三小漁

為食🐽報告環境：⭐️⭐️食物款式：⭐️⭐️味道：⭐️⭐️⭐️⭐️性價比：⭐️⭐️⭐️為食豬返食指數：🐽🐽朋友生日去試粵菜，入到留意到台台都有冰鎮新鮮菠蘿咕嚕肉，甘一定要叫。再睇吓個Menu，選擇都算足夠。就點菜。嘢食方面就叫左。1. 冰鎮新鮮菠蘿咕嚕肉：過去係其他餐廳都試過。今次個咕嚕肉炸得幾好，又熱又凍，係好味既。2. 南瓜汁菠菜豆腐：上到嚟有驚喜，以為只係一個菠菜同豆腐分開既一個餸，點知係一條條嘅菠菜豆腐條，再加南瓜汁幾清新同好味。入邊仲有雜菇，健康首選。3. 黑磚豆腐：炸得好好，佢出邊好脆，再加上炸蒜蓉，食到流晒口水。嘢食嘅質素都算幾好，係個性價比低啲。試吓無妨。…查看更多

父親節正日，同老婆外父外母去了這間位於觀塘的人氣海鮮小館「三小漁」慶祝。位於一個小型商場一樓，位置唔顯眼；門面甚至有點似間茶餐廳 ⋯⋯ 事實上，餐廳午市開始營業，中午飯市及下午茶真係一間茶餐廳！內隴裝修也同一間茶餐廳沒有大分別，有很多卡位及四人枱，正中位置則放了幾張12人大圓枱，明顯方便晚市而設。環境擠迫嘈吵，又有點混亂；很難想像晚市這麼多客人，而且主打廣東海鮮。餐廳牆上層架擺放了一罌罌香料，另一個層架就放了一包包江瑤柱及魚翅；似乎對晚市很有信心。小菜價錢定位同正規廣東酒樓差不多，也有多款游水海鮮。海鮮並非街坊小店價錢，絕對稱不上便宜。生炸皇子鴿（$72）原來只是BB 鴿。一向不太鍾意食BB 鴿，雖然鴿肉較幼嫩，但鴿肉味道就未夠濃郁。鴿皮亦因為較薄而炸過了火喉。竹炭黑磚豆腐（$18 / 件）同坊間其他小館的椒鹽豆腐如出一轍，只不過表面炸衣加入了食用竹炭粉變成黑色而已。有噱頭，但賣相並不吸引。味道方面，略嫌未夠惹味，椒鹽味未夠濃郁。以「三小漁」的定位及用餐環境，西澳洲龍蝦（$580 / 斤）的定價稍為偏高。當然有很多高級酒樓的游水海鮮定價還要貴得多，但同樣地，坊間也有很多差不多級數及環境的街坊小菜館及普通海鮮酒家，海鮮定價可以較便宜。如果不是老婆搞錯價錢，肯定不會預留。在香港中式菜館吃龍蝦加伊麵底（加 $60）差不多是指定動作；伊麵掛滿了上湯及龍蝦鮮味芡汁，味道很好，只嫌伊麵質素唔靚，略硬，亦有少許油膱味。至於龍蝦，新鮮游水生猛，好難唔好食；大大嚿肉，肉質鮮甜爽口彈牙，好想食多幾嚿！同西澳洲龍蝦一樣，大肉蟹的售價同樣偏貴，約24兩重的蒜香牛油蟹（$638）唔算抵食。一心想試新口味，但出來的效果有點奇怪；用半中式(蒜蓉)半西式(牛油)的配料炮製海鮮沒有問題，但配合全中式的先走油再猛火爆炒的炮製方法，原來並不協調。蟹肉的確鮮甜可口，只可惜未夠實肉；尤其是蟹鉗，雖然大隻，但只有七成肉左右。最敗筆之處在於走油前的粉漿太厚，咬下去影響了味道及口感。艇家醬香炒蜆（$108）較一般豉椒炒蜆惹味，如果蜆肉大隻啲會更完美。冰鎮新鮮菠蘿咕嚕肉（$148）用新鮮菠蘿最抵讚，甜中帶酸、有果香。咕嚕肉雖然聲稱冰鎮、又見到碟子中央的糖漿，但效果不似預期；咕嚕肉外層並沒有脆皮糖漿，味道亦偏甜，缺少了咕嚕肉的酸，未做到酸甜平衡。定價唔便宜，尤其游水海鮮；但味道又唔算很出色，實際上，烹調水準只是一般而已。用餐環境很差，基本上只是一間茶餐廳。以這個價錢，坊間很多其他選擇；應該不會再來下次。…查看更多

Happy Friday 四個女人六餸一湯，食得開心食得滿足，友人食過一次介紹再訪，主要都係唔限時，舒舒服服嘆杯啤酒🍻飲啖茶傾談飯聚是我一向對餐廳的要求，食物質素當然都係主角，這次用餐🍴十分滿意，餐廳服務員態度和藹，地方闊落夠大，樓底也高所以傾談時不會吵鬧，氣氛很好👍下次會再來試下海鮮🦞，走的時候見隔離枱滿滿的龍蝦鮑魚，真的很吸睛🤩這次主要是試下出名的冰鎮咕嚕肉和燉湯，果然名不虛傳😋值得一去。…查看更多

朋友介紹到三小漁吃晚飯🥢，位於觀塘成業街10號電訊一代廣場1樓B01號舖。 我們訂了房，所以私隱度極高。 ✨晚餐的菜式有煙燻溏心蛋、 黑磚豆腐、 蓮藕餅、古式東坡塔、 大龍躉兩食、 脆皮風沙雞、 冰鎮新鮮菠蘿咕嚕肉、啫啫通菜煲、 鮮魚湯胡椒魚肚芥菜煲、 粉葛鯪魚老火湯、桃膠燉手工菊花豆腐。 🔴煙燻溏心蛋🥚 ～ 入口軟綿綿的溏心蛋，再加上煙燻味，醇香美味。 🔴黑磚豆腐🧈 ～ 黑色的賣相好型， 外脆內軟的口感再配上炸蒜粒🧄， 很好味，我們食了兩碟🤣。 🔴蓮藕餅 ～ 蓮藕口感爽脆， 豬肉餡夠結實👍🏻， 口感不錯。 🔴古式東坡塔 ～ 賣相非常出色🤩👍🏻， 當然第一時間要打卡先🤳，肥美不膩的五花腩疊成塔狀， 非常精緻， 切開五花腩還有大量梅菜🤤， 大家都忍唔住要點返碗白飯🍚。 🔴冰鎮新鮮菠蘿咕嚕肉 ～ 顏色鮮豔奪目的賣相， 咕嚕肉啖啖肉， 菠蘿🍍非常甜美。 🔴脆皮風沙雞 ～ 真是皮脆肉嫩🤤， 重點是食完唔會感覺好油膩。🔴大龍躉兩食 ～ 龍躉兩食各有特色， 啖啖肉又肥美的龍躉， 魚肉很嫩😋！ 🔴粉葛鯪魚老火湯 ～ 湯料砌得非常有心，粉葛湯好濃郁，份量又多🥣，每人起碼飲到兩碗。 🔴鮮魚湯胡椒魚肚芥菜煲 ～ 湯底味道好正， 胡椒味重，芥菜夠厚身有口感👍🏻。 🔴啫啫通菜煲 ～ 熱辣辣，很有鑊氣的。 🔴桃膠燉手工菊花豆腐 ～ 一睇刀功已經覺得不得了👏🏻， 師父可以將豆腐切到好似花咁靚😮， 糖水清香， 還有滋補的桃膠， 非常推介👍🏻。 由前菜、主菜到甜品都很滿意， 睇得出每一道菜式都非常用心又精緻， 除了賣相味道也很好， 大家都食得好開心，是一個很好的用餐體驗🤤👏🏻。🏷️溫馨提示～ 整個用餐體驗均屬個人分享意見， 只作參考😊。 …查看更多

之前已想去三小漁，後來因事取消咗。難得今次家庭有聚餐，我再次用 openrice book 位。地點容易搵，場地比想像中細。我地一行7人，被安排坐2張方枱(2人枱)，其實有d 逼，坐得5舒服。佢將1張方枱打菱形，變成坐4人。另1張既一邊靠近菱角尖，坐3人。真係好似上幾何圖形課堂，善用每條邊線，但呢種安排真係不太理想。開茶每壺$12，茶包幾香，但 refill 咗3次水後就淡味了。。。食物方面，我地揀咗9款：1. 烟燻糖心蛋 (半隻) $18：係糖心，蛋上鋪了XO醬，完全無烟燻味。。。。2. 陳醋黑琥珀木耳 $48：木耳好得意，但陳醋味幾近零，5掂3. 黑磚豆腐 (每件) $18：黑黑地，跟上菜碟混為一體，哈~外脆內滑，幾㷫口，好味架~4. 脆皮風沙雞 (半隻) $128：雞皮脆、但雞肉無乜味，只好狂碌旁邊炸蒜和頭抽5. 蓮藕蜜椒骨 $108：蓮藕烤焗似薯片，加上少少蜜糖，幾好味~d 骨細細粒，都入味，又5實，讚~6. 話梅骨 $98：一支支骨，有7條。係甜既，但食5到話梅味，加上有少少實，可以5試。。。。7. 冰鎮新鮮菠蘿咕嚕肉 $148：不愧為signature food，不論賣相和味道都正，推8. 吞拿魚蔥油炒飯 $138：其實我食5出果d 一粒粒肉係吞拿魚，只覺有嚼感，配上蔥油炒飯，好香口、好好味。。。不知不覺吃完一碗又一碗9. 私房金鮮大龍躉 (大) $488：我地問過小的有幾多，部長話1斤多d。咁我以為7條友食小。。。會5夠，點知上枱後，我發現錯了。。。首先我地7條只有4-5條係食，其次湯底有薯粉係飽肚的。。。我地應該叫個小就足夠了湯底香甜，有黑琥珀木耳、淮山、杞子、芹菜。上枱時還有一碗脆米俾我地倒落湯吃。龍躉份量足，啖啖肉，間5中有少少骨，真係幾鮮甜~食完已飽到上心口，但記起好多人推“雕花豆腐花“。。。所以我地都叫了2客“桃膠燉菊花豆腐“，味道中規中矩，只是影相之作埋單5使加一，$1,528，都算抵食既~門口有塊 banner 話前一天訂座，用現金付，有95折…查看更多

我係3個禮拜內去左3次，好抵食！🤪店員安排左個大卡位比我地3個，坐得好舒服。餐牌有好多餸都好吸引，所以3個人嗌左6個餸😳【冰鎮新鮮菠蘿咕嚕肉 • $148】(8.5/10)呢個咕嚕肉我諗係餐廳既主打，每次黎我都會叫😎顏色夠晒鮮豔搶眼，冰鎮令到d肉更加香脆爽口！【金銀蒜粉絲蒸聖子皇 • 時價 - $68/位】(8.5/10)聖子王唔係次次都有貨，有貨我一定叫！可以揀黑蒜/金銀蒜蒸，兩個都好食，但黑蒜會更加香🤔隻聖子好大，粉絲同蒜都好多，完全覆蓋成隻聖子，性價比好高！【脆米煎日本元貝王 • $68/位】(7.5/10)本身諗住叫蒸元貝，但點知無晒，見店員推薦，就試下呢個脆米煎日本元貝王。隻元貝有拳頭咁大，煎到金黃香口，配埋脆米好爽口，個配搭比起想像中好。【黑磚豆腐 • $18/件】(8/10)呢個黑磚豆腐係金磚豆腐d friend，不過都係我食過咁多間金磚豆腐個皮最脆舊豆腐最滑既一間，每次黎都一定要嗌！另外仲叫左【青麻牛柳粒 • $168】同埋【脆皮乳鴿 • $72/隻】，乳鴿好出色呀喂👍🏻青麻牛柳粒就今次失色過第1次食，但都好好食，外面煎到香脆可口，入面就仲有好多肉汁唔會乾，不過呢個就optional未必一定要再叫🤔另外推介埋【脆皮風沙雞(半隻/一隻) • $128/$248 】👍🏻(溫馨提示：乳鴿要一日前預訂，如果唔係有機會無🙂)…查看更多

每道菜都有驚喜，且份量比我相像中多。4個女仔叫左以下既菜，差點都食唔喵，如果多D人就可試埋其他菜式。1.黑磚豆腐（$18/件）外脆內軟，炸到剛剛好，雖然唔知黑色部分係用咩整，但加埋炸蒜味道一流。十分推介！2.原盅烏雞炖花膠（$88/位）用料足，有一粒大瑤柱，花膠，雞腳，螺肉，瘦肉，飲落有清甜的瑤柱雞味，沒有落味精。3.冰鎮新鮮菠蘿咕嚕肉（$148）好味道，十分推介，夏天食十分一流。菠蘿並唔係用罐頭菠蘿，係用新鮮菠蘿，食落清甜。咕嚕肉內脆外軟，即使食完其他菜再食佢，都仍然內脆外軟，唔會用太多粉去炸，食落唔會有油膩既感覺。中間的裝飾係糖可以食，但較為黏牙。4.金銀蛋浸時蔬（$88）簡簡單單叫碟菜，呢個就正正常常，不太特別5.酥炸特色脆蠔餅（$88）蠔餅的分布剛剛好，唔會有部分只食到粉團或蠔仔集中在某一部分。另勞到剛剛好，但可能4個女仔食會太多，因為食到最後有點油膩。6.冬瓜薏米水（$18）清甜解暑，不太甜，非常好。…查看更多

政府採取抗肺炎措施, 禁止多於4人既聚會, 但長輩生日, 佢又困係屋企多月, 今晚就同佢兩口子外出食餐飯, 速去速回。從同事口中得知觀塘開左一間新粵菜小店, 好奇之下就去一試。餐廳座位闊落, 主要以卡位為主, 坐得舒服。裝修環境對比一般傳統粵菜酒樓大大不同, 粵菜款式唔多, 大部分為手工菜, 而部份款式為預訂菜式, 【冰鎮新鮮菠蘿咕嚕肉】HK$148賣相吸引, 以冰粒墊底, 中心位為可食用既硬糖膠, 無骨咕嚕肉炸皮好薄, 外皮平均沾上甜酸汁, 肉質爽嫩, 配上冰涼菠蘿肉, 美味又開胃!【艇家醬香炒大蜆】HK$128每隻蜆都很大隻, size有如湯匙一樣大, 每隻蜆都洗得乾淨冇沙, 蒜頭、豆豉、辣椒一齊炒起, 有穫氣, 食落更加惹味。【桃膠燉菊花豆腐】HK$48粵菜中既甜品, 就是看出師傅的刀工。豆腐被削得幼細, 躺著有如菊花般盛放, 清甜糖水暖暖地, 唔會太甜, 夠清潤餐廳新開業, 不設茶芥、前菜、加一, 更加抵食!  …查看更多

呢14日，對酒鬼嚟講係難熬的日子，放工冇酒飲，冇得happy hour，唔食西家咪食東家囉，嚟返個中式happy hour都幾趣吖香港食肆唔賣得酒啫，仲有茶水賣嘛，飲茶一樣可以有親密接觸，睇化啲係冇分別個茶名咁趣咁堂皇，一試果然唔係普通酒樓貨色，原來中式茶都可以好有花香蒜、牛油、雞翼都係大胃鍾愛，三者加埋，真係食到差啲唔lur骨，good呀黑豆腐超級脆口，內裡就好嫩口冰鎮咕嚕肉配以堂皇拉糖，靚得荒唐，保持到肉質嫩滑，食到一件不剩呢段期間，人一定唔多，希望高汁餐廳可以頂得住:)…查看更多