一樂日本料理 (已結業)

Happy Friday梗係要搵d好野食賀1賀佢啦✌🏻男朋友收工都比較夜，所以宵夜時段就啱曬我地🙊$268一位，全枱like facebook打卡仲有85折，加$48仲有任食生蠔，細問之下，原來生蠔係來自日本添嫁！真係食幾隻都已經回番本！🌟🌟之前仲擔心宵夜時段會唔會好多食物已經sold out, 不過睇完menu，只係覺得”唔洗擔心無野食，不如擔心自己個胃容量同埋之後要做幾多運動還好過啦🤭🤭題外話呢到落單都好高科技，係用wechat落單，環保得黎就更加減少漏單嘅情況啦👍🏻👍🏻食完之後只能說呢個價錢但有酒店自助餐嘅質素🤩！首先要讚佢嘅座位好闊落，應該係我食過咁多間放題坐得最舒服嘅一間，兩個人可以坐一張卡位，完全唔擔心擺唔晒啲食物！第二讚當然係食物質素啦！估唔到呢間放題無論刺身定係熱盤都非常出色🤫刺身我地order咗兩次都好新鮮，當中最愛赤貝、帆立貝同榮螺🌻🌻熱盤每一碟都熱辣辣上枱，令我覺得係即叫即整嘅，好有heart！尤其係爐端燒嘅串物，安東雞肉串，辣辣地好入味，燒完啲雞肉仲好Juicy！牛舌同燒菠蘿亦係encore必點之選！😽😽炸嘢雖然熱氣，但放題必食嘅榴槤波波又點可以唔點啊！一咬落去外脆內軟，留心嘅榴槤醬真係好食到令人一再回味😛其他食物都好有驚喜，一啲係其他放題餐廳食唔到嘅選擇，例如創意手卷有鵝肝、燉湯選擇有雞湯翅、前菜除咗有知道仲有紅酒汁炆牛舌，冷熱盤美食一應俱全！食到尾聲仲每人有一杯Movenpick雪糕添😵真係值回票價有突呀咁高質素嘅酒店級放題享受，下次真係要帶埋屋企兩老嚟嘆一嘆佢！…查看更多

來到生日月，生日飯就一餐接一餐，開心不在於吃，而是珍惜跟好友飯聚的時光，今晚就有識飲識食的XO女跟我慶祝。她揀了我最愛的日本菜，還想我食得開懷，食得盡興，所以揀選日式放題讓我放肆地吃，不過最重要還是足足有兩個半小時邊吃邊談，相信必定大滿足！餐廳地方寬敞闊落，環境光猛，設計富時尚感。設有多張寬闊的四至五人區和卡座亦有多張四至六人大枱，還間了幾間十多人的獨立房，座位都幾多，而出入通道亦挺闊落，方便去自助區取食物，環境不錯。晚巿放題分三個時段，包括早割、夜割和宵夜，我就揀了早割5:30-8:00pm，早食早消化，哈！任飲任2.5小時，星期一至四成人收費($268+10%)，而星期五至日及假期或前夕成人收費 ($288+10%)。一入門就見到生蠔區，靠牆一邊是甜品和飲品區，而另一邊就有沙律和熱葷，自助區的選擇不算很多。生蠔並非任食，需另多錢，故就向熱葷進發，是日有麻香上素、椒鹽大蝦、花雕醉雞翼、爆炒肥牛、炸香芋丸 和焗吞拿魚脆多士，選擇不算多，但有兩大重點，就是即炒野菜 和即製意粉。第一輪取了麻香上素、炸香芋丸 和焗吞拿魚脆多士，最喜歡是外表金黃的炸香芋丸，熱辣辣又香脆，還不油膩，內饀是香甜軟滑的香芋蓉，好吃！******************************接着就要碟即製意粉，在三款中揀了南瓜忌廉帶子扁意粉。雖知是飽肚物，但大廚在客人面前即煮，熱辣辣香噴噴，真係好難抗拒。意粉煮得剛好，有嚼勁，緊緊沾滿香甜兼creamy的南瓜汁，還有不少煙煙韌韌的帶子肉，味道美味。******************************另一重點是即叫即炒野菜，唔單止有幾款時菜選擇，還可選烹調方法，一流！看着大廚抛鑊，夠晒鑊氣。忍不住點了三款，有香辣惹味的XO醬炒西蘭花、清新的魚湯浸勝瓜 和驅寒的薑汁炒芥蘭。三款各有風味，炒得夠鑊氣之餘，亦保持爽口兼不油膩，難怪一再encore。******************************另一邊放有一個五格超級巨大的飲品凍櫃，款式極多，但吸引我還是那部鮮榨橙汁機。先來一杯鮮榨橙汁 fresh一下，味道清新，但無乜橙肉，可能部機有隔渣功能。******************************品嚐完自助區的食品就到任點時間，客人可用微訊下單，亦可填點菜紙。我是傳統派，故選擇了後者。點菜簿分有十二類，包括手握壽司、前菜、空運放刺身、創作壽司、火炙壽司、手卷、御天婦羅、自慢串燒、燒物、人氣、元氣和一品料理。往往第一時間點刺身，今次也不例外。在十一款中點了希靈魚、北海道帶子、甜蝦、油甘魚和鯛魚。當中最喜歡是肥美的油甘魚，色澤亮麗，肉質稍稍爽口，很鮮味；鯛魚也不錯，好透亮，肉質柔軟，味道鮮美，絕對是encore之選。******************************刺身過後當然輪到壽司，看中了火炙壽司和創作壽司，揀了火炙三文魚腩、火炙海鹽左口魚 和挪亞方舟。先吃火炙三文魚壽司，火燒的時間掌握得剛好，迫出魚油，肉質油潤兼柔軟，正! 挪亞方舟不單止賣相吸引，甜甜地的腐皮伴着鮮甜的甜蝦、鹹鮮的魚籽和油潤豐膄海膽，鮮味爆燈。******************************在七款串燒和五款燒物中點了明太子醬燒玉子串、汁燒翠玉瓜串、戀人菠蘿燒 和鹽花燒鯖花魚。燒菠蘿令人吃得滿意，又大又厚的菠蘿色澤鮮黃，帶些焦色，入口微暖，相當香甜多汁，必食之選！但更喜歡厚厚的明太子醬燒玉子串，甜甜地的玉子伴着鹹香的明太子醬，配搭美味。鹽花燒鯖花魚 也不錯，底面同樣燒得金黃，賣相幾靚仔。燒弄的時間掌握得剛好，並不乾身，魚皮還有些香脆，而味道亦不會太鹹，稍稍鹹香。******************************同時亦點了一款炸物。外表金黃的雪花炸鮮奶，熱辣辣上枱，雖有點油膩，但外脆內香滑，香甜的鮮奶還混入了甜美的紅豆，絕不簡單。****************************** 在人氣、元氣和一品料理三大類中各揀了一款，有用料豐富的海膽茶碗蒸、有矜貴的吉品鮑汁野菌燴花膠 和用心製作的慢煮五香蘿蔔牛根腩鍋。海膽茶碗蒸 雖不算很香滑，但勝在用料豐富，有蟹柳、冬菇、海膽和蟹籽，賣相不錯。吉品鮑汁野菌燴花膠 就好足料，件花膠又厚又大，可惜味道和口感一般。反而慢煮五香蘿蔔牛根腩鍋 較吸引，烹調入味，牛筋腍滑兼富膠質，食完靚靚。******************************最後當然是甜品啦！雖有多款口味的自取雪糕，但都沒有揀，因為有我最喜歡MÕVENPICK品牌雪糕，雖只有士多啤梨一款口味，但是任食，可吃到滿足！ MÕVENPICK雪糕 的確每次吃它也令人吃得滿足，細膩幼滑的雪糕中混入士多啤梨果粒，酸酸甜甜，好吃！甜品凍櫃放了多款啲骰精緻的甜品糕點，要了朱古力慕絲蛋糕和芒果啫喱奶凍，兩種味道都一般。吃完一輪凍甜品就來一碗熱騰騰的蕃薯糖水暖暖胃子。蕃薯粉綿甜美，糖水亦好夠薑，甜度適中，簡直驅寒暖胃，推介！------------------------------雖然一到生日就代表又老一年，心總有點擔心，但生日還是可令人開心，因為好感恩身邊有不少朋友也記得我的生日，亦用心為我安排一切。今晚有XO女安排，本應期待在一樂的快樂，但結局並非如此，XO女突然……別說吧！現在一切安好，我便安心。…查看更多

早幾日過左去食 整體而言都吾錯 系有點兒貴。今日上佢哋個page睇到又再折 早知遲多幾日去平成舊水🧐.本人好中意食生蠔 如果吾加醬就淡得劑。串燒方面 一上枱就有位女同事過左黎同我哋講叫我哋食左先 凍左會冇咁好食 服務幾好. 入左去半個中左右出面就有羊架開 想全熟嘅可以叫師傅煎熟👍🏼. Lastorder之後就有位應該系總廚嘅人出黎枱枱問意見 感覺到依間公司系有心做好佢.希望貴公司可以出多啲除左羊架其他嘅驚喜.繼續努力💪🏻…查看更多