茶米 (太古廣場)

麻辣川味珍珠？堅果奶蓋？配上全人手曬乾、無添加鹽既KiKi麵，「茶米」其實上年已經殺入金鐘，入面賣主打KiKi麵，終於一試，呢排原來仲同高級潮菜食府「潮廳」合作推出潮州風味菜式。環境位於金鐘太古廣場，餐廳十分之大，門口有KiKi茶飲專區，餐廳環境闊絡舒服，好適合一大班朋友黎聚餐食飯。潮州鹹菜胡椒豬肚湯麵 $98為期間限定款式，即日起供應至8月31日，當胡椒豬肚湯配上KiKi麵會點？湯底果真係酒樓所食到既胡椒豬肚湯，味道濃烈，胡椒味好重以至湯頭比較辣，配上爽脆豬肚同KiKi手工日曬麵既煙韌口感，整體夾，可惜胡椒較嗆辣。潮汕手打三寶湯麵 $98同樣為期間限定款式，即日起供應至8月31日，包括手打魚蛋、牛丸及潮式扎肉，同樣配上KiKi手工日曬麵，呢款更岩我口味，湯底較鹹但可接受，三寶都係彈牙口感，再配有咬口既KiKi麵，層次較多。雪絨川味珍珠冬瓜茶 $36用上KiKi椒麻粉炮製既川味珍珠，辣味珍珠真係第一次試，真係有麻辣味好盞鬼！焦糖堅果奶蓋杏仁茶 $35超大杯！堅果奶蓋好重nuts味道，鹹鹹地配上杏仁奶再加茶底，鍾意nuts既人實岩飲伯爵戚風蛋糕配黑糖珍珠 $68伯爵茶cream唔甜而帶茶味，配上濕潤戚風蛋糕再加黑糖珍珠，味道算較為輕盈既甜點KiKi烤茶泡芙 $38有Cream再加焙茶味cream，泡芙微微脆口，同樣唔太甜。總括而言，自己以前都有買過KiKi麵黎食，以台灣牌子黎講，KiKi麵屬於比較清淡口味，但估唔到用佢黎入饌，配合唔同既湯底，又有唔同既驚喜，亦變得較為重口味，我個人幾鐘意「潮汕手打三寶湯麵」，縱使以麵食而言價錢比較貴啲，但考慮店舖位置以及係同其他食府合作，都明白價錢定位，餐廳當然唔係得呢幾款食物，仲有其他小菜小炒，下次再嚟同朋友試下～附：餐牌參考…查看更多

呢排工作成日都去金鐘Pacific Place，知道我非常喜歡嘅舒淇有份嘅KiKi茶@茶.米，最近開始同潮廳crossover推出3款夏日限定KiKi麵，經過梗係要入去試試啦。我哋兩個人，揀咗手打三寶湯麵同鹹菜胡椒豬肚湯麵。個手打三寶包括魚蛋、牛丸同潮式扎肉，好食彈牙，我覺得係高級精緻版嘅潮洲麵，湯底清香，配埋KiKi麻辣醬食仲正。鹹菜胡椒豬肚湯麵絕對係我嘅菜，不肥不膩，豬肚夠晒軟稔又有咬口，胡椒極香濃惹味，每一啖都刺激味蕾。麵底係用KiKi手工日曬麵，因為製麵過程係以全人手置於日照下曬乾而成，無添加一滴鹽，除咗健康，仲特別煙韌彈牙。KiKi 茶都有好多款選擇，包括「鮮萃金鑽鳳梨青茶」、「雪絨川味珍珠冬瓜茶」、「夏枯草珍珠茉莉綠」、「堅果奶蓋KiKi烤茶」及「黑糖珍珠鮮奶」等，我自己就揀咗焦糖堅果奶蓋杏仁茶，超濃郁嘅奶蓋，真係好正。下次都想試吓佢哋唔同口味嘅珍珠，例如清熱嘅夏枯草珍珠、辣辣地嘅川味珍珠，都好特別。甜品我覺得必揀伯爵戚風蛋糕配黑糖珍珠，佢嘅size兩個人share都夠食，earl grey 茶味好出，配合埋個黑糖珍珠，清新又甜美。最後忍唔住嗌多個$28豆花珍珠，好抵食呀！…查看更多

今日約左朋友來到金鐘食個晚餐，呢到感覺舒服，可以暫時將忙碌放埋一邊。我哋都鍾意飲台式飲品，所以揀咗嚟呢到。鮮橙青檸愛玉茉莉綠 - 橙味好甘香，唔會好甜夏枯草珍珠茉莉綠 - 7分甜味道，唔錯呀~潮州鹹菜胡椒豬肚湯麵超正，胡椒味超香。食完個人滾熱辣~豬肚都好爽，唔un。潮汕手打三寶湯麵，正常味道。Kiki麵底唔會過淋亦唔硬。食完主菜，當然要食埋甜品。我同朋友點咗2份甜品，伯爵戚風蛋糕配黑糖珍珠及豆花珍珠。伯爵戚風蛋糕配黑糖珍珠唔會偏甜，好鬆軟。豆花珍珠，豆腐花好滑好香豆味，唔會偏甜。環境好舒服，樓底夠高唔會好嘈。…查看更多

Happy Friday，收左工當然要食好D。我係一個麵精，好鍾意食麵，而呢間既selling point 就係用來自台灣既Kiki麵製作出唔同款式既麵食，好吸引呢。除左麵，餐廳仲提供不同種類既廣東同亞洲菜式。我地今次叫左兩個小碟: 一口豆腐同金銀蒜蒸茄子同「一口豆腐」即叫即炸外脆內軟，豆腐非常滑，外層曬上少許椒鹽吊味，香口非常!「金銀蒜蒸茄子」:味道似平時食既蒜茸蒸扇貝，茄子吸收哂蒜頭味道，非常惹味。茄子比較粗身大條，所以唔會淋到一pat野，有D咬口，我鍾意!主菜叫左個「蒼蠅頭拌麵」，其實即係豆豉碎，豬肉碎、香蔥、辣椒炒香後用來拌麵。麵既底部有些少調味醬汁，所以食落唔會太乾身，好惹味。麵質硬度適中，有咬口。呢個麵本身係辣既，朋友怕辣所以叫廚房儘量整小辣。最後味道係微辣，但朋友都食得到。甜品方面，叫左個賣相吸晴既「伯爵戚風蛋糕配黑糖珍珠」。蛋糕是英式伯爵茶口味，口感綿密帶淡淡茶香，再配以法國忌廉打成的伯爵茶味忌廉，面頭加上台灣黑糖珍珠和黑糖漿，不會過甜，味道一流!飲品方面，餐廳另一賣點就係Kiki茶，門口位置更設有外賣飲品專區。我就試左熱飲「焦糖堅果奶蓋杏仁茶」，本身無咩期待，但呢杯野完全suprise到我!面頭既奶蓋都幾厚，口感綿滑如絲，帶海鹽味道，杏仁茶杏仁味不會過重，整杯杏仁茶都落左好多杏仁碎，正呀! 重點係呢杯野份量都幾多，飲極都仲有，本身都驚唔夠飽，但飲埋杯野就岩岩好。聽講「焦糖堅果奶蓋杏仁茶」係冬季限定，所以未飲過既人一定唔好錯過，強烈推介!我都會趁佢未完再去飲多次~總括而言，餐廳食物質素高，裝潢別具特色，座位寬敞舒適，食物份量雖然有點精緻，價錢偏中上，但值得一試! …查看更多

人在金鐘經常會覺得無啖好食，午飯時間到處都大排長龍，不過自從太古廣場開了KiKi茶@茶.米，帶來貼地的台菜選擇。店內面積寬敞，環境舒適開揚，木系裝潢和諧溫暖，氣氛閒適自在。除了堂食之外，也可在這裡外賣台式飲品返office慢慢歎。KiKi茶@茶.米特別選用優質的天然食材，包括直接從台灣進口的頂級台灣茶葉、黑糖及蔗糖，並依照正宗台灣茶品配方，加入手工珍珠及即時沖壓的自家拼配濃縮茶。品牌更率先引入美國BKON真空萃取泡茶機，以先進技術萃取茶味精華，調製特色調合茶及果茶，不僅能快速泡茶，更可將茶置於真空環境釋放茶香精萃。來到秋冬季節，換上新menu，最新推出多款溫暖身心的招牌茶飲及甜品。新推出六款精選飲品，以溫潤熱飲為主，包括KiKi皇后私版黑茶 ($35)、自家調配的手磨杏仁茶 ($32)、焦糖堅果奶蓋杏仁茶 ($35)、每日現煮的自家桂圓紅棗茶 ($32) 及黑糖紅棗薑母茶($34)、凍飲手磨杏仁鮮奶($38)。金鑽鳳梨青茶 $35滿是鳳梨的果香卻沒有鳳梨的酸澀，完美融合酸甜果味，餘韻感到茶香慢慢擴散，層次豐富，難怪是人氣熱賣皇牌。秋冬menu 添加了由米芝蓮星級大廚小西充設計的創新KiKi日曬麵菜式，更有新鮮感。KiKi胡麻棒棒雞拌小醋麵 $118三款麵食中我最喜歡這款，胡麻棒棒雞散發濃郁的芝麻香氣，開胃爽口沒負擔。麵條滲入淡淡微酸醋香，不會過嗆，為簡單樸實的拌麵帶來不平凡的美味。KiKi溫泉蛋肉味噌拌葱油太麵 $118將味噌肉醬拌以葱油太麵，鹹香回甘，濃濃的古早味猶如一種味蕾的記憶。溫泉蛋上枱時仍是震騰騰的，用筷子輕輕劃過，裡面的蛋黃如同火山噴發般滾滾流出。闊身麵條口感純樸而保持Q彈有勁，香甜味濃的醬油剛好均勻掛在麵條上。KiKi咖喱牛肉湯麵 $138咖喱做法偏向日式咖喱的帶甘甜，不過辣度就再提升一點，熱呼呼的惹味暖胃。同樣都是Q滑帶勁的粗身麵條，牛肉肉質不過韌，醃得極之入味。最後當然少不了我最愛的甜品環節！秋冬限定新餐單同時推出多款以「茶」為主題的創作甜點，為嗜茶之士送上非凡的茶滋味。伯爵戚風蛋糕配黑糖珍珠 $68我本身是珍珠控，一見到這件鋪滿粒粒珍珠的蛋糕已經口水直流 XD戚風蛋糕如雪朵般口感輕柔綿密，散發含蓄英式伯爵茶香，再配以法國忌廉打成細膩的伯爵茶味忌廉和粉糯QQ的台灣黑糖珍珠，兩種口感迸出新式滋味。焙茶布丁拌黑糖珍珠 $38布丁入口軟滑水嫩，柔和地盈滿口腔，飽滿剔透的黑糖珍珠更添咬口，焙茶味多了幾分烘焙的焦香，將茶香提升到另一個境界。KiKi烤茶泡芙 $38泡芙蓬鬆酥脆的外皮，搭配入口即化的鐵觀音忌廉內餡，甜度亦是剛剛好，不會過於甜膩。綠茶提拉米蘇 $68以日本綠茶取代傳統可可粉，為Tiramisu 這種歷久彌新的經典甜點注入新意，夾雜著綠茶的回甘幽香。白桃烏龍雪糕 $48雪糕質感軟滑無冰粒，將淡雅的茶香和濃郁的果香互相襯托，以溫柔的甜蜜充斥味蕾。鳳梨青茶雪芭 $48以台灣青茶及新鮮菠蘿炮製而成，味道和鳳梨青茶如出一轍，輕怡清爽又天然。…查看更多