竜王居酒屋 (已結業)

北角開左間新的日本餐廳，見環境裝修幾骨子，坐得幾舒適。黎得日本餐廳，三文魚腩刺身係指定嘅菜式啦，厚切有5塊嘅三文魚腩刺身，外表睇落已經非常吸引，仲好新鮮，再加上Wasabi，味道非常唔錯！佢地嘅wasabi同岀面食開嘅唔同，佢哋啲Wasabi食落唔會太辣，亦唔會好攻鼻，而且似係自己磨成，大讚!另外仲叫左火炙大拖羅壽司同鹽燒A5和牛壽司。大拖羅壽司食落有少少入口即溶，食到佢啲油脂好juicy。鹽燒A5和牛壽司就好好食，啲肉汁好入味，食得出肉質素唔差！再黎就叫左串五花腩肉同佐賀名水豚白湯烏冬。五花腩燒得好好食！味道濃烈而且又唔會好肥，啱曬我食，絕對值得試下。而個烏冬都係值得食嘅，湯底好鮮甜，烏冬係同竹炭整的，好特別，而且豚肉亦好滑，肥瘦啱啱好，如果麵嘅質感再硬少少就好。整體都冇乜可以挑剔嘅地方，咁的價錢，似食到omakase的食物質素同環境，真係物超所值，好享受呀！

【其實落雨又有咩好怕喎】食物可治癒人心，遇見超精緻日式餐廳💫竜王 𝑹𝒚𝒖𝒐 𝑱𝒂𝒑𝒂𝒏𝒆𝒔𝒆 𝑪𝒖𝒊𝒔𝒊𝒏𝒆 🌟小辭典：［竜］粵語讀音係Lung‘龍’，其實就係龍王🐲既意思。店內雖然地方不大，但勝在環境優雅，有一種返左日本既感覺。三兩知己聊天談心，被環境吸引，已經忘記外面滂沱大雨。🌟雜錦魚生沙律$78雜錦魚生沙律擺盤精緻，魚生新鮮無腥味，再配上沙律，口感添層次更好。💫🌟佐賀名水豚白湯烏冬 $128灰色既烏冬第一次見，質地顏色非常特別。係用竹炭做嘅烏冬，目的係為左面質更滑更入味。湯底都好正，唔會太鹹，當湯飲都得。🌟宮崎產煙燻豚肉配蜜糖 $78豚肉肥瘦相間，肥美有油香味得嚟又唔會油膩。肉質燻得好嫩，厚薄適中，一啖一塊，點埋蜜糖漿，蜜糖與豚肉味道相融，口感豐富。🥰🌟日本海膽流心忌廉餅 $68金黃色既忌廉餅好靚，外皮炸得香脆，咬開後海膽忌廉汁流出嚟。🤤外脆內流心，香甜嘅忌廉味冇蓋過海膽味，而伴碟嘅沙律仲可以令忌廉餅食落更清新，冇油膩感。😍😍🤤銀杏 $38賣相一流，味道也很好。銀杏表面鹽燒處理過，格外香脆。🌟厚揚 $38厚揚豆腐口感外酥內軟，非常有水準👍。見到咁精緻嘅食物成個人心情都好返晒，其實

遊走北角去到和富中心，發現樓下其實有一個唔起眼嘅商場，仲誤打誤撞俾我發掘到新餐廳，菜式好有氣派，非常適合打卡，當然要share 俾大家啦🤗 🔔餐廳有和式VIP房😍 竜王卷🐲($108) 💕「竜」讀音係龍，竜王卷算係餐廳招牌菜，用一隻龍碟上枱，好有氣勢💨竜王卷上面係拖蘿蓉同三文魚籽，下面係炸蝦卷，都幾大件，女士們一件可能放唔哂入口😲 黑蒜海鮮土瓶蒸($88)💕土瓶蒸係日本傳統菜式，喺香港並唔常見，所以值得試下。土瓶蒸用陶瓷盛載海鮮湯，好似斟茶咁倒入杯品嚐。土瓶蒸入面都放咗少量配料，係蝦、大蜆、帶子同黑蒜。店員提示食完刺身壽司可以飲一口土瓶蒸嘅湯中和口中味道，再食熱食，食得好講究😂 佐賀名水豚白湯烏冬($128)湯底係雞白湯，好濃帶少少creamy，烏冬係用竹碳烏冬，出面比較少見，水豚帶有肉香😍這個配搭不錯 油甘魚壽司 ($22/件) + 左口魚邊壽司 ($28/件)油甘魚帶有鮮豔嘅粉紅色，好少見顏色咁靚嘅油甘魚左口魚邊壽司係火炙嘅，有柚子醬調味，入口都有油香😍 好味指數 🌕🌕🌕🌕🌑抵食指數 🌕🌕🌕🌕🌑打卡指數 🌕🌕🌕🌕🌗推介指數 🌕🌕🌕🌕🌑推介菜式會以💕表示