鴨大哥 (時代廣場)

終於去咗銅鑼灣時代廣場嘅「鴨大哥」試食啦～呢間係廚魔搞嘅粵菜館，仲加入咗「少鹽少糖食店計劃」，食得健康又好味，一定要同大家分享下我試嘅菜式～🍽️食咗咩：1.北京烤鴨：鴨皮燒到油亮酥脆，咬落「咔嚓」聲好治癒，鴨肉嫩到出汁，同薄餅一齊卷，經典味真係無得彈～2.梅子荔芋鴨煲：鴨肉炆到一夾就散，梅子嘅酸甜、荔芋嘅綿密全部融喺濃稠醬汁入面，每一啖肉都掛住醬，撈飯簡直絕配，默默食多半碗飯～3.荔枝山楂咕嚕肉：塊肉外層脆卜卜，裏面又嫩，醬汁酸甜得嚟仲有荔枝嘅清甜同山楂嘅微酸，仲有彩椒同蝦仁墊底，口感好豐富～4.欖菜肉碎炒秋葵：秋葵保持住脆嫩，欖菜同肉碎嘅鹹香滲晒入秋葵度，夠晒鑊氣又清爽～5.五柳鴨絲炆鴛鴦米粉：米粉吸晒醬汁，軟滑得嚟又有咬口，鴨絲好嫩，配五柳菜嘅酸甜，食到停唔到口～6.海鮮鴨湯泡飯：湯頭奶白濃郁，鴨香同海鮮鮮味夾埋一齊，泡飯食暖笠笠，好夠飽足感～7.黑白木耳剁椒蒸龍躉腩：龍躉腩肉好實淨彈牙，剁椒嘅鮮辣包住木耳嘅爽脆，蒸得啱啱好，鮮味全部鎖喺肉入面～間店環境幾雅致，服務都好貼心，人均大概101 - 200港幣，約朋友或者屋企人食飯都好適合～鍾意粵式創意料理又想食得健康啲嘅朋友，真心可以試！#香港美食 #銅鑼灣美食 #香港探店 #粵菜 #北京烤鴨 #少鹽少糖 #廚魔 #時代廣場美食…查看更多

朋友臨時約食飯聚會, 加上又係星期五, 最後只有8點半時間入坐.原本想食埋甜品,  可惜時間唔夠, 9點半未夠要CUT單, 加上上菜勁快, 食物一次過上晒臺,  又涼得快,  檯上又沒有太多空間, 唯有盡快食完.  食物方面, 烤鴨吾錯, 上檯時已是凍左. 稍為感覺'漏'一點. 黃魚; 小籠包唔值得推介, 前者好腥, 後者湯; 豬肉小, 沒有特別, 加上食唔切; 涼了沒有口感.值得推介 : 海鮮鴨湯泡飯, 足料和味道平均; 加埋有脆米放在飯頂, 好夾, 好味.…查看更多

一家人慶祝呀妹生日，就試下食依間扁皮鴨 😋book左8pm但去到都要等一陣先有位全晚感覺到員工太少，唔足夠應付全場既人🧐落單會有落漏/等好耐先有人幫你ಠ_ಠ🐤陳醋海蜇 $128口感彈牙，味道好濃醋味，超開胃👍🏽加埋有大量蝦米吊味，好食😋🐤南翔小籠包 $68一嚟到見到好扁就覺得一般，夾起無話好多湯食落去入面肉較少，不推薦😶🐤北京烤鴨 $590/一隻主角！我地5個人食一隻覺得岩岩好！切左一大半係連肉，另外有D就只有皮個鴨皮都烤得好脆，食落唔太膩，所以可以食多幾片🤩薄餅皮重有個蒸盤熱住，非常貼心💖🐤海鮮鴨湯泡飯 $218依個必食！個湯好味之餘重好足料🤪每一啖都有食左鴨肉絲同埋蝦泡飯重可以加埋脆米食，成煲都食哂(˶‾᷄ ⁻̫ ‾᷅˵)🐤薑蔥班球 $280滿足想食魚肉又怕多骨既朋友，有好多大片既魚肉👍🏽薑蔥味道就預左比較重味，有好多不同種類既菇🐤鴨大哥砂鍋炒飯 $198炒飯都好不錯，岩岩嚟到係超熱出哂煙🍲材料應該同泡飯差唔多，但炒飯就食到獲氣，夠哂香🤩🐤黃金蝦 $198超大舊蝦肉，彈牙爽口，略嫌唔夠咸蛋黃香😀🐤蓮蓉壽桃包 $58依個係要預訂，三個三個咁計唔係超大個個款，不過入面都有咸蛋黃😋包都鬆軟同埋蓮蓉夠香，慶祝生日可以叫🥳🐤養顏棗皇糕 $42我地叫個陣咖啡糕已經賣哂ಥ_ಥ可惜叫左棗皇糕試下，味道好香紅棗味但口感一般，外層係軟糯，但咬到入面有D粉😣…查看更多

一行三人，有四張$100商場美食券想搵間餐廳用咗佢，朋友喜歡吃片皮鴨，見到網上介紹呢間出名在時代廣場，因為我們沒有訂位，7:00pm Walk-in 碰碰運氣,一開頭經理同我哋講有張7:30pm訂枱的客人如果佢no show 就可以俾我哋，叫我哋坐埋一邊等，冇問題咁佢有啲櫈喺門口咪坐住等囉。到咗7:30我見經理打電話俾嗰個客人，知道他們嚟唔到所以就安排我們三個入座。👍🏻入座後都有問我們飲什麼茶，茶位$18這個商場來講都算合理，我們點了半隻北京烤鴨，陳皮一字骨，雙味龍鬚黃魚，鴨大哥砂鍋炒飯。第一度餸北京烤鴨加上粉皮用蠟燭蒸籠熱住值得一讚，值得一題佢嘅上菜速度比較慢但如果同朋友傾吓計就冇乜所謂，之後龍蘇黃魚又上到嚟，條魚揸得好靚，旁邊有個汁可以林落去，但我發覺個汁係凍的，就問吓職員係咪正常，個職員竟然同我講個兜係凍嘅但入邊啲汁係熱㗎，之後我在佢面前用筷子試了一口，完全係凍的，佢先話攞入去廚房幫我翻熱，後來再攞多個算卦沙律醬，話可以舔呢個食。後來有用熱汁淋上魚面，味道果然不同，之後個陳皮一字骨，咬落去都有陣陳皮的香味，最尾又等咗好耐終於嚟個炒飯，其實個炒飯完全冇特別只不過有少少鴨肉，加上我發現一上炒飯，原來台台都同一時間上，可能大廚一次過炒晒🤭。有個小插曲，隔離坐咗三個女士，我們入座的期間佢已經坐咗喺度，後來聽到有侍應告訴她們説你哋已經坐咗好耐需唔需要埋單，但我見她們桌上還有食物未食完，當時只是八點幾左右，我見他們都即時埋單，快快食完枱上的食物，之後過咗一陣離去。最奇怪係那張枱之後沒有人訂枱的🤔雖然佢門口有寫住會張枱只可以坐90分鐘。但我覺得他們的處事態度比較差我都明白現時人手唔夠一定有甩流。總括（食物質素大概可以，服務態度一定要改善）價錢如果有商場優惠券都算抵食…查看更多

唔經唔覺去北京實習已經係五年前嘅事啦，難得去北京40日，當然要食勻北京出名嘅美食🤤當然要有個地膽人帶我地去食先知道有啲咩係正宗嘅😋所以去到北京，一定要食一食當地嘅北京烤鴨；雖然鴨大哥嘅烤鴨食法同北京有少少唔同，但係佢嘅味道可以講係我係香港暫時食過嘅烤鴨之中，係好食😍😍 重點係啲鴨唔會好大陣’蘇‘味😋😋 香脆嘅皮，帶有肥美又豐富的鴨肉🥰配上大蔥絲、黃瓜絲、甜麵醬，再用薄餅卷著食用，如果有埋無皮嘅橙肉或者哈密瓜肉咁就更加好啦，係會提升成哥烤鴨嘅層次感😚 而且配料及薄餅都可以任㗎，不過佢哋上配料嘅速度真係有啲慢😂*溫馨提示，如果要食嘅話呢，四個人叫一隻鴨只係啱啱好，少食多滋味😇除咗叫烤鴨之外，我哋都叫咗其他嘢食，包括：⭐️海鮮鴨湯泡飯 💰$218食落去有好香濃嘅鴨湯味，入邊有好多鴨肉鴨皮，嘅而且每一粒飯都浸得好軟熟😚都值得推薦成日食👍🏻⭐️黃金脆奶炒蝦仁 💰$188呢一道菜有少少特別，應該係兩樣餸合併埋一齊，黃金脆奶還脆奶，而炒蝦仁只係放喺黃金脆奶嘅旁邊，但我想講佢嘅黃金脆奶都幾好食😂外脆內有香甜嘅牛奶糕😍而蝦仁都特別爽口，但有少少上湯嘅味道🍼🥛🦐🍤😬⭐️蒜子上湯時菜 💰$108唔好睇小個名咁簡單個價錢咁貴，其實個菜又俾佢煮得幾好食😂香濃嘅上湯又唔會太鹹，而今次嘅時菜係豆苗，上湯配豆苗都幾好食🥬🥬⭐️人蔘烏龍茶 👍🏻我冇諗過呢一間餐廳會有人蔘烏龍茶飲，人蔘烏龍茶啱晒一啲體質比較寒涼嘅人，品嚐後唇齒留香，回味無窮，可以講係我試過咁多隻茶裏面，係我比較喜歡嘅茶之一🫖🫖⭐️北京烤鴨 💰$588四個人叫一隻鴨只係啱啱好😁😃😀😆…查看更多

🎈全單我們豪食豐盛6人餐$2,580，有成9樣嘢，而且都包括黑松露、龍蝦🦞、鵝肝、花膠等食材，很不錯。.豐盛6人套餐$2,580 1️⃣椒鹽豆腐2️⃣鵝肝釀炸蝦丸3️⃣姫松茸花膠燉雞湯4️⃣北京烤鴨 (半隻)5️⃣翡翠麒麟斑配金華火腿6️⃣雀巢海中寶7️⃣黑松露XO醬龍蝦粉絲煲8️⃣金瑤扒翡翠9️⃣鴨大哥砂鍋炒飯.套餐加餐酒每杯$48.我們未齊人時加了個小食椒鹽雞軟骨 $88.🫖茶價每位$15.🎈食物評分.👇椒鹽雞軟骨 $88 ⭐️⭐️⭐️⭐️⭐️.🎈6人套餐 $2,580 ⭐️⭐️⭐️⭐️⭐️.👇椒鹽豆腐 ⭐️⭐️⭐️⭐️⭐️.👇鵝肝釀炸蝦丸 ⭐️⭐️⭐️⭐️⭐️其實唔係好食得出鵝肝味，不過係好食，蝦丸彈牙香脆，單憑食落去味道已值5分。.👇姫松茸花膠燉雞湯 ⭐️⭐️⭐️⭐️⭐️湯香濃鮮甜，飲得出同睇得出好多料。.👇北京烤鴨 (半隻) ⭐️⭐️⭐️⭐️⭐️鴨大哥的鴨當然無得頂👍鴨皮香脆肉嫩。.👇我最欣賞佢醬汁配料足夠.👇包鴨的薄餅更是足夠，平時成日唔夠薄餅皮，薄餅連片皮鴨一齊配合食係最好食，夠皮好緊要，片皮包又有層火保持暖度，讚👍.👇翡翠麒麟斑配金華火腿 ⭐️⭐️⭐️⭐️麒麟斑好滑，魚皮又有奧米加👍，金華火腿更將斑嘅味道提升層次。.👇雀巢海中寶 ⭐️⭐️⭐️⭐️⭐️蝦好大隻，又有帶子，雀巢好脆。.👇黑松露XO醬龍蝦粉絲煲 ⭐️⭐️⭐️⭐️⭐️粉絲索晒啲汁好惹味。.👇金瑤扒翡翠 ⭐️⭐️⭐️⭐️⭐️.👇鴨大哥砂鍋炒飯 ⭐️⭐️⭐️⭐️⭐️炒得乾身👍🎈總結✅豐盛6人餐的確豐盛✅食物味道好✅服務好…查看更多

早就聽聞鼎鼎大名嘅三星廚魔喺時代廣場開咗間中餐廳「鴨大哥」，碰巧早前於商場購物後獲贈多張餐飲券適用於該店，眼見九月就到期，所以就立即相約大食會一齊去試一試。店子門面光鮮企理，最搶眼就係候座區身後嘅巨鴨公仔。入座時，叔叔先提及用餐時間限定約九十分鐘，接待處其實亦有告示清楚說明。用餐大堂開揚通爽，當中以厚墊嘅梳化位最為舒適，唯一滿座時難免會覺得嘈吵。多頁中英對照嘅餐牌內附彩圖參考，其中飲品項目共有四頁。有餐飲券墊底，六人最終決定棄選套餐，並從十頁散點項目揀咗啲招牌菜黎試。北京烤鴨（$548/隻）：新鮮出爐嘅原隻烤鴨好似選美咁先繞轉盤一周展示一吓實力！服務生隨即於旁邊熟巧地片出厚薄均勻嘅鴨肉。烤鴨皮層香脆有光澤，肉質鬆軟唔嚡口，鎮店菜式果然有料到！溫馨提示，六至八人點一隻烤鴨嘅份量應該最理想。伴配嘅薄餅皮有燭光座熱，薄身得黎夠暖手。其餘嘅海鮮醬、青瓜、蔥絲等配料以兩碟拼盤呈上，量足又衛生。葡式鴨崧（$108）：烤鴨二道嘅葡式鴨崧已預先用生菜包成六件鮮亮整齊嘅鴨崧生菜包，包品外脆內軟潤，極易入口，當中嘅葡汁調味芳香醒神，同個鴨味好夾。荔枝山楂咕嚕肉（$168）：咕嚕肉本身個半肥瘦豬肉夠爽口，而且炸得夠脆皮，混以荔枝同山楂炒製，咕嚕肉黏上嘅果香尤其甜濃討好。和牛叉燒（$188）：唔知係咪受到限聚令嘅等級制影響呢，餸菜嘅例牌份量大多都係半打半打咁計，$188客嘅和牛叉燒都一樣。煮至三、四成熟嘅和牛鬆爽多汁，好似西餐咁配上原隻烤蒜頭，粒粒惹味脆口，組合滋味得很。魚腐野菌浸娃娃菜（$138）：娃娃菜清甜軟嫩，連同脆潤嘅野菌及爽腍嘅魚腐煲煮即能提升菜式嘅鮮味同口感。梅子荔芋鴨煲（$178）：以砂鍋呈上嘅鴨煲熱力十足，主角鴨肉軟腍甜美，梅子嘅微酸令其味道濃而不膩，皮層又夠滑溜，配角芋頭亦粉嫩入味。海鮮鴨湯泡飯（$198）：泡飯好有文化地湯湯同脆米分開上。嘻嘻，懶人一族當然係一次過落哂啲脆米落啲湯度啦！意外地，暖胃嘅湯底甜濃得黎一啲都唔羶，海鮮嘅鮮甜同個鴨味互相輝映，！蒜子上湯時菜（$108）：時令莧菜翠綠幼嫩，於香濃嘅上湯混入蒜子及杞子粒足以為正菜添上鮮甜。藍山咖啡糕（$36）：厚潤微甜嘅咖啡糕層次分明，個人只係略嫌甜品嘅咖啡味唔夠濃郁，或許唔用藍山咖啡其效果可更佳？！廚魔創辦嘅「鴨大哥」屬商場餐廳，開揚嘅大堂雖比較嘈雜，服務生更加係忙個不停，幸好招牌烤鴨及精選小菜質高美味，每人平均消費二百幾蚊黎講絕對可以接受。…查看更多

朋友有coupon所以去食鴨大哥，環境好寬敞舒適，不過入去餐廳前個reception 冇理我哋，佢係餐廳入面忙咗好耐先招呼到我哋，我哋叫咗個二人套餐 （$798）麻辣燻蹄海蜇前菜啲麻辣都幾辣吓，但好好味，海蜇好爽口，而燻蹄亦都好冧海鮮魚肚羹個羹非常鮮甜，而且啲魚肚好彈口，勁想再encore黃金蝦每人每碟2隻，用鹹蛋黃包住隻蝦炸，真係炸到金黃色，鹹蛋黃配隻蝦真係一流，非常好食，而蝦亦都好彈口，整體口感味道都一流香煎銀鱈魚唯一有少少失望係依碟銀鱈魚，好多骨，而且味道唔算好好食，僅僅及格水平北京烤鴨 （半隻）等到最後一道菜，亦係主角，最期待的，北京烤鴨，先講餅皮，整到好薄，真係師傅功架，而鴨都片得厚薄適中，唔會太薄而冇嚼口，而且烤得隻鴨啲味好惹味，但唯一敗筆可能係甜醬太甜，真係只點一滴仔就夠，先可以食到鴨味，同埋佢有黑糖，亦都落咗啲，可能甜醬真係淹蓋咗黑糖嘅甜，唯一食到黑糖嘅粒粒口感整體上菜啲侍應都上得好快，一見我哋食完上一道菜就即刻收碟再上菜，係唯一北京烤鴨要等陣先食到，同埋但唔知點解餐廳會播搖滾老歌😂😂😂好似有啲格格不入，但整體食物服務都大致上滿意…查看更多

一家人嚟鴨大哥午膳，店內裝修一般，平實到連枱布都冇，價錢亦相當親民，係性價比相當高嘅餐廳。點心嘅選擇亦算多，味道相當扎實(但蝦餃普普通通)，燒賣牛肉鳳爪棉花雞都唔錯。Noise唔講唔知，原來呢間餐廳係厨魔Alvin Leung旗下嘅中式餐廳，但冇整蠱做怪，由裏到外，相當平實可人。北京烤鴨半隻258元，份量亦相當多。一般烤鴨店只著重鴨皮，鴨肉變得可有可無，而鴨大哥嘅烤鴨鴨肉做到嫩滑入味，整體毫不油膩，一定唔會食到滿口油，當然要追求「大董烤鴨」油香四溢嘅烤鴨顧客就會嫌唔夠滿足，不過以香港人嘅口味應該合格有餘。海鮮鴨湯泡飯，材料十足，味道層次豐富，值得推薦，另上嘅一兜脆米有畫龍點睛之效。墨西哥牛奶叉燒包，係一般本地麵包店墨西哥crossover叉燒包，賣相唔算好，但餡料分量十足，味道不錯。…查看更多

今日與友人到銅鑼灣進行身體檢查後，突然想食北京烤鴨，友人立刻提議到時代廣場的「鴨大哥」。我早前已曾聽聞這間餐廳由米芝蓮三星大廚「廚魔」主理，相信烤鴨有一定水準。我和友人一坐下翻開餐牌，便點了半隻北京烤鴨及數款精美點心。過了不久，主角隆重登場，這裏的烤鴨以慢煮方式製作，保持鴨肉鮮嫩多汁，皮薄香脆而不油膩，配上青瓜、京葱、蘿蔔同蜜瓜包住一齊食，清新爽甜嘅感覺可以減低油膩感，呢個配搭係出乎意料咁好！店內的點心亦不錯，很喜歡這裏的酥皮叉燒包，雖然其他酒樓亦有這款包點，但這裏的叉燒包鬆軟程度真是無可媲美，咬一口已吃到濃厚的叉燒香甜味。下次我一定要帶埋家人一起到這裏嚐嚐其他鴨肉菜式。…查看更多

3個人食晚餐 星期日晚見到呢間新餐廳就入去試試 因為我好中意食片皮鴨佢啲菜式好精美 唔會大大份。叫左個鴨肝紅酒醋梨，必食係冷盤，好好味，唔會膩7點幾8點去到 好彩仲有半隻北京烤鴨淨！佢仲有一款慢烤既鴨要提早3日預訂 聽說係加香橙汁慢烤 似fushion野，仲會比北京烤鴨更juicy更肥，但皮會更脆。 我自己會就覺得北京烤鴨更吸引皮係脆又唔肥 唔會好油膩。好好食重點係佢包片皮鴨啲皮都好好食 同平時食個啲唔同！有少少似超薄的水晶皮，唔係好麵粉個種。頭抽海中蝦$2xx 3隻 但好好食！超大隻，個蝦頭好多汁仲有荔枝奶凍都要試仲叫左法式鴨松，海鮮鴨湯泡飯好足料同尖椒豬腩片。但呢3個唔一定要食。…查看更多