Starbucks湾仔三层高新店 上堂学拉花冲咖啡(有片)
2017-08-11

平时去Coffee Shop饮咖啡就饮得多,有无谂过系舖头入面学点冲咖啡?今次星巴克咖啡位於东亚楼嘅新分店就特设咖啡工作坊,大家可以同咖啡大师交流,一边学唔同嘅咖啡知识,一边饮下自己冲出嚟嘅咖啡!
 

湾仔东亚楼新分店楼高三层,一楼系Coffee Shop,特别在有吧枱畀咖啡师喺大家面前以手冲方式调配专属於你嘅咖啡。
 

而三楼就系举办咖啡工作坊嘅地点,工作坊由星巴克嘅Coffee Master教授,暂时有Make your own latte咖啡拉花同Hand brewing手冲咖啡两个工作坊。
 

就算系咖啡新手都唔需要担心,工作坊唔单止有齐咖啡豆同需要嘅用具,有任何问题亦可以随时问Coffee Master,佢地亦乐意同大家分享唔同嘅咖啡心得。
 

好似咖啡拉花工作坊咁,由磨豆、冲咖啡、打奶泡到拉花,每个步骤都有技巧。例如想拉花图案细致得嚟又够持久可以影耐啲相,牛奶就一定要打得够幼滑。想知更多贴士?当然要靠你自己嚟工作坊学啦!
 

开饭仔都亲自试咗一杯,相信大家应该都估唔到,其实本来开饭仔系想拉个心形嘅......学Coffee Master话斋,要拉花拉得靓睇嚟都系要多多练习嘅呢。
 

而手冲咖啡工作坊最啱对唔同咖啡风味有兴趣嘅你,可以选择唔同产地唔同特色嘅咖啡豆,然後学习手冲、Chemex咖啡壶同虹吸嘅冲调方法。平时睇咖啡师搞下搞下好似几容易咁,其实由一张滤纸嘅选择,到温度、时间同分量控制都要非常准确,先可以带出咖啡豆嘅真味。
 

而且就算用同一款咖啡豆,用唔同方法手冲嘅话,味道同口感都会有啲唔同。例如用Chemex咖啡壶冲调速度比一般手冲方式慢,但同时冲出嚟嘅咖啡亦会无咁酸。不妨睇下喺工作坊会唔会搵到你心目中咖啡店同冲调方法嘅Perfect Match。
 

而且参加工作坊可以到地下参观星巴克咖啡嘅展览,从种植、品种、特色、采购等方向了解到更多有关咖啡豆嘅知识。一边仲展示咗120只由香港、澳门、越南等地星巴克分店职员绘画嘅咖啡杯,系一大Selfie位!
 

咖啡工作坊将会喺8月17号开始接受网上报名,暂时由Starbucks Rewards™会员优先体验,稍後再开放畀公众参加。逢星期四或五夜晚举行,参加工作坊仲会得到特别版围裙、Tote bag同咖啡勺。无论你系Coffee Lover定Starbucks Fans都值得留意。
 



星巴克咖啡
地址:湾仔轩尼诗道23-29号东亚楼地下至二楼



文、相、片:Cathy

关键字
星巴克
Starbucks
咖啡
工作坊
拉花
latte art
手冲咖啡
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】便利店寻宝 每周新品速报
5天前
【2019圣诞】早鸟优惠! 圣诞自助餐推介
7天前
【2019圣诞】年尾叉电 圣诞下午茶集合推介
2019-11-19
秋风起!5间大闸蟹放题食店集合
2019-11-19
【2019圣诞】约会之选 圣诞市集推介
2019-12-06