北京老家 (已結業)

上一次去尖沙咀北京老家仲係舊舖，搬左舖之後第一次去。仍然都係同類型嘅裝修風格，有嘅枱嘅中層放左一缸魚，不過我比較鍾意舊舖有少少昏暗嘅格調，而家略嫌一片死光死白照亮全場咁。 大概叫左以下食物：雞絲粉皮叫化雞老家柚子魚北京填鴨酸辣土豆絲老家辣子羊上湯豆苗炸銀絲卷拔絲香蕉 叫化雞需要預訂，睇相覺得幾有趣。不過原來都係打卡野，可以自己扑一下，儀式感滿滿。唔好諗住全程自己扑爛佢，會整到成枱都係泥，輕輕扑一兩下就收返入廚房處理。食落無乜特別。 老家柚子魚嘅柚子幾好食。北京填鴨不過不失。辣子羊幾香口。 🤯拔絲香蕉層糖膠硬到可以咬崩牙。🤔而家好多餐廳嘅拔絲乜乜已經唔係原本嘅拔絲乜乜，分為兩部分，「拔絲」同埋「乜乜」。糖漿脆皮包住一粒野同埋糖絲。糖絲係分開處理，拉絲之後放喺上面，而唔係喺「拔」出黎，明就明。 ☹️上菜速度好快，快到好似「整定」咁。我諗有人會鍾意放到成枱都係野，睇落好豐富咁，但係我就唔鍾意（睇下食咩啦）。 ❄️基本上除左叫化雞，每一道熱盤都唔熱，本身拎出黎都唔係熱。起碼都食到一半左右先出下一道菜丫，如果配搭得好，一次過出兩三樣都唔係問題嘅。 ⏱️一次過拎出黎根本食唔切，完全係浪費食物。又唔知點解雞絲粉皮同土豆絲會排到最後兩三樣先出場。 🤷🏾‍♂️總之成個體驗好差，食物味道又一般。我諗如果3-4個人食嘅話就無咁覺嘅，我地7-8個人有9-10樣野，大概10分鐘已經上曬枱，幾咁有效率。…查看更多

心血來潮想食北京填鴨，look下#openrice 就睇到呢間餐廳，於是乎就約埋班朋友一齊去試吓😋餐廳裝置充滿中國風嘅氣氛，而且座位都好闊落👍🏻主角：北京填鴨$218 半隻，$428 全隻配埋京蔥、青瓜條、薄餅鴨充滿油脂😍我哋同行3個人叫左半隻就已經好足夠京燒羊肉 $108充滿羊肉嘅膻味，調味唔會太濃烈，所以食到羊嘅肉味再加埋脆身嘅皮，好食拔絲香蕉 $88每碟8粒大大粒😋即叫即整，所以要預半個鐘嘅時間整鍋貼6隻 $78豬肉mix 津菜，皮有啲厚，但整體都好食嘅上湯豆苗 $88好fresh 嘅菜式，食落好舒服，連埋汁當湯飲都得😂…查看更多

位於尖沙咀河內道同加拿芬道交界,redmr 個度,有間主打中菜各菜系(包括京菜,蘇菜,川菜,滬菜等)環境以傳統嘅大紅大紫伴以木檯為主,古色古香嘅感覺,另一佈置特色就係每檯下都會有個魚缸睇住魚仔游黎游去咁食野都幾過癮😯.餐牌菜式都好豐富,由雞、牛、魚、豬、羊、鴨到北方餃子同飯麵都有,集多個傳統中菜菜系薈萃👏🏻.[松仁魚]($308)即松鼠魚,乃江蘇傳統名菜之一,呢個菜最考師傅刀工,要將魚去鱗、鰓、內臟，用清水洗凈,然後要將魚肉切成一節節好似松鼠🐿️嘅尾巴,然後入油鍋炸至金黃色,再澆上醬汁。相傳早在乾隆皇帝下江南時，蘇州就有「松鼠鯉魚」呢道菜了,講完背景講返食落係點,每一節嘅魚肉都炸至外脆內軟,唔會太乾,伴以橙紅色嘅甜酸汁同菠蘿非常醒胃,另外之所以叫松仁係因為加入了松子,而松子(松果果實)本身都係相當名貴嘅食材兼有豐富營養價值,細細粒食落口甘甜有口感,如果一來(而且夠多人)不妨可以叫下呢個傳統名菜👍🏻.羊方面點了[農家羊肉串]($38兩串起)大大串現烤,上黎已經聞到好重嘅孜然粉味好香,霎時間又轉換到清真菜嘅風味,羊烤得好腍,大大串啖啖肉👍🏻.牛方面點了[水煮牛肉🌶]($148)轉換到了川菜嘅風味,麻辣味尚可,伴以寬粉芽菜等,牛肉點嫌偏老身有少少鞋/韌,唔算突出😿.壓軸點了基本上每間中菜館都以此為招牌嘅[北京填鴨🦆]($428壹隻)呢個價錢黎講相當抵食,每片鴨肉都切得十分工整,肥瘦亦分明,鴨皮都燒得好香,當然質素一定及不上其他出面嘅高價新派中菜館,但呢個價錢黎講已經係相當唔錯👍🏻.叫返個[清炒萵筍]($88)平衡返整晚濃味嘅菜🤣火喉控制得非常好保持到清爽嘅口感,見圖每條萵筍就好似翠綠水昌一樣,師傅以蒜蓉清炒更見惹味😋.雖然呢家以傳統中菜為主但當中亦不乏創新之處,甜品叫了[拔絲士多啤梨🍓]($88八粒)可謂全晚另一高潮,麥芽糖經高溫再冷卻成一絲絲糖膠,表頭滲上芝麻,士多啤梨本身質數亦唔差,大大粒多汁,微酸嘅味道被香甜嘅糖膠包著,達至完美嘅口感,其實者係年宵會食到嘅冰糖士多啤梨(但下年年宵唔知食唔食到了😢)食時小心啲糖膠𠝹口👄.總括嚟講係一家性價比挺高嘅一間傳統中菜館,好多中國傳統名菜都會食到人均消費$300-$400左右唔會好貴,帶朋友,家人黎不失為一個唔錯嘅選擇🤓(ps 尖沙咀同旺角分店座位先有金魚缸啊)…查看更多

Monthend約埋朋友仔去食返餐relax下有人想食北京填鴨，朋友就建議黎北京老家食啦嘩嘩嘩，一入到鋪頭，好有中國feel喔主角黎喇，北京填鴨，皮脆肉香，份量大，好好味喔只係略嫌卷皮較少，京燒排骨架肉好淋，好入味，食唔停口喔北京燒餅就比較遜色，因為加左榨菜後，真係超咸，而且燒餅厚左d... 炒刀削麵醬油味濃，而且油少，幾好味喔高力豆沙球香軟好味，不過豆沙餡就太少..豆沙鍋餅個皮好厚好乾，咬口麻麻地，拔絲香蕉超多糖絲，好好味喔下次我地會再黎食鴨…查看更多

今天午飯時間，突然有同事說好想吃北京填鴨，於是我們便OpenRice一下尖沙咀有得吃北京填鴨的地方，然後就來到這裏了。抵達大廈的8樓出電梯門，立即看見很有中國特色的店門口還有其他精緻擺設，感覺突然置身於一個80年代的中國城市。我們一行四人，首先當然是點半隻「北京填鴨」！另外還點了「香乾伴肚絲」、「小籠包（6隻）」、「慈禧牛肉手擀麵」、「菠菜炒蛋」，最後點了個「酒釀丸子」作甜品。北京填鴨（半隻） $218鴨皮香脆，燒鴨肥肉部份蠻多，醬汁惹味，麵粉皮偏厚，所以把燒鴨、青瓜、蔥及醬汁包在一起食用也不易散。口感豐富，完全滿足口舌之慾🤣香乾伴肚絲 $78充滿京式味道的豬肚絲，主要是因為加入了京蔥，在其他地方不容易嚐到這風味。小籠包 6 隻湯汁濃郁，包皮厚度適中。慈禧牛肉手擀麵牛肉軟滑，味道香濃，麵條容易咀嚼，老人家也一定能夠食用。菠菜炒蛋 $88普普通通，不過不失。酒釀丸子 $88店家寫着是供4-6位用，但我們一行四個人分了四碗後，發現其實每人吃多一碗也可以🤓所以一個甜品可以供八個人食，非常划算！假若有外國朋友要來感受一下中國特色，這家店也是個不錯的選擇！…查看更多

昨晚和德國🇩🇪回來的朋友飯聚，朋友當然想選擇食久違了的中國菜。最終我們去了尖沙咀的北京老家這間新店，試一試佢嘅北京菜比其他同類型北京餐廳有咩分別。一入到店，見到啲裝修好有北京特色，有俾心機做裝修，同埋一直播住中國古典音樂🎼，好有氣氛。因為遲到嘅關係，其他朋友已經叫晒餸，包括北京填鴨、草綑牛骨、老家柚子魚、清炒萵芛同埋餐牌上大家未見到住嘅燈籠蝦。甜品係拔絲蘋果。打頭炮俾你食嘅當然就係最有代表性嘅北京填鴨🦆，麵粉皮軟硬適中做得非常好又唔會太黏，唔會話冇咗嚼勁，至於蔥方面，只係小弟比較重口味，所以略嫌呢個蒽個味唔算太濃，比較老少咸宜。到主角填鴨，尚算肥瘦均勻，皮唔算太脆，算係適中。整體上會比8分（10分滿分）。個甜汁冇咩特別所以唔提喇。好，到個牛骨🐮🦴，呢個榮獲今晚我最喜愛的角色。好簡單，食牛呢家嘢，你唔會想太韌，太冧又唔好，又要有牛味。呢道菜佢做齊晒。當然那個牛味，你唔會expect佢濃到好似平時我哋行嗰啲牛雜鋪一樣聞到嗰隻味咁樣，係剛剛好呢係你咀嚼嘅期間呢嗰個牛味呢會慢慢沁出嚟，配埋白飯簡直一流。當然，如果我比10分就實在太浮誇了，10分係嗰啲食完會幻想自己起嚿食物上邊碌黎碌去嗰啲😻，所以，我比9分。至於個柚子魚🐟呢，亦都係煮得非常好，佢係先炸左條魚再加個柚子汁上去，一般食炸魚，你最驚呢就係炸得過龍，搞到入邊啲肉呢都變咗脆脆，咁就食唔到個魚肉本身嘅嫩滑。今次個魚就真係做到外脆內軟。師傅嘅手勢非常好。當然，我唔係食家我唔係咁識食，但係我覺得個柚子汁如果可以入埋個魚肉裏面呢，咁食起上嚟又食到肉好滑又食到柚子汁個酸甜咁就完美。如果個廚師失驚無神走出黎問我呢味餸嘅意見我就會咁同佢講。佢個柚子汁另外仲有柚子肉你可以夾埋同啲魚肉一齊食好正🤛🏻最後我係比8分✌🏼個萵芛🥬呢就真係冇嘢彈，軟硬適中，食菜㗎野都係果句，你驚佢煮唔熟太硬臭青🥒太熟太冧又驚佢冇咗口感冇晒菜味。所以叫呢個餸你可以放一萬個心，方方面都做得得心應手，一流。新菜燈籠蝦🦐🦐大隻蝦仁上面釀塊茄子🍆，加上酸汁非常開胃，蝦肉本身爽滑，對比較冧身嘅茄子，啖啖蝦肉間有茄子肉平衡返個口感。味道方面蝦同酸汁係絕配，無嘢好講，整個配搭十分出色，唯一小弟想挑骨頭嘅係佢d蝦都好大隻下，哈哈，食完一個都好飽下。8.5分。個甜品拔絲蘋果🍎如果你冇食過嘅話我諗唔到其他理由點解你唔叫，個賣相你圖片都睇到啦，金碧輝煌，拉糖先拉到呢好似藝術品咁，非常華麗。上面好細心加左d芝麻，所以甜得來你都食到呢芝麻嗰個香，唔會悶親你。到入邊個蘋果，都係果句啦，因為我唔係食家，意見未必登到大堂，但想講係雖則蘋果依然夠爽，但係處理過完之後呢個蘋果味就唔太出啦。9分。佢仲有香蕉同士多啤梨俾你揀。價錢黎到講，最後埋單5個人每人大概$280 ，對於我呢啲蟻民來講，當然唔可以講得上係平，但係呢個價錢食到呢個質素嘅北京菜，性價比上你唔會話wow或者覺得好Yo, 但完全合理。服務方便，我見佢有大枱細枱，所以係一大棚人或者三兩個去食都可以。我眼見餐廳入邊嘅位唔算太多，所以侍應基本上都應付得來，加水次數都算頻密所以服務方面呢都滿意。👍🏼👍🏼…查看更多