家後

今次嚟到家後，近排突然間好似好多人講🤔，見到佢有埋芝士蛋糕🍰食好似好特別就想試吓。講下餃子🥟先啦，話晒係主打。叫咗煎洋蔥豬肉餃，好好味😋。洋蔥🧅好甜，同豬肉好夾。最重要嘅係真係即叫即煎，又煎得好好喎，熱辣辣，正👍🏻。所以都要等比較耐，同埋唔適合要減肥嘅人。食煎餃我鍾意配醋，簡直係錦上添花🌸。講返個芝士蛋糕🍰，因為無晒最signature 嘅開心果同原味，揀咗冧酒。都ok喎，加咗冧酒無咁濟，芝士蛋糕同出面食到差唔多，完全唔會諗過餃子店都可以有呢個水準。芝士味濃，口感香滑。另外加要$33。晚上唔少人排隊食，加上店舖細細，要預要排返20-30分鐘，或者早啲到6點開始食。餃子店非常有良心，唔會要三唔識七嘅搭枱，仲有烏龍茶擺喺出面比你飲，值得一讚。價錢好實惠，8隻餃子🥟，睇吓你食湯餃定煎餃，都係大概$38-42，加涷/熱飲$4。細食人士應該夠。如果驚唔夠飽，加$16有碗麵同飲品。即磨咖啡要加$10，好想試吓添🤡Overall都值得一試但如果特登嚟又唔覺有咁嘅需要🤔🤔…查看更多

🥟香菇粟米雞肉煎餃🥟芫荽豬肉煎餃($44)🔸湯餃$38/8隻; 煎餃$42/8隻🔸(雙拼味道 +$2)第一次嚟試呢度嘅手工餃子，貪心啲加$2揀左雙拼試多款味道🤣今次要左煎餃🙈呢到既餃子脹卜卜餡料豐富，而且煎得非常酥脆金香。餃子皮幾薄，咬落去脆得黎又爆哂肉汁好juicy😆兩款味道都值得推薦👍🏻材料好有鮮味，芫荽豬肉餃嘅芫荽味超重，芫荽控唔好錯過🤩🍲家後鮮大腸羹 ($38)落單時老闆問係咪第一次食，提醒返鮮大腸唔係冧嗰隻，一粒粒好煙韌要𡁻嘅🤣而且係每日鮮豬大腸製作👍🏻 鮮大腸清洗得好乾淨，配搭埋豬紅、豆腐、木耳絲、肉絲，大滿足😍撒上白胡椒粉同埋自家製嘅辣菜圃撈埋一齊食，非常惹味🤤食完餃子呢到有得食埋甜品🤤老闆嘅日籍太太會焗巴斯克芝士蛋糕😍有原味同其他味供應，每日數量有限售完即止🤣(日式手作芝士蛋糕 $28; 是日其他味芝士蛋糕 $33)🍰 冧酒提子芝士蛋糕 $33今次揀左冧酒提子，冧酒味道好岀，食到啖啖酒香，同軟滑嘅芝士蛋糕好夾，仲有唔少🍇提子乾增添口感😍估唔到一間出名食餃子既小店，連日式既芝士蛋糕都可以整得咁好食🤤總結：呢間小店好有家庭式嘅味道🏡餃子同芝士蛋糕都好岀色抵食👍🏻好多人無論堂食定外賣都會外加份生餃子，將份温暖帶返屋企架💗…查看更多

家後既餃子同芝士蛋糕口碑一向都好好！所以今日同朋友慕名而來😋我地叫左：1.雙拼煎餃：洋蔥豬肉餃、芫荽豬肉餃煎餃一到既時候已有驚喜: 香、大粒、煎得金黃但不油膩！每一粒都好足料，調味亦都岩岩好，唔會太咸或淡，Like!👍🏻2.雙拼湯餃：白菜豬肉餃、韭菜豬肉餃湯底仲有蕃茄同生菜，好有誠意😆👍🏻同樣地，粒粒都好足料，好味！😋全部餃子都係即場包的😋👍🏻3.我地兩個配套餐B：有是日飯團同飲品：飯團係用日本米既，料粒分明，濕度適中，醬油、爽口既牛蒡絲，配合得好好！4.滷水雞翼四隻：好入味，炆到冧哂，但肉質仲好嫩，雞皮又滑，入面一d血水都無！👍🏻5.抹茶芝士蛋糕同冧酒提子芝士蛋糕：其實係巴斯克芝士蛋糕來的！食到我地Lam Lam脷！大滿足！😋😋😋家後真係好特別，西式、中式、日式crossover, 每樣食物都好高質👍🏻😋😋推薦！👍🏻…查看更多

我相信唔少喺深水埗出沒嘅人都會識「家後」，因為佢嘅出品高質，同事甚至會買生餃返屋企煮。雖然佢位置係喺深水埗，但其實都偏離中心地帶，所以佢有高人氣全靠實力👏。呢日我同飯腳同事去食，佢竟然話未食過，真係估佢唔到😱。下午一點半鐘到達餐廳，唔意外地要等位，大約等十五分鐘吧。餐廳面積唔大，但環境都算四正。由於堂食同外賣訂單都非常多，所以出餐真係要啲時間。不過老闆好好人，百忙之中仍保持禮貌，亦會向食客推介有乜招牌菜😁。小店除咗賣餃子之外，仲有車仔麵同各樣小食，選擇幾多元化，最重要係價錢好相宜！不過最估唔到係小店有賣甜品🍮，我回想番我第一次幫襯真係覺得好Surprised。我哋兩個人食咗好多嘢🤤，因為同事話想乜都食下，我當然奉陪到底！煎餃($40/8隻, 雙拼加$2)，🥟手工水餃係必點項目，可以揀湯餃、煎餃或者湯餃麵，我哋要咗煎餃，因為感覺香口啲。煎餃真係煎得好出色，底皮煎到金黃香脆，而且餃皮偏厚，🈴️適合用嚟煎。餃子口味有八款揀，西洋菜口味可能因為時令關係所以停售，我哋揀咗菠菜豬肉餃同芫荽豬肉餃。本身我好驚芫荽🌱嗰款會好大味、好難入口，點知完全相反，味道特別，有浸獨特嘅香氣，令人難忘兼回味，必食！但老闆話佢第一名推介係洋蔥豬肉餃，下次試吓。靚湯粉麵($28單併, $32雙併)，其實即係車仔麵嚟🍜，但湯底就有啲唔同，你可以揀豬骨湯、牛骨湯或者例湯，眼見最多人揀例湯。今日款式係粉葛湯，味道清清哋，成碗飲哂。餸料揀咗牛腩、鮮蝦雲吞同蘿蔔，而麵底就要左菠菜麵。個人認為小店嘅車仔麵不比同區另外幾間著名車仔麵店遜色，齋講菠菜麵就算浸咗陣都保持爽口，而餸料亦唔少。另外，餐廳仲有自家製辣菜莆，就咁食有啲重口味，但放落湯後味道減弱，變得啱番我味蕾。日式住家飯團($15)，聽聞老闆娘係日本人，所以有賣埋飯團🍙。由於食過知道飯團好好食，所以我同同事一人一嚿，唔駛爭。飯團有唔同口味，今次食嘅係醬燒牛肉同牛蒡，餡料係好均勻咁滲入喺飯入面，而唔係得中心有餡。飯團味道唔錯，無日本飯團嘅酸醋味，口味大眾化。同時，飯團質感幾好，無過濕或太乾👍。再者，飯團係即包，所以熱辣辣的，份量大小適中，一個人食份餃子都應該食得落佢。我上次嚟食嘅飯團係🐟呑拿魚口味，同老闆傾偈先知道食到嗰款係好幸運，因為製作功夫相對麻煩，所以唔係成日整。不過個人認為呑拿魚味更為驚艷！麻辣雞翼($25/4隻)，🍗之前食過鹵水味，所以今次試下麻辣，加上而家接受辣嘅程度高咗嘛。我本身以為麻辣味應該唔會好勁，點知唔係，辣度三粒星🌶🌶🌶，足以令我瘋狂飲水同流口水。雞翼惹味，但唔係好食得辣嘅朋友要考慮清楚是否要挑戰⚠️。單點小食嘅雞翼有四隻，賣呢個價錢好抵；而餃子跟餐就有兩隻，咁即係就算一個人嚟食都可以試埋。酥脆炸肉丸($25)，🐷🍢炸豬肉丸細細粒，一碟平均有10-12粒。肉丸質感並非結實嗰種，有少少鬆散，似免治豬肉？我唔係好食得出肉丸有無落其他餡。食頭兩粒覺得味道OK、幾特別，又無喺其他地方食過，但再食就有啲膩，炸皮係脆，但油份都重，特別係放耐咗。因此，我建議襯熱食同埋多啲人Share食先好嗌。接住落嚟就係萬眾期待嘅甜品部份，其實已經好飽，但甜品係放另一個胃㗎嘛😝。買外賣嘅人好多都會搭多件蛋糕。喺短短幾個月期間，小店推出咗多款新口味嘅芝士蛋糕，之前嘅甜品淨係得原味芝士蛋糕同埋焦糖布甸。由於蛋糕有新口味，所以今日就唔食布甸啦。開心果芝士蛋糕($30)，老闆建議我哋食咗佢先，因為無咁濃味。由於加咗開心果，所以蛋糕身呈淡綠色💚。食得出開心果味，但未算太出，芝士蛋糕口感幾滑、幾厚，似紐約嗰種。冧酒提子芝士蛋糕($30)，果然較後食佢比較適合，因為真係超級濃味。冧酒味好強，我醉了哈哈😳，但我個人就麻麻哋提子乾🍇。呢款蛋糕嘅口感同開心果唔同，口感軟身好多，食落感覺無咁滯。飲品方面🥤，跟餐加配冷熱飲同價，咁梗係要凍飲啦。我哋要咗凍杏霜同凍檸賓，後者係店員姐姐特別推介，咁的確唔係好多地方有，佢建議唔好少甜，好有原則，哈哈。總括嚟講，家後確係無令我失望，佢無論鹹食定甜點都同樣出色😋，價錢係益街坊大眾價！同事話覺得小店好大膽，因為餃子同飯團甜品等好似風馬牛不相及，但我就認為呢個正正係小店嘅特色。店內不乏熟客仔，入襯舖都會同老闆吹兩句水，咁樣就可以肯定餐廳嘅回頭率極高。呢餐基本上無乜嘢可以挑剔💯，深水埗小店絕對值得大家多多支持💪。…查看更多