三不馆车仔面

今日朋友帶咗我去位於大埔嘅人氣車仔麵店👀到達時大概係一點左右，餐廳門口有條人龍，大概等咗15分鐘終於入到去啦😍餐廳門口有點餐紙同埋marker供食客喺排隊嘅時候揀定食乜，入到去一紙就落單成功～好有速度！餐廳入邊有好多舊時嘅香港海報、招牌、裝飾等等，等緊嘢食嘅時候好多嘢可以望😍三餸車仔麵（💰$46）｜😋：4.9/5揀咗醬燒豬頸肉、瑞士雞翼同埋滷水鮮豬大腸😋雞翼同埋豬頸肉各兩嚿左右，豬大腸都有幾舊㗎～面底揀咗河粉，湯底就揀咗要加💰$8嘅濃香沙嗲湯底😋簡直係驚喜至極😍😍唔係講笑，佢又真係做到濃香嘅沙嗲，濃到每一條河粉都掛到汁😋豬大腸肥美，唔會有怪味～豬頸肉大大嚿肥瘦適中，又有油香味🤤瑞士雞翼就不過不失～食咗兩啖見到舖頭有自家製辣油，即刻落咗幾滴落碗麵度。舖頭嘅辣油真係唔係好辣，但係非常香口，勁正！值得一試呀👍🏻…Read More

聽大埔朋友講三不館食車仔麵，長期排長龍要等位。我一直無食到三不館，今日行山後，到達大埔，於是搵三不館食一食車仔面。一到門口，無錯係要等，因為店內環境擠迫，店既左面係藥房，右面鐵打館，今日無開，三不館食客左右各一條隊，排隊不一致，原來係要拎飛，然後在門外等，一到號碼，要齊人先入到。即使唔齊人，店員係下一次有位，會立即叫返，唔錯呀！店內有少少傳統裝置！豆卜，蟹柳，豬皮，河粉，小小辣+古法辣汁。除蟹柳外，其餘配合湯底，算好食。酸齋，豬腸，豬頸肉，粗面。最好食係豬腸。我覺得餸份量比較少，突然好掛住超級無敵啊！…Read More

有兩位住大埔嘅朋友都推薦呢間車仔麵店所以假日就特登去試下佢啦大概兩點零鐘到啦 雖然過咗飯市不過仍然要等位 筆者同男友兩個人大概等咗十分鐘左右就入得去喇裝飾完全係大玩懷舊風 亦播住啲經典嘅懷舊金曲入面有4張5-6人圓枱 同1張可以坐5人嘅單邊位雖然舖仔細細 但坐入去都唔覺侷促同逼 環境亦都好企理衛生喺等位途中已經拎定張order紙揀食咩圈好食咩直接交俾店員就ok喇✨豬大腸、瑞士雞翼、冬菇油麵（麻辣小小小辣）湯底方面雖然揀咗最弱雞嘅辣度 但對於唔係好食得麻辣嘅筆者嚟講已經好夠皮😛油麵標榜係新鮮自家製 好味不過又食唔出同坊間嘅有咩大分別豬腸入味 不過唔係好夠淋雞翼都好入味 正嘅冬菇就好一般喇 唔係好夠味✨豬頸肉、咖哩魷魚、豬大腸油麵（辣汁小小小辣）湯底就典型嘅辣味 唔鍾意麻但又鍾意辣嘅可以揀返呢個辣汁 都好夠辣豬頸肉唔係薄切 有咬口嘅不過就無乜味咖哩魷魚亦都麻麻地✨麻辣豬手一碟大概5嚿豬手 無論皮定肉都炆得好淋麻辣味亦都好夠 值得推薦👍🏽✨鮮豆漿提返大家 所有飲品都係枝裝或者罐裝飲品唔好誤會豆漿係店家自家製阿埋單總共$112價錢合理 但味道上有進步嘅空間睇得出店住好用心經營 都值得支持嘅 希望佢會越餸越好啦…Read More

大埔美食多，但係呢間車仔麵店咁多人排我諗主要原因係佢裝修夠特別，而且車仔麵味道唔錯，價錢相宜，所以位置唔太就腳一樣成日有人排隊。好彩今日嚟得早唔使排隊，食到一半出面已經開始要排。餐廳好細，但係裝修明顯擺心思，同店名「三不館」（三不管）呼應，行懷舊香港路線。店內掛滿香港舊時有代表性嘅裝飾，例如d 舊式招牌、牌匾、海報、寫字板等等，連餐具、桌椅都係配合主題，例如碗碟畫左公雞，桌椅係摺台摺凳。連牆壁階磚都係懷舊風格。點左碟滷水豬大腸 $24 同埋車仔麵（3餸1麵）$38車仔麵揀左河粉做麵底。河粉較厚身，係有咬口煙韌嘅靚河粉，浸耐左都唔會爛；雞翼尖滷得入味，有4、5隻；花菇同樣燜得透又入味，有4、5粒；醬燒豬頸肉又滑又juicy仲帶燒烤味，有3片；湯底揀左腩汁，所以碗麵好夠味。滷水豬大腸醬汁甜甜地，豬大腸處理得乾淨，口感煙韌，份量都幾ok，個人幾鍾意佢嘅口感同調味，好味！佢檯面仲有辣菜脯，入面有蝦乾添，加落麵度辣辣地又鹹香，好過癮。呢間車仔麵店味道唔錯，貨真價實，裝修幾靚，去開大埔可以一試～…Read More