餃掂手工餃子雲吞專門店

营业中

休息中

壽喜燒牛肉餃（煎$58七隻）今次我叫左煎餃，先發現驚喜，一咬落去壽喜燒牛肉好嫩滑之餘，d牛肉汁必曬出黎勁juicy！元貝豬肉餃（湯$50七隻）跟嘅湯都係狀元九鼎湯，個湯依然係維持原有水準，冇落味精個味好清甜！而元貝豬肉餃嘅元貝粒仍然十分充足，食落好滿足！野生松茸素餃（煎$58七隻）松茸味道香濃，但食落口唔膩！飲品方面我照舊飲呢到嘅自家製山渣雪梨水（$28支）三三都係戒唔到飲凍野，但呢個比飲可樂健康好多！雖然呢到嘅餃子味道已經好足夠，但身為菜脯愛好者嘅三三喺等食嘅時候，忍唔住打開枱面嘅菜脯豆瓣醬拎左一小羹黎試！少少辣、d菜脯又爽口，加落餃子令味道昇華到更高層次！睇返menu原來一樽都係$65，所以買埋返屋企～

食得粉麵飯多，有時都會轉下口味今日就食下餃子餐牌除左有餃子之外，仲有好多其他小食麵食一定食得夠飽！呢度仲有樣招牌作，就係狀元九鼎湯睇介紹係由多種材料熬製而成用來做餃子的湯底，一定要試試要左元貝豬肉餃，龍鳳松茸雙煎餃同手拍青瓜，再加左個個都叫嘅蜜餞雞翼手拍青瓜先上味道適中偏辣元貝豬肉餃試試湯底，確實清甜好味，住家湯風味！不似一般湯餃用上味精湯，雖鮮甜但事後總會口渴餃子皮薄，肉饀鮮美龍鳳松茸雙煎餃松茸味濃，一咬已經爆發出來煎得挺香脆蜜餞雞翼一上枱已經聞得到超香嘅鹵水味！超入味，而且雞翼不會老，非常正！最後來一杯自家製的山楂雪梨水甘甘甜甜，山楂味濃，好飲！比只可選擇汽水的餐廳，這款選擇好太多了！