三田製麵所 (K11購物藝術館)

营业中

休息中

成日都好想試喺K11呢間三田製麵所，今日終於食到。以拉麵店嚟講，呢間算係幾大規模，店內空間感十足。晚市都可以選擇優惠套餐，有齊拉麵、小食同飲品。嚟呢度就係想試佢嘅沾麵，款式相當多，最後我就揀咗濃香豚骨魚介沾麵。沾麵嘅麵條比較粗身，麵可以選擇冷熱，凍嘅麵比較爽口，熱嘅麵就比較腍身。 沾麵嘅湯非常濃郁，所以可以牢牢地掛住喺麵上面。食晒所有麵之後，可以請店員加湯，就變成一碗濃濃嘅湯。另外仲揀咗三田豚骨拉麵，佢嘅豬骨湯非常濃郁。湯麵嘅麵就比沾麵嘅麵較為幼細，用嚟配湯麵就更合適。拉麵套餐可以優惠價揀小食，我哋就揀咗煎餃子，入面都幾多肉汁。自家製炸雞嘅肉質就夠晒嫩滑，外面炸得香脆而唔油膩，味道不錯。加埋罐汽水就係完美嘅一餐。

沾麵比拉麵好食嘅三田製麵所三田製麵我只喺銅鑼灣登龍街食過一次, 不過已經冇乜好深刻嘅印象, 事隔幾年今次再試下尖沙咀分店嘅質素如何濃厚豚骨魚介沾麵 ($80): 沾麵只有一款魚介湯底, 可揀辣或唔辣, 湯底煮得夠熱而且味道十分濃郁沾麵嘅麵條有大中小嘅份量揀, 全部同一價格, 我地驚食唔哂所以叫左中嘅210g麵條可選擇熱或凍, 我地就揀左熱麵條, 因為驚凍麵條會令湯底好快變冷, 雖然係熱麵條, 但麵質仲可保持煙韌, 而且麵條掛湯力強, 唔錯三田豚骨拉麵 ($78): 拉麵屬正常水平, 無論麵質定湯底都一樣, 冇太大驚喜, 回頭率唔高

經過多次，第一次試！【濃厚豚骨魚介辛つけ麵（大）】食評：麵質口感彈牙，條條分明，可以掛到較多湯汁；湯底不油膩亦夠辣，略嫌不夠濃郁。評分：★★★★☆價錢：$80【三田豚骨拉麵】食評：麵質口感彈牙，湯底普通不夠濃郁，但是豬肉得嫩滑夠味！評分：★★★☆☆價錢：$78【吉列豬扒】食評：炸粉厚薄適中，但炸太耐有少少濃味...肉質不嫩不柴，味道普通。評分：★★☆☆☆價錢：$36（套餐追加）整體用餐經驗良好，推介主打的沾麵。

每個星期六對我黎講都好重要架，首先要接女朋友啦，然後去醫肚啦，之後就行街街啦，食完夜晚就送女朋友返屋企啦，講到尾就係full day ge拍拖日啦😆真係好開心架而今日呢，突然口痕想食拉麵喎，就特登拉埋女友出尖沙咀試下呢間既拉麵喇睇完餐牌先知呢度原來出名食沾麵，不過對我地黎講太鹹了，都係拉麵好啲呢個係我點既，由於早餐都無食既關係所以叫大碗既。雖說係特製，但味道唔覺特別突出，麵條個人唔愛咁粗身同厚既質地，叉燒就整得幾淋女友有眼光，豚骨拉麵真心唔錯。豬骨湯底濃厚，叉燒一樣煮得好淋，溏心蛋好食。雖然望落好似好細碗，但普通女仔一定夠食今餐大家都食得好飽，滿足的我倆繼續下午既行程了

身為三田粉絲 食開銅鑼灣 呢次黎下新檔k11✌🏻✌🏻下午茶時間黎到 吾太多人 地方都好闊落因為去日本食野都鐘意坐bar台 所以呢次3個人都坐下bar台先Bar台好開揚 可以睇到師父仔煮野食😆😆我地叫左3樣銅鑼灣冇既新食品☺️☺️石鍋飯又幾特別喎 👍🏻👍🏻三文魚飯小小咸但好野味喎😋😋😋重有新既拉麵 豚骨味好重 义燒面上既辣醬都好釣味❤️海鮮飯就淡味左d 唯有加下7味粉啦 哈哈有d汁就更好啦下次要食番重頭戲沾麵先得啦！！

最近三田製麵所由銅鑼灣開到出九龍喇，分店正式進駐K11仲推出全新豚骨拉麵只限K11新店，仲有同埋多款石鍋炒飯今日下午去都算幾多人，但好在地方都夠大，排一陣就入到泡菜 $20先來一份小食，食落唔會過份地酸，有小開胃感覺，邊食濃湯麵邊食泡菜都幾正三田豚骨拉麵 $78我當然叫咗新款嘅拉麵啦，湯頭呈濃厚奶白而混濁，飲落鮮香仲帶點惹味而麵質是我喜歡的粗幼度，爽口帶一點點彈牙，塊叉燒屬瘦瘦的，會有少少油花而隻溏心蛋軟滑的蛋白，咬落有半熟的蛋黃流出，味道漬得剛好三田流炸雞翼 $38味道我選了黑胡椒味，一碟有4隻，外層都幾香口脆身，入面仲好嫩滑惹口，面頭嘅黑胡椒都幾多但會過份地辣，仲有少少甜甜地嘅醬汁係底至於味道方面人人對湯底跟麵質都各有要求與不同😏如果你係三田粉又多一個地區選擇