八居酒屋 (旺角新城)

同朋食生日飯，想揾個地方靜靜地坐低傾吓偈，所以想食居酒屋，朋友知道呢間居酒屋係尖沙咀係第一間，旺角呢兩個月新開分店，我哋就黎試下分店地點好方便，係旺角信和隔離，要約朋友食飯呢度都好啱，電梯上到5樓一開門就係餐廳餐廳環境企理，座位闊落，係飲酒傾偈嘅一個好地方我哋揀咗窗台位，望到出邊個景，好chill 睇吓餐牌有咩食，原來主打壽司同刺身，仲有牛舌我哋見到有個超抵食嘅一人套餐（ $103 ）已經包一杯酒同三個串燒或者小食，好抵食套餐我哋點咗1.威士忌High-ball2.日本魷魚串3.忌廉蟹肉薯餅3.鹽燒雞翼串價錢平，質素又唔錯朋友飲開酒都讚佢威士忌High-ball唔錯👍🏻我哋單點嘅帆立貝刺身（ $68 ）好快就出現，肉質鮮甜，有水準，唔怪得知刺身係主打一人套餐既忌廉蟹肉薯餅熱辣辣香噴噴，忌廉味好香濃，外面炸得好脆好香口，配酒真係一流之後燒物陸續上枱，睇得出係即叫即燒，上菜時串燒有陣焦香味，咁先夠風味，串燒比我想像中出色，尤其係串燒魷魚，外皮燒到少少焦香，以為會好乾，點知咬落好彈牙好Juice，醬汁唔會係死咸，反而味道較清淡，突顯返魷魚本身嘅鮮味鹽燒雞翼都唔錯，雞皮燒得好香脆，少少鹽吊味已經好香口仙台厚燒牛舌（ $148 ）真係要讚吓，牛舌大細切得偏向大粒，一啖一大粒，外皮燒到有少少金黃香脆，一咬裏面好多汁，好嫩滑好惹味又有少少爽口唔使調味都已經好好食，餸酒又係一絕，食過一次真係返唔到轉頭海膽炒飯（ $108 ）又係令我覺得好驚喜，海膽新鮮，味道鮮甜，絕對唔係一般貨色，加上居酒屋用嘅咪全部都係日本米，呢個海膽炒飯價錢低質素好，唔食就走寶飲酒點少得魚乾我點嘅梅酒（ $48 ）配埋日本味醂魚乾（ $88 ）唔使我講都知正來居酒屋點少得明太子玉子燒（ $58 ），蛋味香濃，加埋明太子醬冇得輸，要讚吓佢玉子燒唔會燒到好乾，蛋入面好Juice ，賣相都好出色最後真係要讚吓店家好用心經營，特登擺咗一台夾公仔機響門口俾食客玩所有顧客都可以玩一次，仲要係包有禮物攞，我哋就換到一碟枝豆，又有得食，又有得玩，成個用餐體驗好開心😀最後要讚吓佢就算嗰枝豆係送嘅，佢都會特登整熱先送上嚟，每樣嘢都係認真對待:)…查看更多

聽老闆娘講，原來佢哋係喺天文道台嘅舖頭過嚟開新分店，依家係試業中， 值得支持！！環境寬敞、坐得舒服、有音樂做背景，店員好有禮貌，食物精緻、用心👍🏻👍🏻。⭐️ 仙台厚燒牛舌 $148有別於平時切到一片片嘅牛舌，佢係厚切一粒粒👍🏻👍🏻。食落去好有厚度，口感柔嫩多汁😋😋，有嚼勁，肉味好出！要襯熱食！好出色，大推薦🤤🤤⭐️ 汁煮左口魚邊 $98左口魚邊邊有輕輕火炙，咬落去甘甜魚油慢慢滲出😚😚，配埋甜甜地嘅醬油😙，層次豐富⭐️ 金目鯛壽司 (2貫） $48金目鯛鮮味肉嫩，肉質細緻鮮美，脂肪濃厚，同壽司飯嘅比例恰到好處⭐️ 鹽燒脆白鱔 (1本）$68上枱仲係熱辣辣、冒煙😆。 鱔肉爽甜，無骨🤪🤪。熱度掌握得恰到好處🤠。⭐️ 汁燒牛肉定食 $98定食包埋麵豉湯、前菜、茶碗蒸🙌🏼🙌🏼。汁燒牛肉份量好夠，牛肉入味，醬汁香甜好下飯。⭐️ 燒銀鱈魚乾 $38睇落去簡簡單單，食落驚喜💕。鱈魚乾香脆、淡淡魚味💛💛，配搭埋沙律醬，食唔停口🤤🤤餐廳用心諗唔同活動，有得夾波波，好有趣。我哋夾咗兩分額外有份小食，燒銀鱈魚乾！最後仲有雪糕😝😝。🍄 總括嚟講店員同老闆都好熱情💕、好有心，我哋食得好舒服。唯一可惜係上菜速度有啲太快，好快就成枱食物。大部份菜色都要襯熱食先最品嘗到佢嘅味道。我哋已經盡量食快啲，可惜有啲已經凍咗🙈🙈📍八居酒屋 (旺角新城) 8 IZAKAYA (Mongkok Metro)旺角彌敦道594-596號旺角新城5樓5/F, Mongkok Metro, 594-596 Nathan Road, Mong Kok…查看更多

旺角周圍都係人，一早轉戰搵樓上餐廳今日轉登黎呢間旺角新城居酒屋，因為早到所以安排左卡位坐，超舒服好適合傾計因為第日都要返工，所以就無叫酒佢日本酒既種類係一整個櫃，下次真係要試呢到係西柚梳打同白桃乳酸梳打然後就是一串汁燒日本鰻魚串打頭陣鰻魚醬汁濃厚偏甜，魚肉質厚實，好食七味雞軟骨串，可以擠點檸檬軟骨香脆，調味香口，真係好想叫返杯酒日本雞骨腸可以好似食雞腿咁拎住黎咬，外皮脆脆，入面豬肉多汁惹味，都係送酒既佳餚燒銀鱈魚乾口感幾特別，以為會係雞泡魚乾既質感原來更偏向脆片個種，但再仔細咬落又好香銀鱈魚香仙台厚燒牛舌呢個真係一定要點，整晚難忘牛舌非常厚，切成粒粒上枱咬落口感軟嫩，但又不失嚼勁味蕾全是油脂既牛香，用料實在同日本一樣優質絕對值得呢個價錢日本芝士年糕超級熱辣辣，一咬d芝士要跌要跌咁好香口好好食輪到壽司類，叫左三文魚腩、火灸帆立貝軍艦、蟹肉蟹膏軍艦、芥辣八爪魚軍艦全部都好新鮮，特別大推係火灸帆立貝，用火灼一灼，乜鬼香氣都走曬出黎帆立貝軟軟甜甜，配上壽司飯絕配其實我地都好似食左好多野，好滿足食食下經理就同我地講可以玩夾波波餐廳出面有部夾公仔機咁既野玩既次數係計人頭朋友夾到有顏色波，就送左個芥末八爪魚，又有得食又俾d客人有野玩下，好過癮結論：可以encore…查看更多

今日帶大家嚟到旺角樓上嘅一間居酒屋～原來尖沙咀都有分店！店員勁好人，見我同frd十五十六唔知揀咩好，就主動同我哋推介，話尖沙咀分店主打串燒，呢度主打壽司，所以推介我哋試下壽司類～餐廳行日式裝修，仲有卡位比大家坐，望落樓下就係繁榮嘅彌敦道啦！🌟晚市套餐 - 壽司定食 $138+24(三文魚刺身2切)套餐包括：麵豉湯、前菜沙律、茶碗蒸壽司有8款，又有油脂感重嘅炙燒三文魚腩，或者爽口彈牙嘅八爪魚等等…啱晒選擇困難症嘅我哋，食落全部都好新鮮！另外加嘅三文魚刺身好厚切😍咬落魚油爆發，鮮甜且滿足🌟八居自選丼 $115飛魚籽、吞拿魚赤身、炙燒左口魚邊呢款可以比我哋自選～飛魚籽真係一定要加，可以令成個飯增加口感，每一啖都咬落脆卜卜！同埋推介炙燒左口魚邊，呢個超超超好食，魚油感重，撈埋個飯啱啱好～唔會太油，令到成件事超滿足！🌟仙台厚燒牛舌 $148原來呢個都係佢哋嘅招牌！食落真係不得了😍！！！餐廳燒得啱啱好，有牛舌應有嘅爽口及厚度，再加埋側邊嘅配菜，食落一啲都唔漏，好啱送酒🫶🏻🍍菠蘿酒 / 🍑桃酒 $48兩款酒都唔會太甜，唔係好假嘅糖水味～好易入口，想飲下酒但又唔慣酒精嘅味可以一試！Remarks:當日去到見到有$268 清酒、果酒、無酒精飲品任飲😍可惜第二日要返工，餐廳開到2點，下次再嚟挑戰～提提大家💡用openrice book，單點食物有82折！如果電話book嘅話有刺身送！…查看更多