泰誇張

餐廳環境好有泰國花房feel，綠色同鮮花點綴，仲有新鮮玫瑰喺枱面。冬蔭功湯：香茅同辣椒味一上枱就扑鼻，湯頭酸辣醒胃！大蝦、秀珍菇同草菇超足料，配料新鮮，辣度啱好，唔食辣嘅朋友都ok！茄子肉碎魷魚沙律：茄子軟腍入味，配上鹹香肉碎同爽彈魷魚粒，酸酸地醬汁好開胃！辣椒香氣提升層次，配料組合好有心思，味道甜酸辣平衡，作為前菜真是一個完美選擇！炸魚青芒沙律：好大碟，超震撼！原條魚切件炸到金黃酥脆，外脆內嫩，配青芒、洋蔥粒、腰果、青瓜粒、青檸、香茅同辣椒，酸辣醬汁惹味，配料心思細膩，食落刺激又過癮！蟹肉炒飯：飯粒乾身，粒粒分明，帶濃濃鑊氣同蟹肉香！蟹肉絲同炒蛋鮮甜滿分，配料簡單但用心，突顯鮮味，份量夠二人share，食完有種泰國街頭風味！呢度有泰國風情，菜式份量同用料都好足，尤其係佢哋喺食材同配料嘅心思。餐廳仲有免費Wi-Fi，邊食邊上網打卡超方便！…查看更多

一入到呢間餐廳，就有種回到泰國嘅感覺🥰用嘅係經典嘅公雞碗同公雞湯匙🐓可能係我特別鍾意懷舊嘅嘢，感覺特別親切。水吧設計得好靚✨，深綠色嘅吧台配上掛滿嘅玻璃杯，真係賞心悅目。地磚充滿濃濃嘅泰國風情，色彩繽紛又有特色，望落去就好開心😍。🥗青木瓜絲沙律 Som Tum Green Papaya Salad $78清爽又開胃，青木瓜嘅熟度啱啱好，爽脆得嚟冇苦澀味👍酸辣味道調得平衡，唔會太過刺激🍤🌶冬蔭功湯 Tom Yum Kung (細) $78講真，呢個可能係我哋飲過最接近理想嘅冬蔭功湯🔥青檸嘅清香🍋、辣椒嘅辣勁🌶、椰漿嘅濃郁🥥，比例真係啱啱好👏裏面嘅海鮮亦都夠新鮮🦐，真係第一次爭住飲哂個湯🍗泰式燒雞 Thai Style Grilled Chicken (半隻) $98燒雞外皮帶少少炭香，仲鋪滿咗惹味嘅脆蒜🧄🐷🔥燒豬頸肉 Grilled Pork Neck $98豬頸肉燒得啱啱好，外層微微焦香，內裏仲保留住少少嘅油脂，食落去又唔會乾，仲有淡淡嘅炭烤香🍛🎃南瓜咖哩海鮮炒飯 Pumpkin Curry Seafood Fried Rice $128第一次食咁樣的嘅泰式炒飯，咖哩入面混咗肉鬆，口感味道幾特別🧋泰式奶茶 Thai Ice Tea $48就係去泰國街頭飲到嗰種味道🥤甜度剛好，仲有濃濃嘅茶香，飲完即刻有種飛返泰國嘅錯覺。🍹龍蝦冰 Longan Juice $48清爽又唔會太甜Thai Zab Verr 泰誇張📍西環石塘咀德輔道西390A號地舖…查看更多

西營盤和西環可算是港島區其中一個美食集中地。這間在德輔道西電車路的泰國菜，在裝修上花了不少心思，彩繪地板和藍綠色的牆身，好有型格的氛圍。Menu選擇很多，好有泰國地道風味，已被加入Encore名單之上！鹹蛋雞翼 Deep-fried Chicken Wings Crusted Salted Egg Yolk $98單骨雞翼本身已很香脆，外層包裹著濃郁、Creamy又有沙沙感的鹹蛋黃，也不會太過於油膩，邪惡小食不消一會兒就清碟。蟹肉炒飯 Crab Meat Fried Rice $138與鹹蛋雞翼同在Chef’s Special Menu之中，果然一樣高質。材料簡單，蟹肉、雞蛋、蔥花與白飯炒勻，粒粒分明又乾爽，吃得出的大廚鑊氣。泰式拼盤 Mix Appetizer Platter $128炸物狂人最愛泰式拼盤，熱辣辣又款式多，炸蝦餅、炸魚餅、炸香葉包雞、炸春卷都應有盡有，個人最愛啖啖肉又紮實的炸蝦餅，配上泰式辣醬和甜酸醬，美味又滿足。香芒軟殼蟹沙律 Mango Salad w/ Deep Fried Soft Shell Crabs $98一般都吃青瓜沙律比較多，對這個香芒沙律頗有新鮮感，用上青芒果切絲，賣相跟青瓜差不多，原隻軟殼蟹增加上香脆的口感，比青瓜沙律少一點辣勁，多一點Refreshing的水果香。冬蔭功湯(細) Tom Yum Kung (Small) $68細Size足夠2人每人一湯碗，份量足料，用上大蝦、車厘茄、菇菇、洋蔥等材料，湯底濃郁，辣度比想像中強勁，刺激味蕾又開胃。泰式奶茶 Thai Iced Tea $38 | 椰青 Young Coconut $48兩款最愛的泰飲。奶茶賣相美觀，煉奶香濃，紅茶香帶少苦澀，整體味道比例恰到好處。椰青凍冰冰，清甜解渴，消暑解辣透心涼，連嫩滑椰味重的椰青肉也不能放過。…查看更多