店小二(東寶) (已搬遷)

好朋友生日訂左位去北角店小二度慶祝，點知:(…….花鵰蒸花蛤：$138有沙，可能蒸得太耐過左時食既時候覺得d肉好韌。青芥辣八爪魚沙律：$88特別但唔覺好食囉。炸大腸：$78大腸切長細片無油唔覺肥脆口，效果做到好似食緊乳豬咁，就連d汁都係乳豬醬，鮮波蘿冰凍配答好特別。一口羊：我唔食羊但都覺得ok啦。風沙雞：$140皮脆味道適中唔錯:)。椒絲腐乳唐生菜：$48多油又細碟。蒜片手切爆安格斯牛柳粒：$128唔明點解要加d菇類落去煮囉:(，搗到成碟濕漉漉，蒜片及牛柳粒都唔脆。燒盲鰽：$158唔錯不過就貴d囉:)。蒜蓉豆苗：多油又細碟:(。燒雞：細碟過風沙雞味道一般啦。薑汁芥蘭：$50多油又細碟唔夠薑:(。薑蔥蠔：$240價錢每隻計，粉太厚，而且面頭三隻大但下面七隻都好細隻。荷葉飯：一般啦。蕃薯糖水：送既糖水，唔錯喎，仲好夠薑添。可能係openrice睇左食評，懷著信心滿懷希望但換來既竟然係失望囉！…查看更多

最近很喜歡到熟食市場搵食，今次就來了北角。選擇店小二是因為它環境較正店東寶小館好，而且店小二有自己特式的食物同時亦可以點東寶小館的食物，一石二烏的。餐牌上很多食物都想食，但兩個人的肚空間有限，所以最後選擇了 ~ 南乳炸豬手~ ~豉油皇粉麵~ ~ 一口羊~ 。先來了一口羊 ~ 食落一d都唔會覺得似羊，但細味之下又有羊味，幾特別。面的芥辣很wasabi 的感覺，如果可以另上就會較好。豉油皇炒麵 ~ 侍應很好人，落單時主動跟我們說兩個人可以落半份，真的不知可以這樣如果他不說，當然我和男友同意啦，起碼有空間食其他野。麵裊幼身，豉油味不重，但又剛剛好，很滑身的麵條，正。主角~南乳炸豬手~ 這個一定要食，係這裡出名的食物之一，同樣地得侍應的提點，所以點了半份的，但已經有成6-7舊豬手了，抵食呀!豬手的面炸得很脆，但又不會乾身，咬開後，皮下面的肉和肥膏仍是軟淋淋的，不會因為炸了而乾身，配上另上的南乳味，很美味。食第一件時想食原味，所以就不點南乳，之後第二件就點一點個汁，一點就不能停...哈哈，不會太咸，但跟豬手很配。食完後覺得唔夠喉，所以再點了一份炸蠔，怕份量會很多，所以問侍應可否半份，但今次這個就不可以了，一份有五隻蠔，大大大隻的，不過就望到好厚的麵粉層，如果可以薄薄的就會更好。來這裡還有一個特色，就是要飲酒，仲要用戰鬥碗飲先正，全部酒同一個價錢 $25/支，我覺得抵的，而且用一隻雪左的碗飲，冰涼的感覺很正。:)下次來要再試多幾款食物，一次不能滿足曬。 …查看更多

渣華道東寶，N年前幫襯過，個風沙雞令我回味。突然想食風沙雞，都有好幾年無黎過，再黎食下。講起黎幫襯，先知原來係同層開多左間店小二，係新翠華對面，食物就跟東寶唔太同，友人之前幫襯過，對燒魚印象唔錯，另外原來這邊都可以叫風沙雞，既然無食過這裡，又可以食風沙雞，又不妨試下這店小二。睇見餐牌都有幾多野食，不過三個人，只可小試幾款，又分享下食過既幾味。一口羊，打頭陣既一款。賣相同想像中有點分別，仲以為好似一口牛柳粒咁樣，原來係一粒粒羊炸過，再係面頭加上辣醬。不過一食落口就心知不妙，辣醬完全蓋過羊味，仲要d羊炸得有點乾，大家都好快停哂手，無再食既意欲。黃金雞腎，送酒之選，外層包滿咸蛋黃，金黃香脆。雞腎食落夠爽，是次皮蛋黃既鹹味好出，個味剛好，好食。燒鮮魷，鮮魷軟軟，入口彈牙，明顯係新鮮鮮魷，燒得夠香，很不錯。係無咩調味下，主要都係靠個醬，醬係泰式醬，味係可以想像得到，也不錯。燒孟曹，開邊燒，呢到燒野功夫真係唔錯，魚燒得剛好，唔洗點調味已經夠哂惹味，好味。無骨露荀雞翼，雞翼起骨，釀入露荀，可能唔少功夫的關係，等左都幾耐先有得食，隻雞翼有強烈bbq味，肉食落帶有露荀味，很清新，伴有蜜糖黎點，又另一風味，好食。燒羊架，相對之前幾款，呢款較為大路，穩穩陣陣，不過印象中呢碟野唔平，同價錢應該可以有更好既選擇。風沙雞，賣相依舊不錯，個皮夠脆，一咬入口，個脆係坐隔離都聽到，雞夠嫩滑係意料之內，今次食有點肥，食多幾舊真係有d膩，不過都係有水準的風沙雞。自成一角，無東寶果邊咁開揚咁大排檔，真係各有各好。燒野需時，食完一樣都要等一陣先有第二碟食，大大話話餐飯都食左二個鐘，要有等食既準備。食物方面就整體都唔錯，首推無骨露荀雞翼，燒魚也有水準。熟食中心總有驚喜，這裡很不錯。…查看更多