稻埕飯店 (V Point)

相約兩個小學同學相聚，一心搵間無限時食得舒服啲，去到見到裝修非常華麗，座位闊落，環境唔錯。食物都有驚喜，上菜都好快，可能唔係太多客，唯一唔好嘅係等好耐先叫到侍應。…查看更多

稻埕飯店喺銅鑼灣V Point同尖沙咀都有分店，餐廳以滷水醬埕作概念製作滷肉飯、白滷水鵝、骨膠原豬手等招牌菜，今次就嚟咗佢哋銅鑼灣V POINT店食咗佢哋新推出嘅新春賀年套餐，多達11道菜，超級豐富😋 餐廳裝潢以80年代台灣林森北路餐酒館文化為設計概念，有復刻酒廊傢具、舒適悠閒chill區，喺度食返餐台式賀年飯夠哂有格調又特別😍👍🏻.話梅小山藥拼黑糖醋釀柑仔蜜 : 爽口嘅小山藥伴入話梅醬，拼有以黑糖醋釀製嘅柑仔蜜（台式番茄），味道酸酸甜甜，非常開胃，作頭盤一流～白滷水九孔鮑魚: 九孔鮑魚係台灣土產鮑魚，夠哂大隻又厚肉，口感滑嫩彈牙，以白滷水浸製，非常入味～鵝不是鴨肉: 用上獅頭鵝，鵝味香濃，肉質鮮嫩，更去骨，啖啖都係肉～金不換干貝螺頭燉雞湯: 燉雞湯好足料，加有干貝、螺頭等湯料，仲食到一粒粒螺頭肉，燉湯味道鮮甜～古早味三杯雞煲: 一上菜就散發着濃濃嘅九層塔香，雞肉嫩滑，加入辣椒爆香，非常惹味～秘製台汁骨膠豬手花膠石鍋: 用上石鍋上菜，能夠令呢度菜保持熱辣辣，豬手爽彈，花膠大大塊炆至軟腍，骨膠原滿滿嘅一道菜～花枝月亮蝦餅: 內餡搭配彈牙花枝同鮮甜蝦仁，煎炸後口感香脆，清爽又唔太油膩～富貴黃金大蝦: 彈牙嘅大蝦，伴入咸蛋黃味一齊炒香，帶陣陣咸蛋黃味香，好滋味～櫻花蝦魚湯油津白: 湯底用魚、櫻花蝦熬製份外鮮甜，配上津白～八斗子炒飯 : 炒飯餡料豐富，內含虎蝦、北海道帶子、鵝肉、蟹肉、蟹籽、豬肉鬆，非常足料，飯炒至金黃色，好有水準～薑汁桃膠燉杏仁鮮奶: 以燉鮮奶作為呢餐嘅結尾，真係非常滿足，呢碗燉鮮奶加入杏仁，杏仁味香濃，再伴入薑汁及桃膠，冬天食好養生～…查看更多

祝賀朋友公司開新店後, 一行六人就嚟呢間餐廳食飯, 早前已經預約而且識人可以開一支house wine就免全枱開瓶費, 可惜店員好似缺乏溝通未知安排, 而且非常惡劣嘅態度對待, 8點入座時全餐廳只有3枱, 加上食物質素平平, 擺盤精緻但欠台灣風味, 不推薦花雕雞卷 - 食到花雕味同紅棗味, 雞肉嫩滑但有少許雪味白滷水甜不辣 - 落單時未有提醒我地份量, 一個拳頭大細要六個人分有D狼狽鵝不是鴨肉（半隻）- 鵝肉拼盤, 正常發揮蟹肉帶子蛋白泡泡脆米金湯 - 蛋白泡泡、蟹肉、帶子、蝦仁、脆米通、南瓜湯底,  咁多海鮮味道唔算特別鮮甜, 主要都係eye catching大於一切黑松露奶油鮮百合 - 呢個反而有驚喜, 奶油白汁令到鮮百合更甜更滑鹽酥波士頓龍蝦脆角豆金角瓜 - 呢個可以話係最失望, 擺盤精緻十足盤景, 但龍蝦肉少得可憐, 大部分都係配料炸南瓜、炸秋葵粒、炸米通八斗子炒飯 - 虎蝦、帶子、蟹肉、蟹子、豬肉鬆、蔥粒、蛋炒成, 中規中矩, 主要依賴豬肉鬆味道作骨幹最差莫過於呢支必須叫嘅house wine, 又草青又怪, 完全唔覺得自己飲緊shiraz …查看更多

入餐廳前要落扶手電梯，佢桃紅色同紫色既燈光有啲迷幻，好似入左時光隧道咁，入到餐廳，入面有好多打卡位，好多酒櫃同有個corner可以飲酒，好好feel同好靚~講下啲野食先，我地4個人，叫左3款cocktail，第一杯係氣球小女孩，佢上左杯酒先，然後侍應哥哥再用支泡泡槍噴個波上杯野飲度，個波入面係雜莓既煙，當個波爆左之後侍應哥哥會再放粒會發光既冰入杯野度，呢杯野除左好飲仲好打卡able~呢杯係深海玫瑰，個杯超靚~當鳳梨遇上冧酒，呢杯個樣無咁華麗，但好好味，酒味唔重好易入口，感覺唔似syrup而係新鮮菠蘿汁。前菜一~ 話梅小山藥 - 山藥爽爽地，酸酸甜甜好開胃前菜二: 白滷水九孔鮑魚 - 隻鮑魚其實都大隻，好少用滷水，所以幾特別，佢下面墊左個炸魚片，2個都好好味~之後到個湯- 蟹肉蛋白泡泡脆米金湯 - 個湯好靚，上面有4個蛋白波波，個波外面係實淨既，但入面好滑。個湯入面有啲脆米、蟹肉、蝦同帶子，口感好豐富之餘仲好好味。到主菜啦~ 呢個係鹽酥波士頓龍蝦脆角豆金瓜，首先個賣相已經一流，好似用個箱裝住咁，佢入面全部野都炸得好脆，除左龍蝦之外，南瓜、米通同秋葵都係接近原味，但係龍蝦係有用椒鹽，所以佢地夾埋一齊放入口可以balance番。黑松露鮮百合花，好濃滑既奶油味加埋，啲百合花真係一棵棵咁整，好特別。鐵板香煎一口鵝肝牛小排 呢個好fusion，佢側邊圍住既係韓燒時嗰種蒸蛋，呢個半生熟，食落口好滑。個牛整得好腍，一啲都唔鞋，正!最後係八斗子炒飯，見佢係餐廳既名菜點都要試試。隻蝦好大隻，入面仲好多料，個炒餐飯一啲都唔油，我鍾意~ …查看更多

之前經過銅鑼灣登龍街，見到呢間稻埕已經好想試，今次終於有機會一行入餐廳，周圍都係打卡位，仲有私人包廂可以唱K，幾特別今次同3個朋友黎可以點多啲嘢試，而見環境咁好feel，我地都叫埋cocktails🌟話梅小山藥賣相似醃蘿蔔，但其實係醃過酸酸地嘅淮山，口感幾爽口，做前菜幾開胃🌟白滷水九孔鮑魚鮑魚新鮮爽口彈牙，滷水味滲哂入鮑魚，味道恰到好處，鮑魚底仲有塊甜不辣🌟蟹肉蛋白泡泡脆米金湯賣相吸引，蛋白食落似棉花糖，湯份量都多，每人都飲到兩碗，而湯入面仲有好多海鮮🌟鹽酥波士頓龍蝦脆角豆金瓜龍蝦肉質好爽口，鹽同胡椒帶出到龍蝦嘅鮮味，而仲有炸得好脆嘅南瓜同秋葵🌟鐵板香煎一口鵝肝牛小排鵝肝入口即溶，牛小排好淋好嫩滑，碟旁邊仲有啲煮得啱啱好熟嘅蛋，好滑🌟黑松露鮮百合花呢個好香奶油味，同埋甜甜地幾特別，食完呢個都幾飽🌟八斗子炒飯我最鍾意呢樣，望落個樣雖然比較平凡，但食落驚艷，面頭好多肉鬆，炒飯入面有好多帶子、蝦、蟹肉，食落好香好有層次，而隻虎蝦又大又新鮮🌟奇幻世界、金鳳仙子、寶島濃情、好....茶我同朋友分別點咗呢4杯cocktail，我覺得奇幻世界唔錯，入面有幾款水果，飲落清新怡人朋友就有讚金凰仙子，而好....茶就有3杯野，要由淺味飲到濃味，幾特別，仲有提子、無花果乾同土鳳梨酥伴碟送酒寶島濃情就相對酒味濃啲，冇咁易入口…查看更多

放寬左堂食之後， 開始約多幾個朋友食飯，今日一行四人黎到Vpoint呢間稻埕飯店食晚飯。環境非常特別，櫻花樹、日文、日本酒同粉紅色嘅燈光，型格得黎又帶少少日本風，朋友話佢有台劇「華燈初上」🏮嘅感覺🥢話梅小山藥 $55山藥爽口，帶甘甜嘅梅汁味，非常清新開胃🥢白滷水九孔鮑魚$238鮑魚新鮮肥美，肉質結實彈牙，個底仲放左一件台式滷水甜不辣，好入味🥢蟹肉蛋白泡泡脆米金湯🦀 $138呢個湯黎到嘅時候已經覺得幾得意，4個大波波浮係面，係發起左嘅蛋白，咬落去軟綿綿，好特別！金湯唔算太重南瓜味，不過加入左脆米、蟹肉絲、蝦仁等等，味道更突出鮮味🥢鹽酥波士頓龍蝦脆角豆金瓜🦞 $328龍蝦每人都分到兩件，配炸秋葵、南瓜同脆米通，香脆可口，蝦肉飽滿，用立方體做擺盤夠吸睛🥢黑松露奶油鮮百合花🌸$138呢個一黎到大家都覺得勁香，奶油味濃郁，配百合花口感特別🥢鐵板香煎一口鵝肝牛小排🐮$328鵝肝同牛小排都煎得好靚好吸引，味香肉嫩，入口即溶有油香🥢八斗子炒飯🦐$158炒飯夠鑊氣，材料豐富高質。有大大隻虎蝦、北海道帶子、鵝肉、蟹肉蟹籽同豬肉鬆，炒飯粒粒分明，味道偏和風，又有蟹籽嘅口感，香口🥢桃·米水 🍑$78飲落就唔太大桃味，仲加左日本青森蘋果汁🍹，果汁感重，酒味相對冇咁濃。米水另外用古色古香嘅杯仔裝住，可以自由選擇落幾多🥢金鳳仙子🍍$88用左台灣鳳梨汁整嘅鳳梨沙冰cocktail，仲有一片鳳梨乾做裝飾，帶淡淡酒香味，唔太甜，沙冰幼滑綿密，個杯仲要用埋金色鳳梨，勁有心🫶🏻🥢氣球小女孩🍸$108一黎到嘅時候店員就會整成一個氣球咁🎈相機食先📸之後氣球爆開左會再放一粒識閃嘅冰燈係入面，打卡必點✅酒味較強烈，帶清雅嘅柚子同烏龍茶香氣🥢桂花胚芽米水（熱）🌼 $35如果唔飲酒就推薦呢個，桂花同胚芽都係我至愛🥰估唔到都幾夾，麥味香濃又有桂花清香除左好食，食物擺盤、設計、餐具配搭都感覺到落左好多心機，睇得又食得，色香味俱全，大家都食得好開心😁…查看更多

V Point入面有好多出色餐廳，其中稻埕飯店主打精緻台灣菜。餐廳環境超級大，燈光以紫紅色為主，整體裝潢非常華麗。餐廳推出多款signature cocktail，我試左fall in love，入面既冰係圓形，味道偏甜。至於女友試左Balloon Girl，頂層有一個大氣球，外型獨特，口味頗清新。- 話梅小山藥山藥浸落話梅汁之後味道味道酸酸甜甜，非常開胃。- 白滷水九孔飽魚飽魚好大隻，肉質彈牙，而且唔會話好韌。- 蟹肉蛋白泡泡脆米金湯湯上面係四粒蛋白球，我地啱啱好一人一粒🥰。南瓜湯味道清甜，入面仲有脆米、蟹肉、帶子粒，口感好豐富。- 鹽酥波士頓龍蝦脆角豆金瓜餐廳用玻璃盒呈上菜式，非常型格。龍蝦肉質鮮甜，而且用左台灣鹽酥調味，旁邊既秋葵同南瓜片整到薯條咁香脆。- 黑松露鮮百合花食落口感好似薯蓉，滲透百合既清香味道，加上黑松露同奶油真係無得輸。- 鐵板香煎一口鵝肝牛小排牛小排肉質鬆軟，鵝肝味道香濃，不過自己唔太鍾意濕潤既口感。旁邊有邊爐蛋，加上用鐵板上菜，有少少好似食緊韓燒咁。- 八斗子炒飯　炒飯粒粒分明，入面有肉鬆令炒飯整體味道微甜，另外仲有多款海鮮包括帶子、蟹肉同虎蝦，食完非常飽肚。以上每一道菜同飲品都有驚喜既地方，而且服務態度好，絕對值得encore！…查看更多

之前係門口見到呢間咁有格調嘅餐廳已經好想試吓 今次同屋企人終於有時間嚟食😍 趁happy hour嚟飲cocktails仲有折添白滷水九孔鮑魚擺盤精緻 店員好貼心 預先將鮑魚切開 方便食用😚 底層仲有塊魚餅 白滷水鹹鹹地 但又冇平日滷水嘅顏色 都幾特別話梅小山藥呢個係個開胃小食 鹹鹹酸酸 小山藥係淮山 每一粒都沾滿咗話梅嘅酸汁🫢蟹肉蛋白泡泡脆米金湯十分推介呢個湯👏🏼 首先係用料非常豐富 有蝦肉 北海道帶子 蟹肉 金湯底好香蟹味 而且南瓜味都好甜 面頭白色嘅係蛋白泡泡🫧 質感好特別 有少少似食緊疏乎厘pancake 然後仲有啲脆米喺蛋白入面😉 口感好有層次鹽酥波士頓龍蝦脆角豆金瓜呢個賣相都好別緻 有秋葵 南瓜片 米通 同埋波士頓龍蝦🦞 龍蝦已經預先剪開一細件 方便食用 龍蝦肉質彈牙 仲好有鮮味添 米通同南瓜片都脆卜卜 勁想食完一片又一片黑松露奶油鮮百合花呢個有啲似煲仔飯咁樣上 鮮百合花味道香甜 有少少粉粉地嘅質感😝 再加埋好creamy嘅醬汁 雖然有少少邪惡 但係真係食唔停口啊🫢 鐵板香煎一口鵝肝牛小排鵝肝入口即溶 味道有少少鹹 牛小排半生熟 肉質唔韌 又好香牛味🐮 整體調味有少少椒鹽咁嘅味 鐵板側邊仲有爐邊蛋🍳八斗子炒飯呢個炒飯材料好豐富 有一隻虎蝦 又有北海道帶子 鵝肉 蟹子 蟹肉 豬肉鬆 皮蛋🍙 每一啖都係幸福🥰 虎蝦蝦肉彈牙 再加上蟹子同埋豬肉鬆 令到炒飯嘅口感更加昇華奇幻世界本身想嗌呢個係因為餐牌上面張相好靚 雖然上碟同預期有少少差別 冇咗個藍色 但係Kavalan whiskey嘅味道真係唔錯☺️ 再配埋香橙 檸檬 同埋菠蘿🍍 都真係幾Fresh氣球小女孩呢個真係打卡一流⭐️ 好似欣賞緊一個表演咁 入面有我最鍾意嘅Gin🍸 再加埋有甜甜酸酸嘅果汁 西柚同埋檸檬汁 甜甜地都好易入口巨峰烏龍入面有Kokuryu sake 味道冇咁甜 可能女仔未必會鍾意😮 有微微清酒嘅甘甜Iced cappuccino冇諗過呢間台式餐廳嘅凍咖啡都幾好飲😚 啱晒要揸車嘅屋企人整體來講呢間餐廳地理位置方便 而且食物都幾出色😍 屋企人好滿意呢一餐🥰…查看更多