驚安燒肉商店

营业中

休息中

呢間燒肉一直book mark 要食，一行4人book 左6點 一坐低勁凍😖 一開始叫左個九宮格 食左4-5款完全冇牛味😅 正常好食既係唔需要係咁加汁或者粉去調味 但係係呢間野食 啲嘢望落去好靚 但唔知點解全部冇味😂大家一致認同最好食係番薯條，外脆內軟再加左一片牛油 一條一條接住食😋 我哋仲叫左2款五目九宮格 一款特定款式 另外是自選的，整體牛舌同封門牛 最出名 其他都係一般般，我哋1行4人食左$2000 ，試過一次未必有下次

一位長年住係澳門既老友返黎香港玩一陣話想食燒肉或者壽司物色左好耐 簡左依間驚安燒肉本身好少係香港食燒肉 因為日本食靚同平好多係香港始終鍾意食d港式野估唔到依道d肉既質素算非常高加上服務態度 環境都非常好同舒服一行六人 基本上係亂叫野 都係人頭4百幾有機會 會再黎食

我不嬲都好鍾意食細細份但係有多種多樣嘅菜式因為可以每樣食少少實在太滿足了！所以今次吸引我嘅就係佢哋嘅九宮格！限聚令下兩個人食飯食唔到幾多，呢度嘅九宮格每格只有兩三塊牛肉，唔會係平時放題嗰啲食到你滯而重量不重質嘅牛肉，而係每格都唔同部位味道嘅高質牛肉！今次最令我經驗嘅就係第一啖試嘅左下嘅薄切！只可以話係全宇宙食過最好味嘅燒肉！九宮格分別有A4和牛、牛小排、牛肉眼、護心肉、厚切牛舌等。食過晒九款口味，我強烈推介冇調味嘅牛肉款式，最香牛味！反而醃咗嘅款式食落就比較普通啦！下次我嚟一定要嗌佢啲冇醃味嘅牛肉自己燒！真係香到你唔信係我喺香港食過最好味嘅燒牛肉。另外佢哋嘅飯亦都係必點菜式之一，我哋兩個人一個點左京蔥月見飯一個點左紫菜月見飯，紫菜月見飯完全就係牛角飯係紫菜配燒汁，冇可能唔好味嘅做法！食完咁高質嘅牛肉又食到咁飽，真係估唔到兩個人買單先至ard $370 ，因為而家做緊全單七折，CP值超高，趁而家食就冇錯啦。

尖沙咀燒肉新張午市單點7折，此分店沒有定食套餐，即是沒有lunch set， 不過七折後都幾抵食，而且好吃過牛角另收加一服務費，環境舒適，乾淨企理，提供紙巾、鹽🧂椒鹽#九宮格燒牛盛合 ($288)9款唔同嘅牛肉，唔知邊樣打邊樣，但大部分都好吃😋部分就是充滿甜醬的。部分沒什麼調味，建議沾鹽激巨 #薄燒牛舌 ($68) #燒牛舌薄切椒鹽口味，容易燒～好夠味，好吃😋好多塊，抵食。推薦#頂級肉眼 #壽喜燒 ($116)有蛋黃嘅壽喜燒醬汁，很濃很甜😂咸得濟。大大塊薄切的肥牛有點難燒，而且一夾就爛，味道也沒什麼特別#黑松露牛油果沙律 #🥗 $38有足料牛油果但沒有黑松露味道，生菜等沙拉混合沙律醋，純粹覺得幾便宜#青檸菠蘿梳打 $28很多果核😂青檸梳打味，不會甜，喝不出菠蘿味道服務質素：6/10環境舒適度：8/10ᶘ ᵒᴥᵒᶅ個人口味評分：8.5/10