驚安燒肉商店

营业中

休息中

大癲！牛舌$8一碟！"驚安燒肉商店"已經食過幾次, 今次見到佢新出個大癲嘅優惠 $8 一碟牛舌! 身為燒牛舌控嘅我地又再次被吸引黎食🤩🤩先講佢重點➡️"牛舌"，真係$8一碟，認真數過有成18塊左右，雖然係薄切但都燒完都好彈牙有咬口👍🏻 唔係薄到食左陣風咁，建議大家燒前要用油脂搽厚D去燒，咁就完全唔會黏底，頭幾塊搽得唔夠多好易黏底~不過留意返係max限制每人點一碟，都勁抵啦，應該係全港最平!🤣🤣另外點咗➡️"上・九宮格"，有9款肉: 一口牛、和牛三角腩、韓式護心肉、厚切牛舌芯、和牛三角腩、和牛五花、和牛牛頸脊、栗子豬五花、鮮雞爽肉、活白鱔，可以一次過試晒唔同部位!😋最出色係➡️"和牛五花"，係腹部部位，肉質較為細嫩，入口即化!➡️"和牛三角腩"，脂肪分佈平均，入口好juicy，味道超香!➡️"韓式護心肉"係牛嘅「心臟周圍肉」，即係橫膈膜部位，因為有脂肪與肉筋交織，入口好有層次!➡️”和牛牛頸脊”油花幼細，肉質結實有嚼勁，呢個部位油脂含量較高，無筋，燒完增添肉嘅風味！最估唔到連➡️"活白鱔"都好好食! 肉質彈牙，燒後味道鮮味更出!👍🏻而➡️"和牛壽喜燒"專人即場喺面前製作，和牛燒至6-7成熟，蘸埋黑松露生

去咗尖沙咀行街想揾間燒肉，揾到呢間見佢主打和牛九宮格同原條手切牛舌，仲有打卡一流嘅紫菜月見飯＋壽司級和牛火炙，重點係新店限定Sapporo生啤買一送一，決定試吓佢！⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 1️⃣ 上・九宮格 ($388)一盤有齊九款和牛，款款肉味都唔同，每件都切得剛剛好，唔會太薄又唔會太厚，燒完鎖晒肉汁落肉入面！有我超愛嘅和牛三筋捲成玫瑰花形，一上枱已經心心眼；一口和牛細細粒但超爆炸💥！燒完表面微焦，咬落去啖啖油香＋肉汁爆開！和牛三角腩油花分布靚到好似雪花，燒香啲已經香到流晒口水；厚切牛舌芯口感彈牙，配埋檸檬汁一齊食，好爽口！2️⃣ 原條手切牛舌（半條）($115)呢個係我今日No.1必食推介！成條手切牛舌厚薄勻稱，睇住佢火爐上烤到微焦，啖啖牛香撲鼻！口感爽脆得嚟又有肉汁，食完一塊絕對會忍唔住再燒多幾塊。$115可以食到成半條，真係超值！3️⃣ 和牛壽當燒 ($98)現場即燒壽司級牛肉，配上黑松露蛋黃醬汁同白飯，一咬落去肉香爆發！表面燒到微焦，內裡仲keep住生嫩嘅口感，鍾意火炙壽司嘅朋友必試！現場火槍燒製打卡一流，係整個體驗嘅高潮之一

最近工作都好忙，上星期放工同同事一齊去食好野。今次嚟左位於尖沙咀既驚安燒肉商店，係厚福街附近，非常方便。店面闊大，有分卡座同Bar檯。 食物方面，店舖會採用日本岩手黑毛牛同美國牛，質素唔差👍🏻。建議大家叫返一個牛肉九宮格，唔洗逐樣點就可以食到9款牛肉。賣相最靚一定係左上角既三角腩，油脂分佈好均衡，入口軟嫩。左下牛舌芯爽口彈牙。中間既和牛五花，牛味濃郁。右中既一口和牛食落好嫩滑。除左九宮格，我地仲叫左份「蝴蝶切和牛牛頸脊」，係指牛頸上一塊經常活動既肉。柔嫩既牛肉上面佈滿油花，口感肥嫩而且有牛味，燒完仲富有肉汁！除左燒肉，我地叫左兩款主食。炒飯新鮮炒起，米飯粒粒分明又唔油膩，仲有D和牛粒添。和牛拌冷麵係用左青桔仔汁調味，配埋灸燒牛肉一齊食幾清新。咁難得放工一定要傾吓偈啦，我就一定會叫返份炸雞軟骨。外層炸到香脆，落埋調味就幾香口。唔少得叫返杯啤酒。依家佢地Sapporo生啤仲做緊買一送一*。啱晒同朋友一齊嚟chill返杯～～

朋友牛癮發作約我到尖沙咀擦和牛燒肉生日飯，呢間店佢嚟過食覺得水準同性價比可以接受，而且個九宮格有和牛同牛品不同部位，好適合選擇困難症人士如我、唔洗左諗右諗食乜好餐廳職員態度唔錯，見我哋有需要會幫手燒肉外面熱辣辣一坐低點兩杯凍飲降溫先■草莓奶沙冰▪︎新飲品、散熱一流酸酸甜甜好醒神，個樣打到咭■冷泡荔枝烏龍茶(無糖)▪︎朋友唔飲甜嘢呢杯好啱佢，清涼烏龍茶有淡淡荔枝香■上・九宮格・一口和牛・和牛五花・和牛三角腩・厚切牛舌芯・和牛赤身・極點和牛・和牛三筋・韓式護心肉・壺漬牛筋肉～牛嘅唔同部位都有得食、皆大歡喜▪︎個人like牛舌芯愈𡁻愈香、爽脆又柔軟一啲都唔韌▪︎一口和牛、和牛五花油花平均有種入口即化狀態，肉味濃。三角腩則油份較重、滿口油香▪︎和牛赤身因脂肪量低比較有嚼頭、牛味明顯。極點和牛同和牛三筋juicy肉有彈性，食落幾軟熟。護心肉別具咬勁、用韓式辣醬醃過辣甜有致。牛筋肉口感亦軟亦嫩、類似骨膠原果種咬口，個汁令肉味更濃郁■和牛壽喜燒▪︎重頭戲嚟喇！職員會推出餐桌到客人面前，問牛肉生熟度就用火槍把和牛片輕灼兩面，捲起牛肉擺在有點米飯的碗內端上，佐以黑松露蛋漿撈勻食。牛肉質素係重點、入口即化齒頰留牛油香

呢間餐廳主打多款高質又抵食嘅日本和牛、雞肉、豚肉、海鮮燒烤，仲有牛魔王必試嘅九宮格燒牛盛合🇯🇵💗上・九宮格 ($388)九宮格主要分三類：和牛三筋、極黑和牛、一口和牛、和牛赤身肉味較濃，肉質緊致有咬口；和牛三角腩、和牛五花油花豐富，肉質軟嫩細膩；壺漬牛肋肉、韓式護心肉預先醃製入味，多咗一份醬汁嘅香味；個人最鍾意厚切牛舌芯，食落肥美爽嫩🥩💗柚子漬雞肉山($28/ 半份) 雞腿肉用柚子漬醃製入味，無骨大舊啖啖肉，多咗一份清新嘅柚子香冇咁膩🍊💗和牛壽喜燒 ($98)店員即席火炙和牛至三成熟，再沾上黑松露壽喜燒蛋汁，入口細緻軟嫩，配一口珍珠飯食，帶陣陣松露香🥚💗紫菜月見飯 ($28)日本珍珠米飯連同大量紫菜、日本生蛋黃、特製燒肉汁撈埋一齊食，食落醬油甜味好好餸飯🍚💗葱香月見飯($28)以珍珠米飯為基底，搭配微微辛口嘅小蔥同生洋蔥，再加埋生蛋黃，食落好重黑椒味🎍💗驚安水果茶 ($38)大大杯清爽水果茶加咗好多熱情果，酸酸地好解膩🍹💗焦糖菠蘿乳酸 ($38)菠蘿同乳酸嘅微酸互相配合，配上一串焦糖菠蘿，好開胃清新🍍