新麻蒲 BBQ (新都會廣場)

出世左咁多年，其實成世人一直都未食過韓燒，所以今次探朋友，都想試下食下午市韓燒，聽講新都會開左間新韓燒餐廳，所以特登黎試下。依間餐廳就係天仁隔離，隔離仲有間係韓式烤雞既Nene chicken，可以比人任君選擇，幾好等左一陣我地就有位，入面多數都係卡位，我地兩個人食，都有六個人既卡位，好Spacious好闊落，私隱度幾高，值得讚!然後我地睇一睇Menu，都有幾多花款，有午市既飯餐，亦布D燒肉Set，又有D散叫既燒肉食物，又有甜品，又有酒飲，好正，睇Menu都要左陣時間呀。但店員都唔會催我地，幾值得讚。韓式Menu!幾特別既係佢有個韓牛蛋糕，岩晒食肉獸!諗完一輪，我地都係決定食牛肉套餐Ss 5($408)，有豬肉、牛肉、海蝦同菜，而且有個部隊鍋，都係我想試既韓食。想叫左兩杯野飲，一杯藍天檸茶同一杯柚子Soda。韓式餐具，小心辣口~落左單無耐，店員就比左D前菜我地，只係前菜都有六樣，仲可以無限Refill，真係不得了!圖上面左邊起係芝麻醬沙律、韓式醬+芽菜同生菜圖下面係昆布、生洋蔥同泡菜。全部都好好食!仲可以係咁Fill，當然我無咁做啦，因為仲有好多野食店員然後拎左個爐，係爐邊加上蛋漿，有D有泡菜，有D無泡菜，原來係爐邊蛋，可以係燒緊肉係果整熱D蛋，食晒之後食。食左一陣前菜，D主食就黎度喇。最頂果層係蝦同菜類中間係D豬頸肉同霜降牛，最底係牛仔骨同五花肉，好肥美。跟住我地就開始燒啦燒完可以放係側邊Keep warmD肉質幾好，充滿肉味，可以點下唔同Sauce試下唔同既風味。虎蝦好好味，好新鮮!無幾耐，食食下個部隊鍋又到喇! 個枱隔離有個邊爐位可以放，一邊燒肉一邊打邊爐，雙重滿足。入面有拉麵、牛肉、菜、泡菜、年糕等等既韓食。原來仲有腸仔果D係底添。我地將前菜果D生菜放埋入去煲!部隊鍋湯底濃度適中，唔會太辣，而且食材幾好，無乜雪味，幾唔錯!之後我地開始燒菇類:隻菇長到不得了! 而且烤菇真係好好食!最後我地真係好飽，食到最後仲有個爐邊蛋，咁特別，當然食埋!我地係邊邊果度產番D蛋餅出黎依個爐邊蛋幾好食，個底好似燉蛋咁，但中間流心，入面又有泡菜，幾特別! 所以就算好飽都食晒! 食完之後我地成日都唔洗食野總結，依間餐廳係葵芳黎講算係高質抵食，一來環境寬敞，二來服務唔錯，三來食物種類多質素好，四來食物份量都多，可以3-4人Share 2人餐都OK! 因為依間餐廳改變我對韓國食物既諗法，我高度推薦依間餐廳…查看更多

見午餐買3送1 就同同學一齊試下啦我哋12點3到 可以直接入座餐牌：價錢本身都屬正路範圍 所以有三送一嚟講都幾吸引嘅✨前菜我哋有四個人 有四款前菜前菜就正路味啦✨牛肉牛骨濃湯配白飯 $78個湯好夠熱 個牛味都幾香牛肉好足料 有7-8塊 仲要唔係薄切啲麵就好淋 唔係筆者嘅口味碗白飯就都幾凍 筆者要不斷淋熱湯落啲飯到先食得落口但個湯兜呢就好保熱 食晒啲湯都仲出緊煙✨芝士炒年糕伴拉麵 $68友人嘅野食 筆者無試不過佢話都ok嘅✨餐飲兩杯都酸酸地 有氣同無氣嘅分別總括嚟講 折完60蚊左右一個午餐有前菜好凍飲ok嘅味道唔會話好有驚喜 但都好食嘅行開附近嘅都可以食下😉…查看更多

這店在新都會開了一段時間了，但每次午飯時間都給它前面等候的人潮嚇怕了。那天與兩位男同事都想不到吃什麼，最後選擇試試這家。我點了海鮮豆腐鍋這個套餐，要少辣。先來的是三個前菜(泡菜/青瓜/海帶)，前菜味道不錯，也不太辣，飲品就選了酸梅汽水，味道都幾特別，幾清新。最後主菜也上了，味道比較清，應該說是太清，同事說可能我叫了少辣關係，醬料少了自然清了，但我的重點是不太覺有海鮮味，鍋裏看似很多料，有雞蛋、青瓜、一隻蝦、少許貝殼𩔬，但就沒有海鮮味，不過豆腐也幾嫩滑的，而整體飯餸份量對我來說是適中，兩位同事都說第一次看到我吃清一個套餐，也即是說他們兩位男士是不夠飽。最搞笑是我們最後發覺午市套餐是𧵗三送一，我們為何不多叫一個套餐呢?!  笨了 !…查看更多

聽聞新麻蒲的醬油蟹十分美味，所以今天就大膽一嘗。 意想不到的是比想像中更美味。環境方面，都算十分舒適 ，亦都播放韓國歌， 讓你感覺自身韓國餐廳之中。食物方面 ，個人推介醬油蟹。 這個醬油蟹是生食的 ，讓你一嚐一嚐蟹真正的味道。若果，你二人前來， 個人建議你可以選擇醬油蟹加散叫;醬油蟹加套餐的話就會太飽。服務方面 因這間餐廳設置90mins限制，所以你食完的話，員工就會很快幫你收拾。 會有少少趕你走嘅感覺。總括嚟講，呢間餐廳算不錯。 推介給大家…查看更多

個門口有d細, 差d無見到佢耐無食醬油蟹, 特地黎試下的入去坐低先黎前菜, 好多黑芝麻黑芝麻同黑芝麻 最好食係菇韓式醬油醃生蟹拌飯係好食,有陣鮮味, 但個豉油好咸, 幸好個豉油係用兜俾,可以唔點佢, 同埋無蟹膏, 始終同韓國食既有差距我個4星係俾個飯的,個蟹子飯加蟹殼d料好好食, d蟹子不是平時見到的橙紅色, 係淡黃色的顏色, 幾得意全州牛肉飯略嫌上檯前個太陽蛋已經穿左,味道唔錯,多菜少肉 ,加埋個韓式辣醬好正, 飯量不少,老公好俾面地都食晒酸梅汽水 第一啖偏甜,但一邊食野再慢慢等佢溶冰,個味道就岩岩好…查看更多

今日下午帶著爸爸去搵食。。。一直我們都沒有試過醬油蟹。。。今次看到麻蒲做緊個米飯神偷系列。。。入面有唔少新鮮韓食材。。而且仲有醬油蟹所以便跟爸爸去食了我們都是第一次來食星期六的中午時份店內都坐滿食客幸好只需要等了一會位便可入座了入面都有很多卡座。。而且就算2人都有得坐卡座。。不錯空間感很大。。而且冷氣十分舒服。。。不會有焗促感。。。看過餐牌後。。我跟爸爸都異口同聲地說一定必點醬油蟹因為我們來的目標都主打是為了食醬油蟹但餐牌上很多食物都很吸引。。又有相片可以參考。。所以最後決定多點一份八爪魚加一個蔘雞湯我點的士多啤梨。。。十分大杯。。。因為杯中已盛滿了滿滿的士多啤梨沙冰。。。飲起來士多啤梨味香。。而且又不會太甜。。冰冰涼涼很解渴。。。另外上面仲放了一支蘋果味sparkling...會自動慢慢加入到士多啤梨汁當中。。所以當愈飲時。。飲品會慢慢士多啤梨減少。。蘋果味慢慢增多。。十分有趣。。好像在飲雜果汁一樣爸爸所點的菠蘿。。。菠蘿味很重很香。。。好有夏天的感覺。。。一邊吃著前菜。。一邊飲著飲品。。十分寫意其實一坐得。。店員已經即拿了4款配菜。。。分別有芽菜。泡菜。蘿蔔。青瓜。。。每一款都很特別。。而且辣度都有所不同。。。我最愛的是青瓜。。不會太辣。。而且咬起來很爽脆多汁。。。我很喜愛爸爸則最愛泡菜。。佢仲不停話如果有白飯就正啦 鮑魚蔘雞湯。。。熱辣辣有一隻鮑魚，有半隻雞，雞中有糯米，人蔘。。仲有金菇等等的配料湯十分清甜。。而且雞十分嫩滑。。啖啖肉。。很滋味糯米都完全變得很糯很濃香綿滑。。我都十分喜愛每啖湯時混入了一些糯米。。。食起來會變得更滋味。。。這個湯十分滋補。。好味。。又足料而且鍋都不細的。。但真是太好味了。。我們二人都把整個湯飲光了真是太強醬油八爪魚有很多片八爪魚刺身片每一片都啖啖肉。。十分彈牙。。而且不會過韌。。。每一啖都充滿鮮味。。每一咬都會有鮮味慢慢滲出。。再配上淡淡的韓式醬油。。更能誘發出八爪魚的鮮味主角出場啦韓式醬油蟹拌飯有一碟賣相超靚既醬油蟹跟醬油。。。另有仲有一兜上面有不同配料的熱飯。。。醬油蟹十分清甜多汁。。。生食蟹我們都是第一次。。。我們把蟹蓋上的膏跟生雞蛋拌入飯中拌混。。。而蟹腳我們便戴上了手套。。一啖一啖地直接食了。。。生蟹的肉是透明的。。蟹十分新鮮。。所以真是鮮味無比。。蟹味香濃又清甜。。。拌混後一啖一啖地食。。很香。。蟹香味很重。。而且又有不同的配料混合了。。令口感變得更有層次及爽脆一啖飯一啖蟹。。。滋味無比我跟爸爸都愛上了醬油蟹。。。我們都愛上了新麻蒲。。。好開心今日有帶爸爸來用餐。。。因為沒想到醬油蟹可以這麼好食。。難怪餐廳以米飯神偷為介紹。。。食過後。。真是完全明白了…查看更多

聽同事講，葵芳有間韓國食店 lunch 買3送1，常常都想湊夠人去食。終於湊夠4人，可以去食喇 ^_^午市套餐，包飲品一杯，仲有買3送1，非常抵食 幸好我們早去，不用等位。如過多15分鐘，就要在外排隊了。這些前菜食完是可添加的。碟碟都好好味，泡菜、青瓜、芽菜夠辣，西蘭花夠清可中和。同事們之前食了好幾次，大家都鍾情「風味牛排骨肉湯」，而我第一次食，接受他們的提議，一同食「風味牛排骨肉湯」配有紫菜飯及飲熱柚子茶。風味牛排骨肉湯，材料豐富，有牛排骨肉、粉絲等，湯可飲，送飯一流 非常抵食的午市套餐！…查看更多

最近同事係韓國旅行返黎，不停分享係韓國食過嘅美食，仲特別推薦醬油蟹，攪到我都心思思，好想試下醬油蟹係咪真係咁好食。無得去韓國，唯有約朋友仔係香港食。「新麻蒲」新推出嘅醬油海鮮系列，黎呢間原因係佢標明係韓國直送，所有海鮮直接由韓國入口，聽到都好吸引。一坐低，侍應就遞上4款前菜。海鮮系列有4款，全部都係用秘制醬油醃制，梗係叫晒4款一齊試。醬油鮮蝦 $128醬油蝦有7隻，隻隻蝦頭都有蝦膏，肉質爽口，証明唔係用死蝦，鮮甜得黎帶點鹹香。醬油鮑魚 $118醬油鮑魚喺出面好似比較少見，鮑魚都算大隻，新鮮爽口完全冇腥味，食唔停口。廚師好細心將鮑魚切件，方便入口。醬油八爪魚 $128八爪魚份量都多，厚切，鮮甜彈牙，再配點醬油，正~醬油醃生蟹拌飯 $178 蟹肉半透明，蟹身有蟹膏，食落好鮮嫰。蟹腳原本以為殼會好硬，點知一咬就開，好輕易就食到蟹肉。蟹蓋內有生雞蛋，加入醬油同拌飯一齊食，鮮味提升。石鍋牛肉伴飯 $85拌飯材料豐富: 牛肉、芽菜、蘿蔔絲、洋蔥絲、菠菜仲有煎蛋。鍋邊有飯焦，加入甜辣醬，香口而且口感豐富。韓式豬肉餃子刀削麵 $78刀削麵入口彈牙, 加埋大大隻豬肉餃同其他配料一齊食，口感一流。叫左4款飲品，可選有酒精 / 無酒精 ~ 讚讚讚 Shark Attack Cocktail $98鯊魚口裝住紅色糖水，甜度可以自行調教。倒入杯中，鯊魚好似嘔血咁，攪笑又吸精。Cocktail Rita – I’m Fine (Pineapple) $98淡淡果香，酸酸甜甜。Cocktail Rita – Fly High (Strawberry) $98淡淡果香，酸酸甜甜。Korea Rice Wine with Green Grapes & Peaches $118韓國米酒好香米味，裏面仲有米粒，口感唔錯。…查看更多

新都會商場最好既易泊車，但以前泊左車都冇好野食，新麻蒲既開業，對我呢d 胃食大媽來說，確是好事。 我一個星期去左兩次，第一次是煩忙的周六下午，竟冇人排隊，超開心ar ! 我同個friend 叫左兩個餐，嘩 ! 加埋前菜，4個人都食唔晒。我欣賞佢既牛肋條湯，雖然在炎炎夏日，不過一d 都唔肥膩，送飯一流。隔兩日ladies night , 我竟安排去食燒肉，其實係俾d 特飲所吸引。加上有生牛肉，所以讓我超有動機，不過生牛肉入面既青瓜，去埋皮，會更有口感更清新。我有個fd 好想食芝士火山飯，老實說，以芝士量來計，當算不上火山la ! 薄薄一層。今次仲有叫燒肉~「牛心肉」，好似話冇咩脂肪（我當然唔信），但燒起來，唔乾唔老，燒過頭仍有肉汁，這對於我呢d掛住吹水唔睇火既人，當然係幾好的選擇。…查看更多

新都會大裝修，所以店鋪位置都重新整理，引進了不少食肆，作為在附近上班的打工一族，當然是天大的喜訊，每個星期都試試不同的新餐廳。這間新麻浦，期待已久，在過往其他分店的用餐經驗中，大獲好評。由於新店開張，個個都抱著嚐新的心態，所以午市門口經常大排長龍，有見及此，便提早出發，排隊等候.....去到的時候，12:30分，店內8成都是空位，負責門口招待的男同事告知，不可內進，因為廚房處理不了，前面已經入了幾枱客人，請稍後，然後就消失了。走勻港九新界，接觸過各式各樣的餐廳，第一次聽到這個理由，心打了個突，幾枱客人就處理不了，呵呵，看來這餐飯都凶多吉少。等等等....25分鐘後終於可以安排入座，店內一遍凌亂，沒有人收拾枱面，對面的幾張枱，由入內到結賬的大半小時內，都如此，全是食完的碗碟。擺明就人手不足，只有4個員工，落單出餐埋單帶位，忙到沒時間理你。周圍早進的客人等埋單都等到不耐煩。食物落單到上菜大概10分鐘左右，速度算快。但分量就，最好就3個人叫4個餐，因為一個餐絕對不足以填飽肚，就算是女生。前菜贈送韓式泡菜，冷豆腐，雜菜及小黃瓜，味道不俗，酸酸辣辣，開胃。火山芝士泡菜炒飯 - $78如果這樣一個飯都可以叫火山芝士，那麼是否屬於違反商品說明條例？實物與圖片不相符。薄薄的一層蛋醬，芝士少得可憐且味道欠奉。飯炒得尚算粒粒分明，泡菜味出眾。愛吃芝士的人，這個絕對是中伏之選。燉牛排骨湯 - $88有牛排骨，金菇，洋蔥及2條年糕，味道偏甜，辣度適中。排骨燉的軟腍，一咬便骨肉分離，牛味偏淡。雖是湯，但味精強勁，喝了會渴喉。餐飲可選特色飲品或汽水，這杯藍天檸檬汽水無論是賣相還是味道都不錯，酸酸的，清爽....埋單是需要等候很長的時間，建議差不多吃完之前就要提早示意，要找一個侍應是十分困難的，因為大家都分身乏術。另外提醒只有1小時食午餐的食客，短時間內都可以考慮不用光顧了，絕對滿足不了你60分鐘的要求....…查看更多