麥田廚房 (已結業)

「麥田廚房」屬香港少有的俄國菜館之一，並揉合上海菜的原素。在餐廳的內部，見得最多的擺設是俄羅斯娃娃，亦有一系列暴力熊 (？) 公仔整齊排列在水吧位置。 「上海派招牌羅宋湯」是餐廳的招牌菜，湯汁調厚，甜重酸輕，牛肉投入量不算少，味道不俗。 「香煎帶子沙律」簡單以醋汁調味，並以帶子作點綴，平實無華。 「麥田脆炸雞翼」製作熱辣香脆，只是略嫌老火了一點點。 「香煎牛舌粒」沒有預期中的爽彈感，反而有些似吃鹹香餐肉的感覺。 「傳統迷你蝦多士」出品薄脆香口，蝦膠見彈，讚！ 「俄式薄餅」以俄式薄餅 (小蛋糕) 作底，面上唧上酸忌廉及放入紅魚子醬，味道以鹹鮮的魚子醬為主，酸忌廉及甜蛋糕作襯托，輕輕調和魚子醬的重味。 接下來是豬牛羊三道大盤，當中以「香煎黑毛豬配蘋果汁薯角」最為吸引，豬扒大塊鬆軟，輕蘸玉桂蘋果醬口味佳。至於「俄式串燒牛柳」及「俄式串燒羊 • 雜菜沙律」的製作都未予驚喜，牛柳稍鹹，羊肉羶感不重，約八成熟度味道比牛柳稍勝一籌。再來三客飯麵主食，同樣以鬆軟豬扒作代表的「茄汁焗豬扒飯」水準最佳，飯粒乾身富嚼勁，芝士茄汁酸香可口。焗飯表面適度燒焦，亦是另一惹味源頭。「黑椒牛柳絲意粉」及「俄國牛柳絲飯」勻以牛柳入饌，選材大條，厚切充實。前者以黑椒香味作主導；後者味道相對平和，汁醬調味佳。整體來説，小編對這間「麥田廚房」評價正面。雖然説是俄國餐廳，但其實大部分小吃大盤對港人而言並不陌生，可以試試。 …查看更多

這間位於銅鑼灣邊寧頓街的樓上餐廳，在7-11隔離，只有電梯上落，樓下的門口不太顯眼，但上面餐地方卻很寬敞。晚餐只有單點，並沒有套餐。上海派招牌羅宋湯羅宋湯濃稠，每啖都充滿著牛肉香及蔬菜精華，不會太酸，反而比平時的略甜。迷你蝦多士表面炸粉不厚，炸得鬆脆，裏面蝦膠彈牙，旁邊配些酸菜減輕油膩感。吉列牛扒配黑松露醬牛扒約七成熟，裏面還帶點粉色，外脆內腍，有肉汁，不過較油膩，幸好有些蔬菜伴碟，去掉油膩感。羅勒香草醬帶子炒意粉意粉份量較少，三色椒等配菜色彩繽紛，帶子帶點刺身狀。…查看更多

自從上次去完俄羅斯旅行之後，一直都好想係香港試下俄國菜，咁啱又有同事介紹呢間叫麥田廚房嘅俄國菜，就決定搵個平日試下佢。黎之前有睇過呢間餐廳嘅介紹，話佢係一間上海派俄羅斯菜嘅餐廳，但一直都唔明點解上海會同俄羅斯菜扯上關係。直到入到餐廳，見到枱面餐紙上嘅介紹就即刻真相大白。上海派招牌羅宋湯黎到俄國菜餐廳第一刻當然係試下俄國菜最著名嘅羅宋湯先。湯非常足料，雜菜同肉煮得好淋，好易入口。味道拿捏得恰到好處，唔會好似出面餐廳咁太甜或者太酸，當作開胃一流俄式薄餅 (俄式薄餅，酸忌廉，紅魚子醬)俄式薄餅上有一層酸忌廉，頂層有紅魚子醬，味道剛好就是由甜至鹹，味道平均。俄式薄餅個口感食落好似雞蛋仔咁，比起我地想象中更漲卜卜。香煎黑毛豬配蘋果汁，薯角黑毛豬嘅表面煎得剛剛脆，肉質鮮嫩，食落唔會有太老嘅口感。黑毛豬配搭有蘋果醬，一齊食大大減低黑毛豬嘅肥膩感。羅勒香草醬帶子炒意粉帶子厚肉，上下略略煎過後上碟，口感一流。而更感到驚喜嘅反而係平平無奇嘅炒意粉。一開始見到個意粉有頗多嘅橄欖油以為會好油膩，但炒意粉拌以洋葱，西芹，紅椒，青椒，令整個炒意粉變得好清新同埋個口感好豐富。Cookie Smoothie咁啱撞正有第二杯飲品半價優惠，就嗌左兩杯Cookie Smoothie，鍾意飲甜野嘅就千其唔好錯過呢杯飲品。杯smoothie打得好幼細，飲落有強烈朱古力曲奇嘅味道，加上cream topping，飲完一定有好大滿足感。…查看更多

今日和家姐去海洋公園玩完返銅鑼灣食晚飯，去我們常食的西餐廳～俄羅斯式裝修的廚房環境舒適，以俄羅斯套娃為擺設#羅宋湯好香牛肉味，湯汁微辣，蕃茄味濃郁#蝦多士炸得好酥脆，蝦味突出，沾上沙律醬更香口#黑毛豬好香黑毛豬扒，肉質鮮嫩多汁，不太硬，火喉十足，配埋蘋果汁，食落可以鎖住豬扒香味薯角炸得可口，沾上茄汁更滋味#帶子炒意粉大大粒帶子，新鮮美味，意粉炒得超香，有蔥，香菇，車厘茄，香草等等作配料#餐牌有介紹餐廳的背景故事…查看更多

週末銅鑼灣隨意遊走，行到肚餓想食d特色野，上網搵到間餐廳就係附近食俄國菜既，香港真係想食咩國家既菜式，只有想不到沒有做不到，就去試下上海派招牌羅宋湯$58蕃茄味濃郁，食到有牛尾肉粒，落足料俄式酸凍魚$78大量酸蘿蔔同埋酸椰菜 係魚既上面，用黎做前菜真係好岩！夠哂酸夠哂開胃香煎黑毛豬配蘋果汁＋薯角$228黑毛豬入口好嫩，油脂分佈加上烹調手法，可以比好高分；蘋果汁食落有香濃既肉桂味，如果佢唔咁甜偏酸番少少解左豬既 油膩感就更好流心芝士牛肉漢堡$108侍應提醒小心牛肉內既芝士熱，我地都襯熱食左先，切開漢堡芝士做到微微流心效果；牛肉都好香…查看更多

臨時和朋友約食飯，因為要去銅鑼灣拎嘢，所以上網找找有甚麼餐廳可以試下。朋友同我對這間食店很有興趣，便訂檯試試了。舖頭唔算難找，坐電梯上到去，看到檯櫈都放得好寬敞，坐得很舒適。這裡周圍放了很多Bear Brick，好可愛～　坐定定我們研究下個餐牌，這裡的餐牌同餐紙都有俄羅斯娃娃，好精美好有心思～　到步前我已同朋友講我要飲龍蝦湯，因為睇食評大家都讚這裡的湯。但好評的羅宋湯我麻麻地鍾意飲便沒有點了，但朋友點了黎試，我就飲我喜歡的龍蝦湯。兩個湯都好好飲，大家果然無介紹錯。食品方面，朋友試了流心芝士牛肉漢堡，而我就點了餐廳推介的俄式串燒牛柳，但我掛住食自己個食物忘了影相。首先朋友個漢堡，切開後有芝士流出，而且調味很好，我試食了一小舊都覺得好好味～　而我個牛柳大約有5-6成熟，幸好我不怕吃這個成數的牛肉，而且牛真的很滑亦不會有血味，好味道～　另外，我們點了個小食拼盤黎食，有魷魚圈，火煎雞翼及芝士塊。芝士塊好香唔漏，雞翼整得好脆，魷魚圈都好好食。而且餐廳職員很細心，會用心推介食物但不Hard Sell，而朋友的漢堡時佢都好細心有提醒小心咬到中間芝士時燙口。黎呢間餐廳前幾天先食完一間食物同服務都差的大牌子的地獄餐廳，今次食到呢間真係補償返我的心靈，有機會再黎Encore～～…查看更多

約了朋友在銅鑼灣晚飯，用找附近功能發現在利園附近的這間俄國菜。曾經是bearbrick迷的我，看到這兒的巨大版bearbrick簡直有如進入博物館，甚至有朝聖的感覺！原來這是一間上海派俄國菜餐廳，看餐牌學懂了很多歴史！朋友飲啤酒，我則飲羅宋湯。不認識俄國菜，但羅宋湯就一定飲過。從餐牌上的資料得知，原來羅宋湯源自烏克蘭，這個濃濃的湯，充滿肉味而且多料，湯入面的牛腩也好味，完全無被煮老。由於對俄國菜實在無認識，細心的店員推介了小食：俄式酸凍魚，很清新！自家製的醃菜偏酸，但與滑滑的魚肉很襯。主菜我點了俄式串燒牛柳，有咬口的厚切牛柳啖啖肉，是「牛有牛味」的代表。朋友則點了羅勒香草醬帶子炒意粉，帶子煎得剛好，意粉的軟硬度也控制得好，絕對推介。…查看更多

這餐廳麥田廚房於邊寧頓街的栢寧頓酒店二樓，是一間食俄羅斯菜的餐廳。餐廳裡面有很多大大細細唔同特式的俄羅斯娃娃和店主私人珍藏的玩具。坐低後，可以見到餐桌上的餐紙，介紹了餐廳創辦人及俄國菜的歷史背景和正宗煮法必試的上海派招牌羅宋湯。上海派招牌羅宋湯，顏色上比較偏紅色，而且這個湯用的材料同樣很多，食到的包括有牛肉粒、薯仔粒、紅蘿蔔、菠菜、紅菜頭等等，以甜菜來烹調這個湯，飲落個湯底都較甜和充滿著濃郁的蕃茄味，很值得試。俄式薄餅，賣相好精緻，以俄式甜味簿餅做底，中層是酸忌廉，上層是矜貴的紅魚子醬，口感酸酸甜甜的，非常開胃。香煎黑毛豬配蘋果汁，成塊豬鞍扒都好大塊，黑毛豬的外皮煎得好香脆，而豬鞍扒肉很鬆軟再加上了蘋果茸，令味道的層次更加昇華，由蘋果的香甜突出了黑毛豬的油香感，簡直是回味無窮! 旁邊的薯角同樣的炸得香脆可口。流心芝士漢堡，成個漢堡份量都好巨型，而且漢堡扒好厚身，當成個包切開一半時，漢堡扒中間的芝士慢慢地便會流出黎，味道的確唔錯。…查看更多

今年世界盃剛在俄羅斯舉行，雖然現在已曲終人散，但確實或多或少都會挑起人們對這戰鬥民族的好奇心，不過俄羅斯菜在香港並不常見，難得在銅鑼灣找到這間主打上海派俄羅斯菜的麥田廚房。一入內就見到這幅溫暖和諧的壁畫，裝修帶有前蘇聯工業大國的工業風格，配合柔和燈光，頗有情調，坐得寬敞舒服。俄羅斯套娃進佔店內每個角落，散發俄國民族風情。與此同時又破格地放了不同款式的be@rbrick，盡顯童心的一面。於1917年，俄國10月革命發生後，⼤量俄國人湧入上海，出現很多俄式西餐廳，後來漸漸流入香港，五、六十年代更是香港羅宋大菜餐館的黃金時代，上海派俄羅斯菜將濃烈正宗的俄羅斯菜味道加以改良，還原傳統俄式風味之餘，亦微調菜式味道，更合港人口味。餐牌選擇不少，將在香港碩果僅存的經典海派俄羅斯菜味道，得以發揚光大。上海派招牌羅宋湯 $58招牌菜羅宋湯有口皆碑，一場來到又怎能不點呢？附上一塊蒜蓉多士，新鮮烘焗夠脆口。湯頭濃稠厚身，裡面有番茄、紅椒、青椒、紅菜頭、薯仔及椰菜等大量蔬菜，加上肉質軟腍的牛坑腩，真材實料，比平時的羅宋湯味道較甜，只因這裡是以紅菜頭的清甜中和辣勁。傳統迷你蝦多士 $68迷你size 一口一個，同時享受烘得香脆的多士和蝦的鮮味。表層炸得金黃脆卜卜，依照傳統做法，把鮮蝦打成蝦膠再炸而成，口感頗彈牙。流心芝士牛肉漢堡 $108漢堡包配薯條可說是永垂不朽的經典配搭，這裡就配上懷舊風的曲薯條，炸得份外酥脆。芝麻麵包烘焙出外層輕脆的口感，內裡鬆軟有彈性。可見漢堡扒十分厚肉，相當巨型具份量，口感扎實爽彈，肉汁飽滿。入口已是肉香四溢，牛味濃郁，咬開中間更會湧出流心芝士，芝味無窮。香煎黑毛豬配蘋果汁、薯角 $228這碟可說是比想像中更加份量十足，特別是那塊厚切黑毛豬扒甚為大件頭。平時食到的煎豬扒通常都是又韌又乾，但這裡的黑毛豬扒即使煎至帶有微微焦香，但仍可保持嫩滑多汁，肉質不會過韌，脂香豐腴，發出陣陣油香。而附上的蘋果醬汁亦有畫龍點睛之效，裡面混合粒粒蘋果和玉桂香氣，酸甜果香中和豬扒本身的肥膩感，齒頰留香，使味道層次感更為豐富。金黃薯角連着薯皮炸得外層鬆脆，肉心軟綿細密得似薯蓉。…查看更多

早排睇完俄仔介紹俄羅斯的節目，見介紹說俄菜又酸又凍，的確令我好奇想試試。上網做下功課，來到這家位於銅鑼灣邊寧頓街13-15號2樓的「麥田廚房」。餐廳裝潢佈置很有心思，飾櫃上擺滿了多套俄羅斯娃娃，還有支超巨型香檳，一排玻璃窗，開揚明亮，坐得十分舒適。細看餐廳餐紙介紹, 原來是上海派俄羅斯菜，上面還介紹俄羅斯菜式的歷史和發展等等，店員亦向我們介紹餐廳的幾款招牌。《上海派招牌羅宋湯 $58》見到餐廳的招牌”上海派招牌羅宋湯”當然要試下，湯色澤深紅，入口蕃茄味濃郁，用上不少食材，店員介紹湯底每天先把牛骨、牛腩連同多款材料熬煮15個鐘頭，再加入10多款蔬菜淆製而成，再要到隔日後先賣，難怪口感綿厚，味道濃郁，不是一般羅宋湯可媲美。《傳統迷你蝦多士(6件) $68》蝦多士極酥脆，炸得金黃，裏面的蝦肉彈牙，多一重口感，蘸點沙律醬更美味。《俄式酸凍魚 $78》酸凍魚乃俄國特式小食，魚柳醃煎後放涼，再被自家醃製的酸菜重重包圍。酸菜清酸爽脆，醃製得不錯，比魚柳更加吸引。《俄式串燒羊.雜菜沙律 $230》雜菜沙律中有自家製俄式酸菜，味道討好，有別於一般的沙律味道。串燒羊好大粒又厚身，肉質香嫩，火喉恰到好處六成熟，而且味道香濃入味，切開還保持粉嫩，很喜歡這道菜。《羅勒香草醬帶子炒意粉 $128》两隻帶子厚身夠大隻輕煎過，鎖住肉汁令肉質保持嫩滑，意粉炒得比較乾身不油膩，不會粘在一堆，整道意粉充滿羅勒香。…查看更多

係香港比較少地方有得食俄羅斯菜，而上海派既俄羅斯菜仲少有！內裡裝修都好骨緻，當然唔少得俄羅斯娃娃咩係上海派既俄羅斯西餐？餐紙上面都有介紹要講返1917年既「十月革命」有部分皇室成員同埋廚師逃亡去到上海定居，後來食譜流入民間所以就出現左海派俄國菜，當中既俄國菜融入左上海風味，亦叫做「上海西餐」。而呢間餐廳既店主自小就成日飲羅宋湯，店主父親葉師傅就係五、六十年代著名既羅宋大菜餐館既大廚，店主都想將呢個傳統海派俄國菜重現香港，所以就開左呢間餐廳佢既MENU都會詳細下俄羅斯有關既背景、歷史，亦有介紹當中某啲特色菜式有影哂佢既餐牌，不過放唔哂上黎上海派招牌羅宋湯　$58餐牌上都有介紹上海派羅宋湯同一般既有咩唔同，正宗既羅宋湯有兩款，一款係以甜菜為主料，加入薯仔、紅蘿蔔、菠菜、牛肉塊、奶油等去熱製，會呈紫紅色；而另一款就以蕃茄做主料，甜菜做輔料，又或者唔加甜菜，而係加蕃茄醬，所以會呈橙色或者綠色。而上海派既羅宋湯都經過左改良，一黎上海唔適合種紅菜頭，二黎怕上海人唔習慣酸酸尾尾既味道，所以上海派既羅宋湯係用左捲心菜代替紅菜頭，同埋用上蕃茄醬增加甜味，湯底顏色亦係我地依家飲既橙紅色，就係我地家陣飲既紅湯啦！好啦，講完背景，要講返佢既味道～可以見到好濃稠，亦有幾塊牛肉塊，煮得頗稔身，入口先係少少蕃茄酸，繼而就係甜味，而且味道都好濃郁，絕對唔係出面果啲溝水，而係真材實料牛尾湯　$48亦都試左同樣好出名既牛尾湯，望睇同羅宋湯冇乜分別，但就用左牛尾去煮熬，飲落去會覺得肉味出少少同埋比起羅宋湯冇咁酸，我個人中意飲呢個！俄式酸凍魚(3件)  $78第一次食俄式酸凍魚，旁邊有自家製既醬汁沙律，酸酸地好開胃，而俄式酸凍魚既味道就好似食緊PIZZA咁！都係用上茄膏調味，食起上黎都係酸酸甜甜既味，再配上凍魚，做餐前小食非常不錯招牌烤羊架配雜菜沙律 　$220父親大人點左7成熟，不過上枱見到大約得5成左右，但個人其實都食開5成，所以冇咩影響。羊架肥瘦參半，肉質嫰滑，羊羶味岩岩好，骨肉都容易分離，5成熟果然岩我口味俄國牛柳絲飯　$138原來係汁上，個汁望落係淺橙色，食落甘荀、紅蘿蔔味較出，比較清清地，而牛柳絲質感都軟熟，唔會係好乾好韌果啲，配上白飯瞬間就被清空～唔算點左好多野食，埋單每人$250左右，正常西餐價錢，但係係香港食到上海派既俄羅斯西餐就係好有特色同比較特別，店員亦好有禮貌、招呼周到，呢餐都食到好開心…查看更多

豉油西餐是港式西餐的特色，原來亦有上海西餐這回事， 話說1917年俄羅斯內戰，皇室貴族攜同家廚逃亡上海，演變成海派俄國菜，50年代初的香港，廣東派的豉油西餐及上海幫的羅宋俄國大菜並行成風。 時光無法倒流，幸好香港飲食界不乏有心人，60年代著名羅宋餐廳的大廚葉師傅，難得父子同心，把這個從前的口味重現香港，幾年前創立了麥田廚房。香港主打俄羅斯菜式的餐廳實在不多，應該是因為羅宋湯、俄羅斯牛肉飯、魚子醬等招牌菜太容易在其他餐廳吃得到！走懷舊路線，可能是突破，至少吸引了我倆好奇地到此嘗試，最後，我們果然沒有走錯了地方，烹調技巧上確實有所不同，值得見識！ 位於精品酒店內的小餐館，麥田廚房裝潢簡約，氣氛俄式，手繪彩畫及巨型木娃，溫暖小酒館的感覺。 圖文並茂的餐牌，說些小故事，令客人對菜式先有點認識，絕對是個好主意，認真愛吃的人如我們，可以預先了解將會吃到的食物而更懂得欣賞。二人小局，四款菜式，適可而止。 上海派招牌羅宋湯  牛肉湯頭，顏色深褐，濃郁富酸香，與坊間吃到的不同之處在含有白蘭地酒香，材料足口感好。 俄式薄餅  吃俄羅斯菜怎可缺魚子醬，小試牛刀吃個薄餅，紅魚子醬及酸忌廉配軟餅，一口一件，鹹香出眾。 俄式串燒羊  非常香嫩的羊肉，雖然大粒厚身，燒至恰到好處六成熟，內心保持紅色生嫩，外面香脆美味。 自家醃漬的酸菜味道討好，酸度自然不刺激，與生菜同吃剛好，有助解膩及醒胃。茄汁焗豬扒飯  傳統秘方做醬汁，別有風味，同伴說很有從前車厘哥夫的味道！ 醬汁豐富但不過份，豬扒非常鬆軟綿密又入味，估計是黑毛豬肉，很好吃！ 水準小店，有些菜式似乎耳熟能詳但其實已經很久沒有點選，重新在此認識，未嘗不是一件樂事啊！上海西餐，值得見識。 最後，服務態度亦值得一讚，員工非常有禮貌，做錯了羊架禮貌地道歉之外，並預先告知等候燒羊肉串需時，加水上菜亦有序，相信大部份客人都會稱心滿意。…查看更多

約左朋友食飯, 佢話睇左雜誌介紹想食俄羅斯菜, 我真係唔知香港有得食喎俄羅斯菜, 我除左知道有羅宋湯外, 唔知仲有咩特別菜式, 於是求其揀左其他小食, 主食睇左餐廳餐紙介紹, 原來呢間係上海派俄羅斯菜先啱, 係以前上海人跟俄國廚師學煮俄國菜, 根據中國人口味而改良, 所以應該好啱我地香港人食除左了解下餐廳背景, 仲可以參觀下擺設, 擺左好多俄羅斯子母娃娃一場黎到, 當然一定要點上海派招牌羅宋湯湯頭色澤偏深, 用料足, 蕃茄, 紅菜頭, 薯仔, 蔬菜淆成, 未飲過咁多料既羅宋湯入口蕃茄味濃郁, 比平常港式羅宋湯偏甜少少傳統迷你蝦多士包含鮮蝦膠同蔬菜,乾身脆口, 咬落脆卜卜, 就算凍左都仲係脆羅勒香草醬帶子炒意粉, 帶子表面煎香, 味道鮮甜, 帶子中間軟心意粉軟硬適中, 口感有咬口, 香草味偏重, 意粉都綠綠地色,  整體唔錯黎到最後一個主菜, 我地原本諗緊會唔會唔夠食, 但呢個香煎黑毛豬配蘋果汁原來都幾大份黑毛豬, 肉質軟腍好易切, 啱啱好全熟, 內裡顏色粉嫩均勻, 入口充滿肉汁蘋果汁係用新鮮蘋果調配, 味道好似蘋果批咁, 將黑毛豬蘸上蘋果汁, 除左可以提升甜味, 而且去油膩感配菜除左香口薯角, 仲有好多蔬菜係香港都食到主打俄羅斯既西餐, 幾有新意…查看更多

海派俄羅斯菜由50年代傳入香港，呢款上海式嘅俄國菜起源係1917年俄國十月革命嘅時候，大批貴族帶埋廚師逃難到上海，係上海好多人跟呢D俄國廚師學廚俄國菜，再根據中國人口味改良而成的。位於銅鑼灣呢間麥田廚房主打呢款海派俄羅斯菜，正值俄羅斯世界盃今日冇賽事唔駛趕返屋企睇波，今日一放工就同老婆過黎食一食俄羅斯菜，感受一下俄羅斯風味。由於唔駛OT，我地6點半已經到餐廳，當時客人仍未係好多，不過7點後就開始多人。餐廳裝修設計非常富有俄羅斯感覺，除左因為店內的俄羅斯壁畫之外，大大小小的俄羅斯娃娃亦令餐廳更有呢個異國風情，除此之外，餐紙上的俄羅斯公仔圖案都非常可愛。上海派招牌羅宋湯 $58店主父親葉葆仁係香港數一數二嘅海派俄國菜大師傅，呢款招牌海派羅宋湯製作得更精良，係店主兩父子遊歷俄羅斯之後，以傳統海派羅宋湯集合俄羅斯鄉村配方研製以成的，用料非常多，每天先把牛骨、牛腩連同多款材料熬煮15個鐘頭，隔骨隔油之後，再加入10種蔬菜煲成後隔日先賣，令到個湯更入味，羅宋湯入面加入左紅菜頭，額外多左一份香甜，口感綿厚，味道超濃郁。👍俄式薄餅 $158呢款薄餅上面加了酸忌廉同空運到港嘅魚子，薄餅口感同我地食開嘅pancake相似，魚子咸香脆口，加上酸忌廉，味道層次豐富，伴碟嘅酸菜非常醒胃，味道唔錯。😋香煎黑毛豬配蘋果汁 $228黑毛豬係老婆最愛，呢個西班牙黑毛豬肉質軟腍彈牙，無添加其他調味只係黑毛豬本身嘅肉香已經好惹味，再加上師傅自家製嘅蘋果醬，超美味。流心芝士牛肉漢堡 $108手打牛肉漢堡好厚身，口感鬆軟肉味濃郁，流心芝士藏係漢堡中間，芝士味濃而不膩，漢堡大大件，兩個人share都好滿足。埋單時發現原來餐廳舉辦緊世界盃冠軍競猜遊戲，估中有機會得到$500美食餐劵，咁著數當然要參加啦。…查看更多

生日當然要慶祝下，一早已經睇中左呢間海派俄羅斯菜，其實係俄羅斯貴族以前流落上海，所以融入左上海風味。入去就見到好多酒放哂係度，絕對岩哂你食住飲番杯，仲有好多唔同既俄羅斯公仔，由細至大都有收藏好豐富。店舖環境好闊落，台同台唔會迫到好埋可以好好咁享受一餐，酒吧位都畫左唔少俄羅斯既壁畫同埋有經文寫左係牆上面。餐紙有男有女既俄羅斯公仔好可愛，仲有好詳細咁介紹左上海派既俄羅斯菜點樣黎，等大家除左食之外都可以深入認識下飲食文化。必定要試《上海派招牌羅宋湯》($48)，先炒香左蕃茄醬，飲落有蕃茄醬甜味，加入捲心菜同入味牛肉粒，酸中帶甜又帶少少辣味。小食要左《傳統迷你蝦多士》($68)，炸得勁香脆，中間用上蝦膠同菜撈埋炸，不過略微少左啲，包太過厚身，點沙律醬好食。主菜有《扒大蝦茄汁炒意粉》($128)，大蝦已經開邊好方便，仲啖啖肉，意粉好有細個去西餐廳食茄汁意粉風味。俄菜特色《基輔炸雞卷》($160)，一切開熱辣辣標哂煙，入面香草牛油流哂出黎，表面超脆，入面係嫩滑手剁雞肉，薯蓉撈埋牛油又滑又香。店員好貼心咁將之前偷偷預訂既《朱古力班尼朗蛋糕》($58)插埋蠟蠋送上，Brownie朱古力味好濃，加上凍冰冰雪糕一流。店名：麥田廚房地址：銅鑼灣邊寧頓街13-15號2樓餐牌:…查看更多