泰簡單

营业中

休息中

不時在銅鑼灣也會光顧這老店，是個聚腳好地方。一進門就有泰籍侍應歡迎十分親切。環境寬敞舒適，平日晚飯時間也蠻多人，建議預約。冬陰功湯湯有鮮蝦、香菇和香葉。酸辣度偏辛辣，蠻適合我們口味。炒金邊粉醬香炒麵濕度剛好，大蝦肉質鮮甜厚實。蝦餅魚餅👍外脆內軟，意想不到的好吃！魚漿蝦肉搭配酸辣醬更顯風味鮮明。卷心菜🥬 十分爽脆。鮮椰青🥥 椰汁清甜，還能挖椰肉慢慢咀嚼，很滋味。菠蘿汁🍍 酸酸甜甜，解渴又解膩。

呢間泰國餐廳喺銅鑼灣總統中心頂樓已經屹立咗多年，由泰國人經營，喺銅鑼灣又想食到啱口味嘅正宗嘅泰國菜，就會諗起佢👏🏻今日同朋友兩人一齊嚟食點咗以下，全部都非常惹味，亦都上菜好快。最出色嘅係佢嘅燒豬頸肉沙律，食得出用上魚露青檸胡椒粉同各種泰式嘅調味料超有鑊氣咁炒，最後食到非常滋味😋😋🥗燒豬頸肉沙律($108)🍜Pad Thai with prawns ($138)🥘冬陰功湯 ($98)🥬馬拉盞炒通菜($105)餐廳設有室內同室外位置，地方都好寬敞同好有氣氛，好適合同一班人去慶祝生日🥳因為地方大所以都唔難有位，但係佢都好popular ，所以之前book枱先至嚟會比較好啲👌🏻

#泰簡單，係銅鑼灣都好出名既泰菜，位於總統頂樓，一入去既裝修又靚又精緻，非常吸晴🤙🏻佢有天台既户外座位氣氛完全無得輸，餐牌實在好多選擇，飲返杯Singha生啤同Apple Cider再揀野食🫶🏻先試下佢嘅冬陰功湯，賣相不錯而好香，香料足，味道正唔會太辣而又夠味，風味十足，冬天飲啖好暖身😘另外叫左個泰式香草烤豬頸肉，份量特多，十幾廿塊燒烤味好香，做到外脆而都仲有肉汁既，肉質嫩，推介😎咸魚炒芥蘭，咸魚好香，唔油，炒得幾有鑊氣，泰式咸魚好香唔死咸，炒埋芥蘭無敵配搭，好好味😋皇宮大蝦蛋網炒金邊粉，賣相超靚，蛋網好特別，大蝦幾鮮，肉質爽彈，金邊粉炒得幾惹味，份量好夠😆氣氛環境無得輸，飲野食野又高質，好正既泰菜餐廳👻大力推介🙌🏻🙌🏻

朋友推薦呢間喺銅鑼灣嘅泰國餐廳，話菜式好地道，因為廚師同侍應都係地道泰國人餐廳。裝修雅致，好多東南亞嘅元素，感覺好relax、好chill，好適合打卡👍上到去已經見好多打工一族呢度聚吓會，中間仲有個露天吧位，夜晚有cocktail飲，放工同啲朋友嚟傾吓偈放鬆吓，都真係幾唔錯👍鹹魚炒芥蘭炒得好香，芥蘭都好新鮮，好爽脆，鍾意佢夠多汁👍皇宮大蝦蛋網炒金邊粉外表賣相好吸睛整到個蛋好似一個蛋黃咁樣食落嘅時候有一絲絲嘅口感拌埋啲金邊粉食成個感覺好特別而且都炒得好香口好正宗嘅泰式金邊粉燒豬頸肉每次去食泰國嘢都一定會點，所以要知呢間餐廳係咪夠唔夠正宗就睇佢豬頸肉就略之一二鍾意佢嘅豬頸肉嗰邊夠脆入面都仲鎖住到啲肉汁食落好Juicy配埋泰式醬汁就更加好味冬陰功湯食泰國嘢點可以冇冬陰功呢度嘅冬陰功係偏向酸啲嘅趁熱食嘅時候就更好食黃金夢荔枝特飲黃金夢係鮮菠蘿汁同芒果汁夠冰凍食一路食啲鹹嘅泰國菜一路有呢啲新鮮特飲好解渴

位於銅鑼灣既餐廳裝修精緻有格調，環境優雅，食物有水準，落單5分鐘後已經有食物送到，15分鐘後所有點選的餸菜也到齊，而且碟碟熱烘烘，有鑊氣，大份量，有本地小店味道踏進餐廳樓層，已被門外的等候區吸引著，深木配棕紅色牆身，加上燻暗的燈色顯得份外有情調，植物的擺設更令人感覺置身夏日的泰國中。這情調伸延至餐廳中，食客令氣氛更增添一點熱鬧，不論室內室外同樣座無虛席。大份量豬頸肉大約有20片，外皮燒到焦脆肉質梅軟，經肉粉醃製豬味突出帶少甜，有點像豬肉乾的味道，旁邊的泰式醬汁味道較清淡，未能發揮到其作用同樣是大份量的一碟炒飯，飯炒得粒粒分明，且好有鑊氣，油份剛好包裹米粒變滑溜，夾雜著蛋絲及蟹肉有鮮味，炒飯乾爽不油膩，不知不覺吃過一碗又一碗芥蘭翠綠爽脆，被一層薄薄玻璃茨包裹，口感滑溜不覺油膩，與少許肉粒、蔥絲及蒜頭炒勻，咸魚帶出鮮鹹香就是錦上添花窩心地餐廳所有湯類都有size選擇，消除我倆擔心剩下的情況，S Size為2人份量但好足料，味道少辣帶酸有點偏鹹，有愈喝愈鹹的情況。芒果菠蘿汁：漿狀芒果汁質感細滑，淡然芒果中帶有菠蘿少甜，比起只用糖漿多一份果酸及天然石榴汁：較甜的梳打石榴，顏色鮮艷

雖然去既時間係星期日，不過因為早既關係（11:00），所以無咩人客，唔使等位：p去到d 阿姨態度好好，會介紹下d野食跟著就揀左冬陰公湯（小），泰霸道，芒果糯米飯，椰青同椰汁糕。芒果糯米飯既椰汁好足而且好香好濃郁，所以我呢個椰汁控食得好開心。而糯米係熱既而且尚算煙韌，芒果好甜好香，總括黎講唔錯唔錯。冬陰功湯好足料，雖然叫左小size，但都有三隻蝦同好多好多香料。望落色澤鮮艷好吸引又好香，飲落好濃郁，而且辣度適中，會feel到喉嚨有d灼熱既感覺，唔錯泰霸道係一個好大好大好次蒜蓉包既野，上碟既時候會預先切開一塊塊，包下低係一片金黃色既咖哩汁。食落真係好驚喜，熱辣辣又香濃既咖喱汁配上軟綿綿微溫既包，呢個組合無得彈相比之下椰汁糕無咩特別，有西米係入面，同埋都有椰香，但係唔算抵食。@@最失望係椰青，飲落次糖水，覺得完全唔值呢個價錢＝_=不過總括黎講係好滿意既一餐，同埋建議大家要小心選菜色；pp