🙆🏻♀️中女既我依家都會比較注重健康養生有時都想食得清淡啲俾腸胃抖下，朋友就介紹我食哩間西餐fusion素食私房菜。佢既晚市套餐得意之處係每月都會轉一次，加上都幾full吓，所以最好提前一日預約啦~-晚市套餐 HKD$275/每位☆大麥甘草茶飲落第一吓淡淡地，但原來茶味係回甘嘅，甘甘甜甜既味道令喉嚨好舒服👍。-☆前菜4款梅漬涼瓜▪明顯有醃漬過既梅香味，味道甜甜地，完全中和左涼瓜既苦澀味，涼瓜亦好爽口。日式昆布涼拌茄子▪咸咸地無乜特別，不過不失，用嚟清腸胃都ok。百里香蟹味菇粟米糕▪好特別既一個前菜，粟米糕帶有粟米既清甜，口感亦非常特別，有少少似食緊甜品🤤。羅勒蕃茄伴小麥脆餅▪脆餅十分香脆，配上微酸既蕃茄肉立即胃口大開👍。-☆碧根果仁奇亞籽紅莓乾沙律就咁睇個名已經知道非常健康，奇亞籽含豐富纖維兼低熱量，沙律菜亦十分新鮮爽脆。-☆青蔬菜湯佐檸檬鷹咀豆菜湯色澤翠綠，內含大量經攪拌及切碎的蔬菜，因為口感較為杰身同有渣，但就係咁先知係真材實料非常健康。-☆黑松露芝士炸薯球未切開已經聞到大陣黑松露味，外層炸粉好薄而內裡薯蓉軟綿綿，不錯的。-☆香芒咖哩蔬菜漢堡紅米飯芒果配咖哩既配搭非常特別，甜中帶有微辣，包保唔食辣既你都會好想試。用上紅米飯除較有咬口外亦比白米有更高纖維。-最後奉上 抹茶紅豆豆腐布丁 作結，布丁幼滑香濃，整餐都十分滿足😋。-◇ 總括而言一個非常高質又有特色既素食西餐，店員有禮上菜及收碟極快，店內亦有一些自家製食品如花茶出售，食完哩餐之後完全對素食文化改觀👍。…查看更多
