最近天氣都好熱真係最啱食日本野同啲凍野～所以冇錯，我又去食日本野了～但平時我都係食開丼飯/火炙壽司多嘅～今次朋友話想食下魚生……身為foodie就要勇於嘗試，改左揀飲擇食嘅壞習慣🙈😤所以就真係去左食魚生😂紅酒醋番茄 $48超級開胃嘅前菜～雖然我不嬲都唔太食番茄，但都叫左呢個因為覺得佢個樣好cute cute 同埋見好多人都有試～ 雖然都係有陣番茄嘅草青味，但加左紅酒醋明顯辟左80 %嗰陣味🥰 然後蘸多啲再放落口會比較似一啲好juicy同好爽口嘅生果～酸酸甜甜都幾醒胃嘅～中吞拿魚腩 $128油甘魚 $58 真心我真係好驚好驚食魚/魚生🤧真係心理關口黎🙈 不過真係有少少喜出望外😳無諗過我都食到魚生而唔覺得唔好食～ 兩個刺身都好新鮮，真係乜腥味都冇😳兩樣都屬於比較肥美嘅類型，然後都幾有口感～肉質都幾嫩又唔會霉～我朋友仲驚我會覺得油甘魚嗰個會有啲腥，點知我同佢講我唔覺得腥同埋覺得都幾好食🤣睇黎我有🤏🏻進步😂火炙左口魚邊壽司 $70深海池魚壽司 $76啲魚又係唔腥的🥰火炙左嘅左口魚邊壽司都好有火炙味同埋左口魚肥美得黎都有啲魚油～池魚壽司口感都幾爽口彈牙～炸鹹牛脷 $ 78第一次食炸嘅牛脷～其實都唔會太鹹🥰所以本身味道都到位～質感同埋味道都有少少同平時食嘅牛舌唔太一樣，可能係因為佢係厚切粒粒，所以比起薄切嘅牛舌會硬少少不過都唔會韌🤣 雖然係炸，但係真一啲都唔油！加埋黃芥末一齊食真係都幾惹味嫁😆免治雞肉串(月見) $48佢呢個免治雞肉串真係整得唔錯😋首先佢個肉質都結實，無話一拉就散，中間仲有啲雞軟骨粒粒，所以中間會食到有啲硬硬地嘅粒粒～其次調味都已經好足夠🤤因為佢有啲燒汁搽左喺面～所以真係唔洗蘸蛋汁都覺得好好食～但係佢呢個月見又好特別😶因為平時蘸嘅月見都係得蛋黃，但佢呢個係加埋日本豉油，所以如果鍾意食重味少少咁就要試吓呢個月見汁啦～豚肉荔枝卷串 $ 38燒白膳串 $ 58雞翼串 $ 32青椒仔串 $36全部都燒得好好食，燒到外皮都好香脆～ 但係豚肉荔枝串好有驚喜🤩因為豚肉唔單止肉嫩又燒到好有油香味，而且入邊嘅荔枝都好Juicy好香甜, 無諗過呢兩樣野撞埋一齊會係咁夾～ 燒白膳本身嘅調味都好足夠，而且表皮又燒到脆卜卜，入面又好彈牙咁，都好唔錯😆雖然本身麻麻地青椒，但意外地個青椒燒得好唔錯，燒到個味道冇左青椒嘅草青味，反而燒得似秋葵☺️焦糖菠蘿 $58嘩個菠蘿都係燒到外層好吸引，會燶燶哋咁樣😆然後本身個菠蘿已經夠晒多汁，同埋一啲都唔會過酸，酸甜味恰到好處😚 不過因為鋪左啲砂糖喺面再燒而做成左啲焦糖效果，所以表面會有少少硬硬地嘅糖塊～同埋會比一般燒菠蘿甜啲啲～ 但都無礙refreshing嘅感覺~Overall都唔錯，啲魚幾好食🙈😆～ 環境都舒服，坐位亦唔會太逼夾，又無限時，可以慢慢坐一邊食一邊同朋友敘舊lu～…查看更多
出電梯便好似走在日本街頭。店內乾淨，燈光柔和，幾適合傾謁。
炸雞軟骨$38金黃色外表，裡面又脆又軟，不知不覺好快食曬。
花宵刺身拼盤(5款)$338刺身晶瑩剔透，好新鮮。
蝦肉鮮糯帶爽
深海池魚爽口有魚味。
油甘魚油潤帶爽
銀鱈魚經火輕炙，軟滑味美。
