宜家家居餐廳及咖啡室

放假冇野好做, 同男朋友黎到MEGA BOX行街睇戲每次黎MEGA BOX都會好自然黎IKEA行下, 食個LUNCH先再去睇戲本身想食肉丸, 冇諗過肉丸原來係配一大舊薯容最近減緊肥所以都比較少出去食飯, 而且食澱粉質都少左見到個薯容都已經有D飽飽地肉丸一如以往都係配上佢地呢度既汁同紅莓醬, 味道都ok不過個人略為覺得肉丸冇以前咁好食小食併盤咩都有, 雞翼都係每次黎到必食, 咸咸香香幾入味而且外層乾身但入面都仲好juicy不得不提係呢個小食併盤果幾條腸仔, 原來係脆皮腸, 味道都幾好嫁!!! 好新鮮d肉唔會好干同死實實凍蝦杯永遠都係男朋友黎到必叫必食, 每次都有佢呢款凍蝦係IKEA小食店果度都有一包包買, 不過每次都係呢度食冇試過買返屋企雖然凍蝦係死左不過味道依然鮮甜可口可能因為係海蝦關係吧所以先有呢個口感吧! 肉質唔係好林, 個人覺得都唔錯的不過蝦既size都比較細隻, 所以食極好似都好似冇咩野zip牙隙如果凍蝦可以大隻返d就更好了!…查看更多

一直都好掛住ikea既肉丸，咁岩係觀塘行街，就去megabox個ikea食晚飯。一入到ikea cafe，坐無虛席，好多人，好迫。然後，推住架餐盤車去買野食。今次，一共食三樣野，分別係最愛既肉丸，西冷牛扒同埋凍蝦。肉丸呢家樣，ikea既撚手小菜，都唔需要特別講，一個字，好好食！到塊西冷啦，唔好睇佢好似好大塊，其實你淨係食到佢既五分之三，因為其餘果d 全部都係根呀，脂肪呀咁樣。唔係我唔想食呀，係我切唔開條根呀，條根仲un過香口膠，扣分！好，到凍蝦啦。唔知點解，隻隻蝦個肚仔都係好多蝦籽係到，可能我係ikea cafe新手，無乜點成日食啦，唔係好接受到。  但係咁既價錢，d 蝦又唔係差，幾抵食既。到野飲方面，就簡左汽水，7蚊任飲。但可能太多人既關係，汽水部既同事可能忙得滯，搞錯左。竟然凍檸茶有氣，但百事無氣。下次飲果汁應該穩陣dOverall, 肉丸係可以食30粒既，其他試下就ok啦。…查看更多

行完九龍灣Mega Box內既Ikea，因為又又肚餓，所以係九龍灣宜家家俬既餐廳食晚飯蔬菜薯餅新鮮好味:)磨菇吞拿魚批唔係咁好食無骨豬手配胡椒汁普通啦，燒火腿配蜜汁OK啦，牛油軟飽，雞忌廉湯好味道:)三文魚千層麵OK啦，脆炸黃金雞翼及薯條我無食到所以無意見，瑞典肉丸good:)香草醃三文魚沙律醬汁好味道:)杏仁餅及藍草梅蛋糕一般啦，但係食物擺滿成檯都係312元，認真抵食，凍蝦杯，買相非常特別而且仲好吸引添，味道都唔錯架汽水可以添飲架  …查看更多

如果根據地產代理說，價值四百萬的樓是窮人恩物，這社會的物價應該是貴得去到瘋癲的地步吧。除了樓市外，飲食市場應該也是另外一個加價劇烈的地方罷。小時候，記得旺角還有十元一碗的雲呑成，現在雲呑成卻是最低消費十五元了。相信熱愛便宜人士也必定記得這平到開行的食店吧。時移世移，老實說，有幾多間還會以平價作招倈，一間又一間的商鋪加完價又加，市民接受的就只是把銀包奉上，將從前十蚊可以買兩個包到變成可能得番買半個飽。其實，社會係唔係行得太快，定係我搵錢能力太慢，我唔知...不過社會還未絕望，我們有社企，提供平靚正又做善事的選擇，又有如洪慶的老闆增飯給老人家，亦有盛記的老闆為大眾提供社會正能量，我們的香港其實未至於絕望。當然，思前想後，其實香港還有不少這些平靚正的好地方。宜家平靚正唔係第一日知，吃了這麼多次，第一次這麼細心留意這間發展得越來越成功的餐廳，可能大家都覺得不外如是，但的確類似這間餐廳模式的鋪頭著實不多。今日來到這個餐廳，星期日當然多人。排隊當然排到傻，不過大家都好乖好有秩序。排除前有個好大的水牌，介紹近來推薦的食物，彩色鮮豔，容易令人目不暇給。排了近十五分鐘排隊，終於可以叫東西吃了。由於就晚飯的關係，只叫了十五粒肉丸，凍蝦盤，還有新上市的青口，加上一杯任飲的汽水，咁多小吃也只是七十多元。忌廉汁肉丸依然是最好吃的。那個汁配合肉丸天衣無逢，而且肉質鮮嫩，加上甜醬，非常開胃。而碟也有伴菜，是大大舊的薯仔，平常不喜歡的我也接受，因為很爽很入味，吸取了所有甜醬和忌廉汁簡直一流。凍蝦是另一宜家的名物。一碟大約有二十隻。雖然每隻不算太大隻，但每隻蝦都有鮮味，腳下面都有好多蝦的春子，蝦頭都有時會有一點類似膏的充斥著，的確二十三元的蝦可以這樣實在物超所值。而青口就是新的產品，大大碟也是二十元，實在抵食。其醬汁應該是類似蕃茄汁，配合青口的味道卻十分新奇，雖然一碟只是十多隻，但每隻都吸入了其醬汁的鮮味，絕對值得推薦。吃完便離開了，因為很多人在等我們的位置，虎視眈眈。不過在這裡吃飯雖然多人而且位置不好坐，但在這裡吃飯是開心的。因為環境舒適，有很多設施，而且這裡的食客大部分是開心的。因為價格便宜，適合一家大細，兩口子拍拖，一班朋友小聚，或者是在商場行攰了的下午茶選擇，ikea 不是社企，但它在物價高企的情況下還能維持低價實在是令香港人欣喜，雖然我知道可能用這個價他們已經大賺，不過他至少不像大家樂和麥當勞一樣繼續忽視民意不斷加價，所以實在喜歡這店的風格和特色，希望可以繼續維持，特別是他們會要求客人自己收碟這個台灣的傳統，絕對可以提醒個人的公眾意識，這裡有好多小朋友，一定可以起到教化作用。相信Ikea會可以繼續這個方向，像俠盜羅賓漢一樣，不一定要劫富，只要維持著低價同提供優質的食物給大眾，特別是給在貧窮線下的一群，讓他們也可以有機會在有限金錢下吃到優質的食品。…查看更多

lunch time去IKEA一人午餐:)車厘茄新鮮多汁 , 生菜都好爽脆夠凍 , 都新鮮 , 起碼每一隻都唔"梅", 帶少少咸 , 好好味每隻都有蝦子嫁!!!!!自行配搭的凍蝦沙律  但係個人唔鍾意凍蝦杯中的沙律, 因為杯底有D咸水 , 沙律加埋咸水真係好怪......食落好香杏仁味 , 不過個人覺得太甜:(一開保鮮紙已經好香蘋果味 , 蘋果大大粒 , 不過味道偏酸 , 而且餅皮太濕 不過同埋個杏仁餅食就岩岩好 , 一甜一酸有機接骨木花果汁(綠色) : 酸酸的, 只有少少甜 , 食完飯飲就岩~留到TEA TIME先飲的有機紅果子汁(紅色) : 酸酸甜甜的 , 完全是新鮮的紅果子味好飲~~埋單一個人食左$74不過如果單件睇 , 每件都好平~~~結尾: 平靚正! 講完報告完畢~~~ …查看更多

總以為自己已光顧Mega Box的九成餐廳，沒想到我原來從未到IKEA Café吃飯。正好用膳時間緊迫，就來一頓快餐吧！大鄉里出城，站了一會才理解購買食物的流程，先去排隊，再挑選食物，最後付款。如有需要可拿一輛手推車，上下兩層放置托盤，四平八穩地把食物推回座位。感覺像大學飯堂，用膳後亦要自行交還托盤，服務和環境普普通通吧。我們吃了～脆炸黃金雞翼($22)：四隻是$12，所以八隻是較便宜的。本來擔心會太多，想不到我一個人已吃了六隻，哈。雞翼炸了一段時間，所以有點凍，亦不是脆的，質感一般。香草三文魚扁意粉配忌廉汁($29)：經濟之選，以三十元內的意粉來說，份量算足夠，亦多配料。意粉軟硬適中，忌廉汁較稀，味道偏淡；餐牌上標榜三文魚是來自挪威海域的優質三文魚，可是感覺有點韌和嚡，味道只屬一般。瑞典肉丸配忌廉汁($19)：買十粒竟然比買十五粒($29)便宜，真奇怪！肉丸微溫，質感有點像山竹牛肉，加上調味(果醬和那啡色的醬汁)，頗易接受。薯仔四顆，有飽肚之效。令我嘀咕的是：這「忌廉汁」為何與扁意粉的「忌廉汁」完全不同顏色呢？凍蝦杯($22)：賣相不錯，每一隻蝦都整齊掛在杯邊。拿起第一隻蝦一看，嘩，意外地佈滿蝦籽，每一隻蝦都是「未生媽媽」，我們一口已殺了兩代蝦，罪過、罪過。蝦肉冷藏了一段長時間，所以水份流失嚴重，不夠新鮮，幸好仍算爽口。兩個人花了$92，價錢合理，整體食物不過不失，可以偶一為之。…查看更多

這個家雖從遠處搬來...卻早已遷入眾人的心慢慢地融入大家的生活中...漸漸地成為不可或缺的一個彷彿每個周末...宜家就成了各人的另一個家左走走右看看...輕易就消耗一整天閒來有事無事總愛跑到此逛一逛...遊一遊廚子時刻都準備好特色小吃...讓眾主人飽餐一頓這天又悄悄走到這個可愛的家...走前當然要吃個滿足香草醃三文魚配刁草醬 $28凍蝦杯 $22 x 2肉丸5粒伴薯仔 $10意式茄醬藍青口 $19蘋果批 $14三文魚...凍蝦...肉丸基本是每次必點菜色...各有賣點煙三文魚以香草醃製...魚味濃帶幾分清香...質素很不錯精髓在於那刁草醬...香草味出眾...跟醬汁融為一體獨有的魅力...令人一試難忘...非它不愛被這兒寵壞了...每次吃煙三文魚沒它作伴...總覺若有所失凍蝦絕對是必然之選...三人行...兩杯也不過份以這價錢吃這品種這份量的凍蝦...想必只有這裡才能辦到蝦子偶懷小蝦子...蝦兒嬌滴滴粉嫩嫩...樣子極討人愛鮮甜嫩滑...借刁草醬作配不失為一個完美結合...本人推介之吃法宜家的瑞典肉丸無人不識...評語各異渺小的一顆丸子...叫它怎背負如此大的盛名肉質蠻有水準...軟韌有致...不見肉丸常犯過硬過實之現象以特製肉汁作配...再伴以紅莓醬作點晴之用...心思盡現肉丸的鮮甜...肉汁的香濃...莓醬的微酸...刺激下有加乘效果經繁複工序才生產出這小伙子...才不過兩元一顆叫人怎能不欣賞...一眾未免太吹毛求疵了藍青口選材不俗...烹調時間控制得宜...青口仍幼滑茄醬酸甜度適中...帶酒味...不介意的喝幾口...感覺很爽份量足...邊吃邊喝甚暢快...不會不滿意吧當然還是認為與藍青口最匹配的是白酒忌廉汁一向不好甜點...也被蘋果批的賣相吸引過來餡料看來豐沛多汁...感覺不錯不知是放得久變涼了...軟化了...還是本質如此批皮不夠香脆...但蘋果餡果真非常濃郁...有內涵呢在這...有觸摸得到的事物...幻想得來的境界愛它...現實與虛幻之間...有一種虛無的存在感這家...有吃不盡的美食...讓人溫暖得不願離去…查看更多

因為黎Mega Box溜冰，咁岩玩完就好肚餓，就帶左我honey黎呢度食第一次黎既佢話：「呢度環境好舒適，好好呀！」我都認同今次點既野有以下：１）炸薯條第一次黎叫左呢個，好好食！因為薯條炸得好香脆，加埋任蘸既茄汁一流２）瑞典肉丸都係因為第一次叫過所以再叫，因為我覺得好好食其實食一碟$19既瑞典肉丸都幾飽，因為有好多薯仔，亦都好好味３）海鮮茄汁意粉都幾好食，唯一我同我honey都唔中意食檻欖，大致上都幾滿意！４）凍蝦杯！！第一次叫，因為我honey好中意食蝦，當我地抱住應否去試既心態，我就拎左一個凍蝦杯一齊比錢。開頭因為怕佢唔新鮮而令ｄ蝦肉霉，但我一食第一隻既時候，竟然十分驚喜！因為蝦肉肉質鮮美，大部分蝦都有卵，十分香口！凍蝦杯魅力沒法擋難怪有好多枱上都有凍蝦杯下次再光臨時我一定會再點！…查看更多

同FD去左ikea食野,成日聽喱到既野食好抵同幾好味,好想試好耐呀,本身以為係德福既,點知原來搬左去mega box,入到去好多野食揀呀,同好自助既,仲要幾平呀,餐湯大約係$10~$12,餐包好似係$2咁上下,汽水$7可任飲,好多野食呀~!龍蝦湯($10)喱個湯幾好味呀,濃味既,同有蝦肉食呀,湯係自己添既(thx桂添呀),不過見到有d人狂"不"晒d蝦肉好攪笑= = ".................!我地當然唔會咁做呀~!ha~!有機青豆湯($13)可能係有機既關係要貴$3,不過唔太好飲呀,幾濃既青豆味,如果鍾意青豆既人仕可試下呀~!瑞典肉丸配忌廉汁(5粒)and薯仔（$10）喱個可以話係招牌貨來既,最出名,同好平,個肉丸好味呀,好濃味,不過少少少偏咸既,個薯仔又係唔錯,加上汁又好味,喱個好抵食呀~!凍蝦杯（$22）又係招牌貨來,份量算幾多呀,凍凍地,都幾鮮甜呀,唔錯既.入面仲有蝦子呀~!香草醃三文魚（$25）件三文魚既大件,配合香草味之下幾特別既,食落咸咸地,幾好味~!三文魚蔬菜飯團（$39）份量好多呀,好大件既三文魚,個飯團真係好味呀,食落唔多似飯團呀,個口感似薯蓉(同薯餅),不過好味呀,個三文魚一般,可能因為熟既食落有點鞋,同有點硬,唔太好味呀,個汁算係幾好唔錯呀~!公主餅（$12）喱個係向沙田同果到試既,因為唔想分開介紹之下post埋落喱到la,個公主餅好甜呀,個好甜既綠色皮,只覺好甜食唔出咩味,個餅係熱香餅底來既好甜呀,cream反而係唔太甜呀,整體上有好甜,唔太好味呀~!綜合來講好抵食同唔錯既,個環境幾舒服又自助,主力要推介既係個肉丸呀,必食既,本身想食多個甜品呀,不過太飽喱,下次會再食呀~!…查看更多