫度非常夠，食落熱辣辣，賣相唔駛講好靚，上台時可以見到震震下既感覺。質感係我食過最好食，入口即刻融化，好似食緊空氣但蛋味同牛奶味隨即入口，唔會太乾太濕。蛋白打得順滑，食落幾綿密，蛋味明顯。甜味都係靠上面既砂糖粒，個人覺得小小甜不過可以接受，食完完全唔覺得膩。雲呢拿雪糕就正常發揮。-🍵 日式蕨餅配抹茶心太軟💰68（👅: 7.5/10）自家製抹茶心太軟配上日產蕨餅、日產抹茶雪糕，再灑上抹茶粉，而抹茶粉係用京都丸久小山園抹茶粉。心太軟厚度適中，但食落流心溫度唔夠，流心效果都唔夠明顯，唔會一切就流出黎。流心味道正常，食到香濃既抹茶味，外層算鬆化不過有食過更鬆化既外層。日產蕨餅食落係軟身個種，煙韌得黎又軟稔，個人非常鍾意，因為有試過食硬身，蕨餅食落黏口，所以同抹茶粉幾夾，味道主要係靠抹茶粉。抹茶雪糕要配心太軟一齊食因為一凍一熱，抹茶味夠，但要好快食，掛住影相個雪糕好快會融，因為係心太軟上面。-🌟最出色一定係梳乎厘，本身係出面甜品都好小食到，仲要係咁高質既梳乎厘，抹茶心太軟就覺得心太軟做得唔夠熱同流心，抹茶味可以再加強。另外抹茶蛋卷、其他味道既梳乎厘都係多人叫既甜品。-👅味道: 8.5/10🍴環境: 7/10💰消費: $95 (服務費: NA)…查看更多
