$440叹尽十道铁板烧料理!观塘新开抵食铁板烧专门店(有片)
2020-01-17

喺香港食日式席前铁板烧,闲闲地都人均一千蚊埋单,有时食完都真系有啲肉痛。不过想平食铁板烧都唔系无选择,最近观塘区新开一间铁板烧专门店,推出$880二人前铁板烧套餐,人均都系$440,而且食物质素都几有水准,啱晒各位手紧又想食好西嘅朋友。


餐厅位置不多,有两间容纳八人嘅房间及近门口位置嘅寿司吧。铁板烧由拥有二十年下厨经验嘅布师傅主理。


$880二人前铁板烧套餐一共有十道菜,包括前菜、沙律、刺身、银鳕鱼、鹅肝、美国肉眼薄烧、时令野菜、炒饭、汤及甜品,就算男士都会够饱。仲会每人送一只南非鲍鱼,可谓抵上加抵!第一味菜系前菜三小碟及沙律,味道清爽开胃,作为开胃菜就最好不过啦。


第三道菜系香港人最锺意嘅刺身,包括赤身、油甘鱼、三文鱼、帆立贝及鰆鱼,款款都新鲜厚身,而刺身亦会根据时令而有变化。


更多【新店直击】:
1. 台湾富豪饭堂名厨主理!山顶新开面食专门店 必试清炖鸡汤面
2. 必试芒果冰、芒果糯米饭芭菲 泰国人气芒果甜品店进驻北角
3. 日本人气柚子拉面店登陆尖咀 清爽柚子甘露沾面率先试 (有片)


套餐每人送一只南非鲍鱼,先煎香後焗,鲍鱼厚肉,有浓浓鲍鱼味,点埋盐食鲜味更突出。


加拿大银鳕鱼加入迷迭香及香茜,令味道更丰富,银鳕鱼充满鱼油,一入口感受到香浓鱼油香,鱼肉亦够滑身。


匈牙利鹅肝油脂同样丰富,入口即溶,鹅肝亦大块厚身。底下垫上面包吸油减低腻感。


铁板美国肉眼薄烧只需轻轻一烧卷起就食得,熟成程度啱啱好,入口软腍,牛味亦突出,加入葱粒及乾蒜味道更丰富。配上时令野菜食就无咁易漏啦~


炒饭加入洋葱及蛋等材料炒香,乾身而且粒粒分明。


最後以甜品雪糕作结尾,配上香甜嘅多士,食完真系好满足!


板神铁板烧日本料理   

地址: 观塘骏业街43号地下






文: Yanica

相、片: Tom Li


关键字
观塘
铁板烧
日式
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
4天前
至甜初夏 6月下午茶推介
2020-06-15
甜蜜蜜暑假 7月下午茶推介
2020-07-03
送A4和牛拼盘!最平$298任食两小时 铜锣湾新开鬼怪主题日式烧肉放题店
2020-06-22
【7月生日优惠】免费食酒店晚餐.免费粥底火锅
2020-07-02