歡喜燒 (已結業)

今次嚟到駱駝漆食無火串燒 因為係假期所以有午市～座位都幾full 嚟之前最好預約定～開始食之前店員好耐心講解成個流程👍🏻枱上有個爐係用嚟燒串燒🤤 配咗三款醬汁：🔺蜜糖燒烤醬：味道比較濃 我個人幾中意😛🔺沙嗲醬：燒落都幾香 但無咩沙嗲味🔺泰式酸甜醬：微辣 甜甜地都開胃另外都有孜然粉可以點串燒嚟食～重頭戲就係串燒啦～個爐有14個位 但如果肉比較大件就要隔住放望住佢哋自己轉唔洗自己燒都幾開心🤣不過雖然無火 但一路食啲熱氣烘住塊面都幾熱😂肉串同蔬菜串種類唔算好多 但都幾夠食😛肉質都幾嫩滑 因為一路轉住就無燒燶同唔均勻嘅情況出現👅推薦牛脷粒 叉燒！————————————————————————除咗串燒肉類 自取食物區仲有幾種 以下係節錄我試過嘅🤣🔺熟食：咖喱魚蛋 雞翼都係同一般放題一樣 啲熱食都唔熱😂 但味道都okay嘅🔺前菜：螺肉 八爪魚 泰式鳳爪 每份都係一口份量 就唔怕唔小心攞多咗食唔晒啦～🔺甜品：啫喱 慕士 芝士蛋糕 朱古力蛋糕芝士蛋糕有啲驚喜 芝士味都濃 其他一杯杯嘅啫喱同慕士都有不同味道可以選擇🔺雪糕/雪條：菠蘿椰子 雲尼拿 芒果 麻辣雪條無試到 雪糕牌子係cocoberry 試咗個麻辣味 感覺係木瓜味(?)雪糕加咗啲辣椒粉難食就唔難食嘅 可以試下😂最好食係菠蘿椰子～另外都有熟食係可以落單叫廚房整原來午市無台式甜品😭迷你軟殼蟹漢堡都幾得意 打卡一流😛味道就一般 包都幾軟 但整體無咩味道芝士金菇又係一口size🤣 芝士都幾香炸物不錯 餃子同芝士豆腐都叫咗兩次🤣炒菜類就不太推薦啦～————————————————————————總結整體體驗都幾好🤩雖然食物選擇唔算多 但都叫做咩都有～每份食物份量都岩岩好 方便自己唔會攞得太多食唔晒唯一遺憾係午市無食台式甜品😭…查看更多

睇到網上介紹，我又好想食串燒，所以到來一試。交通便利，港鐵站行幾分鐘就到。環境闊落，二人坐4人卡位，非常舒服，可惜3號枱吾夠冷氣、食到出晒汗。哥哥、姐姐招呼好，又溫柔，收碟快。爐火好猛，燒肉類都好快有得食，牛柳夠霖，燒菠蘿🍍香甜，牛舌有咬口，漢堡包🍔仔可愛，榴連炸物、炸蠔、炸蝦香口😘😘 😘台式甜品👍🏽👍🏽👍🏽，可惜搵唔到麻辣雪糕，海鹽一樣好味😋，食吾夠個半鐘已飽到食唔落，下次要約多幾個好友一齊來食…查看更多

歡喜燒係一間主打食轉轉串燒嘅放題店，雖然之前都有食過重慶燒放題，不過歡喜燒嘅串燒係放上爐之後識得自轉，唔洗自己反串燒，幾棧鬼咁，趁過開黎駱駝漆睇波鞋，就順便book枱黎試下。歡喜燒嘅晚市放題限時120分鐘，最貴嘅weekend黃金時段都係$238加一，除左串燒，都有小食、炸物、熱盤、甜品同雪糕，價錢唔算貴。一坐低先拎野飲，雖然冇韓牌野飲，不過都有維他、楊協成、道地同各式汽水，選擇唔算少。串燒方面有肉有菜，連菠蘿、蒜蓉包同棉花糖都有。另外亦有幾款熱盤。甜品除左雪櫃入面見倒嘅幾款，點菜紙亦有多款台式甜品。雪糕係港牌CoCoBerry，幾多唔同口味選擇，好似玄米茶、麻辣、特濃咖啡、咖啡、沖繩海鹽、牛奶糖同朱古力。每張枱都有多款調味料同醬汁，食客可以按個人喜好加喺串燒上面。每枱都會送一條燒茄子，燒茄子有成隻前臂咁長，上面放左好多蒜蓉同醬汁，入味得黎仲好juicy，都幾好食。每樣串燒拎左啲黎試，只要將串燒下面嘅花形齒輪放喺爐邊嘅凹槽入面，串燒就會識得自轉，燒得均勻之外，串燒嘅油份亦會滴晒落爐底度。雖然係平價任食串燒場，不過串燒質素都唔差，叉燒、羊肉都碟肉唔會太細粒。菠蘿冇渣，燒過之後香甜又多汁，同出面食幾十蚊一碟燒菠蘿質素唔差得遠。風味脆薯條係要喺點菜紙order，份量都唔算少，薯條係波娑粗薯，雖然唔算好脆，不過勝在夠厚肉有口感，上面仲有好多芝士同炸蒜粒。CoCoBerry雖然唔係咩貴價牌子，不過佢地嘅雪糕口味都做得幾真，我特別鍾意麻辣同沖繩海鹽，前者食得出辣辣地味，後者鹹鹹地都幾特別。總結，晚市放題價錢唔算貴，食材雖然唔係咩貴價貨，但質素都可以接受，轉轉串燒唔怕唔記得反串燒燒燶，好方便啱晒懶人。…查看更多

對上一次食自助式餐廳已經有一段時間，晚市堂食開放返之後可以去返食一直想試嘅自助烤轉轉串燒，係香港未食過。餐廳裡面餐廳環境好大，由於係無火串燒，內裏空氣唔會受油煙影響。價錢價錢可接受，最抵係星期一至四仲要送多1小時，即係有180分鐘，一定夠食！餐紙類老闆話因為疫情關係，衛生起見，部分自助式嘅食物改為用餐紙點餐，留肚食串燒，所以只係試左芝士焗金菇、炸雞中翼、烤南瓜同牛油粟米杯，芝士焗金菇熱度夠，面頭有白汁有芝士，幾香，其餘上枱都唔熱，但南瓜夠甜，能夠熱騰騰上枱就好。出面自助區有數款熟食，由於留肚關係就無試。串燒類種類五藏雖小、麻雀俱全，菜類、肉類以至麵包、棉花糖都有。一嚟就要食牛肉串，仲有蜜糖醬、沙嗲醬、孜然粉等6種配料比你自己調味，食串燒當然要加孜然粉，呢個係精髓所在，鍾意食辣嘅要灑上辣味嘅孜然粉或小店自家製嘅辣粉，更有風味。除咗牛肉，唔少得羊肉、雞軟骨、雞翼等等，不過雞翼係一開二，食落肉唔算大份，唔夠喉，要燒多幾隻。至於菜類有翠玉瓜、粟米、雞脾菇、秋葵等等。甜品飲品類選擇唔算好多，不過我主力食串燒，所以都冇乜肚再食甜品。…查看更多

疫情關係，真係少咗好多出街食飯，近呢半年都寫得好少食評，得幾篇。呢餐嘅放題類食物亦係久違嘅一餐，皆因我一直都好想試香港嘅轉轉串燒，對上一次食已經係係澳洲，當時係澳洲嘅餐廳一試愛上，但香港仲未有，呢一年終於引入，亦愈開愈多呢類型嘅餐廳，今次揀咗間新開不久嘅串燒放題餐廳。環境座落駱駝漆大廈一期，唔好去錯賣Outlet，永遠好多人等𨋢果棟，果棟係第三期，因為我都成日記錯，等左5分鐘𨋢先醒起唔係第一期😂餐廳環境都幾寬敞，加上係無火串燒，現場完全無油煙。價目表無火串燒放題 120分鐘(黃金時段$218+10%；優惠時段$188 +10%)星期一至四仲送多1小時，即係可以食3小時咁耐！包括頭盤+串燒+料理+炸物+甜品+ 飲品 + 雪糕。自助區有料理、甜品及飲品。自助料理只有幾款，因為疫情關係改咗幾款用紙點。有炒蜆、西蘭花、魚蛋，食物味道正常，可惜食物保溫度唔夠，呢點需要改善。串燒種類二十多款，蔬菜至菜類，有我最鍾意嘅羊肉，可惜羊味不夠突出，紅肉仲有牛柳條、厚切牛舌粒，反而肉類之中我鍾意食豬肉串，已經醃好，燒完之後肉質唔韌，亦醃得入味，當然唔少得燒雞翼。蔬菜有我愛嘅秋葵、雞脾菇等等。唔少得燒蒜蓉麵包同棉花糖！料理有三張紙嘅點餐料理，試左芝士魚肉豆腐同雞肉洋蔥圈，嘢食都係唔熱，建議用熱爐烘住會好啲。甜品有雪糕、慕絲蛋糕、雪條，種類就唔多，建議雪糕雪條可以轉大牌子，更能吸引客人。總括而言，呢個價錢食足3小時算係好划算，當然餐廳只係新開，有啲地方需要改善，希望下次再嚟食嘅時候有進步！…查看更多