Forrest

有朋友介紹呢間係幾個青年人創業而開的餐廳..所以就黎左試下..本身係抱住支持下的心態黎的..點知真心食完好欣賞~首先*性*價*比*超*高~佢份量大之餘又唔貴..最重點係佢真係好食而個好食..係好好食同埋有心思~我係必定會再黎食~而我未食完已經...推介緊D朋友一定要黎試下~真係要認真逐樣介紹下:淨係佢呢個勁正的+8紅菜頭湯已經為個開始帶黎左興奮~佢好好味但係我唔識講點解咁好味..你地試左就明..真心..正價比錢飲都會叫的餐湯!!!然後我地叫左個小食:- 脆炸大啡菇($42)大啡菇成日都係原個食, 今次佢地係切開炸..又幾正~外脆內軟口感正~加上有D芝士絲係面..點埋個沙律醬~絕配!!跟住有個沙律- 煙三文魚牛油果沙律($78)好顛呀咁大份...又多三文魚..D沙律菜新鮮~仲有個牛油果係好食的因為出面有時好易食到唔好味的牛油果..佢係CREAMY加好食唔會有好勁草青味~- 珍珠帶子辛口明太子忌廉意粉($98)CREAMY同軟硬度適中的意粉質地..加上好多的珍珠帶子...好食...唔漏但係好滿足~少少辣味加埋D紫菜絲配搭唔錯!!- 巴馬火腿火箭菜薄餅(108)*我地去個陣咁岩冇晒火箭菜佢轉左蘆筍比我地..估唔到又幾得意HAHAAA!!!!佢係好食的PIZZA, 薄底, 成個邊我地都食晒...HAM幾好食..又多芝士...HAPPY!!!重重重重頭戲:- 伯爵茶焦糖燉蛋($38)點解會咁顛架................點解可以咁CREAMY咁好食..唔會過甜整體全部野岩岩好仲要有香濃的EARL GREY味道..好正呀..我兩個FD唔食甜品的我光速就KO左...................呢家講返都即刻想再食喇..仲要咁抵TIM~~~~~(佢好似加$28就有得食)野飲我地就叫左自家製蜜糖檸檬薑茶..鐘意飲薑茶的女士必試...=]真心每樣野都有讚賞的地方...希望呢d小店可以多d人睇到..好值得咁長篇為佢地的野食打段認真的食評~…查看更多

📌 Forrest 📍 長沙灣集輝街2-8號耀輝大廈地下3號舖☎️ 54388297★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*早排去長沙灣，同朋友特登要黎呢間餐廳食甜品，點知太晚收咗，呢晚再接再厲終於食到喇。Cafe 係幾位青年人創業所開嘅，位處明愛醫院對出果條街，醫護買外賣仲有九折添。晚市套餐有6款主食選擇，可跟沙律🥗或+$8轉餐湯，飲品有半價優惠（凍飲另加兩蚊）及甜品享有$10折扣。💫莊sir炸單骨雞翼（$48）雞翼唔瘦都幾大隻，一份有十件單骨雞翼， 外皮酥脆，雞肉入味，質感好嫩好juicy唔乾柴，再洒上紫菜同芝士粉，非常正。呢個激讚👍🏻👍🏻👍🏻👍🏻👍🏻💫西蘭花湯西蘭花🥦打到好爛好蓉，口感綿密幼滑，每一口都吸收緊菜嘅營養。好飲💫珍珠帶子辛口明太子忌廉意粉（$98）珍珠帶子分量幾多，明太子都好似唔洗本咁落足料，味道都幾辣好惹味，意粉質感彈牙，加埋紫菜點綴，口感更豐富。💫松露忌廉雜菌意大利粉（$98）忌廉奶油味香，松露味濃郁，意粉🍝彈牙軟硬度剛剛好，仲有不少雜菌，洒上芝士粉，入口creamy又充滿菇味。💫自家製蜜糖檸檬薑梳打半價咗$26大大杯幾抵飲，味道香甜潤喉，仲可以解膩，薑味🫚好夠好清新。💫自家製印度香料奶茶我試飲咗朋友叫嘅呢款奶茶，好夠熱，香料味重，奶味好突出，朋友之前去過印度，佢話味道都幾正宗。💫伯爵茶焦糖燉蛋🍮呢個甜品我要極力推介，Crème Brûlée 🍮上面係一層厚厚的焦糖，下面嘅燉蛋口感幼滑，入口除咗蛋香味，仲有濃郁嘅伯爵茶味，兩者味道平衡，誰也搶不了誰的風頭，可以話各領風騷，十分出色！💯💫窩夫意式雪糕水果窩夫🧇卜卜脆，上面有Gelato同士多啤梨🍓，兩個窩夫中間夾住香蕉🍌，食完好飽肚，超級滿足。食物好有水準，用餐當日日式南蠻炸雞飯售罄，希望下次再黎encore 甜品嘅時候可以食到啦。★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*…查看更多

▫️芝士肉醬配寬條麵 dinner set $118dinner set 配沙律或者+$8轉餐湯另外飲品同甜品都會有優惠芝士同肉醬都好足料 寬條麵麵質偏硬(我鐘意呀!) _▫️香煎封門牛柳 $160牛柳煎到大約7成熟 唔會有血水亦唔會好韌 配阿根廷香草醬 我鐘意原汁原味唔點醬 如果餐廳可以分開上個香草醬就更好了😙_▫️莊sir炸單骨雞翼 $48有10隻單骨雞翼 全部都脹卜卜好香脆！雞翼入面肉質唔乾 表面灑咗好多芝士碎一啲都唔慳 抵食😋_▫️伯爵茶焦糖燉蛋 $38放工後需要一點甜😮‍💨 個伯爵茶燉蛋無失望好好食！好香伯爵茶味同好滑 配埋焦糖脆面 整體偏甜但唔會好heavy 推介👍🏻_▫️Panna Cotta小店off menu甜品😀原來呢間cafe係幾個青年人想創業一齊開 改良緊甜品既做法同時收集多啲食客既意見~ panna cotta口感實啲但好香奶😋_🍽環境夜晚cafe位置附近都無咩人 我諗放工時間後比較靜 cafe細細間只有4張枱 靜靜地幾舒服 食物味道也很滿意🥰…查看更多