牛禪燒肉日本料理

一班好耐冇見嘅朋友，難得齊人約出嚟，大家話想食好啲，大部份收工都係港島區就約就腳嘅銅鑼灣世貿嘅牛襌燒肉日本料理。由於未齊人，叫咗少少前菜等齊人先，包括三點前菜、蟹籽沙律、茄子沙律、七味魚翅。茄子沙律：茄子沙律有少少泰式嘅口味，開胃又醒胃！七味魚翅：岩岩烤完熱騰騰食又香又脆，建議呢個要即時食，過得太耐凍左原來會變硬硬地，味道爭好遠！碟上仲有個沙律醬，不過我覺得唔好點仲好食！呢味送清酒真係一流。順道介紹埋的飲呢杯飲品，食燒肉最好就係飲清酒，但我地有人揸車今日唔方便飲酒，試咗佢呢度嘅其他飲品，呢杯荔枝同埋火龍果飲品可以幫我下下火😌 荔枝味小清新，又唔太甜，岩岩好。北海道海膽壽司：海膽色澤好鮮食落幾好又新鮮，連個紫菜都係脆卜卜。雖然呢度係燒牛肉專門店，不過同朋友一致認為呢度既刺身係出色既！叫左五品刺身，有深海池魚、刺身帶子 、磯煮鮑魚、原條赤鯥、三文魚腩刺身。磯煮鮑魚：真係好新鮮，個人推介磯煮大鮑魚，食過返唔到轉頭，鮑魚味真係好香好濃。原條赤鯥：好食到不得了，師傅特登係魚表面用火槍燒左，令魚的新鮮油脂同香氣迫出黎，魚油豐富又夠鮮味三文魚腩刺身：好肥好厚，食落去入口即溶，新鮮。點左極上和牛盛宴，原來食牛要跟先後次序，咩都要由淡到濃慢慢食，先至唔會掩蓋和牛嘅香氣同原味。唔同部位又唔同既fans，而我就最愛牛肩隻同埋牛小排，，夠肥同時又彈牙，入口即溶嘅口感，值得一試。呢個時候朋友叫碗白米飯，油脂分布平均的日本和牛加上熱辣辣嘅日本米，中和油膩感，個人食法點少少鹽最好食，食落一刻覺得滿足了。鮮鱈場蟹腳 ，特選豬肩肉，好味又香，不過因為個爐燒完充滿牛既油，火勢好慢，一個不留神控制唔好就將蟹腳燒耐咗🥺好可惜。大魚大肉之後食返啲蔬菜，牛油露筍炒野菌 - $88，呢碟好香，唔油唔膩。最後食返個香芒椰汁糯米飯，令我呢一個老朋友聚舊嘅開心晚上有最完美嘅句號。大家食到好飽，正到無嘢好講，最後就梗係講錢啦，我就真係好少食得咁豪，不過咁高貴既食材呢個價錢真係差唔多啦，唔梗要既，耐唔耐先一次，最梗要值！…查看更多

我們好友一行8人，難得齊人！ 我跟他們走到銅鑼灣世貿的樓上日式餐廳 <牛禪燒肉日本料理> 晚餐！ 其實，我都是第一次咋！這裡地方闊落舒適，我們 8 人自成一角，暢所欲言！ (當晚有人飲醉酒！) Haha~!三點前菜 $30甜美的魚乾配上合桃。微辣惹味的海蜇絲，口感帶嚼勁！酸辣爽脆的新鮮蒜頭！芒果青瓜蟹籽沙律 $98清爽又清新開胃，加上甜美的芒果及酸甜多汁的車厘茄，賣相及口味上的確生色不少！味醂魚乾 $98味醂魚乾入口較為軟身，甜美又帶鹹，蘸上沙律醬別有一番風味呢！令人忍不住一條接一條！鵝肝多士 $78/ 2 件鵝肝入口軟滑甘香豐腴，與香脆的多士同食，上軟下脆的雙重口感呢！海膽壽司 $168/ 2 件 海膽色澤鮮明新鮮！入口鮮美又鮮甜，一點也不腥，壽司飯暖暖的，然而，新鮮即製，薄如紙的紫菜口感清脆，不論口感抑或味道，整體很不錯！近江和牛刺身 $880 (需提早預訂) 人手切，厚度均勻，可見師傅刀功一流！店方供應極上和牛盛宴  $1,580 及近江和牛盛宴 $1,980，我們嚐了後者！近江和牛盛宴 $1,980 以牛形膠托盤盛載！ 陣容豐盛！燒30秒就上桌嘞！由淡味到濃味品嚐1）極上牛舌：爽口2）近江牛臀肉：簡單蘸上幼鹽，提升牛肉鮮美度，多肉汁，肉質柔軟！3）近江牛腿上肉：多肉汁，肉質柔軟！4）近江牛冧腿肉：雖然細件，勝在肉厚！肉質相對挺身一點！5）近江牛肩：富有肉汁，蘸上辣茄汁很匹配！6）近江牛頸脊：肉質軟嫩！7）近江牛小排：油脂豐富！肉質帶有嚼勁！8)   近江A5西冷：肉質鮮美香口！9）近江A5肉眼：脂肪最勁，肉質軟嫩！燒起後油而不膩！可蘸上3種不同口味的醬汁！ 令整體口味不單調！配上白飯可吸收油份及肉汁，食完可減膩！恰到好處！炸蝦天婦羅 $128即叫即炸，炸漿夠薄而香脆！蝦好爽口，水準之作！叫任何套餐或和牛盛宴+$100/ 位，飲指定清酒放題 (90分鐘時限)…查看更多

四月第一個星期四晚上，天氣有點熱。今天晚上有幸跟一群愛吃也很懂吃的朋友吃飯，這餐廳要訂位不容易，居然給他們訂到位子，懷著興奮的心情入座。星期一到四有日本清酒放題，才加100塊我們第一時間先來一瓶。清酒瓶裡面有放冰塊，藍色漸層，從外面看就像一座雪山藏在裡面，太吸睛了。先到的是三點前菜，有香口的烤魷魚配核桃，清新的海蜇，還有重口的醃漬大蒜，特別的是大蒜，一點不會吃到滿口蒜味，吃完後喝口清酒出奇的搭。小吃有日本青蘋果蟹籽沙律，青蘋果口感清新，蟹籽鋪滿表面形成小山，拌勻後青蘋果微酸跟蟹籽的微咸形成爽口開胃的口感。再有明太子玉子燒柔滑的玉子配上明太子，咸度適中，香而不膩，而且厚厚一塊口感足。前菜過後就是盛宴的開始，一道五品刺身讓大家都不約而同高舉手機有磯煮鮑魚，肥美厚切的三文魚腩刺身，爽口鮮活赤貝，油香四溢的拖羅還有最吸引眼球的一板北海道海膽，海膽清甜鮮美，真想多來幾份。來到萬眾期待的環節，我們點了一板半的極上近江和牛盛宴，近江牛跟神戶牛，松阪牛並列日本三大和牛，而且是日本歷史最久的肉用牛，高質程度無庸置疑。店家非常細心，牛盛宴上桌時會附上一張介紹，清楚列明各個部位，而且更有指示客人食用的順序，讓客人能充分享受到和牛的美味。在一塊牛只模型上放上相應的牛肉片，更加清楚知道在吃哪個部位，從淡到濃的順序為牛舌，尾龍扒，牛臀肉，腿上肉，外胸腹，牛肩，牛頸脊，小排跟肉眼我們按照建議吃法，果然每吃一口都是一個層次，到最後的小排跟肉眼更是入口即化，油香爆滿，而且牛味濃郁，終於明白什麼是極品了。高潮過後，來個香芒椰汁糯米飯作甜點，糯米煮得夠熱軟糯且份量適中，芒果解膩，日本盛宴以泰國柔韌作結，實是相配。…查看更多

第二次黎呢度lu, 通常encore得既餐廳, 都係正先會翻兜同介紹比朋友今次就同埋d"牛魔王"朋友黎呢度試下佢地既極上和牛宴而自己今次既胃口比上次好, 因為上次飲完珍奶才來, 飽飽地, 都食唔到d乜起朋友未到齊之前, 大家話不如order sake 放題~sake 放題係要全檯人都點的, 問過大家後覺得ok, 因為每人都係加$100, 任飲指定既sake係咪超抵先?!不過有少少限制, 就係要點任何套餐或任何牛盛宴的!來到牛禪, 就緊係唔會錯過要點牛來吃呢度嘅特色係可以食到牛嘅唔同部位!!!好~唔理遲到既朋友, 一於叫呢個近江和牛盛宴套餐未上食物前, 餐廳會提供前菜3點, 是收費的左起: 合桃, 辣蒜子, 海浙sake來啦, 嘩...原來都幾大杯, 就係平時起酒吧飲嘅酒杯咁大仲會比定一壺冰凍的sake讓大家refill雖然唔係經常飲日本清酒, 但呢隻入口都唔會太難飲朋友未到, 就緊係點住小食送酒先啦~燒雞泡魚乾超好味呀!暖軟的魚乾, 唔會痴牙, 加上甜甜的味道, 好想多吃, 但又想留肚, 很掙扎呢另一款超好味的小吃: 一口芝士相信十個人, 九個都鐘意食芝士, 呢個小3角, 勁邪惡咬開後...d芝士好似想流出黎咁, 超正朋友黎啦, 我地個五品刺身都上菜啦包括: 深海池魚（厚切), 帶子刺身, 三文魚腩刺身, 秋刀魚(兩食) (需2天前致電查詢並預訂) 及 活赤貝 (也需要提前2天致電查詢並預訂)唔食都睇得嘅賣相, 你話想點先?! 本身唔太好刺身嘅, 每樣都食咗一片, 勁肥美呀! 帶子同池魚超正識食嘅朋友預早order定秋刀魚, 因為係呢個季節嘅特產, 所以必定是新鮮平時多數食熟既秋刀魚, 極少食刺生, 加上有魚皮, 望落以為會好腥, 原來新鮮的是不會勁腥, 少少的是有, 話哂都係"魚"嘛我怕味的都食得到, 而且佢都好肥美添而第二食就是作壽司, 都不特止, 面頭仲要加點海膽, 你話死未?!覺得自己今晚食嘅都非常過份不過人生流流長, 雖然唔係富貴人家, 但間中食下d優質美食, 都係對自己一生有個交代啫!其實有件壽司落肚都唔錯, 因為今晚無乜澱粉質落肚, 可能很快又餓然後到近江和牛盛宴, 本身一板是給4人份量, 因為我地5人, 所以再加多半板, 即6人份量原來是可以半板加嘅添呢板牛肉分佈好易明, 再加上每個部位都有旗仔說明其實餐廳會提供3款醬汁, 但我都無乜用到, 因為靚牛, 其實蘸鹽巴是最正的!可能我地燒到很"呢hea", 所以高級員工立即過來幫忙燒焦就浪費了!大約燒到有血水滲出就可以反轉, 咁又見到有格仔紋, 超靚唔知應該從邊個部位食起?! 唔使擔心, 呢度有貓紙架由無咁多脂肪既部位先開始食, 其實去到肩肉都已經好好食啦, 媽咪其實起不知何時, 有人點了白飯, 原來這是建議食法, 因為就咁食帶脂肪的燒牛, 真的, 多吃幾件, 就覺得很膩口, 但配上白飯, 感覺完全不同下次大家要記住啦!有白飯送, 真係無咁漏, 沒騙你!!! (只是吃得太興喜, 忘了影埋白飯, XD)薄薄的牛肉片, 入口油香味濃, 全部也沒有一點根, 很淋身, 超好味!食完d肉類, 都想食返d菜去平衡返嘅, 我地點咗幾款蔬菜話你知: 原來燒蔬菜都係放起爐嘅傍邊就可以架啦你睇下, 燒得幾靚仔! 雖然呢一餐唔叫平, 但真係貴得有道理!…查看更多

我Shokuyoku不嬲都係肉肉控，所以上個星期舊同學聚會提議食燒肉，平時逃避唔出現的我都立即浮面，而且餐廳都幾有水準，等我分享一下。呢間位於銅鑼灣世貿的餐廳主打食燒肉和牛，估計各位食家其實都食唔少，不過我有興趣係因為未試過近江牛 - 位於滋賀縣的黑毛和牛，肉質和霜降比較同神戶牛、松阪牛睇齊，加上餐廳提供的套餐係一次過食到九個不同部位，每個部位的口感、肉味、油脂都係唔一樣，比較少機會見到。除了牛，餐廳仲有好多菜色。而聚會遲到是常識吧，所以我一於....食住等！有蒜頭、海蜇、合桃魚干。醃料的味道剛好以微辣、微酸、微甜配合，幫助味蕾熱身。玉子燒得厚身而軟滑多汁，辛子明太子味道香濃又夠多，成日食都唔會厭之水準佳作。吉列和天婦羅用的粉不一樣，相對地較油膩但香脆，驚喜的係豬排肉好似慢煮了一樣軟熟而有肉汁，不似一般快餐吉列豬又乾又嚡。飲品方面，估唔到呢間日式餐廳都幾多花款，我就點了藍蝶夢，係蝶豆花加乳酸疏打，又靚又解渴。日本響螺&帆立貝：平時我就唔食螺，唯獨是日式刺身我就喜歡，夠爽口又鮮甜冇泥味。帆立貝就夠厚肉，鮮味特別濃，正貨。磯煮日本鮑魚：我問店長，個鮑魚點解咁貴，食咗會飛？==^ 佢就話呢個品種的肉質特別好，容易吸收煮汁但唔會太韌。果然，鮮味到大家搶住咁食！深海池魚&三文魚腩：呢個時候師傅經過，話今日魚生非常靚同新鮮，面上有一層薄薄的銀色，原來唔係皮，係油脂! 亦証明師傅刀功十分了得。池魚肉厚結實，魚鮮味重、三文魚腩軟滑，魚油香味留在口中滾動的感覺，真係好幸福。戲肉來了！店員揣來了一隻牛狀的板，九個部位一覽無遺。一板四人份量，一人一片唔使爭。餐廳提供的近江牛屬於A5級別，師傅仲有敎路燒肉要用大火，用最短時間鎖住肉汁，見到血汁開始浮面先反轉，唔好反來反去，否則會容易過熟。和牛本身肉味和油脂都非常豐富，唔需要落調味料，最多用少許海鹽已經足夠，而落鹽正確方法是落在碟邊，食的時候輕輕點一下就可以。每個部位燒的次序餐廳都有提示，由淡味至濃味、油花較少至多。每個部位都可以額外再單點，視乎個人口味，而我最喜歡的係牛臀肉同牛腿上肉，肉味濃厚得來油脂比例適中，不過呢個係稀少部位，想額外單點都不能!燒到後半，肉的油花開始多，所以餐廳建議大家點一個白飯分，加上燒一些野菜(放在爐的旁邊燒)，可以減輕肥膩的感覺，近江牛果然名不虛傳，每一塊入口都齒頰留香，下次要叫一板獨吞。最後循例叫一個甜品雪糕，我喜歡試特別的味道，海鹽味，鹹鹹地跟雪糕的甜味和牛奶味又幾夾幾有層次。呢餐係貴啲，不過真係好滿足。…查看更多

前排約左班friends食極上和牛盛宴, 呢間野雖然貴但真係好食喎, 平日唔算多人, 我地有BOOK位所以好快就有位坐. 黎得呢間野度食梗係要食佢既極上和牛盛宴, 服務幾好喎....唔使自己燒有人幫我地燒埋, 真係肉來張口,  另配白飯真係正到呢... 當然只食牛就梗係唔夠喉, 我地都仲叫左刺身好新鮮, 吉列生蠔同炸蝦天婦羅都好食, 三點前菜同味醂魚乾估唔到都有驚喜, 食完都真係日日都會掛住個種味道. 唔知幾時再可以去食過呢.....…查看更多

從歐洲回來後，朋友邀請去吃一頓大餐，算一算差不多兩個多月沒見的我們，自然是要破費一點，選擇一間我們平時都不捨得吃、可是又很想很想吃的餐廳啦。牛禪燒肉日本料理，上次吃好像也快1年了，還記得那次吃完後大家都滿足到不得了，每個人都說一定要回來再吃，不過看到錢包大出血的狀況，就默默沒有再約XD 很少來牛禪的原因是因為價位比較高，特別是我們每次都會抱著「不知道要等多久才來」的心態，總是會點一些比較特別的牛肉，雖然真的是有點貴，小資女要存一下下錢才能來，但這裡的食物絕對絕對絕對是超值啦！三點前菜 - $30前菜份量不多，但勝在每一款的味道都不錯，包括醃蒜頭、海蜤及小魚乾，個人推薦入口帶點爽脆的醃蒜頭，不會有辛辣味。味醂魚乾 - $98烤過的雞泡魚乾，聞起來很香，吃下去的時候軟中帶有嚼勁，是非常適合配酒的下酒小吃，吃的時候如果沾一點點沙律醬，更可以帶出酸酸甜甜的味道。A5近江和牛海膽丼 - $780賣相非常精緻的A5近江和牛海膽丼，裡面有飛驒牛刺身、海膽、三文魚子、紫菜和白飯，光是看到有如雪花般的近江和牛脂肪紋，就已經令人心動不已。飛驒牛刺身比想像中淡味，但可能是因為油脂的關係，口感非常滑溜，吃完刺身後記得要試試搭配其他配料同吃，像我自己就喜歡在紫菜放上白飯，加幾顆飽滿的三文魚籽，一小片鮮味海膽，最後放上一片鮮嫩的飛驒牛刺身，一入吃下就有不同的口感及味道層次，非常滿足。A5飛騨玫瑰 - $1680又是一個以賣相就先令人忍不住驚嘆的菜式，不同部位的飛騨牛肉擺放得像玫瑰花一樣，一朵朵嬌艷欲滴的鮮花在木架上盛放，全桌朋友都馬上拿出手機瘋狂拍照。來自日本岐阜縣的A5飛騨玫瑰，包括飛騨牛脛脊、飛騨A5肉眼、飛騨牛小排及飛騨A5西冷，每一片都油脂分佈均勻，大概兩面燒一下就可以食用，入口滑而不膩，未至於入口即化的狀態，但也是相當嫩滑。大蝦  - $252 及 九州西冷 - $260/100g有如手掌般巨型的大蝦，不只是呎吋令人驚豔，就連口感和味道也實在不得了，肉質爽口彈牙不在話下，味道非常鮮甜，烤完之後仍帶有一點點肉汁，每人一隻真的差點不夠吃，很想再多點一盤。九州西冷和剛才的飛騨牛不同，看起來牛肉切得比較厚，所以入口會更有嚼勁。佈滿雪花紋的九州西冷在網上慢慢烤熟，油脂也跟著熱力流出，令西冷的表面有一層誘人的光澤，如果怕太油膩的朋友，可以多點一碗白飯同吃，白飯吸收九州西冷的油脂香味，非常好吃。…查看更多

放工同朋友仔聚一聚，大家都想食日本野。就揀了世貿這間牛禪試吓。裝修環境都好舒服，員工的服務態度仲好好 ^^Menu實在太吸引喇，好多野都想叫嚟食。最終點左以下的，哈哈。※ 三點前菜 - 小小的餐前菜，有魚仔合桃，海蜇，蒜頭。- 冇錯係 '蒜頭'， 食落去口感很特別，沒有蒜頭味，但不錯。※ 明太子玉子燒 - 熱辣辣的，明太子不算濃。蛋香滑而不膩。※ 一口芝士 - 芝士很香濃，好好味吖。 芝士迷一定要叫嚟試吓 ※ 日本青蘋果蟹籽沙律 - 好清新的沙律。青蘋果好清甜，不酸，好好食吖~※ 五品刺身 (響螺, 三文魚腩, 牡丹蝦, 深海池魚, 銀線魚)- 刺身很新鮮，超正吖! 響螺爽脆，三文魚腩肥美，牡丹蝦大隻美味。至愛是蝦頭，鮮甜＋有糕的。 池魚，銀線魚都好好食。※ 極上和牛盛宴 (牛舌，尾龍扒，牛臀肉，牛腿上肉，牛外胸腹，牛肩，牛頸脊，小排，肉眼)- 分牛的9個不同部位，由淡到濃，慢慢一個個層次去品嚐。每一個位置帶來的都是不同的口感＋味道。第一次這樣食，真係好好味，好正＋超值吖!食到中間，牛味已經慢慢濃郁，肥美。好彩叫了碗白飯，中和番，減輕油膩的感覺。※ 什菜盤 - 有菇，南瓜，大蔥。食材新鮮。※ 牛油露筍炒野菌 - 外表是平平無奇的，但味道剛剛好，好味到停唔到口。菇味香濃。值得推介!※ 吉列豚肉 - 香脆好味，多肉汁。炸得不油膩。※ 什錦天婦羅 - 有菇，蝦，秋葵，南瓜，蕃薯。- 全部都新鮮，美味 ※ 雪糕 (海鹽，榴槤，抹茶，芝麻...)- 揀了芝麻味，超級香濃吖。好似食緊雷沙湯圓咁，好好味~正吖!※ 藍蝶綺蘿 (飲品)- 菠蘿味清新, 解渴。不甜不酸， 好飲。※ Sake放題- 加$100，任飲指定Sake。啱晒我地傾計啦，仲要裝到滿瀉的，喻意幸福滿瀉吖^^ …查看更多

上星期同朋友慶生, 天氣又凍但已經打厭左邊爐, 就諗不如食燒肉! 之前已經有朋友介紹過呢間, 不過未有機會試, 今次終於可以一嘗預早Book左檯, 所以不用等位坐低見到呢個牛部位既menu已經覺得好吸引!! 對於我呢個對牛情有獨鐘既人真係大飽口福! 而飲品亦有好多選擇! 竟然連龍眼冰都有, 不過我點左巨峰提子梳打! 不錯, 因不是太甜!接著開始我地點既第1道菜 - 三點前菜本身以為冇乜特別, 點知有驚喜! 呢個蒜頭好好食!! 又唔會太重蒜頭味, 非常特別跟住就係味醂魚乾, 經常去日本既朋友都有買呢個做手信俾我, 好好食! 非常開胃的一道菜茄子沙律, 呢個就沒有太特別, 都是普通沙律, 不過茄子份量都好多而呢個係我其中一個很喜歡的小食, 洋蔥墨魚咀, 很爽口, 加埋d 炸蒜好似避風塘咁, 辣辣地, 好好味呢杯house sake放入呢個木杯仔上, 好得意, 朋友嗌左, 因為我地叫既係極上和牛package, 好似加$100 任飲!!!跟住再黎五品刺身, 包括響螺,三文魚腩 ,牡丹蝦 , 深海池魚 , 銀線魚, 刺身真係好新鮮, 同厚切終於到重頭戲, 極上和牛盛宴（1.5板） , 因為我地有6個人, 而佢本身既set只係4個人, 所以就會1.5板, 盤上亦有插住牛每個部位既牌, 等你知道你食緊既係咩部位! 而且係由職員去幫我地燒, 不用自己落手落腳去燒, 其實都會怕咁靚既牛俾我地自己燒....如果燒焦左就晒左啦! 服務一流, 每食一個部位都會先介紹一下, 等你知道邊個部位你鐘意, 同埋佢亦會建議你食咩點咩調味醬!! 非常搭配。好, 由牛舌開始食先, 再食到內面, 最後係A5肉眼。而我最鐘意既部位就係牛小排同和牛A5肉眼, 雪花分佈都好平均, 好有牛味, 配上一碗飯令整個感覺唔會太油膩。真係好好食!!食左咁多肉類, 蔬菜當然唔少得, 日本番薯,日本長茄子, 粟米, 翠肉瓜。粟米同翠肉瓜都好juicy!! 呢個吉列生蠔真係好抵食, $68有6隻, 仲要隻隻都好大粒! 同埋好多汁食左咁多牛肉, 再食個日式炒野菜, 感覺好似balance返呢個炸蝦天婦羅既蝦係好大隻, 仲有秋葵, 連平時少食天婦羅既我都忍不住口! 到最後一味甜品, 我地揀海鹽雪糕因為佢個樣好靚, 而食落味道都好唔錯! 唔甜, 都重海鹽味, 而且顏色真係好靚朋友都好滿意呢次生日飯, 下次再有節日慶祝, 我都會再黎, 試下佢出名的飛驒牛…查看更多

上星期約埋一班朋友一齊食好西, 個個出哂雙糧花紅去食豪少少慶祝下, 加上個個都係牛魔王, 而我又好鐘意食日本料理, 呢間餐廳有燒牛又有日本料理, 真係滿足哂咁多人既願望.我地先黎個三點前菜, 雖然細碟左少少, 不過前菜又真係只能淺嚐一下, 呢個前菜最出色既係蒜頭, 完全食唔到蒜頭味, 真係估佢唔到, 我仲怕有陣生蒜味, 但食完我超想問佢地有冇得獨位買走, 真係一食難忘. 回味緊個蒜頭之際, 就上左個味醂魚乾, 魚乾熱熱地食落好咬口同好香口, 呢碟份量多少少唔使爭住食. 跟住再黎個洋蔥墨魚咀同茄子沙律, 又係香口野, 岩哂我呀....!終於等到戲肉啦....登登登登....五品刺身有(響螺, 三文魚腩, 牡丹蝦, 深海池魚, 銀線魚), 未食已經流口水, 忍唔住快快開動, 款款刺身都好鮮甜, 如果個蝦頭可以拎去做埋天婦羅就好啦, 因為我發覺大家都唔太識食蝦頭, 如果可以天婦羅蝦頭就更啦! 我地食完個刺身, 就到重點極上和牛盛宴出場, 真係期待已久, 成盤牛放係我面前, 好清晰知道自己食緊邊個部位既牛肉, 當前梗係相機食先, 睇到D肉質同色水就知係好野, 店務員仲幫我地燒埋, 真係好....起碼唔怕大家燒得太熟, 建議配埋白飯, 一啖牛一啖飯...冇得輸.我想講如果你係食物黑洞的話呢盤牛真係會唔夠食, 不過食完牛我地都仲有燒埋其他蔬菜(日本番薯, 日本長茄子, 粟米, 翠肉瓜), 仲有食埋日式炒野菜, 炸蝦天婦羅, 吉列生蠔(我另一個至愛吉列生蠔...yummy), 咁樣個肚先真正滿足呀!飯後甜品....海鹽雪糕...比佢 tiffany blue 既外表吸引住.…查看更多

最近朋友介紹,所以今次去左一間食和牛專門店巨峰提子梳打$45一坐低 叫左杯巨峰提子梳打, 自己比較喜歡巨峰提子 偏甜一點三點前菜 - $30經理上左個前菜, 最特別係個蒜頭, 吃落去無大蒜味 很特別味醂魚乾 - $98香口小食 , 都好鬆化茄子沙律 - $78茄子沙律外觀好精美, 茄子就細切到好似面包粒 , 口感好特別小弟自己準備開餐啦洋蔥墨魚咀 - $88自己都幾鐘意食墨魚咀,因為彈牙, 好有口感...    有點辣特別推介! 最近有一個清酒放題, 加100蚊就可以無限任飲...都幾醇, 自己飲左四五杯都有點醉但係開心五品刺身響螺 - $298;三文魚腩 - $118;牡丹蝦 - $78/隻;深海池魚 - $188;銀線魚 - $188正餐上場 叫左個刺身拼盤, 正, 好似去左日本食一樣, 特別推介銀線魚 好肥美,肉質好厚日本番薯 - $50;日本長茄子 - $48;粟米 - $28;翠肉瓜 - $28叫左個野菜拼盤, 清一清個味覺極上和牛盛宴（1.5板） - $2220再食一個重量級和牛, 熟悉的牛模型 加上每個牛的部位的頂級和牛..... 入口即溶...之後經理介紹推介吃法由淡食到濃味........依個係佢店入面推荐食法!!!海鹽雪糕 - $30最後一個海鹽雪糕, 又咸又甜.....滿足的離開…查看更多

上個月同朋友食隔離間18巷，覺得食物質素相當唔錯。當晚見隔離同屬同一個老闆嘅餐廳牛禪有飛騨牛食，即晚已講定一齊再相約去食。聖誕節梗係乘機出黎慶祝食大餐啦~三點前菜 - $30三款中最愛漬物蒜頭~ 蒜頭粒食都真係未試過，又估唔到咁好食。漬物蒜頭完全無蒜頭嘅辛辣味，而且好爽脆。味醂魚乾 - $98即係雞泡即烘即食。魚乾上味醂甜甜地，魚乾煙煙韌韌，仲可以點沙律醬一齊食。同朋友吹水嘅最佳小食。炸雞軟骨 - $38另一吹水嘅最佳小食，熱辣辣炸起嘅雞軟骨，香脆得黎唔油膩，而且唔會太咸，一粒接一粒，食唔停口。芒果蟹籽沙律 - $88 沙律配上有好多青爪絲，加埋芒果蟹籽食，好爽脆開胃。A5飛騨玫瑰 - $1680今晚大餐主角出埸，將牛變成一朵朵精緻嘅擺到咁靚，真係未滿足我味蕾就先震撼我視覺。飛騨玫瑰每款都插有旗仔介紹，分別有飛騨牛脛脊、飛騨牛小排、飛騨A5肉眼同飛騨A5西冷。店員細心同我地介紹一下牛，話要由無咁濃味嘅飛騨牛脛脊開始燒。　　　飛騨牛脛脊好薄，唔駛燒太耐就食得，入口牛味濃郁，沾少少岩鹽已好好食飛騨牛小排比飛騨牛脛脊牛味更濃，而且有嚼勁。飛騨A5西冷係油脂最豐富，燒起黎特別香，肉質柔軟细腻，入口即溶。真係超級滿足～栗米同南瓜都好甜。大蝦（3隻）- $252 手板咁大隻嘅大蝦，絕對推介大家食～　唔駛點鹽唔駛加醬料，齋食鮮甜味已經夠，啖啖肉，同埋大蝦爽口到不得之了，正!九州西冷 - $260/100g除左肉汁多，油份亦都十分多。入口後，口腔充滿甘香味。因為油份多，可配上飯一齊食。南瓜天婦羅 - $78 日本南瓜出名好食，用天婦羅方式去食味道更佳。日式炒野菜 - $48 食咗咁多肉，食返啲菜中和下先。野菜味道唔係太濃，配上木魚食都幾夾。…查看更多

幾年前同朋友去完名古屋之後，大家都對飛驒牛念念不忘，今次終於約好朋友一齊喺香港要搵返當年既味道。最後揀咗位於銅鑼灣世貿中心既牛禪。BOOK好枱準時入座，先叫咗少少開胃前菜， 之後再入正題。三點前菜 - $30 – 有三款小前菜，特別推介蒜頭粒，爽口，唔辣，配埋日式醬料，一流。味醂魚乾 - $98 – 又係推介之一，燒過既魚乾，真係會食唔停口架。之後就開始我地既飛驒之旅，先上枱既係飛驒牛刺身，當年我地去名居屋都無食過，估唔到香港有得食。A5近江和牛海膽丼- $780 – 有飛驒牛刺身、海膽、魚子、紫菜和飯。第一啖當然要試飛驒刺身先，就咁食一片，感覺都幾特別，唔算好濃味，但肉質好滑。之後我地就試下包海膽、紫菜同飯一齊食，嘩! 不得了呀，味道好夾，雖然飛驒牛刺身味道較淡，但夾埋一齊食又唔會比其他食材搶晒啲味，效果仲好唔錯添。食完刺身，當然要到今晚既主角出場喇，燒飛驒牛。A5飛騨玫瑰 - $1680 – 一次過可以食晒飛驒牛四種部位，有小排、肉眼、脛脊和西冷，經店員講解要由淡味開始食起，原來佢地已經分好晒次序，咁就方便晒喇~急不及待，燒起即食，入口即溶，不禁同朋友同一時間講咗一句”就係呢個味道”，完全可以食返喺名古屋食過既口感同味道，好感動呀。九州西冷 $260/100g – 我地之後再點多個西冷試下，不過今次叫既係九州西冷，一日內食晒兩款正野，冇得頂呀。西冷部分，油脂比較多，所以最好叫多個白飯夾埋一齊食，白飯會吸收晒西冷既油脂，好好味架。雪糕 - $30 – 有海鹽味同埋榴槤味揀，兩款同樣好味，質地比較硬身，唔怕佢溶可以慢慢食。今晚大滿足，食到飛驒牛，可以令我回味到名古屋旅行既點滴。…查看更多

同老婆大人慶祝結婚三個月，去佢一直好想再去既牛禪啦！三點前菜 - $30上次同太太黎，太太話個蒜頭好好食，今次前菜又有蒜頭，哄得她大叫滿足！味醂魚乾 - $98即河豚/雞泡魚乾，微微加熱了，十分可口！炸雞軟骨 - $38雖然剛剛炸起，熱到會辣親咀，但都忍唔住不停將雞軟骨放到口裡！鹽花平均分佈，香香酥酥的，說罷我又食多一粒。 芒果蟹籽沙律 - $88芒果好甜，配上青瓜絲同蟹籽，開胃～A5近江和牛海膽丼 - $780原來食和牛刺身，餐廳須要辦好多認証。今次我地有幸食到，而且又係第一次食，真係好開心好榮幸！近江牛來自日本滋賀縣，黑毛和種既和牛，同松阪牛、神戶牛齊名並稱為日本三大和牛。職員教我地有幾款食法，你可以將牛直接品賞，亦可沾上雞蛋。也可加飯加海膽～或變成一個丼飯，適隨尊便。第一次食牛刺身，口感冇想像中咁血腥，可接受。牛本身冇調味料，可加少少鹽花，帶出從未試過既口味。A5飛騨玫瑰 - $1680絕對要相機食先的A5飛騨玫瑰！視覺效果震撼，沉睡中味蕾亦突然復活過來。飛騨玫瑰有四個不同部位，分別是飛騨牛脛脊、飛騨A5肉眼、飛騨牛小排同飛騨A5西冷飛驒牛來自日本岐阜縣，係經過14個月既飼養的黑毛和牛。依日本食用肉等級認證協會評級，跟據可食用率分為A級或B級，而肉質等級則分為為5級、4級、3級。脂肪比例、色、紋、香等各方面都達到極高水準，飛驒牛被評價為最高級的牛肉！可留意飛驒牛既脂肪分布，圖案非常美觀。因肉內含有脂肪，肉質的柔軟而肉汁甜美，入口即溶，口感上等。建議點一個白飯，除左可解除油膩感A5飛騨玫瑰 - $1680，而且可清清味蕾，再次享受下一件牛肉的真味！雪糕 - $30不得不推介呢度既甜品，因為眾人都只留意牛，但係甜品呢度一樣做得好！雪糕有兩款：海鹽雪糕同榴槤雪糕。海鹽雪糕色澤特別，女士見到一定會鍾意。由於我愛榴槤，比較之下，用上真榴槤果肉製成既雪糕較留得住我個心～…查看更多

早排有朋友介紹銅鑼灣一間食和牛專門店，星期三放工約左幾個老友走去試試海蜇帶有麻油香，魚仔乾合桃香口得黎帶點甜，蒜頭夠爽脆日本青蘋果蟹籽沙律：青蘋果爽口帶點微酸，加埋新鮮蔬菜同蟹籽，感覺很清新洋蔥墨魚咀：墨魚咀爽口彈牙，非常香口A5近江和牛海膽丼：爆燈好食粉紅色的A5近江和牛，油脂分布平均，擺設整成花形，賣相夠哂美觀，入口即溶夠滑溜，油脂散布口腔，海膽大大塊，味道濃郁夠鮮甜，三文魚籽同樣鮮味爆燈，簡直冇得彈（必食首選）極上和牛盛宴：有齊九款不同部位，燒十零秒就食得各有不同的滋味牛舌：切得唔厚唔薄啱啱好，口感有啲軟身，加少許鹽夠鮮味牛淋腿肉：肉味油脂分布平均牛頸：肉質味道比一般的更濃牛脊：燒起來很香，牛肉味比軟淡牛小排：肉味最濃烈，肉質鮮美帶有筋牛臀肉：肉質柔軟，脂肪比例較少牛上肉：味道較濃夠韌性西冷：感覺充滿肉汁的扒一樣肉眼：充滿油脂肉味飯後甜品：日本雪糕：黑朱古力雪糕（黑色），D24榴連雪糕（微黃色），海鹽雪糕（藍色）最後再加多個 泰式甜品 香芒椰汁糯米飯椰汁夠香滑，紫米、糯米煙煙韌韌，芒果超甜…查看更多