90分钟任食猫山王等即开榴槤!任食品监Party直击(有片)
2019-01-30

如果你特别锺意食榴槤嘅话,或者都知道香港有举办过榴槤放题!日前开饭仔就去咗其中一场,30分钟试完五款唔同品种嘅马来西亚榴槤,之後就系90分钟任食时间。当中有咩值得留意,下次又系几时?睇开饭仔报告啦!
 



榴槤BB日前同马来西亚联邦农业促销局合作举办任食品监Party,不过因为要等位於马来西亚嘅自家果园出产品种数量及质素稳定先举办,所以下一场预计要等到今年7月啦。想知道最新消息可以留意佢地Facebook
 


任食品监Party历时两个钟,头30分钟系品监环节,一边听老板KK介绍马来西亚榴槤,同唔同品种嘅特色,一边可以品尝品监盘上嘅榴槤。榴槤全部都系树上成熟後由马来西亚空运到港,活动当日即开,保证新鲜。
 



品监盘每件榴槤肉都有棋仔标示品种,想试真啲唔同味道嘅话记得按顺序,由最淡食到最浓,好似今次就由比较甜嘅金包试到最後系甘味浓郁嘅猫山王。而每人亦会有一支水,可以开定先,食完一款就饮两啖水清一清口腔,反正有30分钟可以慢慢试真啲吖嘛。
 


D13 金包

果肉颜色橙黄,果肉外面有一层衣,口感Creamy而且甜度较高,系相对易入口而且深受女士们欢迎嘅品种。活动当日嘅金包的确非常香甜,有啲似食紧榴莲甜品!
 


D24 山顶XO

XO系比喻呢款榴槤肉独特嘅酒香,无论系香味定余韵都相当浓郁。果肉柔软,甜度适中。
 


D198 金凤

马来西亚当地同猫山王同样广受欢迎嘅品种之一,榴槤体型较细而果肉淡黄细长,果核比较细所以最啱锺意啖啖肉嘅朋友。香味浓郁味道甘甜,有一丝丝口感。
 


D200 黑刺

相当名贵嘅品种,喺出产地马来西亚价钱亦比猫山王更高!皆因种植环境条件苛刻,产量唔高。另一方面亦因为味道层次丰富而近年受到追捧,甘甜中带少少类似黑朱古力嘅香味。
 


D197 猫山王

果园嘅猫山王都系嚟自超过30年树龄嘅老树,所以回甘系五款当中最浓烈嘅。柔软果肉有入口即溶口感,甜味之後系带微微酒香嘅甘味。
 

更多【饮食潮流】:
1. 【随时更新】便利店寻宝 每周新品速报
2. 100%香港制造无添加蛋卷 金沙口味最啱拜年
3. 杨明夥拍朋友开炖汤店 为都市人原盅炖无味精靓汤

 

品监环节过後就系90分钟嘅任食环境!因为金凤同黑刺数目不足,所以任食环节只有金包、山顶XO同猫山王三款品种,会先由工作人员奉上一碟碟即开榴槤果肉,食完就可以随时举手再加,唔洗走嚟走去自己夹呀。


虽然唔系全部品种都有得任食,不过值得一讃嘅系任食嘅榴槤水准保持得唔错,添加嘅速度亦合理。老板KK亦会同时介绍更多榴槤知识,例如底部呈六星嘅系咪假猫山王?可以边食边学。
 


暂时最高纪录依然系香港嘅94粒,同新加坡嘅200粒榴槤。据开饭仔观察,现场女士大部分都食到20粒,男士平均都食到30粒,最高系超过40粒。
 


咁无得参加榴槤放题嘅呢段时间点算好?佢地最近推出贺年福袋,里面会有猫山王榴槤爆谷、猫山王榴槤脆脆、猫山王蛋卷、榴槤拉茶等,可以止下口瘾,又或者拜年送畀榴槤控!
 


另外榴槤品鉴盘喺观塘店长期供应,一盒可以试到五款榴槤。会有金包、山顶XO、猫山王加两款珍贵马来西亚榴槤品种。
 





榴槤BB
地址:观塘敬业街65-67号敬运工业大厦2楼B号舖




文、相、片:Cathy

关键字
榴槤
榴槤放题
猫山王
观塘
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
4天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12