頤東酒家

好多年前食過同位置嘅鳳城酒樓，轉咗名之後第一次嚟，裝修佈局都冇變過，食物都係主打懷舊菜。⚜️滷水豬大腸 滷水味濃，非常入味又不會咸，豬腸好😈腍，不錯👍👍。⚜️上湯炸粉果招牌點心，點樣講好呢🤔，佢吾係唔好食，但驚喜度不高 😂😂⚜️百花蒸魚肚蝦膠好好味，個魚肚好腍但係冇味😅😅，咁就只可以五十五十，平手😆😆⚜️蓮蓉西米焗布甸和芝麻卷，舊式傳統甜品，甜度剛剛好，但蓮蓉味就比較淡，中規中矩啦。連續4年米芝蓮，比起點心，應該小菜出色啲，服務都可以，唯一就係衞生有改善嘅空間🙄🙄…Read More

同屋企人太子飲茶，都係第一次嚟食。前身係鳳城酒家，「頤東酒家」有兩層，舊式酒樓裝修，金龍金鳳佈置。連續兩年獲得米之蓮，有得食傳統順德菜手藝，最正係有懷舊點心。✥瑤柱灌湯餃 $37係前身鳳城出名嘅點心，近年已愈嚟愈少見，黃色餃皮薄，脹卜卜餡料十足，有蝦、有仿翅。呢款係湯浸餃版本，上湯用瑤柱熬製，味道清甜，加埋紅醋，食到傳統味道。✥蓮蓉焗西米布甸 $30以前去鳳城必食嘅甜品，好鍾意佢嗰層焦燶煙靭嘅表皮，熱辣辣，吉士味香夠滑，粒粒西米晶凝。發覺近年好多食肆都配合市場口味，將甜品都改成低甜，我鍾意嘅，係覺得蓮蓉唔夠搶眼，可以再俾多啲。✥懷舊糯米雞 $38糯米粒粒分明，個底唔會好濕，有鹹蛋、叉燒、雞肉有別於傳統，佢係用大條雞柳。夠晒大隻，呢個價錢都抵食。✥上湯炸粉果 (4隻) $30前身鳳城名物，呢種傳統點心，唔係度度有得食，精粹在於要將炸到脆皮嘅粉果，浸過碗韭王上湯先放入口，口感滋味十足。✥頤東蝦餃皇 $42一籠有四隻，拍皮唔算好薄但勝在煙靭，蝦仁餡料夠爽口。✥娥姐蒸素粉果 $30最難拿捏就係粉果皮，晶凝軟身，夾起無黐住筷子，又無夾爛皮，素餡料十足。✥蝦米煎腸粉 $37比平時腸粉卷得細條，多蝦米，煎得香。#頤東酒家地址：旺角彌敦道749號歐亞銀行大廈1樓及2樓…Read More

相信大家對以前有一間酒樓叫"鳳城酒家"都不會陌生. 當鳳城老闆易手後, 由一班老夥記合資經營, 更改名為"頤東酒家". 酒樓位置交通便利, 跟之前一樣分兩層, 維持傳統裝修. 我們除預訂了一些傳統懷舊菜, 還即席叫了一些點心品嚐, 大家先看看我們食了什麼點心👇上湯炸粉果, 這個懷舊點心不是每一間酒樓都會有, 真是可遇不可求😅 這個點心整得非常好, 有炸的外表而不油膩, 內皮煙韌有咬口, 內涵充滿蝦肉, 味道亦很好. 各種配合簡直是完美👍 這個點心是一碟四件, 當我食完一件後, 才醒起自己未影相😜香滑麻蓉包, 麻蓉包不是每一間酒樓都有, 而這個白白滑滑半球狀加一點紅的外表, 內裏有濃香&濕潤的麻蓉餡, 味道不會太甜😋叉燒酥, 有別一般長方形的叉燒酥, 頂有一粒 合桃. 酥皮鬆化, 內裡叉燒味道偏甜春蛋燒賣, 亦是懷舊點心之一, 味道普普通通, 不過不失馬拉糕, 一食便知即蒸點心, 大大嚿, 非常鬆軟潮州粉果, 一貫的潮州粉果材料, 味道普通蝦餃, 蝦餃size比其他酒樓明顯大, 四件蝦餃迫爆點心籠, 內藏爽口的蝦肉, 味道好食完點心, 直入懷舊菜之旅🥳 記得懷舊菜是需要預訂😅順德魚雲羹, 有三個不同分量size(例/中/大), 而這個是例牌, 可分成6個飯碗. 香濃魚湯底, 內有魚肉, 魚唇, 冬菇絲, 雲耳絲, 松子, 芫茜... 我相信愛吃魚與不愛吃魚的朋友食完應該都會稱讚, 真材實料, 完全沒有腥味. 這個真是必吃之選😋👍👍鳳潤金錢雞, 基本上係分三層, 三層為一體, 每層分別係肥膏, 瘦肉&雞潤. 三層一口吃, 充滿酒香味肥膏, 雞潤, 蜜糖味瘦肉. 食後感令人回味, 不過亦有罪惡感🤭🤫 每人真的吃一件起兩件止釀鯪魚, 這個菜式煮法非常複雜. 鯪魚皮炸得非常鬆脆, 內釀魚肉, 味道好😋桂花炒魚肚, 這個餸菜看似簡單, 用金華火腿絲, 瑤柱, 韭黃, 芽菜, 雞蛋, 魚肚. 味道非常豐富, 有金華火腿的鹹香, 瑤柱的鮮味, 爽口的韭黃芽菜, 濃香蛋味&有咬口的魚肚. 好味😋蓮蓉西米焗布甸, 這個甜品的味道比較遜色. 顏色偏橙, 質感不是滑滑的, 似糕狀. 沒有蓮蓉味道. 這個甜品味道一般整餐懷舊點心&餸菜, 非常有驚喜, 食得非常高興&好滿足. 服務員態度非常好. 下次會再次用餐😬😬…Read More