QUE (ELEMENTS圓方)

今日終於嚟同朋友食呢間嘅甜品！因為有抹茶Tiramisu (⁎⁍̴̛ᴗ⁍̴̛⁎)餐廳地方闊落，裝修走日式風格，檯與檯之間有一定距離，適合同朋友嚟聚會 。點咗二人套餐：小食—牛肉他他配鱈魚片、紫菜片有驚喜！牛肉帶點油脂，配上香脆嘅鱈魚片、紫菜片，口感好好～燒物都做得唔錯月見免治雞肉串—免治雞肉串外層燒得焦香，雞肉餡料加咗雞軟骨，食落有口感，沾雞蛋黃同辣椒粉，更加惹味 。而另一串燒物—燒明太子意瓜串，明太醬帶點辣度，配上瓜果類蔬菜，同樣都好夾～主食揀咗百里香烤豬鞍配紅酒話梅汁豬鞍煎得剛好，肉質呈粉嫩狀，口感結實，配上酸甜嘅話梅汁，唔錯！香蔥拖羅蓉牛油果醬壽司Taco、鰻魚玉子壽司Taco 兩款壽司Taco嘅餡料都好豐富，沙律菜好新鮮，Taco外層用天婦羅紫菜炸成，配壽司飯，食法好新穎，但又幾夾！最後，係最期待嘅甜品！京都宇治抹茶提拉米蘇盒子配糖漬紅豆 — 芝士忌廉餡料質地好幼滑，加入清酒味道帶點酒香更加好食！食物質素有驚喜！而且用餐環境唔錯，會再嚟😋…查看更多

好想吃特色日本料理及日式甜品既我，呢日去咗 Elements圓方，經過見到 "QUE"  餐廳嘅二人套餐每道菜式好吸引，咁就入去品嚐下啦～入到餐廳，裝修帶日本風格，設計簡約時尚，空間感大，坐在卡位近門口更開揚，食物擺盤幾靚。QUE 嘅 Elements圓方分店限定 [ 二人套餐 $588]，只限星期一至五及5點後供應。二人套餐包括：沙律/小食 (六選一)、燒物 (四選二)、主食 (八選一)、壽司塔可 (五選二)、甜品 (五選一) 及 飲品。沙律/小食  (六選一)脆炸單骨雞翼 配 辛子明太子醬單骨雞翼炸至金黃，外脆內軟，肉質鮮嫩，有肉汁，點埋明太子醬汁，微辣鹹香好惹味。燒物  (四選二)燒牛舌串  (+$18)串燒揀左燒牛舌同免治雞肉，牛舌燒至外脆內軟，肉質嫩滑有肉汁，彈牙可口。月見免治雞肉串免治雞肉串外層帶焦香，外脆內嫩，入面仲加左雞軟骨，咬落去有口感，沾上雞蛋黃同辣椒粉，味道層次提升，好滋味。主食  (八選一)嚴選刺身盛 配 野菜烏冬 (+$98)刺身盛擺盤精緻，好似一道藝術品，而且味道鮮甜無比，帶來視覺及味覺嘅享受！刺身盛有三文魚、油甘魚、吞拿魚、牡丹蝦及帆立貝，每款都好厚切，新鮮肥美，肉質純淨嫩滑，魚脂豐富，質素極高。配搭野菜烏冬，湯底清甜，烏冬彈牙爽口，翠綠新鮮嘅蔬菜，依份主食很美味。壽司塔可  (五選二)餐廳招牌菜壽司塔可，必食推介！套餐可以選兩款，我哋揀左香蔥拖羅蓉牛油果醬壽司塔可 及 海膽壽司塔可(+$88)。兩款壽司塔可嘅食材都好新鮮，豐富而且好足料，外層用上天婦羅紫菜包住滿滿嘅餡料，海膽非常新鮮嫩滑，口感大滿足！甜品  (五選一)最後，甜品時間到，抹茶控當然唔會錯過呢款京都宇治抹茶提拉米蘇盒子配糖漬紅豆 ; 盒子角邊有清酒棒可自行調配，加入左之後帶輕微酒香，抹茶味濃厚，味帶回甘，質地幼滑，配埋軟綿清甜嘅紅豆，完全合我心意。飲品加 $38 升級至特飲青蘋果泡泡綠茶 & 香桃富士梳打，兩杯賣相都好靚，打卡最合適。飲品清新微甜，好香果汁味，消滯解渴。…查看更多

人氣和洋料理 Cafe「QUE」於逆市中開了多間新店，今次就來到Elements圓方分店。全店裝潢以清新簡約的原木色為主調，散發濃濃和風，呈現素雅恬靜風格。場內到處都是萌爆的貓咪裝飾，喚發可愛童心。餐牌將西餐與日本文化精粹糅合，晚市二人套餐 $588包括沙律/小食六選一、燒物四選二、主食八選一、壽司塔可五選二、甜品五選一和餐飲。軟殼蟹壽司塔可+鰻魚玉子壽司塔可餐廳主打的壽司塔可(Sushi Taco)糅合了日本壽司與墨西哥Taco元素，還特別設計紙托載著塔可，食用時不需沾污雙手，十分貼心。以脆紫菜代替墨西哥軟餅，即點即做，入口香脆，裡面釀入壽司飯及豐滿餡料，鰻魚玉子壽司塔可塗上特製蒲燒汁，軟殼蟹壽司塔可以微辣醬汁調味。松葉蟹味噌甲羅燒 配 鱈魚片及紫菜片 +$28蟹蓋盛載蟹膏、蟹肉絲、蟹籽和生鵪鶉蛋，拌以蛋漿後尤其軟滑。將所有材料拌勻後，然後塗於鱈魚乾和紫菜一起吃，吃出多重層次口感，鮮味滿瀉。燒焦糖菠蘿串+月見免治雞肉棒糖衣燒香後有脆卜卜的焦香脆面，燒菠蘿蒸發了生果中的水分，令酸甜果香更加突出。免治雞肉棒將雞肉切碎混合雞軟骨搓成棒狀，口感更有嚼勁，蘸點蛋漿滿溢蛋香，入口更滑溜。松葉蟹肉丼海鮮配料豐富，舖滿蟹膏、蟹肉絲、蟹籽和蟹鉗，絲絲蟹肉真材實料，日本珍珠醋飯酸度柔和，更能襯托出蟹肉的鹹鮮味，最適合我這些愛吃蟹但又最怕拆蟹的懶人。蜆肉味噌湯 +$38湯頭清澈，加入蜆肉烹煮，更添鮮味。松葉蟹肉海鮮茶碗蒸 +$48熱騰騰的茶碗蒸蛋軟軟嫩嫩，猶如豆腐花般彷彿吹彈而破。京都宇治抹茶提拉米蘇盒子配糖漬紅豆 以和式美學的木盒盛載，表面灑滿抹茶粉，用小滴管將抹茶清酒擠入甜品中。將提拉米蘇的甜奶油味與抹茶融合在一起，中間夾層有甘甜的糖漬紅豆 ，質感細緻濕潤，入口即化，清幽茶香在味蕾尾韻緩緩竄出。每杯另加$38 由餐飲升級至特色飲品，點了香桃富士梳打和石榴泡泡綠茶，漸層效果夢幻炫目，滲出酸甜果香氣息，清新冰涼又解膩。…查看更多