瀛豐放題料理專門店

哩間放題想試好耐，見中秋即日仲卜到位就試下。首先上到去餐廳已經有陣up 味，但又見好多人排隊等位就算啦，開左咁耐仲咁多人黎食應該唔伏掛，之後安排左我地坐近廁所出面，坐左先發覺哩個位係勁嘈，頭頂係類似冷氣機抽風位，成個環境好唔舒服，啲員工又好鍾意喺隔離出出入入拉啲洗碗桶個啲，又一大陣味，哩個位本應就唔應該坐人！刺身,壽司冇咩問題，但啲熟食就好差，一個飛天通菜點解可以冇味，唔香，難聽啲講句我煮都好食過佢，洗鬼出黎食！？冬陰功落太多奶生菜包還食得落總括黎講就好似 茶餐廳環境+衛生+服務下食放題最後埋單仲要冇得轆卡！眼都凸埋！今時今日香港一間餐廳仲要收300蚊位竟然係冇得轆卡？ 講到哩度我無話可說，冇下次，唔會介紹fd黎幫襯…查看更多

🏵️今熊妹放假帶阿豬媽去輕鬆一下！點樣可以放鬆？食大餐咪可以放鬆囉。📌《瀛豐放題料理專門店》喺銅鑼灣京都廣場已經好多年，之前阿豬媽同啲豬朋狗友嚟都食過好多次，大贊抵食又多嘢食，咁今日就梗係帶佢嚟舊地重遊再放鬆一下啦。📌佔據3️⃣樓全層，地方好大，好多張四人卡位同埋二人單邊位，另外，仲有靠窗梳化位🛋️，環境闊落，都坐得幾舒服，最緊要張枱夠大放得多野食😆。📌午巿放題三小時，由12:00開始，食到三點，星期一至四，每位$209 ，星期五、六、日及公眾假期前夕就加$20，有180款港，日，泰美食放題，平日放題嚟講都幾抵食😋。極品海鮮拼盤先嚟一個極品海鮮拼盤，好一大兜拼盤放上枱好震撼，有長腳蟹鉗、凍蝦、鮑魚、象拔蚌刺身，最主要有兩大盒魚子醬都係任食。刺身刺身有三文魚、油甘魚、希靈魚、吞拿魚、八爪魚、珍寶赤蝦等等。當然食最愛嘅三文魚刺身啦，唔算好厚切，食落無渣，點豉油wasabi食正常發揮。海膽帶子熊妹認為絕對係鎮店之寶！帶子刺身好新鮮，無雪藏味，入面裹了少許海膽一併放入口，海膽濃烈的味道融入口腔，同帶子鮮味互相耀映，成件事香濃到在口腔營繞不散，唔捨得食其他食物蓋過了這種鮮味！小食小食方面都好多選擇，有沙律、天婦羅、炸物、涼菜、同串燒等等。松葉蟹杯一個sake杯的size，入面有少少日本飯，面頭鋪咗啲蟹肉肉碎、蟹膏同埋蟹籽簡直係蟹味三食，滴滴色色，齊晒完整蟹嘅材料同口感，絕對食得過！泰式料理比較特別嘅，係有多款泰式料理，魚餅、蝦餅、滷水豬手、麻辣小龍蝦、泰式鳳爪、炒金邊粉、肉碎包、生蝦、辣酒煮花螺等等，仲有飛天炒通菜、泰式炒椰菜苗同鹹魚炒芥蘭，一客份量都幾多。麻辣小龍蝦小龍蝦都唔算小size，蝦肉軟淋，浸滿麻辣汁，味道好過癮！好少放題有得食！甜品甜品凍櫃有檸檬杯子蛋糕、特濃咖啡杯子蛋糕、朱古力杯子蛋糕、香芋布甸、青檸果凍、黑加侖子果凍、芝士布甸、芒果布甸、提拉米蘇、木糠布甸、榴槤糯米糍同盒裝豆腐花。飲品飲品方面有各式汽水、紙包飲品、檸檬茶、冬瓜茶、楊協成清涼爽、馬蹄爽、甘蔗水、烏龍茶、龍井茶、道地解茶、忌廉溝鮮奶等等。雪糕雪糕口味有泰式奶茶、香芋、朱古力同芒果，仲有韓國雪糕條等等。📌原來午巿除了放題，仲有午巿日本定食同泰式飯，價錢為$58-$88，銅鑼灣地段，放個lunch break過嚟食一個午市輕食都真係幾抵食！📌踏入10月份秋季季節，晚巿仲推出左大閘蟹任食放題，放題加大閘蟹真係無敵，可以集合大顆兒來大拆大喝一番！…查看更多

星期日晚跟老公到了銅鑼灣行街，估唔到老公預先book了呢間日式放題做晚餐好耐都冇食過日式放題了，今晚終於有機會可以食，餐廳食客好多，好彩有book定位。餐廳有冷盤、甜品、雪糕、飲品可以自行取。坐低後，當然急不及待用QR code下單點野食我們升級了極品的海鮮放題。嘩，十分豐盛呀，有魚子醬、長腳蟹、鮑魚、螺、大蝦⋯⋯⋯極之吸引，賣相好精美，十分豐盛，完全係物有所值的。海鮮類相類鮮甜，彈牙我跟老公最喜愛長腳蟹，拆殼後，啖啖肉，超鮮甜，正。想不到放題都食到呢類海鮮，相當吸引。另外仲有帶子海膽，相當鮮甜，帶子不但肥美肉厚，切開一半後仲釀入鮮甜既海膽，一啖一粒超滿足，帶子跟海膽相當鮮甜，極之滿足。正這間放題的刺身膽海鮮類真的不得了，超鮮，超好美，刺身都絕不馬虎，每款都厚切、啖啖鮮、勁有口感。仲有勁多款刺身任食刺身拼盤，超吸引，自行點選想食既刺身，一盤刺身拼盤的送到眼前，又吸睛又好美。三文魚肥美肉厚，勁鮮甜。希靈魚超爽超鮮，八爪魚、螺、貝等等都超爽口，啖啖魚鮮，正。最欣賞d大蝦，爽口鮮甜，非常好味。刺身類真係超多選擇及超鮮甜，食完刺身都好滿足。之後就再點了一下其他壽司類同小食、熟食類，超多選擇，再試多點其他款式我十分推介這餐廳既燒扇貝跟燒蠔，十分惹味，而且熱辣辣的，大滿足，食返多幾隻都回本了，又好味。壽司類有好多選擇，我點了數款火炙系列，經過炙燒的魚類，十分好味呀，油份岩岩好，入口即融，超好味。鹹蛋黃薯條，咸咸香香，熱辣辣脆卜卜，好好味。食飽飽再慢慢食返杯雪糕嘆一嘆，仲有好多小甜品，捧住個大肚腩走了。…查看更多

瀛豐放題，係銅鑼灣京都廣場，就係地鐵站對面，價錢驚人地吸引既日+泰菜式，想食豪啲，升級左食海膽帶子同埋超級海鮮拼盤😮‍💨未食先興奮，環境都幾舒服，可以先拎和風小食沙律泰式粉絲同手撕雞，好好味既前菜🫶🏻海鮮時間✨海鮮拼盤好誇張，有凍蟹腳、鮑魚、青口、螺同蝦，超鮮既存在💟好似食緊自助餐咁，仲有魚子醬😍加埋刺身，海膽帶子係勁正，帶子好鮮，加埋海膽鮮味爆炸🥹超級刺身組合上枱都嚇親，好靚，全部都好鮮，特別既係三文魚超肥美，係三文魚腩級😋呑拿魚煙過極品，生蝦勁正，松葉蟹杯有蟹膏蟹肉配啲飯，加埋魚子醬又香又好味😘泰日熟食選擇好多，焗元貝同燒生蠔必食，又鮮又好味☺️炒菜勁好味，炒通菜、椰菜苗，魚湯都好味👍🏻炸羊腩幾特別，串燒整體唔錯，天婦羅okay，蝦好滑👏🏻壽司驚喜，海膽花之戀正，強推火炙芝士魚生船🚤超濃芝士魚生油脂高質😗放題黎講，依間海鮮無得輸🥳刺身同其他都超高質，熟食都真係好正，放題性價比之選🤩…查看更多

星期五晚等埋朋友收工就開餐，HAPPY FRIDAY😎呢間係平時比較少見嘅日泰放題餐廳，晚市放題任飲任食2個鐘每位$269，想更加奢華D，每位加$148仲可以任食極品海鮮拼盤，海膽帶子同任飲生啤😍D座位空間夠闊落，唔使同其他客人坐得太逼👍🏻出面自助區有冷盤小食可以拎，中華沙律清新爽口，味付螺肉、芝麻八爪魚呢D經典小食唔錯，啱晒開胃😄罐裝汽水、茶類、啤酒、紙包飲品等，超多選擇😍雪糕雪條、甜品區極品海鮮拼盤同魚子醬：賣相非常吸引😍淨係見到都已經流晒口水🤤裡面有松葉蟹腳、凍鮑魚、凍螺、凍青口、凍蝦，每款肉質鮮甜彈牙👍🏻仲有高貴嘅魚子醬，每一粒都爆發出濃郁嘅海洋風味，令人回味無窮😋海膽帶子：將海膽嘅細膩口感同帶子嘅鮮甜，兩者完美結合，味覺嘅享受🥰仲有碗靚湯飲下，味道清甜，相當滋潤😋刺身方面，三文魚肥美，油甘魚同希靈魚肉質細膩，每一片都切得恰到好處。八爪魚彈牙，鮑片同馬刀貝鮮味十足，北海道角螺同赤貝更加係海味濃郁，泰式生蝦同醬油吞拿魚，白玉貝呢D，每一款都係精選，食落去真係幸福感爆棚😋最讚係珍寶赤蝦，勁大隻兼且好鮮甜🤩松葉蟹杯：細細份就可以一次滿足嘆晒蟹嘅唔同部分，正😉壽司選擇多到數唔晒，三文魚火炙壽司外層微焦香脆，火炙左口魚邊肉質鮮美，鵝肝帶子壽司同黑松露三文魚壽司，每一款都係創意十足。海膽親子花之戀同雙色拖羅蓉花之戀，呢啲組合真係太犯規啦！🤤至於卷物同手卷，叫左軟殼蟹卷同芝味炸蝦卷，都幾唔錯，海膽甘蝦三文籽手卷味道層次幾豐富🥳天婦羅：大蝦天婦羅、茄子天婦羅、皇帝蟹棒天婦羅外層炸漿唔會太厚，做到外脆內嫩，夠香口😋炸物：炸榴槤波波同芝士年糕，芝麻炸雞翼同七味雞軟骨，每一樣都係炸得啱啱好，唔會過於油膩😎燒物部分，香酥鍋包肉外皮酥脆，串燒牛柳、串燒雞肉、鹽燒雞腎串，每一串都燒得火候剛好，香味四溢🔥燒菠蘿幾JUICY，燒秋刀魚唧D檸檬汁再食幾滋味😋泰式料理，泰式燒生蠔鮮美多汁，鹹蛋黃炒薯條夠邪惡惹味，泰式蝦餅、泰式魚餅，每一款都係泰式風味滿分😉最後食多幾杯雪糕就啱啱好，揀左富貴黃金果味同海鹽味，幾有特色，相當滿足🥰一份價錢就可以同時享受到日式同泰式放題，而且兩者食物味道都兼顧到水準，唔使怕有D朋友仔唔食生冷野嘅問題👍🏻…查看更多

瀛豐放題最吸引到我嘅係任食生蠔同海膽帶子，但今次再到訪，竟然加入大閘蟹放題，真係必食超吸引🤩！刺身新鮮又多選擇，厚切之餘擺盤亦非常華麗！有珍寶赤蝦，八爪魚，三文魚，油甘魚，希靈魚，醬油吞拿魚，珍寶赤蝦超級無敵大隻，大大啖彈牙爽口蝦肉入口超滿足。而且餐廳仲有多種甲殼類刺身，例如馬刀貝，北海道角螺，赤貝，冰山蚌，鮑片！另外升級到任食生蠔，生蠔即開即食，少少海水味非常清新，肉質較爽口，沒有大金屬味。仲有厚肉鮮帶子包住香甜海膽，兩樣入口互相提鮮更有口感！重點係一定要食大閘蟹，即叫即蒸需時約25分鐘，所以一坐低就記住快啲order！隻隻足四兩，蒸完已經見到爆蟹膏，蟹肉香甜，蟹粉入口幼滑如絲又甘香，而且隻隻殼薄肉嫩，肉質豐滿。瀛豐放題料理專門店提供中、日、泰式料理，其中泰式料理相當不錯，我最鍾意個冬陰功湯，酸辣勁醒胃，另外沙嗲串燒夠惹味！日式料理方面，壽司細細件，可以食多幾款都唔怕，而且配搭吸引！最後唔少得飲品同甜品啦！有Hoegaarden 同Stella Artois任飲，至少30款不同汽水，茶飲，以及數十款甜品，見到都開心🤩！…查看更多

上星期同朋友去銅鑼灣食好耐無食嘅放題，見到呢一間竟然有好多泰國野食，所以決定試下！去到先知，+138任食生蠔，我地無加到。其他食物方面質素都唔錯，特別推介泰式炒通菜同埋炒椰菜苗，食到嗰個鑊氣！pad Thai唔錯！另外推薦軟殼蟹手卷食放題，當然唔少得刺身啦，但刺身一般般，最好食都係泰式蝦👍另一隻珍寶赤蝦好大隻，但一d 味都無，又唔甜😑好似唔知食緊咩係口🙈其他三文魚、八爪魚、螺都係普通，無驚喜感/好味的感覺🙄壽司細細嚿，無相像中大嚿，咁就可以食多d 唔同款，呢個幾好👍叫左泰國炒蜆、炒椰菜苗兩個都唔錯，炒蜆偏甜辣，椰苗好少見，所以幾特別👍燒物類嘅燒元貝 起正👍係時間有d 耐，但真係大隻好味。燒菠蘿好解膩👍係有d 細嚿，一啖一嚿都唔錯😋。燒三文魚無左，所以叫左燒刀秋魚，無咩味😂最後叫左炸物，炸雞脆骨同炸香芋丸呢兩個都好食😋甜品就...好一般，我個人表示唔好食🙈最失望係雪糕，但番幾好少，運氣唔好 拎有兩隻都好難食😤but 整體都ok, 鐘意食泰國野同又想食日本野，呢間可以同時滿足你兩個願望🤣…查看更多

瀛豐放題，係銅鑼灣京都廣場，超方便，價錢合理，主打日+泰菜式，仲有得升級食生蠔、海膽帶子，仲有生啤🤤正到爆，環境都幾舒服幾大，價錢合理，要試下😗食放題梗係刺身先行🤣超級刺身組合，上枱實在嚇親，超靚超驚人，好多款刺身，全部都好鮮，特別既係三文魚超肥美，係三文魚腩級👍🏻呑拿魚煙過其實好味，油甘魚好鮮，魚類都好肥美🐟升級物到！生蠔，相當鮮，海水味同蠔味都重，質素唔錯😗海膽帶子，係勁正💟帶子刺身好鮮，加埋海膽唔點醬都好好味🥳極力推，啲背都好正，勁鮮又好多款，必食✨熟食時間，焗元貝必食，又鮮又好味，香到爆⚠️天婦羅都okay，皇帝蟹棒幾好，燒蝦好香，都一定要食，又香又好味😌啲泰式既熟食真係好味，炒菜勁好味，炒通菜、椰菜苗😋泰式蝦餅有驚喜，細細塊咁唔係想你飽，但幾有蝦味幾正😆松葉蟹杯，賣相一流，有蟹膏蟹肉配啲飯，又香又好味👍🏻飲品都多，唔加錢都有喜力飲🤣推爆既係泰式手撕雞，勁勁好味❣️相當唔錯既放題，泰式熟食真係正👍🏻涼菜熱菜都好食，氣氛服務都好😳推薦！💟…查看更多

真係好耐無食過放題、自助餐呢啲嘢啦，今年老公生日就去大刷一番選擇咗呢間食午餐放題，因為有泰式日式料理，網上又有得預約。唔選晚市，夜晚食太飽真係幾辛苦，再加上中午食會平點😆都算不過不失，刺身新鮮，虎蝦好大隻佢仲有得加$138任食生蠔同海膽帶子，不過我地唔好呢兩樣，所以就無另加啦！其實仲有其他野食，但忘記影相，佢個燒帶子好大隻，好食架！出面仲有甜品、日式雪糕、韓式雪條、任飲茶水盒裝罐裝飲品啤酒等。每人消費$252，食放題黎講都合理價啦！…查看更多

性價比低，這價錢對不起食物品質，貌相也不行，只能和3蚊那間比較先來看刺身，除了三文魚和蝦可以，象拔刺身刀工不行，其他的都是3蚊貨色壽司來說不過不失，但海膽和鰻魚壽司都是非常慳皮，給你一丁點最失望是花之戀，需然店內有6-7種款式，但感覺刀工不行，應響口感串燒方面，雞珍有點腥味，牛肉沙爹有點干，最好配上沙爹汁飲品方面，除了基本汽水茶飲，還有啤酒提供，這方面可以甜品方面也有十幾款，不過不失最後雪糕方面款式比較少…查看更多