新麻蒲 BBQ (形點)

家中排行最細的我, 與哥哥們的年齡差距甚大, 所以一直都希望有弟妹。 直到哥哥的仔仔出世, 我把他當作弟弟般看待。 不經不覺, 由從前手抱的bb, 來到長高我一個頭的18歲, 為隆重其視成人禮, 要嚴選餐廳去好好慶祝。正值考試季節, 為配合溫習不能走得太遠. 選擇範圍也相對地縮窄了。 想起Yoho Mall 內新開不久的韓燒過江龍 - 新麻蒲, 這連鎖店的菜式相信適合年輕人的口味吧! 於是一行9人星期日7:30到達Yoho Mall, 店外經已人山人海, 雖然食店設有取輪候票, 食客取票後大多都在門前等候, 幸好我們訂了檯。 Yoho Mall 這分店於商場內佔地頗多。等入座前, 提供座椅給食客邊坐邊等, 還可看著電視播放中的Kpop mv。放於門口的食物照片已經很吸引, 很想快點開動呢!經過預備出菜的開放式廚房, 甚為乾淨整齊, 之後就可走到佔地甚廣的進食區。燒爐上方就是抽風系統, 而且食店的空調對流亦做得不錯, 加上樓底很高, 所以沒有油煙問題。 一排的落地玻璃窗對著內園景, 如果下午前來午膳, 氣氛定必非常悠閒! 店內播著Kpop的音樂, 雖然沒有留意韓國的音樂, 强勁的節拍, 營造愉快的進食氣氛。 檯與檯之間的通道保持空間, 坐得舒服。食店設有個半鐘的用餐時間, 所以一坐下, 還沒落單, 店員已即時奉上一碟碟的韓式前菜和醬料, 效率非常之快。 泡菜. 白蘿蔔片, 韓式醬撈芽菜, 洋蔥絲和海帶伴青瓜當然少不了, 除了韓式, 還有日式的芝麻醬沙律, 排到整檯滿滿的非常豐富! 最重要的是, 所有前菜都是免費添加, 任食的! 啖啖肉之餘, 可以吃下蔬菜平衡一番, 很不錯呢! 尤其泡菜的味道, 微辣中帶點點酸, 媽媽都讚好味!餐牌內的套餐選擇可不少, 由2人餐到3-4人餐, 有豬牛雞更有海鮮選擇。 全家人的基因都是無肉不歡, 所以肉類是必然之選。我們人多, 有兩個燒爐, 而左右燒爐的款式有所不同, 一個網狀一個坑狀, 經店員解釋原來是有分燒快熟的牛肉, 和耐燒一點的豬肉和蔬菜。 慢燒的一邊, 店員放入泡菜粒, 倒入蛋漿於爐邊慢慢煮熟, 這種食法新穎又有趣, 可是我們只顧燒肉而忘了爐邊的泡菜蛋, 以致過熟, 不過味道不錯, 蛋香味頗濃, 而且啖啖都有泡菜更加滋味! 不過要再添加就要多付$28 了!牛/豬肉套餐 $678這款適合3-4人的套餐有牛有豬, 迎合不同喜好的家人。 用3層鐵架擺放肉類材料, 每款款式份量都很多, 韓燒都可以high tea般?! 感覺頗特別!套餐有霜降牛肉120g, 新麻蒲秘製牛五花肉150g, 新麻浦護心肉150g, 新麻浦五花肉150g。特選雜錦併盤: 年糕, 蘑菇, 豬肉腸和大蝦。 霜降牛肉雪花分佈平均, 色澤鮮明, 加上是厚切, 燒過後牛味更加香口濃郁, 肉汁豐富, 不用沾上醬汁食都好惹味。推介!秘製牛五花肉帶點脂肪, 燒過後的油脂溶化, 入口不太油膩, 令牛味更加香口! 肉質嫩口, 同樣不錯!護心肉原來是豬的橫隔膜和肝之間的部位, 不含脂肪之餘, 還有維生素, 氨基酸和鐵質等, 而且每隻豬內只有200g的護心肉, 非常珍貴, 而套餐內已包含有150g! 將護心肉燒熟後, 豬肉味香濃, 而且肉質煙韌有嚼口, 沒有滿口油膩, 很不錯的部位呢!新鮮的大蝦燒過後, 肉質更是鮮甜彈牙, 選料不錯!套餐還附上4件的火灸霜降牛肉壽司, 店員送上的時間, 即席表演用火槍, 將生牛肉的表面燒熟。 可以選擇淋上花生醬, 而我們還是選擇原味品嚐。 牛肉大塊, 厚薄度適中, 牛味一般, 不過肉汁豐富, 表面燒熟了, 內裡仍保持嫩滑, 不錯!套餐的份量怎會滿足到肉食家庭呢! 之後還追加了2份肉,泡菜餅和飯。黑毛豬肩肉 $125/150g店員為我們更換燒網及燒盤後, 再繼續大快朵頣! 大大塊的黑毛豬肩肉, 雖然厚身, 但燒的過程將脂肪迫出來, 所以燒過後不但沒有太油膩口感, 豬肉味更加香口彈牙。 好味!牛肋排肉 $135/180g經已切好一塊塊的牛肋排, 肉汁很多, 而肉質嫩滑香口, 牛味甚為香濃, 脂肪同樣不算多, 而且較牛五花肉更為好吃, 好味道!豬肉泡菜煎餅 $68每間韓式餐廳都少不了這個泡菜煎餅。 這間做得很好吃, 不會粉味過重, 但又做到煙韌的效果, 薄薄綿綿的, 加上微辣的泡菜, 很可口惹味, 值得再回食!全州鍋盆伴飯 $68除了肉食外, 當然要有些米飯下下肚才叫滿足! 色彩繽紛的伴飯, 有齊了韓式伴飯的五行顏色: 紅綠黃白黑。配料有切了絲的牛肉, 菇類, 菜類和蘿蔔, 還有置於中間的半熟蛋。把所有配料跟埋於下面的米飯, 再加上韓式辣醬伴勻後, 味道香噴噴之餘又不會太辣! 飯粒均勻不會太稀爛, 加上切得頗為幼細的配料, 每口都很豐富, 估不到韓燒店的伴飯同樣出色, 好味道!石鍋牛肉伴飯 $85基本上配料跟"全州鍋盆伴飯"的是差不多, 不同的是這伴飯是用上了石鍋! 石鍋不但可以保存伴飯的熱度, 而且令整體食材的香氣平均, 更散發絲絲的麻油香味。吃到最後石鍋底更有飯焦, 令口感更加香脆!食店還有一項優惠, 要是生日的朋友光顧, 就可免費獲贈一款名叫rainbow cocktail的飲品, 只要向店員出示身份証便可。 店員排好6隻shooter 杯, 把cocktail 搖均倒出, 倒出的cocktail如魔術般, 每杯都不同顏色, 每杯都不同味道, 有菠蘿味, 桃味等, 大家都嘖嘖稱奇! 因為有酒精成份, 只有大朋友才可享用, 姪仔剛好達標!飽腹完, 最後到上蛋糕時間, 食店沒有收取切餅費, 雖然已過了用餐時間, 店員仍沒有催促我們交還檯子, 還著我們慢用蛋糕, 真是值得加分! 離開時已是9點多, 門口仍有食客等候, 韓燒吸引力果真厲害!以氣氛格局和食物的質素, 還以為這頓肉食大餐的價錢會很貴, 到結帳加一後, 都只是$1280, 以9個人來說, 很便宜呢!!服務我們的是說英語的韓國男生, 亦較其他的店員更為主動和落力, 值得一讚! 下次朋友聚會可以首選這間韓燒店呢!…Read More

Kawai 家住大西北，不過揾食都通常出去九龍港島，因為我成日都喺屯門元朗迷路，只會在有熟人帶路的情況下才會到西北開飯！今晚好明顯係有人帶路，再一次嚟到Yoho 附近開飯，不過我都係好傻地唔知道分左兩邊商場，都係半迷失狀態！死好命，係咁迷失的狀態下，永遠都會撞到明燈，我在此撞到好耐之前，幫我算命的占卜師，當年佢講左啲野，話咁快地，時間又過了，估計佢講嘅野好快將出現 .....時間未到，急也急不來，咁我先期待下呢餐飯吧！食韓燒，當然唔少得前菜，一如以往，坐底店員會送上大量的沙律，泡菜，生菜同埋醬汁，呢啲都係可以無限任添嘅！呢個沙律加左少少黑芝麻醬，感覺比平常啡色既芝麻醬，更加清新，又香口，感覺都幾特別。呢度大概有幾個不同的套餐，都係包左一個泡菜芝士蛋飯，不過就唔係最尾先上，係一開始就上左啦，上台的時候，芝士蛋漿喺飯的旁邊，店員會用火槍加熱，粒粒的芝士會溶化，拌勻後仲可以拉到絲添！之後服務員，幫我地喺爐邊加左泡菜蛋漿，可以整埋爐邊蛋，呢個都係任加嘅！我地揀左既係牛肉同埋海鮮的二人套餐，套餐包括左兩種唔同嘅牛肉，大大隻牛油扇貝，同埋芝士焗蠔。海鮮當然唔少得貝類啦，除左芝士焗蠔，仲有已經預先加左小小胡椒粉同埋醬略為調味的扇貝，同埋青口，蜆仔等.....先燒貝殼類的食物， 細細隻的蜆仔，鮮味並不太突出，但係食到海水味，個人比較喜好墨魚仔同扇貝，墨魚仔夠彈牙，而扇貝就鮮味十足。 因為我唔識焗蠔，所以就俾朋友食埋！爐邊蛋，蛋味相對下並不太突出，反而泡菜味較為明顯，半熟狀態加上入口微辣好惹味，令人一食再食。厚切的牛肉不韌，油脂比例剛好，牛味尚算香濃，都是不錯吃！最後，我地仲加錢要左藍莓芝士味的冰沫，上台都幾靚仔㗎，因為加左啲彩虹顏色的碎粉喺上面，燈光下面係會閃閃發亮的！其實，我都唔知乜野係藍莓芝士餅味，原來入面會放左啲小顆紐約芝士餅，同埋藍莓水果，入口酸酸地，冰沫係比較細碎狀的，不過都無話會跌到成枱都係，而我自己就覺得加左芝士餅感覺少少漏！呢間韓燒比隔離幾間舖都要幾人等位，加上當日係星期日，七點未夠去到都要等十幾張枱，所以想食嘅話，都要提早少少等位啦！…Read More

YOHO MALL在元朗, 好像也起了一段時間, 分1期2期之前新元朗中心也裝修了蠻長的時間, 終於都開了啊, 雖然有些地方還在小裝修, 但大部份都開了!! 其實現在的MALL都差不多樣, 買的吃的都是常見, 不過有些食店可能九龍港島才有, 但現在也進駐了元朗了, 因朋友家在元朗, 而且很久之前在第一間店吃過, 所以今次又來吃一下, 聽她說星期六日很多人啊, 而且就算是早早的時間也都多人吃及留了位, 所以我們揀了星期一應該唔太多人的時間來, 果然這段時間蠻好呢, 很快有位~~~因為萬聖節將近很多餐廳都有佈置, 這裡也不例外, 裡邊都算幾大, 同埋位置好像比銅鑼灣第一間較寬闊, 當然也是很多卡位坐得舒服點~~看看餐牌, 又變身了變得靚靚又重手(或許是我很久沒有吃過吧~~) 一坐下當然侍應就會立即提供多款前菜及烤肉的伴菜啦, 包括: 泡菜、洋蔥、醃蘿蔔、生菜、海鹽、烤肉韓式辣醬、醬油、沙律、醃海帶等, 多款可以即食啊!! 泡菜又大又爽, 夠辣好好味, 醬醃得好; 沙律很喜歡那芝麻及火龍果醬, 味道MIX得很好, 可以作前菜及燒烤時喚喚喉嚨的感覺…….海帶也很好味啊, 醃過有少少咸味; 而侍應也會加泡菜及倒蛋漿到爐烤待烤; 另外, 每枱都有一個小鐘可以給客人呼叫侍應的, 今次還有南瓜公仔在旁好得意~~~SS5牛/豬肉套餐1 ($548)~~~因為兩個人唔吃得太多, 而且想吃牛同豬, 所以就選了二人小餐吧, 分別有牛霜降肉100g + 新麻浦護心肉120g + 新麻浦秘製排骨120g + 特選什錦拼盤(年糕、蘑菇、豬肉香腸、大蝦) + 火炙霜降牛肉壽司4pcs + 2杯飲料 + 韓冰 2人套餐(小)~~~先來個火炙霜降牛肉壽司, 這個應該是新的吧, 而且侍應會問吃生點定熟點, 即刻用火槍燒, 差不多就可以吃了, 幾有軟的感覺, 肉感好, 而且加左花生醬(侍應會先前問有無敏感!), 味道都幾得意, 不過略覺得個飯唔夠實, 夾上來就會好易散…….好快二人餐的三層架來了, 最頂的是什錦拼盤, 中間是護心肉同霜降牛, 最底就是排骨, 好似食TEA咁三層架啊!!酸梅汽水及覆盆子汽水~~~酸梅那個幾能清清腸胃, 覆盆子那個其實韓式飲品成日都會用, 我覺得有點像雜莓的FEEL, 都幾好飲, 這兩個配燒烤不錯…….先烤中間層的護心肉及霜降牛, 因為之前學過烤牛肉的秘訣, 今天就來烤給朋友吃吧, 先烤一面見到有血水就反另一面, 再烤一烤, 網紋都能漂亮的出來; 護心肉粒粒狀好嫩軟軟, 好稔加上廚師醃製過, 個汁蠻不錯啊; 而霜降牛就厚度適中, 紋理脂肪都幾好, 吃著幾多汁, 也不會太韌, 但有彈性~~~當然要加埋烤肉醬同生菜一口KO, 只怪我口太細, 一啖有難度, 但也試了兩次成功, YEAH!!!醃蘿蔔其實我不嬲都勁鍾意食, 而今次看到出了個新吃法, 就是把肉或菇類放在蘿蔔上吃, 又試下~~果然同生菜唔同喎, 可能有醃的酸酸地味, 幾能中和肉的油油感, 又是另一種食法…….食左少少牛後就烤下什錦野, 大蝦同腸仔及年糕~~~蝦幾彈牙, 幾新鮮也有海鮮味; 朋友烤的年糕好出色, 因為可以烤到外脆內軟, 熱烘烘, 有一片皮沾在爐弄了出來竟然如薯片般脆口, 好得意, 多謝朋友!!本來侍應說蛋烤15-20分鐘就吃得, 但我地覺得還有點水狀, 所以基本上烤了半個鐘左右(應該大家要按自己當時情況去定吧~); 爐邊蛋之前是新款大熱之勢, 如今基本上任何一間烤肉店都有, 吃過不同韓店的爐邊蛋, 我始終覺得只有兩家較為標準及好吃, 這裡是其中一家, 因為泡菜與蛋漿的比例幾好, 而且加入的泡菜不會醃得無味, 最重要是蛋漿不會混太多水變太浠, 比例不錯, 烤到表面有少少脹及金黃色就可以吃, 裡面滑滑的, 亦可以看到泡菜粒, 好味YUMMY~~~本想再ENCORE REFILL, 但朋友說差不多FULL了, 兩個人吃是會快飽的, 哈哈!!!之後又再烤那大大的排骨, 看到紋理已很漂亮, 而且廚師也在上界了得多刀, 應該會易熟同入味D, 燒到咁上下就剪開佢, 好稔唔駛點用力就可以剪到, 而且也是經廚師醃製過, 幾入味, 我覺得應該有梨汁醃過, 因為都食得出那個水果味, 很不錯……..萬聖節血花冰~~~最後當然要吃埋個甜品啦, 餐是包BASIC那兩個可揀, 如果要揀藍莓或棉花糖或如今次萬聖節的就要加返$12~~~雖然個萬聖節冰幾核突下, 但朋友說應下節是特別VERSION, 咁就吃這個啦, 真心望多一眼都覺得好核突啊!!(其實係廚師真係做得好似…….), 這個是混合了OREO、曲奇及士多啤梨的雪花冰, 出面就有好多OREO及曲奇粉, 中間就是雪花冰及士多啤梨肉, 不過可能真係士多啤梨而家唔係季節, 所以坦白講有點酸的, 不過雪花冰都算幾綿同埋好幼細下, 加上我鍾意食的OREO曲奇粉, 可以MIX一齊都幾好吃, 同埋凡事真係唔可以睇表面, 原來那兩隻手指好好食, 哈哈!!! 加埋雪花冰一齊仲好食, 佢係好鬆化的, 似餅乾又似糖, 唔錯……兩個人食其實真係幾飽, 如果大家想吃多款式的話餐係比較化算, 當然如果食量真的不多散叫都可以, 跟朋友開心的一餐, 又能吃到家鄉野, SO HAPPY!!! 之後希望也來這個MALL行下同試下其他野食, 不過真係平日比較好, 真心六日好多人……..…Read More

Yoho mall其實都係係好多野，係鐵板燒同韓燒之間，我簡左韓燒。因為朋友係食肉獸，韓燒可以自己控制生熟，令到油份更好!一坐低，佢會上前菜同沙律比你。個沙律汁，黑色架，我地估係芝麻醬啦！前菜有:大豆芽，海帶，羅白，洋蔥同泡菜。之後佢會加蛋汁落個爐邊 我地先叫左個2人餐，398個款，d牛肉既色好靚靚呀！另外仲叫左碟護心肉。另外，我地仲叫左章魚伴飯，牛肋肉湯，但太餓喇，咩都唔記得左就食先lu...成餐飯，最失色既就係芝士排骨，佢會係你面前燒溶d芝士，不過芝士好快又凝固番，變到好似一舊可以食既香口膠咁，但個排骨係好味既 總括黎講:係以yoho黎講，佢既價錢合理，我地4個人食左1千蚊有找，不過佢地趕人走既手法就太過特然喇!岩岩上完最尾個菜，就放張單係枱喇 …Read More