兩三碗車仔麵 (已搬遷)

週末唔想出街食，於是用FoodPanda叫外賣送餐，之前一直想試下呢間車仔麵，好似話唔錯。今次送餐速度快，湯另上令到麵送嚟冇咁淋，唔錯，而且食物麵類選擇繁多，感覺新鮮唔會悶！三餸麵$62- 我選擇芝士粟米餃、瑞士雞中翼、豬軟骨、粉絲走蔥，香辣咖喱汁。咖喱汁辣度有勁，刺激！粉絲爽口彈牙，係我嘅最愛啊！芝士粟米餃被咖喱汁蓋過了味道，食唔出芝士味道，有啲可惜。豬軟骨大大塊，煮得入味。整體上三餸麵好足料，對得住呢個價錢，推介！- 家人則選擇南乳豬手、五香牛筋、麻辣雞腎、米線，香辣咖喱汁加腩汁。可能有麻辣雞腎嘅關係，呢碗麵更加辣，食到出汗，係鍾意食辣嘅朋友必叫之選！雞腎好爽口，高度推介！牛筋則炆煮到入味軟滑，好味！…Read More

小妹上次同我食過一次「兩三碗車仔麵」， 就戀上左佢自家製嘅『墨魚春卷』， 所以而家佢過親黎搵我， 都會話上慈雲山食車仔麵。😂😂 我地兩點黎到， 過左lunch時間都仲係好滿座， 真係好多街坊幫襯！ 今次我地無叫墨魚春卷做小食， 諗住試下其他未食過嘅小食—麻辣雞腎、麻辣雲耳雙拼（$35） 嘩，好大份呀，份量好多， 自家調配嘅麻辣汁，加上芫茜、蒜蓉等， 微辣惹味！🌟推薦❗️ 上次麵底食左粉絲，份量多，又吸湯， 所以我地今次都係一齊食粉絲☺️， 配上自家製嘅辣汁蒜香十足，微辣惹味。 上次嚟嘅時候見到好多其他食客都點呢到嘅餃子， 所以今次我地都唔執輸，點左兩款餃子。😏 小編我就鐘意韮菜餃多啲， 餃子皮厚薄適中，咬落去仲有幾分彈性， 唔會係好粉嘅質地， 白菜豬肉餃係用綠色嘅水餃皮， （唔通連餃子皮都係自家製？） 豬肉同菜嘅份量各半，不錯吃！ 🌟推薦❗️墨魚頭 平時係坊間點一個墨魚頭嘅餸， 都係零舍貴，要十幾蚊， 不過呢到叫咩餸都係$9，抵啦！ 墨魚頭鮮味十足，口感爽脆。 豬紅口感好嫩滑，但本身嘅味道唔係好突出。 食過返尋味嘅招牌豬頸肉，🌟推薦❗️ 一如既往醃得好入味，有嚼勁，必試！ 今次冇叫小食嘅墨魚春卷，  梗係要點返個餸係墨魚春卷啦！😂 一個餸係一條嘅墨魚春卷 ！ 裏面依舊食到爽脆嘅墨魚肉， 不過春卷皮浸過湯之後， 好快就腍左，無小食嘅咁脆口， 下次都係叫小食好啲！ 我地仲叫左碟🌟推薦❗️蠔油韮菜 （$18） 韮菜份量好多，好抵食呀！ …Read More