樂天客棧

「大角咀」唔係因為什麼特別原因，都冇咩機會經過。約左一班朋友，旺角、尖沙咀、銅鑼灣、灣仔⋯⋯食下食下都唔知食咩好，最可惜開始越來越冇驚喜。記得有朋友推介過 樂天客棧，睇個客冇咩特別 ja，大角咀小去，即管就試一試。南洋菜真係冇咩情況機會接觸過，大角咀、南洋菜，好新鮮下wo!!一打開Menu，有小小驚喜wo（食物相影得唔錯，選擇都幾多），即刻睇下食家們有咩好介紹，試左D好野留個好印象先，再留意一下，原來有分大、中、小 分量選擇，好貼心！欣賞！我地3男3女，好多食物都點 中 分量岩哂我地。好吸引、櫻花蝦份量好足、四季豆好爽，如果配啤酒一流！久遺了嘅銀針粉，外表平凡，食落真係欣賞！好濃郁嘅咖啡味，可惜雞件過大，冇左食完想再食嘅感覺唔怕肥嘅朋友，真心推介一食！包皮、生菜、芫茜嘅配合，令到岩岩好，大滿足！蝦夠大隻，咸蛋醬包裹著，咬落口感同味道都一流熱辣辣嘅鐵板，味道豐富嘅炸菜碎肉醬淋上清淡嘅豆腐面，中和左兩者，一齊放入口岩岩好，配白飯就更正唔知係唔係其他食物好有驚喜，令蕃茄炒蛋變得冇咩特別，不過不失 3種味道，鍾意桂花、班蘭、椰汁嘅味道，合埋一齊就更加特別！每個菜式上檯到食落口都有驚喜，唔錯！值得再幫襯試其他唔同嘅菜式。…查看更多

這間已南洋風味家鄉菜為買點的餐廳，樂天客棧很適合三五知己來光顧，店家位於奧海城內十分方便，而且環境舒適天麻藥膳豬肚湯 - 天麻味香，豬肚鮮而且加上其他配料足，味道十分濃厚蒜香紅海蜇頭 - 海蜇頭十分爽脆滑口加上蒜香和醋的配合，十分醒胃招牌扣肉包 - 扣肉炆得出色人口鬆化唔油膩加上生菜和芫茜配合得十分完美手工海鮮豆腐 - 上枱的時候完全想像不到竟然係豆腐一件件排列得十分工整，一口咬下海鮮和豆腐溶為一體感覺十分新鮮椒鹽香酥鮮淮山 - 淮山啖而冇味不是人人喜歡，但經樂天以椒鹽香酥處理過後，相信冇人會再不喜歡食淮山了三色桂花班蘭糕 - 味道清新桂花十分香而且不太甜以今時今日對健康的要求來講真的恰到好處…查看更多

我記得我今年生日原定係喺樂天客棧慶祝，點知腸胃炎咗成個禮拜，結果今年生日乜都無得食……今次終於可以同個frd嚟食啦!入到去環境幾舒適，我哋係坐最入果啲4人枱，位置寬敞，同隔離枱都有一定距離，唔會太近，方便傾計，而且有落地玻璃，可以睇到街景。打開Menu真係花多眼亂，好多未見過嘅菜式，所以都點咗啲特色菜!扣肉包係逐片計嘅，我哋點咗兩片，個包exactly係台灣割包果種包，好軟熟，我勁鍾意食，扣肉甜甜地炆得好腍好入味，再配埋爽口新鮮嘅生菜一齊食，一啲油膩感都無，正!冰鎮芥蘭就食得多，冰鎮苦瓜就第一次食!苦瓜切到好薄好晶瑩剔透!食落好爽口，而且食落一啲都唔苦，只係有苦瓜甘味，再點埋桂花蜜糖一齊食，味道勁似台灣蜂蜜苦瓜汁!無論點唔點蜜糖，都幾好食!當歸燉雞湯，藥材味都算濃，而且幾足料，一盅用半隻雞燉，可以分到6碗!見咖啡雞咁特別就試下，入口好香咖啡味，後勁會有啲苦，而且雞肉嫩，送飯一流，鍾意飲咖啡嘅人應該會鍾意食。茘枝咕嚕肉，哩碟係唯一一碟有啲失望嘅菜，成碟咕嚕肉，我一舊茘枝都搵唔到，味道其實同普通咕嚕肉無乜分別。三色桂花班蘭糕，由椰汁，班蘭，桂花糕組成，質地都算實淨，唔會一拮就散，椰汁同桂花味會比較濃，相對地班蘭味唔夠特出，雖然係咁，但都幾好味!總括嚟講，我幾滿意哩間嘢嘅環境同食物質數，而且價錢合理，下次嚟一定要再試埋其他特色小菜。…查看更多

之前幫襯過樂天皇朝好幾次，八色小籠包當然一絕，其他菜式亦高水準，所以，佢哋嘅姊妹店開到嚟香港，自然投其信心票 。位處奧海城嘅「樂天客棧」，交通尤為方便，今晚同朋友嚟食晚飯，因為佢哋就晌附近返工。相對「皇朝」，「客棧」依一邊就顯得平實親民，裝潢樸實而摩登，光猛闊落，所以，空間感足，讓人感覺舒服。聽朋友講，嚟奧海城個場食飯嘅人都比較慢熱，所以，我哋7:00pm嚟到都唔喺咁多人，但到8:00pm就座無虛席 。雖然稱為客棧，但唔會得小菜兩道，翻一轉餐牌，原來菜式甚多，由湯、冷盤小吃、豆腐、肉類、海鮮、蔬菜、飯麵、拉麵、到甜品，概略計一計有近90款食物 ，不愁無嘢唔啱食。而菜式喺揉合南洋風味及東南亞香料嘅中菜，例如醬料上加入娘惹咖喱醬、參巴醬、冬蔭功醬、南洋咖啡漿……等等，有不少頗有心思 ！亦鍾意佢哋大部份菜式都分咗大、中、小份量，方便點菜更有彈性。 話梅車厘茄 $12 餐前自家醃製嘅指定小吃，車厘茄已經去皮，入口少少冰涼，清爽而帶話梅嘅酸香，開胃醒神。樂天客棧都好注重湯水，餐牌內提供4款燉湯供選擇：天麻藥膳豬肚湯（$138）、經典鹹菜鮮鴨湯（$138）、原盅藥材燉雞湯（$158）及乾貝菜膽竹笙炖湯（$168），講明每盅可供3-5人享用。另有每日靚湯，$42 / 位。 經典鹹菜鮮鴨湯 $138 將湯渣撈起，半隻鴨加鹹酸菜，貨真價實，而且，鴨湯煲過湯後更軟腍，當然，鴨味會褪些少。份量就十足，味道又如何？飲落甘甘甜甜，嗒落既有鴨肉引出嚟嘅肉香，又有鹹酸菜帶出嚟嘅酸，整體喺香而不濁。 咖啡脆雞 $86 / 小 樂天皇朝曾經推出過一道「香濃咖啡骨」，但做完推廣後就無再納入正規餐牌中，道菜嘅濃香咖啡味我仲念念不忘，估唔到晌度遇上脆雞版本，咁就一定要重溫啦。依然賣相色澤深到近黑，絕不討好，不過，脆雞非常好食，皮脆肉嫩，但咖啡味似乎無以前咁香濃。 青芥末蝦球 $128 同樣喺尋回滋味，上次晌樂天皇朝試過依道菜式，所以，推介俾朋友試試。一客6隻，沾滿芥末蛋黃醬嘅蝦球咪睇佢青青綠綠，其實芥末味含蓄唔攻鼻，惹味得嚟易入口；蝦球大大粒，爽彈帶鮮，用料絕無欺場，就連脆米盞都脆口又幾好食；伴以蟹籽、蘭香子及芒果粒，好睇、好食、又有特色嘅一道海鮮菜。 家鄉鹵元蹄 $118 百零蚊一份嘅招牌元蹄真喺好抵食，最欣賞喺佢哋連埋熱爐及大盅上枱，令元蹄保持一定熱度，唔怕攤涼咗啲油脂凝固。睇餐牌中嘅介紹，既加入中草藥同香料去熬製，又煮足六個鐘 ，放上芫茜，嚟到已香氣四溢。骨肉被炆到輕易分離，雖然話喺元蹄，亦無想像中咁肥膩，皮下脂肪位入口即化、油潤甘香，瘦肉部份軟腍入味。個滷水汁底稀杰度啱啱好，濃香不濁，點可以唔叫碗白飯（$9）呀！ 雙菇扒西蘭花 $98 樣樣肉，自然要有一道蔬菜平衡吓好啲，菇菌一向都好啱我，雙菇扒西蘭花有益夠健康。雙菇以大花菇及茶樹菇入饌，前者厚肉而菇味濃，後者帶爽，茨汁又煮得啱啱好。甜品一欄，6款甜品中以三色桂花班蘭糕就最有特色、最有賣點，雖然我哋都有啲飽，都仲喺想試一試，況且只喺$26一客，真喺好抵食 ！ 三色桂花班蘭糕 $26 桂花、班蘭及椰汁做成嘅三色糕，一客6件，真喺抵食到無朋友，賣相又精緻，不過，大可放心，唔會得個樣。糕身紥實，各有各味道，夾埋又唔會太古怪，意外哋合襯，又無過甜嘅弊病，有份清爽怡人嘅感覺。除錢茶$7位之外，另收加一，但夾埋除開每人都只唔使百八蚊，就已經品嚐咗多道帶南洋風味嘅中菜，朋友都讚夠特色，有機會都再嚟，加上服務到位，確喺值得再幫襯。…查看更多

提到樂天就自然會想到色彩豐富的小籠包，銅鑼灣的樂天皇朝。開業兩個多月的樂天客棧卻又是另一個故事，別具一格的概念。主打的是南洋風味，跟前者的距離甚遠，更沒有小籠包供應。不過也不代表是各不相干，因為這兒的南洋滋味正正就是混合了中式意念。　　難得家人平日休息，已有一段時間沒有去過奧運那頭，記得有數家服飾店。近來也要周圍選購衣飾，剛剛好，逛街之間就在午市時段一訪客棧，歇歇腳。環境不像樂天皇朝般以沉色為主，反而是配以木色及藍調，感覺清新舒適。午飯時段人流意外地多，似是在附近工作的上班一族午間聚頭了。原盅藥材燉雞湯　$158　　隨手翻看餐牌，看到教人頓時雙眼發光的一頁－－燉湯。雖說今年冬天根本談不上乾燥冷洌，但時冷時熱的天氣也叫人難受。清清楚楚列明用料及功效，每款各有特色，我們還是點了說益脾潤肺，活血補氣的這款。一盅只計湯都會有五六碗左右，不過你知道外食碗子不算大，當三四人份好了。用到鮮雞、玉竹、當歸、杞子、淮山、甘草、黨參、北芪、排骨、老雞及雞腳，可見足料豐盛，而小盅之內也攜來了些少稔綿無膩的雞肉伴食。湯品味濃，但顯然的不是味精味，油份不多，不苦之餘更是略帶甜意。未正式「食」之前，先喝喝暖胃益湯，倒真不錯。咖啡脆雞（小）　$86　　難得一遇的咖啡菜式，繼以前吃星馬菜時多機會嚐到的咖啡骨，又是另一力作。比起豬肉，雞肉味道來得純粹，感覺上也比較輕盈少膩。小份也有六件左右的脆雞，上面灑了杏仁片，大添香氣嚼感。脆雞名符其實，皮脆肉稔香，唯獨咖啡香氣不重，稍有失色。三杯鴕鳥肉煲（小）　$106　　三杯雞就聽得多了，這次改以鴕鳥肉製作，是為此行最教我回味之物。未吃到鴕鳥肉，先夾起的是片片薄得非常的薑片，乾脆香口，調味惹味過人。一直一直停不了口的瘋狂食薑，主菜鴕鳥肉亦不能忽略呢。彈性滿滿，卻沒有以往食鴕鳥肉時的腥臊，不失肉味嚼感，而鹹中帶甜涮嘴得很。招牌扣肉包　$18　　這就是我見多位友人的文章中提及到的，如像台式刈包的做法。當時看就想不到扣肉及白包是分上的，還以為會似參考圖的樣子。但食時才覺得不無道理，因為包身細緻，鬆綿軟稔得非常，早早放入餡料定會浸至濕爛。沒有過份調味的包子正好配上肉潤盈腴的扣肉，鹹香之餘不怕膩滯。厚厚一件的扣肉份量看來份量不多，但吃起來就是別個說法。瘦肉部分稔香夠味，不會韌實過頭，脂肪部分稔中帶微微爽口感覺，也未會膩過頭。手工海鮮豆腐　$58　　自家製的海鮮豆腐看起來有點像調味魚蛋，不過咬一口就會知道是天南地北。樣貌相似，然而海鮮豆腐來得稔軟，不是魚蛋的紥實、彈牙或是爽口。炸得金黃，外層微微酥化的脆感教人不捨，可惜油得過份了，滲油至底部也泛起一層油光。海鮮豆腐細緻香口，不會有人工得過得的調味，可口不過。基本上就似吃海鮮蒸蛋，但就是滲入豆腐的版本，滲著美乃滋時的酸甜奶潤也順口。青芥末蝦球（小）　$128　　最後的主菜式，是店方推介的一款，讓我這個平時抗拒芥末的人都想一試。由於青芥末不是單指Wasabi，是芥末蛋黃醬，來得更為潤溜順口。但酸甜之間仍然帶嗆鼻感，濃稠質感之下就再刺激了。蝦球有撲過粉再脆炸，一咬的時候稍有點酥香，不油膩。爽彈帶鮮，加上蟹籽、芒果及蘭香子等輔助，甜美之意怎能抵擋？酸甘香茅凍　$26　　為樂天客棧比較特別的甜品，至少不是基本款糖水布甸等。香茅清新香味教人抵擋不了，晶瑩剔透，嫩滑清甜，更稍稍帶來涼感。果味酸香不減，酸酸甜甜又凍食的甜品恰好可以去掉積累下來的膩意。當中有蘭香子加添咬口質感，而那點點碎冰則便於維持冰涼溫度，夏天時食最舒爽。三色桂花班蘭糕　$26　　完完全全的抵食糕點是要多大份呢？只是廿幾三十的價錢已有六件了。不馬虎的出品，椰汁、班蘭及桂花三種糕點共冶一爐，意外的合襯。椰汁層不算細緻香滑，椰汁香也只是輕輕一捺，未夠喉啊。班蘭層色調青綠自然，香氣芳郁不突兀，反而比椰汁層更得人心。桂花糕的清新眾所周知，甜度不高，加上明顯的桂花香及杞子，十分怡人。…查看更多

今日老媽去朋友聚會，我同爸爸就食自己，唯有雙約去商場行下搵嘢食，老爸比較鐘意食中菜，佢岀錢就佢話事啦！係樓梯下面見到樂天客棧，就好似小說裹面嘅酒家，見時間尚早晚飯人流未算多，就入去坐下先。入到裹面，餐廳空間都幾大，環境令食客有私穩感覺，由四人枱至十人嘅都有，餐枱用上灰白色雲石，配金色燈罩裝飾設計摩登，Menu大多食物都有相片，方便選擇，最好係菜式分別有大、中、細三個size，價格由50蚊起，解決只有二個人食飯嘅最大煩惱，真貼心。頭盤有腌制蕃茄，酸酸甜甜好開胃，舒緩飽咗幾個鐘嘅肚子，經過幾番討論，我哋就點咗三餸一湯唔食白飯，菜式好快就送到，令食客流動性更高，大家又唔洗等咁耐！經典鹹菜鮮鴨湯 $138老爸首選熱湯暖下身，等一陣間就好快到，會隨湯送上小火爐，放係下面幫助保暖，打開蓋時熱辣辣，份量有約6-7碗，鴨肉都煲到好淋，因為要煲湯前先煎好鴨肉，可以去走脂肪，味道又更濃香，鴨肉仍然甘香可口。菜香鐵板豆腐 $84/小小菜用鐵板送上，吱吱聲咁好似食西餐時候，係鐵板牛扒上淋上燒汁，因為熱力發出大量蒸氣，令人流晒口水，餐廳就係豆腐上加入雞蛋及菜莆，一邊帶咸爽口，醬汁味道濃，豆腐就可互相配合，中和一下餸飯一流，令我哋一試再食。酥炸海鮮油條 $72老爸最鐘意食煎炸嘢，佢眼甘甘咁望住餐牌上面呢嗰酥炸海鮮油條，都知佢想食啦！用墨魚滑塞滿油炸鬼炸成，脆上加脆，上枱時唔會油膩。咖啡脆雞 $86/小不得不讚餐廳啲上菜速度，點嘅菜餚都好快上齊，令我哋可以一次過品嚐。最初老爸想揀一啲傳統菜式，就好似咖喱雞，但我就改咗做咖啡雞 嘿嘿，幾特別咁就試吓啦！先將雞炸脆，再匯入咖啡汁幾醒神，但做出嚟比較乾身，令口感硬咗啲。三色桂花班蘭糕 $26三心兩意，絕對係女士嘅專利，仲要係為食嘅朋友，每餐之後揀食咩甜品都有排煩，見到有三色桂花班蘭糕，糕點有桂花、班蘭、椰子味，好似朱古力出奇蛋咁滿足你三個願望，桂花味突出，椰子味若即若離，但班蘭味就少之又少，不過份量價錢都令人滿意。平均消費 $238 /位，2位，1個湯 + 3個菜式 + 1個甜品樂天客棧 Paradise Inn星期一至日: 11:30-22:30大角咀海庭道18號奧海城二期UG樓UG09號舖Tel: 2177 0760…查看更多

Boxing day 來到奧海城， 雖然沒有參與 TOMICA 車仔活動， 亦可逛逛市集，感受一下聖誕的氣氛; 本來想睇史諾比， 怎知道又已滿座!接近晚飯時間， 為免等候多時， 還是快點入座晚飯好了!  一行三人來到樂天客棧，這裡提供具有傳統中國家鄉菜式，結合南洋的食材與嶄新烹調技藝的南洋風味家鄉菜。翻開餐牌，是選擇非常多，幸好，服務員都很樂意的為我們作推介。除了中式茶， 這裡還有多款花茶配龍眼菊花$26 (玫瑰花配勿忘我、薰衣草配迷迭香、茉莉花配桂花、百合花配勿忘我) 供應，精心的調配， 香味濃郁，味道清甜，喝得順喉寧心。手工海鮮豆腐$58， 酥炸的外層不油膩， 口感像蘿蔔糕，但又有墨魚滑的彈口， 加上豆腐香， 好特別!招牌扣肉包$54， 包子軟熟， 扣肉滑溜，鹵得好入味， 連同生菜夾在包子中間， 絕不油膩。燉湯一盅有大約六小碗， 怕太補又要遷就小朋友， 點個乾貝菜膽燉竹笙湯$168就最適合， 料多湯濃郁，竹笙爽脆清甜。黃金鹹蛋蝦球$128， 蝦球新鮮超爽彈，咸香的蛋黃完全把蝦球包圍著， 放入口有爆油的口感，吃兩件已好滿足。咖啡脆雞$86，雖然沒有太濃的咖啡香， 但雞肉卻是滿滿的咖啡焦糖味道， 外層微黏口帶點脆脆的口感， 好正!菜圃蒸銀鱈雪$158，並沒有想像中的鹹， 菜圃蒸後很腍身， 鱈魚實淨清甜， 建議要趁熱吃，味道更鮮甜。南洋參巴空心菜$68， 菜嫩爽脆， 參巴醬有點辣， 但好惹味。不能錯過的有三色桂花班蘭糕$26， 每件都吃到斑蘭、椰汁、桂花味， 而且還有一定的厚度， 好抵食!還有香茅迷必吃的酸甘香茅凍$26， 非常推介， 味道很突出，檸酸與蜂蜜香甜，加上黑珍珠增加口感，好醒神又清涼潤喉。…查看更多

今晚我阿P約了位識於微時的”老朋友” 飯敍，由於是"麻甩仔"敍會，無預阿J份，所以今次無得偷懶，食評由我來寫。地方由老朋友發板，選了這間開張不久，裝修簡潔光猛的樂天客棧。要五位或以上才可訂位，好在我們於7點前到達，不用等位。服務員主動勤快，看來已適應了新店的節奏。餐牌種類選擇適中，設計亦簡潔，值得一讚係每款食物都可選擇大中細size，方便好像我們只有倆人但又想試多點菜式的人。茶有兩款選擇: 鐵觀音或普洱(@$7)。小食係甜醋蕃茄仔($12)，酸甜醒胃，很好的一道開胃菜。由於朋友今晚不想吃太多肉，所以點了兩道蔬菜: 先來雙菇扒西蘭花($98) ~ 西蘭花好大棵，好爽口，但實在太大"舊"了，成棵樹咁，女士吃會有點尷尬，建議可以切細點。冬菇每隻都好大，冬菇味濃但不算厚身，菌味道就一般。鯪魚炒油麥菜($68)~ 豆豉鯪魚是我兒時的摯愛，阿媽時常用來炒生菜，非常惹味，用來佐酒送飯一流。這個油麥菜炒得爽口，亦夠"油水"及鑊氣，加埋鯪魚獨有的魚香，仲要同個與我一起有段童年美好回憶的好友一起食這道菜，兒時的片段一下子湧上心頭。四川擔擔麵($48) ~ 我是個麵痴，朋友就叫了這個擔擔麵就我。麵條細滑，軟硬亦適中，湯底夠濃，有辣椒油、芝麻醬、肉末、花椒面、蒜末、但不會過辣，應該是為香港人而調較過麻辣度，這個麵不錯，但就令我成晚俾阿J 話說話時有花椒的口氣... 黃金鹹蛋蝦球($128) ~ 十大邪惡小菜之一，俾阿J見到我食呢味黃金鹹蛋就"甘" 喇。講番這道菜，鹹蛋炒得很香亦乾身，蝦好大隻，爽口彈牙，蝦味就一般，但以$128有6隻黃金大蝦，仲想點呢。扣埋租金人工材料燈油火爉，這道菜的利潤...做飲食生意真的不容易。食完主菜，發覺今晚食的平時都唔會同阿J食，因全部都唔啱佢口味 。甜品時間，但無咗阿J在旁發板叫甜品，我同老朋友你眼望我眼，毫無頭緒。男校麻甩仔，通常喜歡食凍甜品; 酸甘香芧凍($26) ~ 酸酸甜甜，但由於我口水多過茶，到食時d 碎冰已溶得七七八八，不凍亦偏淡。三色桂花班蘭糕($26) ~ 這個糕非常足料，三層一起食可平衡了不同程度的甜味，推介 。跟這位朋友相識已超過30年，但亦超過21年無見。兒時的他很高，現在的他更高 ~ 6尺3.  說著吃著不知不覺就一晚，這裡的環境格局頗適合談天聚會，亦已相約了下次晚聚的主題; 男人的浪漫 ~ 打邊爐:cry ops...看來又要被崇尚健康飲食的阿J說教了..... …查看更多